কেন্দ্রগী এম.এস.এম.ই. মন্ত্রালয়না জুলাই ১, ২০২০দগী চৎনবা হৌনবা হৌদোকখিবা এম.এস.এম.ই./উদ্য়ম রেজিস্ত্রেসনগী অনৌবা ওনলাইন সিস্তেম অসি হৌজিক ফাওবদা এম.এস.এম.ই. লাখ ১১ হেনবনা মখোয় মশানা রেজিস্তর তৌরক্তুনা মতম অমদি তেক্নোলোজী অনিগী চাংয়েংশিং মায় পাক্লে‍।

পনবা য়াবা ৱাফমদি এম.এস.এম.ই. মন্ত্রালয়না এম.এস.এম.ই.গী মশক অমদি রেজিস্ত্রেসনগী থৌওং জুলাই ১, ২০২০দগী হৌনা নৌনা শেমদোকখ্রে‍। মসিনা এম.এস.এম.ই./উদ্য়ম রেজিস্ত্রেসনগীদমক অনৌবা পোর্তেল (https://udyamregistration.gov.in) অমসু হৌদোকখ‍ি‍। মদুদগী হৌনা পোর্তেল অসি অপনবা লৈতনা মথৌ তৌরি‍। অচৌবা অহানবা থৌরাং ওইনা পোর্তেল অসি সি.বি.দি.তি. অমদি জি.এস.তি. নেতৱর্ক লোয়ননা জি.ই.এম.গসু অপনবা লৈতনা পুনশিল্লে‍। পনবা য়াবা ৱাফমদি, পুনশিনবা অসিগা ইরোয়ননা হৌজিক এম.এস.এম.ই. রেজিস্ত্রেসনগী থৌওং মপুং ফানা চে চঙদবা থৌওং ওইরে‍।

মন্ত্রালয়না এম.এস.এম.ই.-দেভেলপমেন্ত ইন্সতিত্যুৎশিং, এম.এস.এম.ই. তেক্নোলোজী সেন্তরশিং, এন.এস.আই.সি., কে.ভি.আই.সি., কোইর বোর্দনচিংবা মখোয়গী ফীল্দ এস্তাব্লিসমেন্তশিংদা উদ্য়ম রেজিস্ত্রেসনগীদমক্তা ওন্ত্রপ্রিন্যুরশিংদা মপুং ফানা শৌগৎনবা ৱাফম থমখ্রে‍। মতৌ অসুম্না দিস্ত্রিক্ত মেজিস্ত্রেৎশিং অমদি দিস্ত্রিক্ত ইন্দস্ত্রিজ সেন্তর খুদিংমক্তা এম.এস.এম.ই.শিংগী রেজিস্ত্রেসনগী থৌওং খুমাং চাউশিলহন্নবা ৱাফমসু থমখ্রে‍। রেজিস্ত্রেসনগা মরী লৈনবা এম.এস.এম.ই.শিংগী ৱাকৎশিং চেম্পিয়ন ফম্বাক্না মখোয়গী সেন্ত্রেল কন্ত্রোল রুম অমদি লৈবাক শিনবা থুংনা লৈরিবা স্তেত কন্ত্রোল রুম ৬৮গী খুত্থাঙদা য়েংশিল্লি‍।

ওক্তোবর ৩১, ২০২০ ফাওবদা তৌরকখিবা রেজিস্ত্রেসনশিং (লাখ ১০ হেনবা) নৈনদুনা য়েংবদা লৈরিবা মওং অমদি চাউরাকপা মশক মখাদা পীরি:-

পোত্থোক পুথোকপগী কাঙলুপ্তা এন্তরপ্রাইজেজ লাখ ৩.২৭না রেজিস্তর তৌরকখি অদুগা সর্ভিস সেক্তরগী মখাদা রেজিস্তর তৌরকখিবা এন্তরপ্রাইজেজনা লাখ ৬.৩১নি‍।

মাইক্রো এন্তরপ্রাইজেজকী মশিং চাদা ৯৩.১৭নি অদুগা স্মোল অমদি মেদিয়ম এন্তরপ্রাইজেজকীনা মথংশিৎনা চাদা ৫.৬২ অমদি চাদা ১.২১নি‍।

এন্তরপ্রাইজেজ লাখ ৭.৯৮না নুপাশিংনা মপু ওই অদুগা এন্তরপ্রাইজেজ লাখ ১.৭৩না নুপী ওন্ত্রপ্রিন্যুরশিংনা মপু ওই‍।

এন্তরপ্রাইজেজ ১১,১৮৮না মীমান্নদ্রবা মীওইশিংনা মপু ওই‍।

রেজিস্তর তৌরকপশিংগী মরক্তা মকোক থোংবা ইন্দস্ত্রিএল সেক্তরশিংদি – চানবা পোত্থোক, তেক্সতাইল, এপ্পরেল, ফেব্রিকেতেদ মেতেল পোত্থোক অমদি মেচিনরী অমসুং ইকুইপমেন্তশিংনি‍।

হায়রিবা রেজিস্তর তৌরবা য়ুনিৎশিংনা মীওই ১,০১,০৩,৫১২দা থবক পীরি‍।

উদ্য়ম রেজিস্ত্রেসনদা মকোক থোংবা স্তেত ৫দি মহারাস্ত্র, তামিল নাদু, রাজস্থান, উত্তর প্রদেশ অমদি গুজরাতনি‍।

নৌনা হোংদোরকপগী থৌরাং ওইনা পেন য়াওদনা রেজিস্তর তৌবা ৩১.০৩.২০২১ ফাওবা য়ারি‍।

মতৌ অসুম্না নৌনো হোংদোরকপগী থৌরাং ওইনা জি.এস.তি. নম্বর য়াওদনা রেজিস্ত্রেসন তৌবা ৩১.০৩.২০২১ ফাওবা য়ারি‍।

রেজিস্তর তৌদ্রিবা এন্তরপ্রাইজেজশিংনা এম.এস.এম.ই. মন্ত্রালয় অমদি অতৈ লৈঙাক্কী এজেন্সীশিংগী কান্নবশিং ফংনবগীদমক মখোয় মশানা রেজিস্তর তৌশিনগদবনি‍। রেজিস্ত্রেসন তৌবদা শেল চঙদে অমদি .gov.in. য়াওবা লৈঙাক্কী পোর্তেল খক্তদা তৌগদবনি‍।

ওন্ত্রপ্রিন্যুরশিংদা শেনজিন শাজিনবা অমদি লান্না লমজিংবা ৱেবসাইতশিং/পোর্তেলশিংদগী চেকশিন্না লৈনবা পাউতাক পীরি‍। মতেং মথৌ তারবদি, ওন্ত্রপ্রিন্যুরশিংনা মনাক নকপা দি.আই.সি.শিং নৎত্রগা মন্ত্রালয়গী চেম্পিয়ন কন্ত্রোল রুমগা পাউ ফাওনবা য়াগনি নৎত্রগা ঐখোয়গী পোর্তেল https://champions.gov.in দা ইরকপা য়াগনি‍।

*****