কম্ম্যুনিকেসন, এজুকেসন অমসুং ইলেক্ত্রোনিক্স অমসুং ইনফোর্মেসন তেক্নোলোজীগী রাজ্য মন্ত্রী শ্রী সঞ্জে ধোত্রেনা ইন্দিয়া মোবাইল কোংগ্রেস ২০২০গী মরিশুবা ইদিসন ভিদিও মেসেস অমগী খুত্থাংদা লাউথোকখ্রে। আই.এম.সি. ২০২০ অসি দিসেম্বর ৮-১০দা পাঙথোক্নবা মতম লেপখি অমসুং হৌজিক লৈরিবা লাইচৎ অসিনা মরম ওইরগা চহি অসিগীদি ভর্চ্যএল ওইনা পাঙথোক্লগনি।

দিপার্তমেন্ত ওফ তেলিকম্ম্যুনিকেসন (দি.ও.তি.) অমসুং সেলুলর ওপরেতর্স এসোসিএসন ওফ ইন্দিয়া (সি.ও.এ.আই.)না পুন্না শিনবা মমিং লৈরবা থৌরম অসিগী নুমিৎ হুমনিগী প্রোগ্রাম অসিদা শরুক য়ারিবা লৈবাক ৫০+, মালেমগী ৱাঙাংলোয় ১১০+, স্তার্ত-অপশিং, পুং ৩০গী মথক্কী কন্তেন্ত, লোইননা বিজিতর ১৫০০০গী মথক্তা উবা ফংগনি।

চহি অসিগী আই.এম.সি.গী থিম অসি “ইনক্লুজন ইন্নোবসন – স্মার্ত আই সেক্যুর আই সস্তেনেবল”না ওইখি। আই.এম.সি. ২০২০গী পান্দম অসি ইকাই খুম্নরবা প্রধান মন্ত্রীগী আত্মানির্ভর ভারত ( মেক ইন ইন্দিয়া – লমদম অসিদা শাজবা অমসুং ‘মেক ফোর ৱর্ল্দ” অসি ফংবা ঙম্নবা) ৱাখল্লোন, ইন্তরনেস্নেল রিজনেল কোওপরেসন য়োকখৎপা,  অসি খুমাং চাউশিন্নবা হোৎনরিবা অসিগী মান্নরি সতত ভারত – সনাতন ভারতগী ইথিল পীবা (ওপ্তিকেল ফাইবর অমসুং সস্তেনেবল দিবেলপমেন্তনা খুঙ্গং লাখ ৬রোম দিজিতেল ইনক্লুসিবিতী ফংহনবা), সমগ্র ভারত – সক্ষম ভারত খুমাং চাউশিনহনবা (ওন্তর্প্রিনোরশিপ অমসুং ইন্নোবেসন), ফোরেন অমসুং লোকেল ইনবেস্তমেন্তশিং হেনগৎহনবা, তেলিকোম অমসুং হৌগৎলক্লিবা তেক্নোলোজী সেক্তরশিংদা আর এন্দ দি থৌগৎপা, কান্নগদবা রিগুলেতরী অমসুং পোলিসী ফ্রেমৱার্কশিং ফংহনবা হায়রিবা অপাম্বশিং অসিগা মান্নরি। 

চহি অসিগী মরু ওইবা পার্তনরশিংদা দেল তেক্নোলোজীস, রিবন কম্ম্যুনিকেসন্স অমসুং রেদ হেৎ য়াওই। চহি অসিদা ভারতকী খ্বাইদগী চাউবা তেক্নোলোজীগী থৌরম অসিদা মালেম শিনবা থুংবদগী মকোক থোংবা ইন্দস্ত্রী স্তেলৱার্তশিং, রিগুলেতরশিং অমসুং পোলিসী শেম্লিবশিং পুনশিনবা উবা ফংগনি। মসিদা ইন্দস্ত্রীগী সমস্যাশিং, খুদোংচাদবশিং, তুংলমচৎতা ওইরক্কদবশিং অমসুং খুদোংচাবশিংগী মতাংদা খন্ননবা লাইচৎ অসিনা মরম ওইরগা ভর্চ্যুএল ওইনা পাঙথোক্কদবা অসিদা তোঙান তোঙানবা মন্ত্রালয়শিং, তেলকো সি.ই.ও.শিং, মালেমগী সি.ই.ও.শিং অমসুং এস.জি. বোর্দকাস্তিংগী এক্সপর্তশিং, এস.জি. ইন্তর্প্রাইজ সোলুসনশিং, ও.তি.তি. অমসুং সস্তেনেবল ফ্যুচরিস্তশিং শরুক য়াগনি।

এসিয়াগী খ্বাইদগী চাউবা দিজিতেল তেক্নোলোজী ফোরম ওইনা লৌবনা আই.এম.সি.না ইন্দস্ত্রী, সরকার, একাদেমিয়া অমসুং অতোপ্পা ইকোসিস্তেম প্লেয়রশিং পুনশিন্দুনা এস.জি., আর্তিফিসিএল ইন্তেলিজেন্স (এ.আই.), ইন্তরনেৎ ওফ থিংআ (আই.ও.তি.). দেতা এনালাইতিক্স, ক্লাউদ অমসুং এদজ কম্প্যুতিং, ওপন সোর্স তেক, দেতা প্রাইবেসী অমসুং সাইবর সেক্যুরিতী, স্মার্ত সিতীশিং অমসুং ওতোমেসন অসিগুম্বা মরু ওইবা হিরমশিং অসিদা খন্ন-নৈন্নবা অমসুং খ্বাইদগী নৌবা ইন্দস্ত্রী তেক্নোলোজিগী ত্রেন্দশিং উৎনবা মাংজিল থারিবা প্লেৎফোর্ম অমা ওইনা শেমগৎখি।

কর্তেন রাইজরদা ৱা ঙাংলদুনা ইকাই খুম্নরবা কম্ম্যুনিকেসন্স, এজুকেসন অমসুং ইলেক্ত্রোনিক্স অমসুং ইনফোর্মেসন তেক্নোলোজীগী রাজ্যগী মন্ত্রী শ্রী সঞ্জে ধোত্রেনা হায়খি, “ঐখোয়না চেৎনা থাজৈ মদুদি ইন্দিয়া মোবাইল কোংগ্রেস ২০২০ অসিনা তেক্নোলোজীদা য়ুম্ফম ওইবা লৌখৎলোবা থৌরাংশিং মপুং ওইনা উৎকনি মরমদি মসিদা তেলিকম্ম্যূনিকেসনগী ইকোসিস্তেমগী স্তেকহোল্দর পুম্নমক পুন্না পুনশিনগনি অমসুং পোলিসীমেকরশিং, রেগুলেতরশিং অমসুং ইন্দস্ত্রীগা মরী লৈনবা মরু ওইনা হিরমশিংদা কান্নরবা খন্ন-নৈনবা পাঙথোক্নবা অফবা ফোরম অমা ওইরি। ইন্দিয়া মোবাইল কোংগ্রেস অসি ভারত সরকার অমসুং তেলিকোম ইন্দস্ত্রীনা হোৎনরিবশিং অসি লৈবাক অসি খক্তদা নত্তনা মালেম পুম্বদা উৎথোক্নবা খুদোংচাবা পীরিবা অদুগুম্বা মখলগী প্লেৎফোর্ম অমনি।” ভারত সরকারগী কম্ম্যুনিকেসন মন্ত্রালয়গী দি.ও.তি.গী চিয়রমেন, দি.সি.সি. অমসুং সেক্রেতরী (তি) ওইরিবা শ্রী অনশু প্রকাশ অমসুং সি.ও.এ.আই.গী চিয়রমেন, ভারতী এয়রতেলগী সি.ও.ও. ওইরিবা শ্রী অজে পুরিনা থৌরম অসিগী অথোইবা মীথুংলেন ওইখি।

সি.ও.এ.আই.গী. দিরেক্তর জেনরেল ওইরিবা লেফতনেন্ত জেনরেল দা. এস.পি. কোছরনা হায়খি, “ঐখোয়গী ইকাই কুম্নরবা রাজ্যগী মন্ত্রী শ্রী সঞ্জে ধোত্রেনা চহি মরি শুবগী অচৌবা থৌরম অসি মাই পাক্নবা অচৌবা মতেং পাংখিবা অমসুং লমজিং-লমতাকপীখিবা অসিগীদমক মহাকপু ঐখোয়না থাগৎপা ফোঙদোকচরি। মসিদা চাউনা মতেং পাংবীখিবগী অমসুং ইন্দস্ত্রীগী লমদা খুদোচাবা কয়া লৈবা ইনভাইরনমেন্ত অমা পীবগীদমক্তা ভারত সরকারবুসু তৌবিমল খংবা উৎচরি। মতেং পুম্নমক অসিগা লোইননা, ইন্দিয়া মোবাইল কোংগ্রেসনা মশাবু খা এসিয়াগী খ্বাইদগী চাউবা তেক্নোলোজী ওইবা ঙমখি অমসুং দিজিতেল তেক্নোলোজীগী লমদা ভারতকী খ্বাইদগী চাউবা নেৎৱার্কিংগী থৌরম অমা ওইবা ঙমখি। স্তেকহোল্দর পুম্নমক্না অনৌবা তেক্নোলোজীশিং লোঞ্চ তৌনবা অমসুং রিলিজ তৌনবা প্লেৎফোর্ম অমা শীজিন্নগনি হায়বা ঐখোয়না থাজৈ সরকার লোয়ননা ইন্দস্ত্রী অনিমক্তগী ওফিসিএলশিং অমসুং মকোক থোংবা ৱারেপ লৌরিবশিংনা শরুক য়াগনি অমসুং তেক কম্পনীশিংনা লৈবাক অসিগী অচৌবা থৌরম অসিদা ইকোসিস্তেম অসিনা খ্বাইদগী তৌবা ঙম্বশিং অদু উৎকনি।"

সি.ও.এ.আই.গী মতাংদা: সি.ও.এ.আই. অসি ১৯৫তা রেজিস্তর তৌরবা, নন-গভর্নমেন্তেল সোসাইতী অমা ওইনা শেমখি। সি.ও.এ.আই.গী পান্দমদি ভারতবু মোবাইল কম্ম্যুনিকেসন ইনফ্রাস্ত্রকচর, প্রদক্তশিং অমসুং সর্ভিসশিংগী মালেমগী লুচিংবা অমা ওইবা ঙম্বা অমসুং ব্রোদবেন্দ য়াওনা নেস্নেল তেলি দেন্সিতী চাদা ১০০ ফংবা ঙম্বা অসিনি। এসোসিএসন অসিনা মতমগা চুনবা কম্ম্যুনিকেসন খুমাং চাউশিন্নবা অমসুং অনৌবা ৱাখল্লোন পুথোকপগী কান্নবা অমসুং শেল চংদবা মোবাইল কম্ম্যুনিকেসন সর্ভিসশিং ভারতকী মীয়ামদা ফংহনবসু হোৎনরি।

*******