‘ইণ্ডিয়া মোবাইল কংগ্ৰেছ’(আইএমচি) ২০২০ৰ চতুৰ্থ তাঙৰণ অনুষ্ঠিত কৰা সম্পৰ্কীয় তথ্যাৱলী আজি আনুষ্ঠানিক ভাবে ঘোষণা কৰে কেন্দ্ৰীয় ‘যোগাযোগ, শিক্ষা আৰু ইলেক্ট্ৰনিক্স আৰু তথ্য-প্ৰযুক্তি বিভাগ’ৰ ৰাজ্য মন্ত্ৰী শ্ৰী সঞ্জয় ধোত্ৰেই। মন্ত্ৰী শ্ৰী ধোত্ৰেই এক ভিডিঅ’ বাৰ্তা যোগে কৰা এই ঘোষণাৰ তথ্য অনুসৰি অহা ৮ ডিচেম্বৰৰ পৰা ১০ ডিচেম্বৰলৈ ‘আইএমচি ২০২০’ অনুষ্ঠিত হ’ব। ইফালে, অব্যাহত থকা ক’ভিড মহামাৰীৰ পৰিপ্ৰেক্ষিতত এইবেলিৰ ‘আইএমচি’ ‘ভাৰ্চুৱেল’ মাধ্যমৰেই সম্পন্ন কৰাৰ দিহা কৰা হৈছে।

কেন্দ্ৰীয় চৰকাৰৰ ‘দূৰ-সংযোগ বিভাগ’(ঢিঅটি)আৰু ‘চেলুলাৰ অ’পাৰেটৰ্ছ এছোচিয়েশ্যন অব ইণ্ডিয়া’(চিঅএটি)ৰ যুটীয়া প্ৰচেষ্টাৰে অনুষ্ঠিত হ’বলগীয়া সন্মানীয় সন্মিলনখনৰ তিনিদিনীয়া কাৰ্যক্ৰমত ৫০+ প্ৰতিনিধিত্ব প্ৰদানকাৰী দেশ, ১১০+বিশ্বৰ বিশিষ্ট বক্তা, ষ্টাৰ্টআপ প্ৰতিষ্ঠান, ৩০০০+ চিএক্সঅ’ পৰ্যায়ৰ প্ৰতিনিধি আৰু ১৫০০০+ দৰ্শকে অংশগ্ৰহণ কৰিব বুলি আশা কৰা হৈছে।

‘ইনক্লুচীভ ইন’ভেশ্যন-স্মাৰ্ট ছিকিওৰ ছাষ্টেইনেবল’ হ’ব ‘আইএমচি ২০২০’ৰ প্ৰতিপাদ্য বিষয়। ইয়াৰ জৰিয়তে প্ৰধানমন্ত্ৰী শ্ৰী নৰেন্দ্ৰ মোডীয়ে দিয়া ‘আত্মনিৰ্ভৰ ভাৰত’(‘মে’ক ইন ইণ্ডিয়া’, ‘স্থানীয় উত্পাদন আৰু বিশ্বৰ বাবে উত্পাদন’-ৰ প্ৰয়াস)ৰ আহ্বানৰ লগত সংগতি ৰাখি ‘আন্তঃৰাষ্ট্ৰীয় আৰু আঞ্চলিক সহযোগিতাৰ উত্তৰণ সাধন কৰা’, ‘সতত ভাৰত-সনাতন ভাৰত’(‘অ’প্টিকেল ফাইবাৰ’ৰে প্ৰায় ৬ লাখখন গাঁৱক সংযুক্ত কৰা আৰু বহণক্ষম উন্নয়ণ সম্ভৱ কৰা), ‘সমগ্ৰ ভাৰত-সক্ষম ভৰত’(উদ্যমী আৰু উদ্ভাৱন) অভিযানক উত্সাহিত কৰা, বিদেশী আৰু স্থানীয় বিনিয়োগৰ বাবে অভিযান চলোৱা, দূৰ-সংযোগ আৰু ক্ৰমাত্ থন ধৰি উঠা প্ৰযুক্তি খণ্ডৰ ‘গৱেষণা আৰু উন্নয়ণ’ক উত্সাহিত কৰা তথা ইয়াৰ সমৰ্থনৰ বাবে ‘নিয়ামক আৰু নীতি সম্পৰ্কীয় ব্যৱস্থাৱলীৰ দিহা’ কৰাৰ লক্ষ্য নিৰ্দ্ধাৰণ কৰা হৈছে।

*******

RCJ/M/KB