ভারতকী রেলৱেনা হোস্পিতাল মেনেজমেন্ততা সিঙ্গল আর্কিতেকচরদা পুরক্নবগী পান্দমদা অমসুং থবক পাংথোকপদা লাইহন্নবগীদমক্তা হোস্পিতাল মেনেজেন্ত ইনফোর্মেসন সিস্তেম (“ঐচ.এম.আই.এস.”) থবক হৌনবা রেলতেল কোর্পোরেসন ওফ ইন্দিয়া লিমিতেদ (“রেলতেল”)দাতা শিন্নখ্রে, সিস্তেম অসিনা হোস্পিতাল এদমিনিস্ত্রেসন অমসুং অনাবশিংগী হেল্থকেয়র ফগৎহন্নবা ভারত অপুনবদা হেল্থ ফেসিলিতী ১২৫ অমসুং পোলীক্লিনিক্স ৬৫০গীদমক্তা ইন্তিগিরেতেদ ইনফোর্মেসন সিস্তেম অমা ফংহনগনি।

দিপার্তমেন্তশিং অমসুং লেবোরেতরীশিংগী মতুং ইন্না ক্লিনিকেল দেতা কস্তমাইজ তৌবা, মল্তি হোস্পিতাল কন্সল্তেসন, মেদিকেল অমসুং অতৈ খুৎলাইশিংগা লোইননা সীমলেস ইনতর্ফেসনচিংবা সোফৱেয়রগী মগুনশিং য়াওরি অমসুং অনাবশিংদা মখোয়গী মোবাইল দিভাইসতা মপুং ফানা অরোনবা থমদুনা, মখোয়গী মেদিকেল রিকোর্দ পুম্নমক এক্সেস তৌবগী কান্নবা লৈগনি।

রেলতেল অমসুং রেলৱে মন্ত্রালয়না থবক তৌবগী মওং-মতৌগা মরী লৈননা এম.ও.য়ু. অমদা খুৎয়েক পীনৈ। ওপন সোর্স ঐচ.এম.আই.এস. সোফৱেয়র অসি ক্লাউদতা দিপ্লোয় তৌগনি।

লাওথোকখিবা অসিগী মতাংদা ঙাংলদুনা, ভারতকী রেলৱেগী চিয়র্মেন, শ্রী ভি.কে. য়াদবনা হায়, “ঐখোয়না মফম খুদিংমক্তা দিজিতাইজেসন তৌরি অমসুং লেপ্তনা অহোংবা পুরক্লি। ঐচ এম.আই.এস. অসি য়ুনিক মেদিকেল আইদেন্তিতী সিস্তেমগা শম্নরি। আর্তিফিসিএল ইন্তিলিজেন্সতা য়ুম্ফম ওইবা এক্সিলেন্সকী সেন্তর অমদা থবক পায়খৎলি, মসিনা তেক্নোলোজিকেলগী অহোংবশিং অসিদা দ্রাইব তৌগনি, মদু আর্তিফিসিএল ইন্তিলিজেন্স, দেতা এনালাইতিক নত্ত্রগা এপ্তা য়ুম্ফম ওইবা সর্বিসশিং ওইবা য়াই। রেলতেলগা লোইননা ঐখোয়গী স্ত্রেতেজিক্কী মরী অসি মতম পুম্নমক্তা মেরিত্তা য়ুম্ফম ওইরি অমসুং রেলতেলনা ঐখোয়দা ভিদিও সর্ভিলেন্স সিস্তেম, ই-ওফিস সর্বিসশিং, কন্তেন্ত ওন দিমান্দ, ভারতকী মরুওইবা রেলৱে স্তেসনশিংদা ৱাই-ফাইগুম্বা তোঙান তোঙানবা থবকশিং হৌদোকপদা লেপ্তনা মতেং পাংলি।”

থৌরম অদুদা ৱা ঙাংলদুনা, রেলতেলগী চিয়র্মেন অমসুং মেনেজিং দাইরেক্তর, শ্রী পুনীৎ চাউলানা হায়, “সাউথ সেন্ত্রেল রেলৱেদা হোস্পিতাল মেনেজমেন্ত ইনফোর্মেসন সিস্তেম থবক হৌবা অসি প্রফ ওফ কন্সেপ্তকী মওংদা হান্ননা হৌখ্রে অমসুং মসিগী তাঙ্কক নাইবা মওংদা পান ইন্দিয়াগী থাক্তা দিপ্লোয়মেন্ত তৌবগী থবক চৎথরি। রিকোর্দ থমজিনবগী হান্নদগী চৎনরকপা মশক অদুগী মশাগী ঙমখৈ লৈজৈ অমসুং তেক্নোলোজী পুনশিনবা, স্কেল, কোস্ত ইফিসিয়েন্সী, শিজিন্নবদা লাইবা অমসুং অতৈ কান্নবশিং ফংনবগী অমত্তা ঙাইরবা থৌওংনি।”

রেলতেলনা, আই.সি.তি. সর্বিসশিং অমসুং পাম্বৈশিং খুদম ওইনা এম.পি.এল.এস. – ভি.পি.এন., লীজ লাইন সর্বিসশিং, তি.পি.এ.এ.এস., ই-ওফিস & দেতা সর্বিস সেন্তর সর্বিসেস, লার্জ নেতৱর্ক হার্দৱেয়র সিস্তেম ইন্তিগ্রেসন, সোফৱেয়র অমসুং দিজিতেল সর্বিসশিং ফংহল্লি।

***