রাস্ত্রপতিগী লোইশঙ
ভারতকী রাস্ত্রপতিনা দিৱালীগী নোংমা মাংওইননা নুংঙাইবা ফোংদোকখ্রে
Posted On:
13 NOV 2020 6:11PM by PIB Imphal
ভারতকী রাস্ত্রপতি, শ্রী রাম নাথ কোবিন্দনা লৈবাক মীয়ামদা দিৱালীগী নোংমা মাংওইননা মহাক্কী নুংঙাইবা ফোংদোকখ্রে।
রাস্ত্রপতিনা মহাক্কী পাউজেলদা হায়, “দিৱালীগী শেংলবা থৌরম অসিদা, ঐনা লৈবাক মীয়ামদা অমসুং মীরমদা লৈরিবা ভারত মচা পুম্নমক্তা হায়নীংঙাই লৈতনা নুংঙাইবা অমসুং য়াইফ-পাউজেল পীজরি।
তোঙান তোঙানবা লাইনীং অমসুং কাংলুপ খুদিংমক্না পাংথোক্নরিবা থৌরম অসি লৈবাক অসিগী মীয়ামগী অপুনবা, অফবা ৱাখল্লোন অমসুং নুংশি-চান্নবদা মপাঙ্গল হাপ্লি। থৌরম অসিনা ঐখোয়দা মীওইবগী সেবাগী মায়কৈদা মাং থানা চংশিন্নবা ইথিন পীনবীরি।
লাকলো, থৌরম অসিদা, ৱাশক লৌরসি মদুদি মতৌ অসুম্না চাক্লিবা থাওমৈনা থাওমৈ পুম্নমকপু মৈরা চুখৎপা য়াবগুম্না ঐখোয় খুন্নাইগী লাইরবা, তোল্লবা অমসুং মথৌ তাবশিংগী পুন্সিদা হরাও তয়াম্বা য়েল্লদুনা আশা অমসুং চাউখৎপগী থাওমৈ ওইরসি। দিৱালী অসি লুবা নানবগী কুম্মৈ অমসুনি মরম অসিনা ঐখোয় পোলুশন্দগী নান্থোক্নবা, অকোইবগী ফিভমগা চুনবা অমসুং তরু-তনানবা দিৱালী পাংথোক্তুনা মহৌশাবু ইকাই খুম্নসি।
নুংঙাইবা অমসুং মঙালগী চাউরবা থৌরম অসিদা, লৈবাক অসিগী য়ুমথোং খুদিংদা হরাও-তয়াম্বা, শান্তি অমসুং ৱাৎত-পাদবা য়েনবীবা ওইরসনু।”
*****
(Release ID: 1672776)
Visitor Counter : 164