কোরোনা লাইনা-লাইচৎ অসি য়েংলগা অফবা অহোংবা অমগা লোইননা মাইনোরিতী এফিয়র্সকী কেন্দ্রগী মন্ত্রী শ্রী মুখতার অবাস নকবীনা হজ ২০২১ লাওথোক্লদুনা হজ ২০২১গী ওনলাইন এপ্লিকেসনগী প্রোসেস ঙসিদগী হৌখ্রে৷

ঙসি মুম্বাইগী হজ হাউস্তা হজ ২০২১ লাওথোকপা মতমদা লাইনা-লাইচৎ অসিগী ফিভম অসিগী মতুং ইন্না নেস্নেল অমসুং ইন্তরনেস্নেল প্রোতোকোল গাইদলাইনশিং অসি চৎনরগনি অমসুং হজ ২০২১গী মতমদা য়াম্না চেকশিন্না ইল্লগনি হায়না শ্রী নকবীনা ফোংদোকখ্রে৷ হজ ২০২১ শরুক য়াবগী অরোইবা মতম অসি ২০২০গী দিসেম্বর ১০নি৷ মীয়ামশিংনা ওনলাইন, ওফলাইন অমসুং হজ মোবাইল এপকী খুৎথাংদা এপ্লাই তৌবা য়াগনি৷

হজ ২০২১ অসি ২০২১গী জুন-জুলাইদা পাংথোক্নবা মতম লেপখ্রে হায়না শ্রী নকবীনা ফোংদোকখ্রে অমসুং কোরোনা লাইনা-লাইচৎ অসি য়েংলগা ভারত অমসুং সাউদি অরাবিয়াদা লৈরিবা মীয়ামগী হকশেল অমসুং য়াইফ য়ুম্বালদা অকাইবা পীদনবা সাউদি অরাবিয়া সরকার অমসুং ভারত সরকার অসিনা ফোংলিবা তঙাই ফদবা গাইদলাইনশিং অসিগী মতুং ইন্না হজ প্রোসেস অসি পাংথোক্লগনি৷ লাইনা-লাইচৎ অসিনা পীরিবা চেলেঞ্জশিং অসি য়েংলগা মাইনোরিতী এফিয়র্স মন্ত্রালয়, হকশেল মন্ত্রালয়, এক্সতর্নেল এফিয়র্স মন্ত্রালয়, সিভিল এভিয়েসন মন্ত্রালয়, ভারতকী হজ কম্মিতী, সাউদি অরাবিয়াদা লৈরিবা ভারতকী এম্বেসী অমসুং জেদাহদা লৈরিবা ভারতকী কন্সল জেনেরেল অমসুং অতোপ্পা এজেন্সীশিংগী মনুংদা য়াম্না কুপ্না খন্নরবা মতুংদা হজ ২০২১গী প্রোসেস অসি হৌখ্রে৷

চৎথরিবা কোরোনা লাইনা-লাইচৎ অসিগী মনুং অসিদা হজ ২০২১গী এরেঞ্জমেন্ত অসি অখন্নবা নোর্মশিং, রুলশিং অমসুং রিগুলেসনশিং, ইলিজিবিলিতী ক্রাইতরিয়া, এজ রেস্ত্রিক্সন, হেল্থ অমসুং ফিৎনেস্কী অৱাৎপশিং অমসুং সাউদি অরাবিয়া সরকারগী অতোপ্পা মরী লৈনবা কন্দিসনশিং য়াওনা স্পিসিয়েল সর্কমস্তেন্সেস্কী মখাদা শিন লাংখ্রে হায়না শ্রী নাখভনা ফোংদোকখ্রে৷

হজ ত্রাভেল প্রোসেস পুম্নমক লাইনা-লাইচৎ অসি য়েংলগা অফবা চেঞ্জেস অমগা লোইননা পাংথোকখ্রে হায়না শ্রী নকবীনা ফোংদোকখ্রে৷ মসিগী নুংদা য়াওরিবশিং অদুদি একোমোদেসন, পিল্গ্রিমশিংগী লৈবগী মতম, ত্রান্সপোর্তেসন, হেল্থ অমসুং অতোপ্পা ফেসিলিতীশিং  ভারত অমসুং সাউদি অরাবিয়া লৈবাক অনি য়াওরি৷ লাইনা-লাইচৎ অসি লৈনা লৈনা সাউদি অরাবিয়া সরকার অসিনা থোক্লিবা হজ ২০২১গী তঙাই ফদবা গাইদলাইনশিং অদু য়াম চেকশিন্না অমসুং স্ত্রিক ওইনা চৎনগনি হায়না শ্রী নকবীনা ফোংদোকখ্রে৷ কোরোনা লাইনা-লাইচৎ অসিনা মরম ওইরগা হজ শরুক য়াবদা চহী ক্রাইতরিয়া অসি হোংলকপা য়াই৷ প্রিল্গ্রিম খুদিংমক্না ইন্তরনেস্নেল এয়র ত্রাভেল প্রোতোকোলগী মতুং ইন্না হজকী খোংচৎ অদু চৎত্রিঙৈগী পুং ৭২ ৱাৎলিঙৈদা কোরোনা তেস্ত তৌগদবনি৷ প্রিল্গ্রিম খুদিংমক্না মখোয়গী সাউদি অরাবিয়াগী খোংচৎ অদু চৎত্রিঙৈগী মমাংদা নেগেতিব গিজল্তকা লোইননা এপ্রুব লেবোরেতরীনা ইসু তৌরবা পি.সি.আর. সর্তিফিকেৎ অমা পীশিনগদবনি৷

লাইনা-লাইচৎ অসিগী ফিভম অসি য়েংলগা অমসুং এয়র ইন্দিয়া অমসুং অতোপ্পা এজেন্সীশিংদগী পীরক্লিবা ফীৎবেক্ত অসিগী মতুং ইন্না হজ ২০২১গী এম্বার্কেসন পোইন্তশিং অদু ১০দা হন্থখ্রে হায়না শ্রী নকবীনা ফোংদোকখ্রে৷ মমাং মতমদা লৈবাক অসিদা এম্বার্কেসন পোইন্ত ২১ লৈরম্মী৷ হজ ২০২১ অসিগীদমক লৈরিবা এম্বার্কেসন পোইন্ত ১০ অদুদি অহমেদবাদ, বেঙ্গলুরু, কোচিন, দিল্লী, গুৱাহাতি, হাইদরবাদ, কোলকতা, লখনৌ, মু্ম্বাই অমসুং শ্রিনাগরনি৷

অহমেদবাদ  এম্বার্কেসন পোইন্তনা গুজারাত পুম্নমক মতুং চল্লগনি; বেঙ্গলুরুনা কর্নতকা পুম্নমক মনুং চল্লগনি; কোচিন(কোরলা, লক্সদ্বীপ, পুদুচেরী, তামিল নাদু, অন্দামন অমসুং নিকোবর); দিল্লী(দিল্লী, পঞ্জাব, হরিয়ানা, হিমাচল প্রদেশ; চান্দিগর্হ, উত্তরখান্দ, রাজস্থান, উত্তর প্রদেশকী নোংচুপ থংবা জিলাশিং); গুৱাহাতি (অসাম, মেঘলয়, মনিপুর, অরুনাচল প্রদেশ, সিক্কিম, নগালেন্দ); কোলকতা(ৱেস্ত বেঙ্গাল, ওদিশা, ত্রিপুরা, ঝার্খান্দ, বিহার); লখনৌ( নোংচুপ থংবা শরুক য়াওদনা উত্তর প্রদেশকী মফম পুম্নমক); মুম্বাই (মহারাস্ত্র, গোৱা, মধ্য প্রদেশ, ছত্তিশগর, দামন অমসুং দিয়ু, দাদর অমসুং নগর হেভেলি) অমসুং শ্রিনাগর এম্বার্কেসন পোইন্তনা জম্মু-কশ্মীর, লেহ-লদাখ-কার্গিল মনুং চল্লগনি৷

“মেহরাম” (মেল কম্পেনিয়ন)য়াওদবা নুপীগী কাংলুপ অদু হজ ২০২০দা এপ্রিকেসন থাজিনবা অদু হজ ২০২১সু শিজিন্নবা য়ারগনি৷ অসিগীসু মথক্তা “মেহরাম” য়াওদনা হজ ২০২১ অসি শরুক য়াবা পাম্বা নুপী অনৌবা মওং অমা ওইনা শরুক য়াবা য়ারগনি৷ “মেহরাম নত্তবা” কেতিগোরীগী মখাদা লৈরিবা নুপী পুম্নমক লোতরী সিস্তেম অসিদগী লৌথোক্লগনি৷

মুম্বাইদা লৈরিবা সাউদি অরাবিয়াগী রোয়েল ভাইস কন্সল জেনেরেল মুহামদ অব্দুল করিম অল-ইনাজি;  মাইনোরিতী এফিয়র্স মন্ত্রালয়গী সেনিয়র ওফিসিয়েলশিং; ভারতকী হজ কম্মিতীগী সি.ই.ও. শ্রী এম.এ.খান অমসুং অতোপ্পা ইকাই খুম্নরবা মীওইশিংনা থৌরম অদুদা শরুক য়াখি৷

*****