চিয়রমেন শ্রী এন.কে. সিংহনা লুচিংবা তরামঙাশুবা ফাইনান্স কমিসন (XVFC)না, ঙসি মসিগী ২০১২-২২দগীনা ২০২৫-২৬ ফাওবগী মতমগী রিপোর্ত ইকাই খুম্নরবা ভারতকী রাস্ত্রপতিদা পীশিনখ্রে। কমিসন অসিগী মেম্বর, শ্রী অজয় নরায়ন ঝা, প্রোফ. অনুপ সিংহ, দা. অশোক লাহীরি অমসুং দা. রমেশ চন্দ লোইননা কমিসন্দা সেক্রেতরী শ্রী অর্বিন্দ মেহতানা চিয়রমেনগা লোইনখি।

তর্ম ওফ রিফরেন্স (ToR)গী মতুং ইন্না, কমিসন্না ওক্তোবর ৩০, ২০২০ ফাওবগী মনুংদা চহি মঙাগী ওইনা ২০১২-২২দগী ২০২৫-২৬ ফাওবগী মসিগী রিকোমেন্দেসনশিং অসি পীশিন্নবা খঙহনখিবনি। কমিসন্না পীশিনখিবা মসিগী রিকোমেন্দেসনশিং য়াওরবা ২০২০-২১গী রিপোর্ত অদু কেন্দ্র সরকারনা অয়াবা পীখ্রে অমসুং জনুৱারী ৩০, ২০২০দা পার্লিয়মেন্তা পুথোক্তুনা খন্নখি।

কমিসন্দা মসিগী রিকোমেন্দেসনশিং অদু তর্ম্স ওফ রিফরেন্সকী তোপ-তোপ্পা অমদি পাক-চাউরবা ইসুশিংদা পীরক্নবা খঙহনখি। ভর্তিকেল অমসুং হোরাইজোন্তে ওইবা তেক্স, মফমদুগী সরকারগী গ্রান্তশিং, দিজাস্তর মেনেজমেন্ত গ্রান্তশিংদা নত্তনা, কমিসন্দা রাজ্যশিংগী পাৱর সেক্তর, দি.বি.তি. শিজিন্নবা, সোলিদ ৱেস্ত মেনেজমেন্ত অসিনচিংবা য়েংশিন্নবা অমসুং পার্ফোর্মেন্স ইন্সেন্তিবশিংসু রিকোমেন্দ তৌরক্নবা খঙহনখি। কমিসন্দা ঙাক-শেল অমসুং মনুংগী ওইবা শোইদ-ঙাম্নদনবগী ফন্দগীদমক্তা তোঙানবা মেকানিজম অমা থম্বা মথৌ তাবরা করিগুম্বা তারবদি অদুগুম্বা মখলগী মেকানিজম অদু মতৌ করম্না চলাইবা য়াগনি হায়বদুগী মতাংদা য়েংশিন্নবসু খঙহনখি। কমিসন্দা রিপোর্ত অসিদা তি.ও.আর. পুম্নমক অদু কেন্দ্র সরকারদা খুৎশিন্ননবসু খঙহনখি।

রিপোর্ত অসি ভোল্যুম মরি থোক্না খায়দোক্লি। ভোল্যুম I অমসুং IIদা, মমাংদা তৌখিবগুম, মরুওইবা রিপোর্ত লোইননা হাপচিল্লকপশিং য়াওরি। ভোল্যু III অসি কেন্দ্র সরকারদা কৎথোক্লি অমসুং মেদিয়ম-তর্মগী শিংনবশিং অমসুং মাংজৌনবা রোদমেপকা লোইননা মরুওইবা দিপার্তমেন্তশিং লুশিন্না য়েংশিল্লি। ভোল্যুম IV অসি মপুং ফানা রাজ্যশিংদা কৎথোক্লি। কমিসন্না রাজ্য খুদিংমক্কী ফাইন্সশিং য়াম্না লুশিন্না য়েংশিল্লি অমসুং রাজ্যশিংগী নাইতোম মায়োক্নরিবা মরুওইবা শিংনবশিংগী ৱারোইশিন পুথোক্নবা রাজ্যগী অখন্নবা ৱাখল্লোনশিংগা লোইননা লাক্লি।

রিপোর্ত অসি অমুকপু কেন্দ্র সরকারনা সংসদতা পুথোক্লবা মতুংদা, রিপোর্ত্তা য়াওরিবা রিকোমেন্দেসনশিংদা এক্সপ্লেনেতরী মেমোরেন্দম/এক্সন তেকন রিপোর্তকা লোইননা মীয়ামদা (পব্লিক দোমেন্দা) ফংহনগনি। রিপোর্ত অসিগী মখুম অমসুং মমিং অসিসু রিপোর্ত অসিদা তোপ তোপই – “ফাইনান্স কমিসন ইন কোবিদ তাইম্স (কোবিদকী মতমদা ফাইনান্স কমিসন)” অমসুং মখুমদা শিজিন্নরিবা স্কেল অসিনা রাজ্য অমসুং কেন্দ্রগী মরক্তা লৈরিবা খল অদু ফোংদোক্লি।

***