ৰেল মন্ত্ৰালয়
ভাৰতীয় ৰে’লৱেই ইয়াৰ স্বাস্থ্য সেৱা কেন্দ্রসমূহত এইচএমআইএছ প্ৰয়োগ কৰিবলৈ ৰে’লটেল সংস্থাক জড়িত কৰিছে
प्रविष्टि तिथि:
10 NOV 2020 4:29PM by PIB Guwahati
ভাৰতীয় ৰেলৱেই ইয়াৰ স্বাস্থ্য কেন্দ্রসমূহত ভুৱা ৰোগীৰ চিকিৎসা ধৰা পেলোৱা আৰু সমগ্র চিকিৎসা সেৱা ব্যৱস্থা সুস্থভাৱে পৰিচালনা কৰিবৰ বাবে একক কৌশলগত কাঠামো হিচাপে হাস্পতাল মেনেজমেণ্ট ইনফৰমেশ্যন ছিষ্টেম (এইচএমআইএছ) ৰূপায়ণৰ বাবে ৰে’লটেল কৰ্প’ৰেশ্যন অৱ ইণ্ডিয়া লিমিটেড(ৰে’লটেল)ক দায়িত্ব অৰ্পণ কৰিছে। এইচএমআইএছ হৈছে এনে এক সুসংবদ্ধ চিকিৎসা সংক্রান্তীয় তথ্য বিনিময় ব্যৱস্থা, যাৰ সহায়ত ৰে’লৱেৰ অধীনত ১২৫টা স্বাস্থ্য কেন্দ্র আৰু ৬৫০টা ৰোগ-নির্ণয় কেন্দ্রত প্রশাসনিক ব্যৱস্থা তথা ৰোগীসকলৰ স্বাস্থ্য সেৱা প্রদান সুস্থভাৱে পৰিচালনা কৰা সম্ভৱপৰ হ’ব।
ৰে’লৱেৰ হাস্পতাল আৰু ৰোগ-নির্ণয় কেন্দ্রসমূহত এই আধুনিক ব্যৱস্থা ৰূপায়ণৰ বাবে ৰে’লটেল আৰু ৰে’ল মন্ত্রালয়ৰ মাজত বুজাবুজিৰ চুক্তিপত্র স্বাক্ষৰিত হৈছে। হাস্পতাল মেনেজমেণ্ট ইনফৰমেশ্যন ছিষ্টেম সংক্রান্তীয় ছফ্টৱেৰটো এটা কেন্দ্রীয় পৰিচালনা ব্যৱস্থাৰ জৰিয়তে কার্যকৰী কৰা হ’ব।
এই উপলক্ষে ভাৰতীয় ৰেল বর্ডৰ অধ্যক্ষ শ্রী ভি কে যাদৱে কয়, ৰে’লৱে সকলো ক্ষেত্রতেই ডিজিটাইজেশ্যনৰ দিশত অগ্রসৰ হৈছে আৰু সকলোক্ষেত্রতেই পৰিৱর্তন সাধন কৰি কাম কৰি গৈ আছে। তেওঁ কয়, হাস্পতাল মেনেজমেণ্ট ইনফৰমেশ্যন ছিষ্টেম প্লেটফর্মৰ সৈতে এক অভিনৱ চিকিৎসা আইডেনটিটি ছিষ্টেমৰ যোগসূত্র গঢ়ি তোলা হ’ব, যাতে সহজতে ৰেলৱেৰ হাস্পতাল বা ৰোগ-নির্ণয় কেন্দ্রসমূহত বৈধ ৰোগীসকলৰ চিহ্নিতকৰণৰ কাম সহজ হয়।
উল্লেখ্য যে, ৰেলটেল সংস্থাটোৱে বিভিন্ন ধৰণৰ তথ্য আৰু যোগাযোগ প্রযুক্তি সংক্রান্তীয় সেৱা আৰু পৰামর্শ প্রদান কৰে। এই সংস্থাৰ ডাটা চেন্টাৰ সেৱাৰ জৰিয়তে হার্ডৱেৰ, ছফ্টৱেৰ আৰু ডিজিটেল সেৱা প্রদানৰ লগতে বিভিন্ন ক্ষেত্রত পৰামর্শ প্ৰদান কৰা হয়।
*****
DJN/KG
(रिलीज़ आईडी: 1671851)
आगंतुक पटल : 259