দিবেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সনেল, পব্লিক গ্রিবান্সেস এন্দ পেন্সন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (আই/সি) দা. জিতেন্দ্র সিংহনা হায়খি মতিক চারবা প্রধান মন্ত্রী শ্রী নরেন্দ্র মোদীগী লুচিং মখাদা দিপার্তমেন্ত ওফ পেন্সন্স এন্দ পেন্সনর্স ৱেলফিয়র (দি.ও.পি.পি.দবল্যু)না পেন্সনরশিংনা মখোয়গী ময়ুমদগী নুংঙাইনা দিজিতেল লাইফ সর্তিফিকেৎ পীদুনা পেন্সনরশিংবু “আত্মানির্ভর” ওইহন্নবা হোৎনরি। কোবিদ-১৯ লাইচৎ অসিনা মরম ওইরগা লাইফ সর্তিফিকেৎ পীশিনবদা পেন্সরশিংনা অৱাবা কয়া মমাংদা মায়োক্নখিবা অসিদা সরকারনা নবেম্বর ১০ ২০২০দগী দিসেম্বর ৩১, ২০২০ ফাওবা লাইফ সর্তিফিকেৎ পীশিল্লকপগী মতম অসি শাংদোকখ্রে হায়না এম.ও.এস.না ফোঙদোকখি।

ঙসি দি.ও.পি.পি.দবল্যু.না শিনবা “পাৱর ওফ থোৎস এন্দ মেদিতেসন ইন কোবিদ-১৯ পেন্দেমিক”কী ৱারী ৱাতাই শাবগী সেসন্দা ব্রহমা কুমারি সিস্তর শীবানিগা ৱারী শাবদা দা. জিতেন্দ্র সিংহনা হায়খি মদুদি কোবিদ-১৯গী লাইচৎ অসি লাকপা অসিদা পেন্সনরশিংনা খ্বাইদগী খুদোংথিবা য়াবা কাংলুপ ওইরিবা সিনিয়র সিতিজেনশিং অসিনা মেদিকেল কিয়রগী মথক্তা মতেং অমসুং মখোয়গী ৱাকৎ তাবীবা মথৌ তারি অমসুং অসিগুম্বা প্রোগ্রামশিং অসিনা মখোয়গী ৱাখল ৱাবগী চাং অসি হন্থহনবদা মতেং পাংদুনা মখোয়গী হকচাংগী অনাবা লাকপদগী ঙাকথোক্লি।

ব্রহমা কুমারি সিস্তর শীবানিবা মরু ওইবা ৱাফম ফোংদোকপগী মওং অসিবু থাগৎলদুনা শ্রী জিতেন্দ্র সিংহনা হায়খি মদুদি সিনিয়র সিতিজেনশিংনা খুন্নাইদা তাকপী-তম্বীগদবা কয়া অমা লৈ অমসুং মখোয়না খঙজিল-হৈজিল্লুবশিংনা খুন্নাইদা অওনবা পুরকপা ঙমগনি। নুংঙাইবা হায়বা অসিদা মরু ওইরিবা অসি মীপুম খুদিংমকপু নুংশিনা লোইনবনি অমসুং অরিবা স্ক্রিপচর পুম্নমক্তা ইদুনা থম্লম্বা পেনথোকপা হৈবা হায়বা অসিনি অমসুং মসি হৌজিক্তি সাইন্সনসু হায়রি মদুদি ৱাখল অমসুং পুক্নিং ইহুল নুংঙাইনা হরাওনা থম্বা অসিনা হকচাং ফনা অমসুং লাইনা-তিন্না চংদনা থম্বা ঙম্মি হায়না মহাক্না হায়খি।

ব্রহমা কুমারি সিস্তর শীবানিনা মহাক্কী ৱারোলদা পুন্সিদা অফবা ওইন্নবা ৱাখল্লোনশিং ফোঙদোকখিবা অদু থাগৎলদুনা মন্ত্রীনা হায়খি কোবিদ-১৯গী লাইচৎ অসিগী মনুংদা পুন্সি মহিং অসি শেমদোকপা তাই মরমদি ফত্তবা ৱাখল্লোনশিং ইশানা থাদোকপা মথো তাই। হৌখিবা চহি খরা অসিদা ভারত্তা চংচৎতা পুন্সি হিংবগী মতম অসি শাংদোক্লবসু চহিশিং অদুদা পুন্সি হাপকদবনি অমদি পুন্সিদা চহি হাপকদবা নত্তে হায়না মহাক্না হায়খি।

মমাংদা প্রোগ্রাম অসিদা ৱা ঙাংবদা ব্রহমা কুমারি সিস্তর শীবানিনা কোবিদ-১৯ লাইচৎ মনুংদা ইশানা অফবা ৱাখল খল্লগা লৈগবনি হায়না হায়খি অমসুং মৈঙাল নীংথিনা থোক্লবা দিয়ানা অতোপ্পা দিয়াশিংদা মৈঙাল পীবগুম অতোপ্পবু থৌনা হাপকদবনি। মখোয়গী সঙস্কারশিং অসিগী মতেংনা মখোয়না মশাগী পুক্নিং-ৱাখল ফাথবা খক নত্তনা য়ুমদা অমদি খুন্নাইদা লৈরিবা মীপুম খুদিংমক্কী পুক্নিং ৱাখলদা থৌনা হাপ্পদা মতেং পাংগনি মরমদি মখোয়না মখোয়গী ইমুং-মনুংশিং অমসুং খুন্নাইদা লৈরিবা নহা ওইরিবা মীওইশিংদা লোইবা নাইদবা মতেং পাংলি, তংদু লৈতানা লৈহল্লি, আশা লৈনা লৈহল্লি অমদি নুংশি চান্ননা লৈহল্লি।

ওনলাইন থৌরম অসিদা দা. কশাত্রপতি শিবাজি, সেক্রেতরী (পেন্সন এন্দ পেন্সনর্স ৱেলফিয়র) অমসুং শ্রী সঞ্জিব নরেন মাথুর, জোইন্ত সেক্রেতরী (পেন্সন এন্দ পেন্সনর্স ৱেলফিয়র) লোইননা অতোপ্পা মকোক থোংবা ওফিসিএলশিং অমসুং পেন্সনর্স এসোসিয়েসনশিংগী থৌ পুরিবশিংনা শরুক য়াখি।

প্রোগ্রাম অসিনা কোরোনাগী লাইচৎ মনুংদা অহল ওইরবা পেন্সরদা ৱাখল নুংঙাইনা লৈনবা পাইতাক পীনবা পান্দম থমখি। দি.ও.পি.পি.দবল্যু.না কোবিদ ১৯গী কাউন্সেলিং, য়োগা সেসনশিং পাঙথোকপা য়াওনা ইম্ম্যুনিতী হেনগৎনবা অমসুং হকচাং ফনা থম্নবা ভিদিও কনফরেন্সকী খুত্থাংদা পেন্সনরশিংগী এসোসিয়েসনগী মতেংনা ইন্দিয়াদা লৈরিবা মশিং য়াম্লবা পেন্সনর্সশিং কন্নেক তৌদুনা পেন্সর্নরশিংগী হকশেলগী সমস্যাশিংগী  মতাংদা খঙহন্নবা প্রোগ্রামশিং অসি শিনবদা অহেন্না খোঙথাংশিং লৌখৎখি।

*****