প্রধানমন্ত্রীগী লোইশঙ
পি.এম.না নবেম্বর ৯দা বরানসীদা তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি অমসুং উরেপ-উয়ুং তমগনি
Posted On:
07 NOV 2020 6:46PM by PIB Imphal
প্রধান মন্ত্রী শ্রী নরেন্দ্র মোদীনা নবেম্বর ৯গী অয়ুক পুং ১০ তাবা মতমদা ভিদিও কনফরেন্সকী থোংদা বরানসীদা তোঙান তোঙানবা চাউখৎ-থৌরাংগী প্রোজেক্তশিং শঙ্গাগনি অমসুং উরেপ-উয়ুং তমগনি। প্রোজেক্তশিং অসিগী পাথোক্লবা চংগদবা অপুনবা শেনফম লুপা করোর ৬১৪নি। প্রধান মন্ত্রীনা থৌরম অসিদা প্রোজেক্তশিং অসিগী কান্নবা ফংলবশিংগা ৱারীসু শানগনি। থৌরম অদুদা উত্তর প্রদেশকী মুখ্যমন্ত্রীসু শরুক য়াগনি।
শঙ্গাগদৌরিবা প্রোজেক্তশিং অদুগী মনুংদা সারনাথ লাইৎ এন্দ সাউন্দ শো, লাল বহাদুর শাস্ত্রী হোস্পিতাল রামনগরগী অপগ্রেদেসন, সীবরেজগা মরী লৈনবা থবকশিং, শনবীশিংগী ঙাক-শেল অমসুং য়োকপী-থাকপীনবগীদমক্তা ইনফ্রাস্ত্রকচরগী খুদোংচাবশিং, মল্তিপর্পজ সীদ স্তোরহাউস, ১০০ এম.তি.গী লৌউ-শিংউগী পোৎথোক থম্ফম, আই.দি.পি.দি.এস. ফেজ ২, সম্পুর্নানন্দ স্তেদিয়মদা শান্নরোইশিংগীদমক্তা হাউজিং কম্প্লেক্স অমা, বরানসী শহরগী স্মার্ত লাইতিংগী থবক, আঙ্গনৱারী সেন্তর ১০৫ অমসুং গৌ আশ্রয় কেন্দ্র ১০২ য়াওরি।
থৌরম অসিদা, প্রধান মন্ত্রীনা দশাশ্বমেধ ঘাত অমসুং খিরকিয়া খাত অমুক হন্না শেমজিনবা, পি.এ.সি. পুলিস ফোর্স, কাশীগী ৱার্দ খরা অমুক হন্না শেমজিনবা, বনিয়া বাগতা পার্ক অমুক হন্না শেমজিনবগা লোইননা পার্কিংগী খুদোংচাবা, গিরিজা দেবী সংস্কৃত সঙ্কুলদা মল্তি-পর্পজ হোল অপগ্রেদেসন তৌবা য়াওনা শহর অসিদা লম্বীশিং শেমজিনবা অমসুং তুরিস্ত মফমশিংগী চাউখৎ-থৌরাংশিংগী উরেপ-উয়ুংসু তমগনি।
***
(Release ID: 1671151)
Visitor Counter : 117
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam