PIB Headquarters
কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন
Posted On:
09 NOV 2020 5:56PM by PIB Imphal
(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )
- ভারতনা লেপ্তনা নুমিৎ ৩৭নি শুবা ফাওবদা নাবা ফগৎলকপা অসিনা অনৌবা কেসশিংদগী মশিং হেনবগী রিপোর্ত তৌরকখ্রে
- হৌখিবা পুং ২৪দা মীওই ৪৫,৯০৩ কোবিদ-১৯ পোজিতিব ওইখি, হায়রিবা মতম অসিদা মীওই ৪৮,৪০৫ অনাবা ফগৎখি
- ভারত্তা এক্তিব কেসলোদ অসি লেপ্তনা হন্থরক্তুনা হৌজিক লাখ ৫.০৯দা লৈরে
- লৈবাক্কী ফগৎলকপগী চাং অসিসু ৯২.৫৬%দা হেনগৎখ্রে
- ভারতকী অপুনবা পোজিতিবিতী রেৎ অসি ঙসি ৭.১৯%দা তাথখ্রে
- হকশেল মন্ত্রালয়গী তেলিমেদিসিন সর্ভিস ইসঞ্জীভানি কন্সল্তেসন লাখ ৭ শুখ্রে
#Unite2FightCorona
#IndiaFightsCorona
ভারতনা লেপ্তনা নুমিৎ ৩৭নি শুবা ফাওবদা নাবা ফগৎলকপা অসিনা অনৌবা কেসশিংদগী মশিং হেনবগী রিপোর্ত তৌরকখ্রে, পোজিতিব ওইবগী চাং অমসুং নুংতিগী শীবশিং অসি লেপ্পা লৈতনা চাউনা হন্থরকখ্রে
নিনিশুবা নুমিৎকী ওইনা হৌখিবা পুং ২৪ অসিদা রিপোর্ত তৌরকখিবা অনৌবা কেসশিং অসি ৫০,০০০ হেনখিদ্রে। হৌখিবা পুং ২৪দা মীওই ৪৫,৯০৩ কোবিদ-১৯ পোজিতিব ওইখি। কোবিদকা চুনবা চৎন-লোনচৎ ঙাক্না চৎনবা থৌগৎলিবা জন-অন্দোলন মাই পাকপগা লোয়ননা অনৌবা নুংতিগী থেংনবা কেসশিং অসি লেপ্তনা তাথরক্লি। হৌখিবা পুং ২৪দা কেস ৪৮,৪০৫ ফগৎখিবগা লোয়ননা নুমিৎ ৩৭নি শুবা ওইনা নাবা ফগৎলকখিবশিংনা অনৌবা কেসশিংদগী মশিং হেনগৎলক্লি। মসিনা ভারতকী এক্তিব কেসলোদ অসি লেপ্তনা হন্থরক্তুনা হৌজিক লাখ ৫.০৯দা লৈরে। ভারতকী অপুনবা পোজিতিব কেসকী ৫.৯৫% খক্তা ওইদুনা ভারতকী এক্তিব কেস অসি ৫,০৯,৬৭৩ ওইরি। নাবা ফগৎলকপশিংনা অনৌবা কেসশিংদগী হেনগৎলকপগা লোয়ননা নাবা ফগৎলকপগী চাং অসিসু হেনগৎখ্রে। হৌজিক ৯২.৫৬% ওইরি। ঙসি ফাওবদা পুন্না নাবা ফগৎখিবা অসি ৭৯,১৭,৩৭৩ শুখ্রে। নাবা ফগৎলকখ্রবা কেসশিং অমসুং এক্তিব কেসশিংগী মরক্তা লৈবা খেৎনবা অসি তপ্না-তপ্না হেনগৎলক্তুনা ৭৪,০৭,৭০০ য়ৌখ্রে। ভারতকী অনৌবা কেসশিং হন্থরকপা অসিনা অপুনবা পোজিতিবিতী রেৎ অসিসু হন্থরকখ্রে অদুবু তেস্ত তৌবদা মীৎয়েং থম্বা হায়বা অসিনা কেন্দ্র অমসুং রাজ্য/য়ু.তি. সরকারশিংগী খ্বাইদগী মরু ওইবা থৌদাং অমা ওইরি। ভারতকী অপুনবা পোজিতিবিতী রেৎ অসি ঙসি ৭.১৯%দা তাথখ্রে। নৌনা নাবা ফগৎখিবা কেসশিংগী ৭৯%দি রাজ্য অমসুং য়ু.তি. ১০দগী ওইখি। মহারাস্ত্রনা নৌনা নাবা ফগৎখিবা কেস ৮,২৩২ শুবগা লোয়ননা নোংমা খক্তদা খ্বাইদগী য়াম্না নাবা ফগৎখিবগী রিপোর্ত তৌরকখি। কেরেলাদা মীওই ৬,৮৫৩ ফগৎখ্রে অমদি ৬,০৬৯ ফগৎতুনা মহারাস্ত্রনা মতুং ইনখি। অনৌবা কেসশিংগী ৭৯%দি রাজ্য অমসুং য়ু.তি. ১০দগী ওইখি। দিল্লীনা নুংতিগী থেংনবা অনৌবা কেসশিং খ্বাইদগী য়াম্না রিপোর্ত তৌরকখি অমসুং অনৌবা কেস ৭,৭৪৫ ওইবগা লোয়ননা হৌজিক ফাওবদা মশিং খ্বাইদগী য়াম্বসু ওইরি। দিল্লীগী মতুংদা কেস ৫,৫৮৫কা লোয়ননা মহারাস্ত্র অমসুং কেস ৫,৫৮৫কা লোয়ননা কেরেলানা লৈরি। হৌখিবা পুং ২৪দা কেস ৪৯০ শীখিবগী রিপোর্ত তৌরকখি। হৌখিবা পুং ২৪দা শীখিবা অসি ৫০০দগী তানা রিপোর্ত তৌরকপগা লোয়ননা শীখিবশিং অসি মখা তানা হন্থরক্লি। নৌনা শীখিবা ৪৯০ অসিগী মনুংদা ৮১%রোমদি রাজ্য/য়.তি. তরাদগী ওইখি।
অকুপ্পা ৱারোলগীদমক:
দা. হর্শ বর্ধন্না রাজ্য ৯গী হকশেল মন্ত্রীশিং অমসুং মকোক থোংবা রাজ্যগী ওফিসিএলশিংগা লোয়ননা কোবিদ অমসুং পব্লিক হেল্থকী খোঙথাংশিং য়েংশিনখ্রে
হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না রাজ্য ৯গী রাজ্যগী হকশেল মন্ত্রীশিং অমসুং প্রিন্সিপল সেক্রেতরীশিং/এদিস্নেল চীফ সেক্রেতরীশিংগা লোয়ননা ঙসি ৱারী শাখ্রে। রাজ্যশিং অসিদা অন্ধ্র প্রদেশ, অসাম, ৱেস্ত বেঙ্গল, রাজাস্থান, হিমাচল প্রদেশ, তেলঙ্গনা, পঞ্জাব, হরিয়ানা অমসুং কেরেলা য়াওখি। রাজ্যশিং অসিগী মহুৎ শিন্দুনা কুমারি কে. কে. শাইলেজা, হকশেল মন্ত্রী (কেরেলা), শ্রী পিয়ুশ হজারিকা, হকশেল মন্ত্রী (অসাম), শ্রী বালবির সিংহ সিধু, হকশেল মন্ত্রী (পঞ্জাব), শ্রী ইতেলা রজেন্দ্র, হকশেল মন্ত্রী (তেলঙ্গনা), শ্রী রাজিব সাইজল, হকশেল মন্ত্রী (হিমাচল প্রদেশ)না মীফম অসিদা শরুক য়াখি। রাজ্যশিং/ রাজ্যশিং অসিগী জিলা খরদা কেসশিংগী মশিং ৱাংখৎলকপা, নুমিৎ তরেৎনিগী চাংচৎতা য়েংবদা নুংতিগী থেংনবা কেসশিংগী চাংচৎ অসি ৱাংবা, তেস্ত তৌবা হন্থরকপা, হোস্পিতালদা পুখৎলকপগী অহানবা পুং ২৪/৪৮/৭২গী মনুংদা শীবগী চাং ৱাংবা, দব্লিং রেৎ ৱাংবা, খুদোংথিবা য়াবা মীওই কাংলুপশিংগী মরক্তা শীবা হেনগৎলকপগী রিপোর্ত তোরক্লি। দা. হর্শ বর্ধন্না লৈবাক অসিনা লাইচৎ অসিগা লোইন্দুনা লাকপা থা ১১ শুখ্রে অমদি জনুৱারী ৮দা অহানবা কোবিদকী মতাংদা মীফম ফমখি হায়না মীপুম খুদিংমক্তা নীংশিংখি। লাক্কদৌরিবা নীংথমথা অমসুং মতম শাংনা পাঙথোক্কদবা কুমহৈ অসিনা হৌজিক ফাওবদা কোবিদ-১৯দগী পুন্না ফগৎলকপা ঙমখ্রবশিং অসিদা অকাইবা পীবা য়াবা অচৌবা খুদোংথিবা অমা থোহল্লকপা য়াই হায়না মহাক্না হায়খি, “দশেরাদগী হৌরগা মখা তানা দিৱালী, চাৎ পুজা, খ্রিস্তমাস অমসুং মথংগী চহিদা মকর শঙ্ক্রাতি ফাওবা হরাও কুমহৈগী শাংলবা পন্থা অসিগী মনুংদা ঐখোয়না হেন্না চেকশিনবা মথৌ তাই। নীংথমথা মতমদা রেস্পিরেতরী ভাইরস অসিসু হেন্না য়াংনা শন্দোকই।”
অকুপ্পা ৱারোলগীদমক:
দা. হর্শ বর্ধন্না ছত্তিসগরগী হেল্থ অমসুং মেদিকেল এজুকেসন মন্ত্রীগা লোয়ননা প্রধান মন্ত্রীগী জন অন্দোলন ইমপ্লিমেন্ত তৌবগী মতাংদা খন্নখ্রে
হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ছত্তিসগরগী হেল্থ অমসুং মেদিকেল এজুকেসন মন্ত্রী শ্রী ত্রিভুবনেশ্বর সরন সিংহ দেও অমদি ছত্তিসগরগী তোঙান তোঙানবা জিলাশিংগী দিস্ত্রিক্ত মেজিস্ত্রেৎশিং অমসুং ম্যুনিসিপাল কম্মিস্নরশিং য়াওদুনা ঙসি ৱারী শাখ্রে। লাক্কদৌরিবা নীংথমথা অমসুং মতম শাংনা চত্থগদবা হরাও-কুমহৈ অসিনা কোবিদ-১৯দগী ফীভম ফগৎলকখিবশিং অসিদা অচৌবা খুদোংথিবা অমা থোকহল্লকপা য়াবা অসিদা মহাক্না নুংনাংবা পোক্লদুনা দা. হর্শ বর্ধন্না হায়খি, “লাক্কদৌরিবা থা অহুম অসিদা ঐখোয় পুম্নমক্না হেন্না চেকশিনবা মথৌ তাই। মাস্ক উপ্নবা, ফিজিকেল দিস্তেন্স থম্নবা অমসুং খুৎশা তোয়না হাম্নবা ইকাই খুম্নরবা প্রধান মন্ত্রীগী পাউজেল অসি প্রজা খুদিংদা য়ৌহনগদবনি।” ছত্তিসগরগা কোবিদকী ত্রেজেক্তরী অসিগা লৈবাক্কী ত্রেজেক্তরীগা চাংদম্নরদুনা দা. হর্শ বর্ধন্না হায়খি, “ছত্তিসগরগী নাবা ফগৎলকপগী চাং অসি লৈবাক্কী ওইরিবা চাং ৯২% অসিগা য়েংনবদা ৮৭% ওইরি। লৈবাক পুম্বগী ওইরিবা ১.৪৯% অসিগা চাংদম্নবদা রাজ্য অসিনা সি.এফ.আর. ১.১৯% ওইদুনা হেন্না তারি।” রাজ্য অসিনা রাজনান্দগাও, দুর্গ, রাইপুর, বিলাসপুর, রাইগর অমসুং বলোদা-বজারগী জিলাশিংদা পোজিতিবিতী ৱাংবা অমরোমদা ত্রাইবেলগী মফমশিংদা কেস হেনগৎলক্লিবা অসিদা মহাক্না নুংনাংবা ফোঙদোকখি।
অকুপ্পা ৱারোলগীদমক:
দাঃ হর্শ বর্ধন্না ভর্চুএল মীফম অমদা এস.তি.আই.পি.-২০২০দা ইন্দিয়ন সাইন্তিফিক দায়স্পোরাগা লোয়ননা মসিগী মওংদা অহানবা ওইবা পোলিসীগী খন্ন-নৈনবা পাংথোকখ্রে
সাইন্স তেক্নোলোজী, আর্থ সাইন্সেস, অমসুং হেলথ অমসুং ফেমিলী ৱেলফিয়রগী য়ুনিয়ন মিনিস্তর দাঃ হর্শ বর্ধন্না মসিগী মওংদা অহানবা ওইরিবা য়াম্না হৈ-শিংলবা ইন্দিয়াগী দায়স্পোরাগা নই দিল্লীদা থাংজ নুমিৎতা সাইন্স তেক্নোলোজী অমসুং ইন্নোভেসন পোলিসী (এস.তি.আই.পি.)-২০২০দা চেয়র লৌখ্রে। দাঃ হর্শ বর্ধন্না হায় মদুদি কোবিদ-১৯গী অৱাবা থেংনরিবা মরক অসিদা ইন্দিয়া অমসুং মালেম অসিনা লৌখৎলিবা শকতাক পোলিসি অসিগী খোঙথাং অসি হৌখ্রে অমসুং মহাক্না হায়খি মদুদি “ৱা তান্নবা অসি মরু ওইনা এস.তি.আই.পি.-২০২০দা চৎনহন্বা অমসুং চাং নাইনা চৎনবা পান্দম থম্বা অসিনি”
অকুপ্পা ৱারোলগীদমক:
হকশেল মন্ত্রালয়গী তেলিমেদিসিন সর্ভিস ইসঞ্জীভানি কন্সল্তেসন লাখ ৭ শুখ্রে
ভারত সরকারগী হকশেল অমসুং য়াইফ য়ুম্বাল মন্ত্রালয়না হৌদোরক্লিবা নেস্নেল তেলিমেদিসিন সর্ভিস ইসঞ্জীভানি ঙসিদি কন্সল্তেসন লাখ ৭ মপুং ফাখ্রে৷ খ্বাইদগী ইরোই লোইবা কন্সল্তেসন লাখ অমা অদু নুমিৎ ১১নিদা য়ৌবা ঙমখি৷ ও.পি.দি. সর্ভিসশিং ভর্চুয়েল্লী ওইনা ফংহন্নবা হোৎনরিবা মসিগী নোদেল দিজিতেল মোদেলিতী অসি য়াম্না থুনা মীৎচৎ তানখ্রে৷ নোংমদা ইসঞ্জীভানিদা কন্সল্তেসন ১০,০০০ কন্সল্ত তৌবগী রেকোর্দ লৈদুনা মসিনা লৈবাক অসিদা খ্বাইদগী চাওবা ও.পি.দি. সর্ভিসশিংদা ওন্থোরক্লি৷ হেল্থ সর্ভিসশিং তৌবা ঙম্নবা ইন্নোভেতিব ইন্তরভেন্সন অমা ওইনা ইসঞ্জীভানিনা অপিকপা সহরশিং অমসুং খুঙ্গংগী মফমশিংদা শাফু পীবা হৌখ্রে৷ তেলিমেদিসিন অসিনা পেসেন্তশিংদা কান্নবা পীবা খক্তা নত্তনা মসিনা তেলিমেদিসিন প্রেক্তিস তৌরিবা দোক্তরশিংগীদমক্তসু কান্নবা পীরি৷ মমাংগী মতম খরা অসিদা মধ্য প্রদেশ, গুজরাত অমসুং কর্নতাক রাজ্যশিংদা ইসঞ্জীভানি শিজিন্নবা অসি অসুক্কী মতিক কান্নবা ফংখ্রে৷ তামিল নাদু, উত্তর প্রদেশ. কেরলা অমসুং উত্তরাখন্দ রাজ্যশিংদা ইসঞ্জীভানি শিজিন্নবা অসি হান্নদগী হৌনা অসু্ক্কী মতিক ৱাংখ্রে অমসুং মমাংগী থা খরা অসিদা চাং নাইনা শিজিন্নখ্রে৷ ইসঞ্জীভানি অমসুং ইসঞ্জীভানি ও.পি.দি. প্লেতফোর্মশিংদা খ্বাইদগী ৱাংনা কন্সল্ত তৌবগী রেজিস্তর তৌখ্রবা মকোক থোংবা রাজ্য তরা অদুদি তামিল নাদু, উত্তর প্রদেশ, কেরলা, হিমাচল প্রদেশ, আন্দ্র প্রদেশ, মধ্য প্রদেশ, গুজরাত, উত্তরাখন্দ, কর্নতাকা অমসুং মহারাস্ত্রনি৷ সেন্তর ফোর দিভেলপমেন্ত ওফ এদভান্স কমপ্যুতিং(মোহালি)গা লোইননা ভারত সরকারগী হকশেল অমসুং য়াইফ য়ুম্বাল মন্ত্রাসয়না লেপ্পা লৈতনা কেপাবিলিতীশিং হেঙ্গহল্লি অমসুং রাজ্যগী এদমিনিস্ত্রেসনগা কন্সল্ত তৌবা মতমদা ইসঞ্জীভানিদা অনৌবা ফঙ্কসনশিং হাপচিল্লি৷
অকুপ্পাৱারোলগীদমক:
পি.এম.না বারানসীদা তোঙান তোঙানবা চাউখৎ-থৌরাংগী প্রোজেক্তশিং শঙ্গাখ্রে অমসুং উরেপ-উয়ুং তমখ্রে
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা বারানসীদা তোঙান তোঙানবা চাউখৎ-থৌরাংগী প্রজেক্তশিং শঙ্গাখ্রে অমসুং উরেপ-উয়ুং তমখ্রে। প্রধান মন্ত্রীনা ঙসি লুপা করোর ২২০গী স্কিম ১৬ হৌদোকখি অমসুং খঙহনখি মদুদি বারানসীদা লুপা করোর ৪০০গী স্কিম ১৪গী থবক হৌরে। ঙসি হৌদোকখিবা প্রোজেক্তশিং অদুগী মনুংদা, সারনাথ লাইৎ এন্দ সাউন্দ শো, লাল বহাদুর শাস্ত্রী হোস্পিতাল রামনগর চাউথোকহনবা, সিবরেজগী থবকশিং, শনবী য়োকপা অমসুং ঙাকপী-শেনবীনবগীদমক ইনফ্রাস্ত্রকচরগী খুদোংচাবশিং, মখল মখাগী মরু-মরাং থম্ফমশিং, লৌউ-শিংউগী পোৎথোকশিংগী ১০০ এম.তি.গী ৱেয়রহাউস, আই.পি.দি.এস. ফেজ-২, সম্পুর্নানন্দ স্তেদিয়মদা শান্নরোইশিংগী হাউজিং কম্প্লেক্স, বারানসী সিতী স্মার্ত লাইতিং ৱর্ক, লোইননা আঙ্গনৱারী সেন্তর ১০৫ অমসুং গৌ আশ্রয় কেন্দ্র ১০২ য়াওরি।
অকুপ্পা ৱারোলগীদমক:
বারানসীদা তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তম্বগী থৌরমদা প্রধান মন্ত্রীনা থমখিবা ৱারোল
অকুপ্পা ৱারোলগীদমক:
পি.এম.না আই.আই.তি. দিল্লীগী ৫১শুবা কনভোকেসন্দা ৱা ঙাংখ্রে
প্রধান মন্ত্রী শ্রী নরেন্দ্র মোদীনা অনৌবা আই.আই.তি. গ্রেজ্যুএৎশিংদা লৈবাক অসিগী মথৌ তারিবশিং অদু খঙদোক্নবা অমসুং গ্রাউন্দদা লৈরিবা অহোংবশিং অদুগা লোয়ননা চৎমিন্ননবা হায়খি। মহাক্না আত্মানির্ভর ভারতকী লমদা প্রজা মীয়ামগী অনীংবশিং অদুসু মখোয়না খঙদোক্না হায়খি। প্রধান মন্ত্রীনা ঙসি ভিদিও কনফরেন্সিংগী থোংদা অথোইবা মীথুংলেন ওইনা আই.আই.তি. দিল্লীগী ৫১শুবা চহিগী কনভোকেসনগী থৌরমদা ৱা ঙাংখ্রে। কনভোকেসন অসিদা প্রধান মন্ত্রীনা আই.আই.তি.য়ন ২০০০ হেন্নবা অদুবু থাগৎপা ফোঙদোক্লদুনা হায়খি আত্মানির্ভর কেম্পেন অসি লৈবাক অসিগী নহাশিং, তেক্নোক্রেৎশিং অমসুং তেক-ইন্তর্প্রাইজকী লুচিংবশিংদা খুদোংচাবা পীরিবা মিসন অমনি। মহাক্না হায়খি ঙসি তেক্নোক্রেৎশিংগী ৱাখল্লোন অমসুং ইন্নোবেসনশিং অসি নীংখা তম্না ইমপ্লিমেন্ত তৌনবা অমসুং মখোয়বু হেনগৎহন্নবা অমসুং অরাইবা মওংদা য়োন্নবা চুন্নরবা এনভাইরনমেন্ত অমা ফংহল্লি। মহাক্না হায়খি ঙসিদি ভারতনা মহাক্কী নহাশিংনা মখোয়গী ইন্নোবেসনগী খুত্থাংদা মখোয়গী মীচম প্রজা ওইরিবা মীওই করোর কয়াগী পুন্সিদা মখোয়না অহোংবা পুরকপা ঙম্নবা মখোয়দা ‘ইজ ওফ দুইং বিজিনেস’ ফংহনখ্রে। “নখোয়না লৈবাক অসিগী মীয়ামদা ‘ইজ ওফ লিবিং’ ফংহন্নবা খক্তা হোৎনৌ নখোয়দা লৈবাক অসিনা ‘ইজ ওফ বিজিনেস’ পীগনি,” হায়না শ্রী মোদীনা হায়খি। হন্দক অয়াম্বা সেক্তর খুদিংমক্তা পুরকখিবা অচৌবা অহোংবশিং অসি পাঙথোকপদা মসিনা নুংগী ওইবা ৱাখল্লোন ওইখি হায়না মহাক্না ফোঙদোকখি। অহোংবশিং অসিনা মরম ওইদুনা অহানবা ওইনা ইন্নোবেসন অমসুং অনৌবা স্তার্ত-অপশিংগী খুদোংচাবশিং পীখিবা সেক্তরশিং অদু পাউদমখি। মহাক্না হায়খি কোবিদ-১৯না গ্লোবেলাইজেসন অসি মরু ওই অদুবু মসিগা চপ মান্নবা মরোমদোম লেপচবা হায়বা অসিসু মরু ওই হায়বা তম্বীখি।
অকুপ্পা ৱারোলগীদমক:
আই.আই.তি. দিল্লীগী কনভোকেসনগী থৌরমদা প্রধান মন্ত্রীনা থমখিবা ৱারোল
অকুপ্পা ৱারোলগীদমক:
পি.এম.না হজীরাদা রো-পেক্স তর্মিনেল শঙ্গাখ্রে
প্রধান মন্ত্রী শ্রী নরেন্দ্র মোদীনা গুজরাত্তা ভিদিও কনফরেন্সিংগী খুত্থাংদা হজীরাদা রো-পেক্স তর্মিনেল শঙ্গাখ্রে অমসুং হজীরা অমসুং ঘোঘাগী মরক্তা রো-পেক্স ফেরী সর্বিস লমথাখ্রে। মহাক্না মদু শীজিন্নরিবা মফম অদুগী মীয়ামগসু ৱারী শাখ্রে। মহাক্না শিপ্পিং মন্ত্রালয় অসি পোর্তস, শিপ্পিং অমসুং ৱাতরৱেজ মন্ত্রালয় হায়না মমিং ওনখ্রে। থৌরম অসিদা ৱা ঙাংলদুনা ঙসি প্রধান মন্ত্রীনা গুজরাতকী মীয়াম্না মখোয়গী দিৱালীগী খুদোল ফংলে হায়না হায়খি। অফবা কন্নেক্তিবিতী অসিদগী মীপুম খুদিংমক্না কান্নবা ফংলগনি। মহাক্না হায় মসিনা বিজিনেস চাউখৎহল্লগনি অমসুং লম্বী ফাওনবসু হেন্না থুগৎলগনি। মহাক্না মখা তারদুনা হায়খি হজীরা অমসুং ঘোঘাগী মরক্তা লৈরিবা রো-পেক্স সর্বিস অসিনা পুং ১০-১২ চংলম্বা অদু পুং ৩-৪দা হন্থরকপা অসিনা সৌরাস্ত্র অমসুং খা গুজরাতকী মঙলান মঙফাওনহল্লে। মসিনা মতম মাংহল্লোই অমসুং চাদিংসু হন্থহল্লগনি। মহাক্না হায় পেসেঞ্জর ত্রেন ৮০০০০ অমসুং ত্রক ৩০০০০না অনৌবা সর্বিস অসিগী খুদোংচাবা চহি অমগী মনুংদা ফংলগনি। শ্রী মোদীনা হায়খি সৌরাস্ত্র অমসুং সুরৎকী মরক্তা অফবা কন্নেক্তিবিতী অসিনা লমদমশিং অসিগী মীয়ামগী পুন্সিদা অহোংবা পুরক্লগনি। মহাক্না হায়খি উ-হৈ, মনা-মশিং অমসুং শঙ্গোম হৌজিক্তি ইরাই লাইনা পুথোক-পুশিন তৌরগনি অমসুং সর্বিস অসিনা মরম ওইরগা পোলুসন থোকপসু হন্থহল্লগনি। অৱাবা কয়াগী মরক্তা খুদোংচাবা অসি ফংহন্নবা থৌনা লৈনা হোৎনখিবা ইঞ্জিনীয়র, শিন্মী পুম্নমকপু মহাক্না থাগৎপা ফোঙদোকখি। ভাবনগর অমসুং সুরৎকী মরক্তা সমুদ্রগী ওইবা অনৌবা লম্বী শেমগৎপা অসিদা মীয়ামদা য়াইফ-পাউজেল পীখি।
অকুপ্পা ৱারোলগীদমক:
পি.এম. মোদীনা হজীরাদা রো-পেক্স তর্মিনেল শঙ্গাবদা পীখিবা ৱারোল
১৩শুবা অর্বান মোবিলিতী ইন্দিয়া কনফরেন্স “অর্বান মোবিলিতীগী শাহৌরক্লিবা মচৎ” হৌদোকখ্রে
হাউজিং অমসুং অর্বান এফিয়র্স মন্ত্রালয়গী, রাজ্য মন্ত্রী (মনীং তম্বা) শ্রী হরদীপ সিংহ পুরীনা হায়খ্রে মদুদি “অকোইবগী ফিভমগা চুনবা, অপুনবা, দিমান্দগী মতুং ইন্না মশানা তৌজবা অমসুং মরনাইগী ত্রাবেলদা তুংগী মোবিলিতীগী মতুং ইন্না তুংলমচৎকী মিবিলিতী অসি হোৎনবা মখল অমনি। মরুওইবা শহরশিংদা অনৌবা খোংজেলগীদমক্তা পাইখৎলিবা অনৌ-অনৌবা খুদোংচাবশিং খুদম ওইনা ইন্তিলিজেন্স ত্রান্সপোর্তেসন সিস্তেমশিং অমসুং তারিফ মেনেজমেন্ত এপ্লিকেসনশিং অসি হৌজিক পাইপলাইন্দ লৈরি।” মসি ঙসি, শ্রী হরদীপ সিংহ পুরীনা “অর্বান মোবিলিতীগী শাহৌরক্লিবা মচৎ” হায়বা থিম অসিদা পাংথোকপা ১৩শুবা অর্বান মোবিলিতী ইন্দিয়া কনফরেন্সতা হায়খিবনি। প্রোফ. য়ান গেহল, ফাউন্দর অমসুং সেনিয়র এদভাইজর এম./এস. গেহল, শ্রী জৌং বাপতিস্ত জোবারী, ইকোলোজিকেল ত্রান্সিসন মিনিস্ত্রীগী ত্রান্সপোর্ত মন্ত্রী, ফ্রান্স সরকার, দা. ক্লাউদিয়া ৱার্নিংগ, দাইরেক্তর জেনরেল জি.আই.জেৎ, শ্রী দি.এ. মিশ্রা, সেক্রেতরী হাউজিং অমসুং অর্বান এফিয়র্সনা থৌরম অদুদা শরুক য়াখি। মসিদা নত্তনা, মন্ত্রালয়গী সেনিয়র ওফিসরশিংসু কনফরেন্স অদুদা শরুক য়াখি। কফরেন্স অদুদা ৱা ঙাংলদুনা, মন্ত্রীনা হায়খি মদুদি ওইরিবা কোবিদ-১৯ লাইচৎ অসিগী মতুংদা লাক্কদৌরিবা মতম অসিদা ভারতকী অর্বান মোবিলিতীদা অহোংবা অমা পুরকপগী ওইথোকপা লৈ। থৌদোক অসিনা অর্বান ত্রান্সপোর্তকী কুইনা চৎনগদবা চৌউখৎ-থৌরাংগী পান্দমশিং মপুং ফাহন্নবগীদমক লমজিংবগী খুদোংচাবা অমা ফংহল্লগনি। ইকাই খুম্নজরবা প্রধান মন্ত্রী শ্রী নরেন্দ্র মোদীনা হায়বীখিবগুম হৌজিক্কী থৌদোক অসি ‘আত্মনির্ভর ভারত’ শেমবদা খুদোংচাবা অমা ওইনা ওন্থোক্কদবনি, অমসুং মসি মতমগী মনুংদা ৱারেপ লৌবা লোইননা ইনভেস্ত তৌনবগীদমক্তা চপ চারবনি। মরমগী ঐগী মরূপ পুম্নমক আত্মনির্ভরকী অশেংবা ৱাহন্থোক্তি “মরোমদোম লেপচবা ঙম্বা ভারত” হায়বনি। ইনফ্রাস্ত্রকচরদা হেন্না ইনভেস্ত তৌবনা মীয়াম অমসুং পোৎলমশিং হেন্না কান্নবা মওংদা থবক পাংথোকপনা শেন্মিৎলোনগী থাক্তা কান্নবা মওংদা শাফু পীগনি লোইননা অনিসিনা অমত্তা ওইনা হৌজিক্কী মতম অসিদা থবক পীবা অমসুং তুংলমচৎতা চাউখৎপা অমসুং পোৎথোক পুথোকপা হেনগৎহনগনি। কোবিদ-১৯গী মনুং অসিদা অর্বান ত্রান্সপোর্ত্তা ইনোবেসন তৌবগীদমক মনাসু লাওথোকখি।
অকুপ্পা ৱারোলগীদমক:
অরুনাচল প্রদেশকী স্কুলগী অঙাংশিংনা খাদি ফেস মাস্কশিং শীজিন্নরগনি
অরুনাচল প্রদেশকী স্কুলগী অঙাং লিশিং কয়ানা কোবিদ-১৯ লোকদাউন মতুংদা অহানবা ওইনা মখোয়গী স্কুলশিংদা কারকপা মতমদা মখোয়না খাদিগী মচু অহুমগী ফেস মাস্কশিং উপ্লগনি। অরুনাচল প্রদেশ সরকারনা স্কুলশিং নবেম্বর ১৬তগী হাংনবা ৱারেপ লৌখিবা অসিদা খাদি এন্দ ভিলেজ ইন্দস্ত্রীস কম্মিসন (কে.ভি.আই.সি.)না স্কুলগী অঙাংশিংগীদমক খাদিগী ক্বালিতী লৈবা লংজমগী ফেস মাস্ক ৬০,০০০ সপ্লাই তৌখ্রে। মসিগী লৈনবগী ওর্দর অসি য়াম্না মরু ওইখি মরমদি মসি অৱাং নোংপোক ভারতকী রাজ্য সরকার অমনা মশিং য়ামখ্রবা খাদি ফেস মাস্কশিং মখোয়গী মহৈরোয়শিংগীদমক্তা লৌবা অহানবা ওইরি। লৈনবগী ওর্দর অসি নবেম্বর ৩দা থোকখি অমসুং নুমিৎ ৬নি খক্তদা কে.ভি.আই.সি.না থুজিনবা তঙাই ফদে হায়বা খঙলদুনা সরকারদা মথৌ তাবা মাস্কশিং সপ্লাই তৌখি। মতম চানা মাস্কশিং ফংহন্নবা কে.ভি.আই.সি.না কনসাইনমেন্ত অসি প্লেন্দা থারকখি।
অকুপ্পা ৱারোলগীদমক:
য়ুনিয়ন মিনিস্তর অমসুং মমিং লৈরবা দাইবিতোলোজিস্ত দাঃ জিতেন্দ্র সিংহনা হায় মদুদি নিয়ম চুম্না মতম চানা চিঞ্জাক চাবনা লায়নাশিংদগী ঙাকথোকপদা মরুওইবা থৌদাং লৌই
ঙসি য়ুনিয়ন মিনিস্তর দাঃ জিতেন্দ্র সিংহ অমসুং মমিং লৈরবা দাইবিতোলোজিস্তনা হায়রি মদুদি দাইবেতিস্না নারবা মীওইশিংগীদক চাননবা প্রেসক্রাইব তৌরিবা চিঞ্জাকশিং অসি মশা মউ ফরবা মীওইশিংদশু প্রেসক্রাইব তৌরবদি লায়না কয়াদগী ঙাকথোকপা ঙমগনি। ৱাহৌদোক্তা ৱা ঙাংলদুনা অথোইবা অতিথি অসিনা এসোসিএসন ওফ ফিজিসিয়ান ওফ ইন্দিয়ানা শিনবা তোপিক “দিজিতেল আউতরিচ ফোর নোলেজ অপগ্রেসন-দাইবেতিস স্পেসিফিক ন্যুত্রীসন”, অসিদা ৱা ঙাংলদুনা হায় মদুদি কোবিদ অসিনা ইন্দিয়াগী থাইনদগী লৈরক্লবা হিদাকশিং অসিগী অনৌবা মওংদা শিজিন্নফম পুথোক্লে। মালেমগী ওইবা দাইবেতিসকী চয়োল ওইনা শিনবা ৱেবিনারদা দাঃ জিতেন্দ্র সিংহনা হায় মদুদি শ্রী নরেন্দ্র মোদীনা ভারতকী প্রধান মন্ত্রীগী ফম হেক পায়রকপদগী হিদাক লাংথক্কী হীরমদা য়েলহৌগী ওইবা মওংদা সেন্তরনা শিন-লাংবা তৌরি। মহাক্না হায় মদুদি মোদী মহাক খক্তনি য়ুনাইতেৎ নেসন্দা মালেমগী ওইবা য়োগাগী নুমিৎ থম্নবা অয়েৎপা অমত্তা য়াওদনা ৱারেপ তান্নখিবা অসি। মহাক্না অমুকশু মকা তানা হায়খি মদুদি মহাক খক্তনা আয়ুশকী তোঙানবা মিনিস্ত্রী অমা শেমখিবা অসি, মসিনা থায়নদগী লৈরক্লবা য়েলহৌগী হিদাকশিং অসিগী মরুওইবা তাক্লি। কোরোনা অসিনা ঐখোয়দা অনৌবা মহিং অমা তম্বিরিঙৈ অসিদা দাঃ জিতেন্দ্র সিংহনা হায় মদুদি ফিজিসিয়নশিং অসিনা ফার্মাসোলোজিকেলগী ওইবা মওং অসি হোংদোক্তুনা অমসুং লু-নানবা অসিদা হেন্না মরু ওই হায়বা অসি পীখি। মহাক্না পনখি মদুদি কোবিদকী লায়চৎ অসি লোইখ্রবশু হৌজিক চৎনরিবা থাপ্না লৈনবা অমসুং লান্নবা য়াবা লায়নাশিং অসিগী ঙাকথোকপা অসিনা তুংদা অতৈ লায়না কয়া অমদগী ঙাকথোকপা ঙম্লগনি।
অকুপ্পা ৱারোলগীদমক:
ই.এস.আই.সি.গী অতল বীমিত ব্যক্তি কল্যান য়োজনা(এ.বি.ভি.কে.ৱাই.)গী মখাদা ক্লেম তৌনবগী এফিদেবিৎ ফোর্মগী মথৌ তাররোই
ই.এস.আই. কোর্পোরেসন্না ২০.০৮.২০২০দা পাংথোকখিবা মীফমদা, ‘অতল বীমিত ব্যক্তি কল্যান য়োজনা’গী মতম অসি ০১.০৮.২০২০দগী ৩০.০৬.২০২১দা শাংদোকখ্রে। স্কীম অসিগী হৌজিক্কী ওইনা নোংমদা তানবা শেলগী চাংচৎ(অর্নিং) অসি চাদা ২৫দগী চাদা ৫০দা হেনগৎহন্নবা অমদি কোবিদ-১৯গী লায়চৎ মতম অসিদা থবক শুফম লৈত্রবা ৱার্করশিংগীদমক্তা কোমথোকপিবা ওইনা ২৪.০৩.২০২০দগী ৩১.১২.২০২০গী ওইনা মতিক চাবগী থাকশিং অসি কোমথোক্নবগী ৱারেপসু লৌখি। কন্দিসনশিং কোমথোকখিবা অসিগী মখাদা স্কীম অসিগী বেনিফিসিয়রীশিংনা পীরকপা পাউখুমশিং অসি নৈনবা মতমদা এফিদেবিৎ ফোর্ম অসি ক্লেম তৌনবগী কন্দিসনশিং অসিনা ক্লেম তৌরিবশিংদা খুদোংচাদবা লৈহল্লে হায়বা অসি খংবা ঙমখি। ক্লেম তৌরিবশিংনা থেংনরিবা অরুবশিং অসি খন্নরদুনা ক্লেম তৌরিবশিংনা অতল বীমিত ব্যক্তি কল্যান য়োজনাগী মখাদা ক্লেম অদু ওনলাইন্দা পীশিনখ্রবা অমদি মথৌ তাবা দোকুমেন্তশিং অমসুং আধার অমদি বেঙ্ককী ওইবা ৱারোলশিংগী কোপীশিং অদুগী স্কেন তৌরবা কোপীশিং অপলোদ তৌরবশিংনা ক্লেম অদু হকথেংননা তৌবগী মথৌ তাররোই হায়বগী ৱারেপ লৌখ্রে। করিগুম্বা ক্লেম তৌবা মতমদা দোকুমেন্তশিং অদু ওনলাইন্দা অপলোদ তৌদবা তারগদি ক্লেম তৌরিবা মীওই অদুনা অচংবা দোকুমেন্তশিংগা লোয়ননা খুৎয়েক পীরবা ক্লেম অদুগী প্রিন্ত-আওত অদু পীশিনগদবনি। এফিদেবিৎ ফোর্মদা ক্লেম পীশিন্নবগী কন্দিসন অদু লৌথোকখ্রে।
অকুপ্পা ৱারোলগীদমক:
২০২১গী হজ গাইদলাইনশিং মুখতার অবাস নকবীনা লাওথোকখ্রে
কোরোনা লাইনা-লাইচৎ অসি য়েংলগা অফবা অহোংবা অমগা লোইননা মাইনোরিতী এফিয়র্সকী কেন্দ্রগী মন্ত্রী শ্রী মুখতার অবাস নকবীনা হজ ২০২১ লাওথোক্লদুনা হজ ২০২১গী ওনলাইন এপ্লিকেসনগী প্রোসেস ঙসিদগী হৌখ্রে৷ ঙসি মুম্বাইগী হজ হাউস্তা হজ ২০২১ লাওথোকপা মতমদা লাইনা-লাইচৎ অসিগী ফিভম অসিগী মতুং ইন্না নেস্নেল অমসুং ইন্তরনেস্নেল প্রোতোকোল গাইদলাইনশিং অসি চৎনরগনি অমসুং হজ ২০২১গী মতমদা য়াম্না চেকশিন্না ইল্লগনি হায়না শ্রী নকবীনা ফোংদোকখ্রে৷ হজ ২০২১ শরুক য়াবগী অরোইবা মতম অসি ২০২০গী দিসেম্বর ১০নি৷ মীয়ামশিংনা ওনলাইন, ওফলাইন অমসুং হজ মোবাইল এপকী খুৎথাংদা এপ্লাই তৌবা য়াগনি৷ হজ ২০২১ অসি ২০২১গী জুন-জুলাইদা পাংথোক্নবা মতম লেপখ্রে হায়না শ্রী নকবীনা ফোংদোকখ্রে অমসুং কোরোনা লাইনা-লাইচৎ অসি য়েংলগা ভারত অমসুং সাউদি অরাবিয়াদা লৈরিবা মীয়ামগী হকশেল অমসুং য়াইফ য়ুম্বালদা অকাইবা পীদনবা সাউদি অরাবিয়া সরকার অমসুং ভারত সরকার অসিনা ফোংলিবা তঙাই ফদবা গাইদলাইনশিং অসিগী মতুং ইন্না হজ প্রোসেস অসি পাংথোক্লগনি৷ লাইনা-লাইচৎ অসিনা পীরিবা চেলেঞ্জশিং অসি য়েংলগা মাইনোরিতী এফিয়র্স মন্ত্রালয়, হকশেল মন্ত্রালয়, এক্সতর্নেল এফিয়র্স মন্ত্রালয়, সিভিল এভিয়েসন মন্ত্রালয়, ভারতকী হজ কম্মিতী, সাউদি অরাবিয়াদা লৈরিবা ভারতকী এম্বেসী অমসুং জেদাহদা লৈরিবা ভারতকী কন্সল জেনেরেল অমসুং অতোপ্পা এজেন্সীশিংগী মনুংদা য়াম্না কুপ্না খন্নরবা মতুংদা হজ ২০২১গী প্রোসেস অসি হৌখ্রে৷ চৎথরিবা কোরোনা লাইনা-লাইচৎ অসিগী মনুং অসিদা হজ ২০২১গী এরেঞ্জমেন্ত অসি অখন্নবা নোর্মশিং, রুলশিং অমসুং রিগুলেসনশিং, ইলিজিবিলিতী ক্রাইতরিয়া, এজ রেস্ত্রিক্সন, হেল্থ অমসুং ফিৎনেস্কী অৱাৎপশিং অমসুং সাউদি অরাবিয়া সরকারগী অতোপ্পা মরী লৈনবা কন্দিসনশিং য়াওনা স্পিসিয়েল সর্কমস্তেন্সেস্কী মখাদা শিন লাংখ্রে হায়না শ্রী নাখভনা ফোংদোকখ্রে৷
অকুপ্পা ৱারোলগীদমক:
পি.আই.বি. ফিল্দ ওফিসশিংদগী ফংবা পাউ
• মহারাস্ত্র: মহারাস্ত্রদা কোবিদ-১৯ কেস পোজিতিব ওইবগী রেসিও অসি হন্থরকপগী ত্রেন্দ উবা ফংখি। নবেম্বরদা, পোইতিব ওইবগী চাং অসি হৌজিক ফাওবদা ৮.৩৫%গী চাংচত্তা লৈখি। মসিগী রেসিও অসি ওক্তোবরদা ১৫% অমসুং সেপ্তেম্বরদা ২৪%গী ময়াদা লৈরমখি। মহারাস্ত্রদা হৌখিবা চয়োল খরদদা কেসশিংগী মশিংদা লেপ্তনা হন্থরক্তুনা নোংমাইজিং নুমিত্তা অনৌবা কেস ৫,০৫২ থেংনখি। মুম্বাইদা অনৌবা কেস ৯৯৮ থেংনখি।
• গুজরাত: গুরাত্তা নোংমাইজিং নুমিত্তা কোবিদ-১৯গী অনৌবা কেস ১,০২০ থেংনখি অমসুং তরেত শিখী, মসিনা রাজ্য অসিগী অপুনবা মশিং অদু ১,৮০, ৯৮০ য়ৌহনখ্রে অমসুং শিখিবশিংগী মশিংনা ৩,৭৮৮ শুহনখ্রে। হান্না কেস ২০০গী মথক্তা থেংনরম্বা অদুদগী হন্থরবসু, সুরতনা কেস ১৯৪ থেংনখিবগা লোইননা নোংমদা কেস খ্বাইদগী য়াম্না থেংনখিবা লৈদুনা রাজ্য অসিগী খ্বাইদগী মকোক্তা লৈরি। এহমদাবাদতা অনৌবা কেস ১৯৫ থেংনখি।
• রাজস্থান: কোবিদ-১৯গী কেসশিং অমসুং শিবগী মশিং খরা মখৈ হন্থরকখিবগা লোইননা নবেম্বরগী অহানবা চয়োল অসিনা ওক্তোবরগী অরোইবা চয়োলগা চাংদম্নবদা খরা ফবগুম্না তৌই। ওক্তোবরগী অরোইবা চয়োলদা কেস ১২,৫৭১ থেংনখি অমসুং ৮১ শিখি, অদুবু নবেম্বরগী অহানবা চয়োলদা, রাজ্য অসিদা কেস ১২,৪৪৫ থেংনখি অমসুং ৭২ শিখি, হায়রিবা অসি ওক্তোবরগী অরোইবা চয়োল অদুদগী কেস ১২৬ হন্থখি অমসুং শিখিবশিংগী মশিংদা মাপল হন্থখি।
• মধ্য প্রদেশ: থা অমমুক তুমিন্না লৈরুরবা মতুংদা রাজ্য অসিদা কোবিদ-১৯গী এক্তিব কেসকী মশিং অদু হৌখিবা নুমিৎ নিনিদগী অমুক হেনগৎলকপা হৌখ্রে। নোংমদা থেংনবা কোবিদ-১৯ কেসশিংগী অপুনবা মশিং অদুসু নবেম্বর ২দগী লেপ্তনা হেনগৎলক্লি। নোংমাইজিং নুমিত্তা রাজ্য অসিদা অনৌবা কেস ৮৯১ থেংনখি, মসিনা রাজ্য অসিদা হৌজিক ফাওবদা থেংনরকখিবা কোবিদ কেসশিংগী অপুনবা মশিং অদু লাখ ১.৭৭ য়ৌহনখ্রে।
• ছত্তিসগর: ছত্তিসগরদা নোংমাইজিং নুমিত্তা কোবিদ-১৯গী অনৌবা কেস ৩৭৫ থেংনখি, মসিনা ইনফেক্সনশিংগী অপুনবা মশিং অদু ২,০০,৯৩৭ য়ৌহনক্রে হায়না হেল্থ ওফিসিয়েলনা হায়খি। হোসপিতালশিংদগী মীওই ১৫৩ দিসচার্জ তৌখ্রবা মতুংদা ফগৎলকখিবশিংগী মশিং অদু লাখ ১.৭৬তা হেনগৎলকখ্রে অদুগা নুমিৎ অদুমক্তদা পেসেন্ত ১,৯৪০না মখোয়গী হোম আইসোলেশনগী মতম মপুং ফানা লোইশিনখি।
• কেরলা: রাজ্যগী হকশেল মন্ত্রী, কে.কে শাইলাজানা ফোংদোরকখি মদুদি ই-সঞ্জীৱিনিগী উত্থাংদা কোবিদ আউত পেসেন্ত সার্বিসশিং ফংহল্লগনি, হায়রিবা অসি তেলি-কন্সল্তেশনগীদমক্তা অয়ুশমান ভারত হেল্থ ইনিসিয়েতিবকী মখাদা পাইখৎলকখিবা তেলিমেদিসিন সার্বিসনি। পোস্ত-কোবিদ ইশুশিংগীদমক্তা লাইয়েংবগী থবকসু মসিগী প্লেতফোর্ম অসিগী মখাদা পাইখৎলগনি হায়না মহাক্না হায়খি। লাইচৎ অসি থোরক্লবা মতুংদা রাজ্য অসিদা পাইখৎলকখিবা রিভর্স ক্বারেন্তিনগী ইমপাক্ত অদু এনালাইস তৌনবা হোৎনবা ওইনা, কেরলানা অতোপ্পা রাজ্যশিংনা লোকৎলকখিবা আসিগা মান্নবা পাম্বৈশিং অদু চাংদম্নদুনা কমপ্রেহেন্সিব স্তদী অমা হৌদোকখ্রে। মরক অসিদা কোবিদনা মরম ওইরগা থোক্লকপা সাইকিয়াত্রিক ইশুশিংগীদমক্তা মেন্তল হেল্থ স্পেসিয়েলিস্তশিগী মতেং পাম্লিবা মীওইশিংগী হেনগৎলক্লিবা মশিং অসিবু মতেং পাংনবা, হেল্থ দিপার্তমেন্তনা মখোয়গী ইন্তর্ভেন্সন প্রোগ্রামশিং অদু অমুক শেমদোক্নবগীদমক্তা কেন্দ্রগী হকশেল মন্ত্রালয় অমসুং বেঙ্গলুরুদা লৈবা নিমহান্স (এন.আই.এম.ঐচ.এ.এন.এস.)কী রেকমেন্দেশনশিং অদু খন্নরি।
• তামিল নাদু: কোবিদ-১৯ দাইগ্নোস তৌনবা সি.তি. স্কেনশিংগী মপাল কাহেন্না তাংবা অসিগী মতাংদা রাজ্যগী হেল্থ ওফিসিয়েলশিংনা নুংনাংবা ফাওখি; ওএসেন্তশিংনা পি.সি.আর. তেস্তশিং কান্থোক্তুনা অমসুং স্কেনশিং অমসুং ব্লদ তেস্ত ওইনা তৌবা অসিনা লাইয়েংবগী মতম থেংথ্ল্লি হায়না ওফিসিয়েলনা হায়খি। কোবিদ-১৯ শন্দোরকপগী চাং অসি তামিল নাদুগী জিলা ৩দনা হেন্না হেল্লি হায়না চীফ সেক্রেতরীনা হায়খি; ভাইরস অসি থেংনখিবা মীওইশিং খঙদোক্নবা হন্দক্তা পাংথোকখিবা সেরো-সর্ভেশিং অদুদা শরুক য়াখিবশিং অদুগী চাদা ৩০ খক্তমক এন্তিবোদীশিং লৈবা থেংনখি হায়না মহাক্না হায়খি। মদুরাই গোভর্নমেন্ত হোসপিতালগী দোক্তর অমসুং নর্স মরি কোরোনাভাইরস অমুক হন্না নাখ্রে। করিগুম্বা হৌখিবা থা আনিদা রেভেন্যু জেনরেশন তৌখিবা অদুগী মওং অদুনা খুদম ওইরবদি রাজ্য সরকারগী ফাইনান্সশিং, মরু ওইনা স্তেত ঔন তেক্স রেভেন্যু (এস.তি.ও.আর.)গী খুত্থাংদা কলেক্সন তৌবশিং অদু ফগৎলকপগী ফিভমদা লৈরে।
• কর্নাতকা: চিত্রদুর্গানা কোবিদ-১৯ ভেক্সিন সেন্তর থম্লগনি; স্তোরেজ সেন্তর অদুনা অমুক্তা ভেক্সিনগী দোজ লাখ ১০ থম্বগী কেপাসিতী লৈগনি অমসুং মসিগী মতাংদা শেম-শাদুনা লৈখ্রে। রাজ্য অসিদা ওতো রিক্সোশিং অমসুং কেব দ্রাইভরশিং অসি সেন্তরগী অনৌবা মোতোর ভেহিকল এক্ত ২০১৯ অমসুং রাজ্য অসিগী মোতোর ভেহিকল এক্তকী মরক্তা পনন্দুনা লৈরি; অদুবু সেন্তরগী অনৌবা এক্ত অসিনা থবক ওইনা পাংথোক্লবসু, রাজ্য সরকার অসিনা রাজ্য শিনবা থুংনা মসিগী এক্ত অসি চৎনহন্নবগীদমক্তা ওইবা গেজেত্তেদ নোতিফিকেশন থোক্ত্রি। মরমদি ময়াম অমনা কোবিদ কেসশিং হন্থরকপনা মরম ওইরগা মখোয়সু কোমথোরকখ্রে, মন্দ্যাদা লৈরিবা ওথোরিতীশিংনা কোবিদকীদমক্তা থম্লিবা অথিংবশিং অদুগী মতাংদা য়েংশিন্নবা অমসুং এৱেয়রনেস লৈহন্নবা খুঙ্গংগী থাক্তা লৈবা তাস্ক ফোর্স অমা অমুক হন্না শেমগৎলকখ্রে।
• অন্ধ্র প্রদেশ: রাজ্য অসিনা প্রজাশিংগী মরক্তা কোরোনাভাইরসকী লৈরিবা ফিভম অদুবু খঙদোক্নবা অনিশুবা সেরোলোজিকেল সর্ভিলেন্স হৌখ্রে, অমসুং লৈরিবা ফিভম অদুবু লাকশিন্নবা পাম্বৈ কয়া অমা শেমখ্রে। অহানবা সর্ভে অদুদা তাঙ্কক অনি থোক্না পাংথোকখি, অদুগা অনিশুবদনা রাজ্য অসিগী জিলা ১৩ অমুক্তদা সর্ভে তৌখি। অহানবা সর্ভে অদুদা ফংখিবা ফল অদুগী মতুং ইন্না, রাজ্য অসিদা লৈরিবা মীশিং অসিগী চাদা ১৯.৭দি এন্তিবোদীশিং দিবেলপ তৌখ্রে। রাজ্য সরকারনা ভেক্সিন অদুনা মীয়ামগী শিজিন্নবগীদমক্তা হেক লোঞ্চ তৌবগা সরকার অমসুং লনাইগী ওইবা সরকারনা রিকোগনাইজ তৌরবা হোসপিতালশিংদা মখোয়গী পুন্সি অদুবু খুদোংথিবা কয়া মায়োক্নদুনা লৈরিবা কোরোনাভাউরস ৱারিয়রশিং অদুগী থৱায় কনবদা খ্বাইদগী মমরু ওইবা মিৎয়েং চংনবা ৱারেপ লৌখ্রে।
• তেলঙ্গনা: হৌখিবা পুং ২৪দা অনৌবা কেস ৮৫৭ লৈখি, ১৫০৮ ফগৎখি অমসুং ৪ শিখি; কেস ৮৫৭গী মনুংদা ২৫০দি জি.ঐচ.এম.সি.দগী থেংনখি। অপুনবা কেসশিং: ২,৫১,১৮৮; এক্তিব কেসশিং: ১৯,২৩৯; শিখিবশিং: ১৩৮১; দিসচার্জ তৌখিবশিং: ২,৩০,৫৬৮। রাজ্য সরকারনা হাইদ্রবাদ খক্তা নত্তনা রাজ্য শিনবা থুংনা সরকারগী হোসপিতালশিংদা দাইগ্নোস্তিক তেস্তশিং লৈতবা অদু য়েংশিন্নবগী পান্দমদা য়াম্না শিংথানিংঙাই ওইরবা অনৌবা খোংথাং তেলঙ্গনা দাইগ্নোস্তিক্স হৌদোকখ্রে। হাইদ্রবাদ মেত্রোদা পেসেঞ্জর চৎপা লেপ্তনা হেনগৎলক্লি, মসিনা সেপ্তেম্বরদা অনলোক তৌরবা মতুংদা থবক তৌবা হৌখিবদগী থবক নিংথিজনা তৌবগী মতাংদা, দিল্লী মেত্রোগী হেক মথংদা অনিশুবদা লৈহনখি।
• অসাম: অসামদা ঙরাং কোবিদ-১৯গীদমক্তা মীওই ১৫২গী মথক্তা পোজিতিব ওইখ্রে অমসুং পেসেন্ত ৩৯৫ দিসচার্জ তৌখ্রে। অপুনবা কেস মশিং অদু ২০৮৭৮৯দা হেনগৎখ্রে, দিসচার্জ তৌখিবা পেসেন্তশিংগী অপুনবা মশিং ২০১৩৩১ শুখ্রে, এক্তিব ৬৫১২ লৈরি অমসুং ৯৪৩ শিখ্রে।
ফেক্ত চেক
*****
(Release ID: 1671626)
Visitor Counter : 205