পাৱর মন্ত্রালয়গী প্রাইভেৎ সেক্তর য়ুনিৎ অমা ওইরিবা নেস্নেল থর্মেল পাৱর কোর্পোরেসন লিমিতেদ এন.তি.পি.সি. লিমিতেদনা মহাক্কী রাইজিং দেগী মাংওইননা নেস্নেল বিল্দিংদা অমদি ভারত অসি মপাঙ্গল লৈহন্নবগী ৱাশক অদু অমুক হন্না নিংশিংহল্লি।  এন.তি.পি.সি.লিমিতেদ অসি ভারতকী মৈ খ্বাইদগী য়াম্না পুথোকপা কম্পনি অমনি, নবেম্বর ৭, ১৯৭৫দা মহাক্কী পান্দম অদু মপুং ফানা পাংথোক্নবগী খোংচৎ অদু চৎপা হৌখি অমদি লৈবাক অসিগী কাচিন-কোয়া য়ৌনা মৈ ফংহনবদা অথোইবা থৌদাং লৌরি। মসিনা ভারতকী পাৱর সেক্তর চাউখৎহন্নবা অমদি অহোংবা পুরক্নবগী ওইবা মথংগী খোংথাং অদু মায় পাক্না পাংথোক্নবগীদমক্তা মপুং ফানা থৌরাং তৌরে।  

রাইজিং দে অসি ওনলাইনগী প্লেৎফোর্মদগী পাংথোক্কনি অমদি কোবিদ থোরকপনা মালেম অসিগী শেন্মিৎলোন্দা চৈথেং পীরিবা অসিগী মরক্তা করি থোক্লগনি হায়বা খংদ্রবা মতম অসিদা লাপথোক্না লৈনদুনা থৌরম অসি পাংথোক্কনি। এন.তি.পি.সি.না লৈবাক অসিদা মৈ অসি অপনবা লৈতনা শোইদনা ফংহন্নবগীদমক্তা চহি অসিগী হৌরকপদা লোকদাউনগী তাঙ্কক্কী মতমদা পুং কুনমরী চুপ্না থবক তৌখিবা অসিনা মরম ওইরগা মসিগী রাইজিং দে অসি অখন্নবা ওইহল্লি।  মৈ অসি ঐখোয়গী পুন্সিদা থানবা য়াদ্রবা শরুক অমনি অমদি মসি লোকদাউনগী মতমদা ইমর্জেন্সি সর্ভিসশিং অরৎপা লৈতনা ফংহনবদা অমদি পুন্সি কন্নবা ইক্বিপ্মেন্তশিং অসি নিংথিনা মথৌ পাংথোকহনবদা খুদোংচাহল্লিবা অসিদা পুং ২৪ চুপ্না নুমিৎ ৭নি মৈ ফংহনবা অসি অসুক্কী মতিক মরু ওইবা হায়বসি চপ চানা চুম্লবা ৱাফম্নি হায়বা তাকখ্রে। মসিদগী এন.তি.পি.সি.দা অতোপ্পা থৌদাংশিং হেন্না লৌরক্লি অমদি দিমান্দগী হেন্না সপ্লাই তৌখি। হকশেলগী থবক তৌবশিং অমদি মরুওইবা সর্ভিশশিং ফংহল্লিবশিং য়াওনা মমাং থানা থবক তৌরিবা কোরোনা ৱারিয়রশিংনা শিংথানিংঙাই ওইবা থবক তৌরি অদুবু মসিগী তমথিরবা লায়চৎ অসিনা পাৱর ঈঞ্জীনিয়রিংশিং অসিসু অনৌবা থৌনা ফবশিংগী মনুং চলহনখ্রে।  এন.তি.পি.সি. অসি হৌখিবা চহি ৪৫দা পাৱর সেক্তরগী ওইনা থোইদোকপা মওংদা মাংজিল থাদুনা লাক্লি। এন.তি.পি.সি.না হৌজিক  গিগাৱাৎ ৬২ মৈ পীরিবা অসিদগী হেনগৎলগা ২০৩২ ফাওবদা গিগাৱাৎ ১৩০গী কেপাসিতী লৈবা কম্পনি ওইনবগী থৌরাং য়াৎলি। রিন্যুএবল ইনর্জীগী মায়কৈরোমদা মালেমগী ওইবা ত্রেন্দ অসিগী পরিংদা ইনর্জী অসি অরুবা সোর্স অমা ওইরিবা অসিদা  এন.তি.পি.সি.না মসিগী রিন্যুএবল ইনর্জীশিং অসিগী থোংদগী মেগাৱাৎ ৩২,০০০গী কেপাসিতী নত্রগা মাগী অপুনবা পাৱর পোর্তফোলিওগী চাদা ২৫ ফংনবা থৌরাং তৌরি।  হৌজিক-হৌজিক এন.তি.পি.সি.গী রিন্যুএবল ইনর্জী(আর.ই.) মেগাৱাৎ ২,৪০৪গী প্রোজেক্ত অসি থবক পাংথোক্লি, মসিগী মনুংদা মেগাৱাৎ ২৩৭দি এন.তি.পি.সি.গী লৈরিবা স্তেসনশিংদা লৈরিবা রিজর্ভরদা লৈরিবা ফ্লোত্তিং প্রোজেক্তশিংদগী ওইথোকপা ঙম্বনি। তশেংনমক নন-পি.পি.এ.গী মোদতা শেমগৎকদৌরিবা রামাগুন্দম মেগাৱাৎ ১০০ ফ্লোত্তিং সোলর প্রোজেক্ত অসি লৈবাক অসিগী ওইনা খ্বাইদগী অচৌবনি।

রিন্যুএবল ইনর্জীগী মায়কৈরোমদা মথং-মনাও নাইনা ওন্থোরক্লিবা অসিদা   এন.তি.পি.সি.গী তুং-কোইনা মৈ পুথোকপা অমদি মহৌশাগী অকোইবগী ফীভম অসি শোকহন্দনবগীদমক্তা লৌখিবা ৱাশক্কী শরুক অমনি। হৌজিক-হৌজিক এন.তি.পি.সি.না এফ.জি.দি. ইক্বিপ্মেন্তশিং থবক্তা শিজিন্ননবগীদমক্তা শেল য়াম্না পুথোক্লি, মসিদগী মাং-তাক্নিংঙাইগী মশক ওইবশিং ইমিসন তৌরকপা হন্থহন্নবগীদমক্তা মহাক্কী তোঙান-তোঙানবা কোয়লাদা য়ুম্ফম ওইবা পাৱর প্লান্তশিংগী ওইনা গিগাৱাৎ ৬০দগী হেনবা কেপাসিতীগী থৌরাং য়াৎখ্রে।

অকোয়বগী ফীভমগীদমক্তা থম্বা ৱাফমগী শরুক ওইনা এন.তি.পি.সি.না সেক্তর অসিগী ওইনা ‘অহানবা’ ওইনা থবক কয়া পাংথোকখ্রে। এন.তি.পি.সি. অসি ইন-ফীল্দ ক্রোপ রেসিদ্যুশিং অসি মৈ থাদুনা মৈ থোকহন্নবগীদমক্তা এগ্রো রেসিদ্যুশিং অসি শিজিন্নবগী মায়কৈরোমদা থবক চত্থরি। এন.তি.পি.সি.না বোইলরদা কেয়লাগা লোয়ন-লোয়ননা বাইওমাসকী মচেৎ-মকাইশিং অসি মৈ থাদোক্নবগী থৌদাং লৌগনি হায়বগী অয়াবা পীখ্রে।

এন.তি.পি.সি. পাৱর প্লান্তনা জিরো লিক্বিদ দিসচার্জ সিস্তেম অমদি রেন ৱাতর হার্ভেস্তিং সিস্তেম অসি থবক ওইনা পাংথোকহন্দুনা ঙাক্না চৎকদবা চৎন-কাংলোনশিংগী ৱাংমা লান্না ঈশিং কঞ্জুম তৌবগী মতাংদা অনৌবা বেঞ্চমার্ক অমা শেমখ্রে। অপাইবা উৎ অসি চাদা ১০০ শিজিন্নবা অসি এন.তি.পি.সি.গী অতোপ্পা অথোইবা থবক অমনি।

কোবিদ-১৯গী লায়চৎ অসিগী মতমদা এন.তি.পি.সি.না মাগী এম্প্লোয়ীশিংগীদমক্তা তোঙান-তোঙানবা লর্নিং এন্দ দিভেলপমেন্ত(এল.এন্দ.দি.)গী থবক-থৌরাংশিং চৎনহন্দুনা মখোয়গী ওইনা হেন্না য়াইফনবগীদমক্তা ৱাশক্লি।

ভারতকী খ্বাইদগী য়াম্না মৈ পুথোক্লিবা অসিনা দিজিতেল ৱেবিনার এদাপ্ত তৌখ্রে অমদি অনৌবা কোর্সশিং অসি এম্প্লোয়ীশিং য়াওনা মাগী ইমুংশিংফাওবা য়ৌহন্নবগীদমক্তা ওনলাইন কোর্সশিং শেমখ্রে। এন.তি.পি.সি.না এম্প্লোয়ীশিংগী য়াইফনবগীদমক্তা আর্ত ওফ লিভিং, ঈশা ফাউন্দেসন অমদি অতোপ্পা ওর্গানাইজেসন কয়া অমগসু শম্নখ্রে।

এন.তি.পি.সি.না কোয়লা, গ্যাস, হাইদ্রো, সোলর অমসুং নুংশিৎকী ইনর্জীগী সেক্তরদা শিংথানিংঙাই ওইবা থবক তৌবগা লোয়ননা বাইওমাস, ৱাস্ত-তু-ইনর্জী, মোবিলিতীগী লমদসু চংশিল্লকখ্রে অমদি  হৌজিক কেপ্তিব ওইবা ইন্দস্ত্রীদগী কান্নবা ফংবসু হৌরে।  এন.তি.পি.সি. অসিনা লৈবাক অসিগী ওইনা হেন্না মরুওইবশিং অমদি মালেমসিগী ওইবা অহোংবশিংগা লোয়ননা চাউখৎপগা মরি লৈননা লেপ্তনা মাংজিল থানা চংশিনগনি।

******