স্পোর্তস মন্ত্রালয়না সেন্তর তরুকপু খেলো ইন্দিয়া সেন্তর ওফ এক্সিলেন্স(কে.আই.এস.সি.ই.)ওইনা এপ্রুব তৌখ্রে অমসুং মখোয়শিং অদু এফ.ৱাই. ২০২০-২১ অসিগীদমক লুপা কোতি ৬৭.৩২ থাদদুনা হৌজিক্তি শেমগৎলগনি অমসুং ওলিম্পিক লেভেল তেলেন্ত অদু খন্দোক্নবা অমসুং শেম-শানবা চহী ৪ চংনা হোৎনরগনি৷

রাজ্য খুদিংমক্তা খন্দোক্লবা সেন্তরশিং অমসুং ফাইনান্সিয়েল সপোর্ত অদুদা য়াওরিবশিং অদুদি:

অসাম :  স্তেতস স্পোর্তস একাদেমী, সরুসজাই-লুপা কোতি ৭.৯৬

মেঘলয় : জে.এন.এস. কমপ্লেক্স, শিল্লোং, মেঘলয়-লুপা কোতি ৮.৩৯

দামন অমসুং দিয়ু : ন্যু স্পোর্তস কমপ্লেক্স সিলভাসা-লুপা কোতি ৮.০৫

মধ্য প্রদেশ : এম.পি. স্তেত একাদেমী-লুপা কোতি ১৯

মহারাস্ত্র : শ্রী শিবচত্রপতি স্পোর্তস কমপ্লেক্স, বলেৱাদি, পুনে-লুপা কোতি ১৬

সিক্কিম : পালজোর স্তেদিয়ম, গেঙ্গতোক-লুপা কোতি ৭.৯১

ইন্নিসিয়েতিব অসিগী মতাংদা ৱা ঙাংলদুনা য়ুথ এফিয়র্স অমসুং স্পোর্তস্কী মন্ত্রী শ্রী কিরেন রিজিজুনা অসুম্না ফোংদোকখ্রে, "লৈবাক অসি শিনবা থুংনা স্পোর্তিং এক্সিলেন্সকী সেন্তরশিং শেমগৎপা অসি ভারতপু ২০২৮ ওলিম্পিক্সতা খ্বাইদগী ৱাংবা লৈবাক তরাগী মনুংদা অমা ওইবা ঙম্নবা ঐখোয়গী অশা অদুগী খোংথাং অমনি৷ ঐখোয়না ৱল্দ-ক্লাস স্পিসিয়েলাইজ ত্রেনিং পীদ্রবদি ঐখোয়না ঐখোয়গী শান্নরোইশিংদগী ওলিম্পিক্সতা থোইদোক হেন্দোক্না অশা ফংবা ঙমলোই৷ হায়রিবা সেন্তরশিং খুদিংমক্না অখন্নবা স্পোর্তিং দিসিপ্লিন অমদা ৱল্দ ক্লাস ত্রেনিং পীরগনি অমসুং লৈবাক অসিদা খ্বাইদগী মরু ওইবা ফেসিলিতী অমা ওইরগনি অমসুং মসিদা স্পোর্ত অদুগী অশা লৈরিবা শান্নরোইশিংনা ত্রেন তৌরগনি৷ রাজ্য খুদিংমক্না কেন্দ্রগী ইন্নিসিয়েতিব অসি পোজিতিভিতী ৱাংনা অমসুং থৱাই য়াওনা সপোর্ত তৌখিবা অসিদা ঐহাক অশুক্কী মতিক নুংঙাই৷"

সেন্তরশিংদা পীরিবা সপোর্ত অদুদি ইনফ্রাস্ত্রকচর এপগ্রেদ তৌবা, স্পোর্তস সাইন্স সেন্তরশিং শেমগৎপা অমসুং ক্বালিতী লৈবা কোচশিং অমসুং স্পোর্তস সাইন্স হ্যুমেন রিসোর্সশিং খুদম ওইনা ফিজিওথেরাপিস্তশিং, স্ত্রেঙ্গ অমসুং কন্দিসন এক্সপর্তশিংগী মওংদা সোফত কম্পোনেন্ত লৈহনবা অসিনা ওই৷ ক্বালিতী ৱাংবা ইক্যুইপমেন্তশিং অদুসু শান্নরোইশিং অসিদসু ফংহল্লগনি৷ স্পোর্তস সাইন্স ইনপ্যুতকী ক্বালিতী পর্ফোমেন্স মেনেজমেন্ত তৌনবা একাদেমী অসিদা পর্ফোমেন্স ৱাংবা মেনেজর অদুসু লৈরগনি৷

স্পোর্তস মন্ত্রালয় অসিনা রাজ্য অমসুং য়ু.তি.গা খুৎশম্নরগা রাজ্য অমসুং য়ুনিয়ন তেরিতোরী খুদিংমক্তা লৈরিবা স্পোর্তিং ইনফ্রাস্ত্রকচর অদু এপগ্রেদ তৌরি অমসুং লৈবাক অসি শিনবা থুংনা রোবস্ত স্পোর্তিং ইকোসিস্তেম অমা শেম্ননবগী পান্দমদা কে.আই.এস.সি.ই. শেমখ্রে৷  কে.আই.এস.সি.ই. খুদিংমক্না ওলিম্পিক স্পোর্তস ১৪দা স্পোর্তস-স্পিসিফিক সপোর্তকা লোইননা শাংদোক্লগনি, মসিগী মনুংদা রাজ্য নত্রগা য়ু.তি. অমদা য়াম্লবদা স্পোর্তস অহুমদা সপোর্ত পীরগনি৷

*****