প্রধানমন্ত্রীগী লোইশঙ

পি.এম.না ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌখ্রে


ভারতনা ইনবেস্তরশিংগী দেমোক্রেসী, দেমোগ্রাফী, দিমান্দ লোয়ননা দাইবর্সিতী ফংহল্লি: পি.এম.

অচৌবা সহরশিং খক্তা নত্তনা অপীকপা সহরশিং অমসুং তাউনশিংদসু ইনবেস্তমেন্তশিং তৌনবা ফোঙদোকখি

ভারতনা থাজনীংঙাই ওইবগা লোয়ননা রিতর্নশিং, দেমোক্রেসীগা লোয়ননা দিমান্দ, সস্তেনেবিলিতীগা লোয়ননা স্তেবিলিতী অমসুং গ্রীন এপ্রোচকা লোয়ননা চাউখৎপা ফংহনগনি: পি.এম.

সরকারনা ভারতপু মালেমগী গ্রোথ রিসর্জেনন্সকী ইঞ্জিন ওইহন্নবা অঙম্বা মখৈ তৌগনি:পি.এম.

হৌখিবা চহিগা চাংদম্নবদা হৌখিবা থা ৫ অসিদা এফ.দি.আই. ইনফ্লোশিংদা ১৩% হেনগৎখি: পি.এম.

আত্মানির্ভর ভারত অসি মঙলান অমা খক্তা নত্তে মসি নীংথিনা য়াৎলবা শেন্মীৎলোগী লালোংনি: পি.এম.

Posted On: 05 NOV 2020 8:50PM by PIB Imphal

ঙসি প্রধান মন্ত্রী শ্রী নরেন্দ্র মোদীনা ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌখ্রে

রাউন্দতেবল অসিদা ৱা ঙাংলদুনা প্রধান মন্ত্রীনা হায়খি চহি অসিদগী, ভারতনা মালেমগী লাইচৎ অসি থৌনা ফনা লান্থেংনবদা, মালেম অসিনা ভারতকী লৈবাক্কী ওইবা লমচৎ অমসুং ভারতকী অশেংবা মপাঙ্গল অদু উবা ফংখি। মহাক্না হায়খি লাইচৎ অসিনা ভারত মচাশিংবু খঙনরিবা মগুনশিং ওইরিবা থৌদাং লৌবা ঙম্বগী ৱাখল্লোন, মীনুংশি লৈবগী ৱাখল্লোন, লৈবাক্কী অপুনবগী শক্তম ঙাকপা অমসুং অনৌবা ৱাখল্লোন পুথোকপগী ইনোৎ অদু মাই পাক্না উৎপা ঙমখি।

প্রধান মন্ত্রীনা ফোঙদোকখি মদুদি ভাইরস অসি লান্থেংন্দুনা লোয়ননা শেন্মীৎলোন্দা তাংদাংবা অমা পুরক্তুনা ভারতনা হন্দক্কী লাইচৎ অসি থেংনবদা শিংথানীংঙাই ওইবা মওংদা অখাং কনবা অদু উৎখি। মহাক্না মখা তারদুনা হায়খি অখাং কনবা অসিনা ভারতকী সিস্তেম মপাঙ্গলদা, মীয়ামনা মতেং পাংবদা অমসুং সরকারগী পোলিসীশিং তাংদাংবা ফীভমদা পুরকপদা থৌনা হাপখি।

প্রধান মন্ত্রীনা হায়খি অরিবা চৎনবীশিং লৈতবা অনৌবা ভারত অমা শেমগৎলি অমসুং ঙসিদি, ভারত অসি অফবগীদম্তা অহোংবা নাইরক্লি। মহাক্না মখা তারদুনা হায়খি ভারতনা আত্মানির্ভর ওইননবা হোৎনরিবা অসি মঙলান অমা খক্তা নত্তে, মসি নীংথিনা য়াৎলবা শেন্মীৎলোগী লালোং অমনি। মহাক্না হায়খি লালোং অসিনা ভারতপু মালেমগী মেন্যুফেকচরিং পাৱর-হাউস অমা ওইনবা ভারতকী বিজনেসশিংগী কেপেবিলিতীশিং অমসুং ৱার্করশিংগী স্কিলশিং অদু শীজিন্নবদা পান্দম থম্লি। শ্রী মোদীনা হায়খি, মসিনা অনৌবা ৱাখল্লোনশিং পুথোকপদা মালেমগী সেন্তর অমা ওইহন্নবা লৈবাক অসিগী তেক্নোলোজীগী মপাঙ্গল শীজিন্নবদা পান্দম থম্লি অমসুং মশাগী য়াম্লবা হ্যুমেন রিসোর্সশিং অমসুং মখোয়গী তেলেন্তশিং অদু শীজিন্নদুনা মালেমগী চাউখৎ-থৌরাংদা শরুক য়ানবা পান্দম থম্লি।

প্রধান মন্ত্রীনা হায়খি ঙসিদি, ইনভেস্তরশিংনা এনভাইরনমেন্তেল, সোসিয়েল অমসুং গোভর্নেন্স (ই.এস.জি.) স্কোর ৱাংবা কম্পনীশিংগী মায়কৈদা তম্না চংশিল্লি। মহাক্না ভারত অসি অসিগুম্বা সিস্তেমশিং লৈবা অমসুং ই.এস.জি. স্কোর রেঙ্ক ৱাংবা কম্পনীশিং লৈবা লৈবাক অমা হায়না তাকখি। মহাক্না হায়খি ভারতনা ই.এস.জি.দা চপ মান্নবা মীৎয়েং থম্বগা লোয়ননা চাউখৎলকপগী লম্বী চংশিনবদা থাজবা থম্লি।

প্রধান মন্ত্রীনা হায়খি ভারতনা ইনবেস্তরশিংদা দেমোক্রেসী, দেমোগ্রাফী, দিমান্দ লোয়ননা দাইবর্সিতী ফংহল্লি। মহাক্না হাবখি “ঐখোয়গী দাইভর্সিতী অসুম্না তৌই, মসিদা নখোয়না মার্কেত অমগী মনুংদা মার্কেত ময়াম অমা ফংগনি। মসিদা পোকেত সাইজ মখল কয়া অমসুং অপাম্বা মখল কয়াগা লোয়ননা লাক্কনি। মসি মওং মতৌ কয়া অমদি চাউখৎ-থৌরাংগী থাক মখল কয়াগা লোয়ননা লাকই।”

সমস্যাশিংগীদমক্তা তুং-কোইগদবা অমসুং সস্তেনেবল ওইবা সোল্যুশনশিং পুরক্নবা, খ্বাইদগী হেন্না ফবা অমসুং অশোই-অঙাম য়াওদনা তুং কোইগদবা রিতর্নশিং লাক্কদবা, ত্রস্ততা ফন্দশিং অদু পীনবা ইনবেস্তরশিংগী মথৌ তাবা অদু খঙনবা সরকারনা করম্না খোঙথাং লৌখৎপগে হায়বগী মতাংদা প্রধান মন্ত্রীনা শন্দোক্না ফোঙদোকখি। মহাক্না মেন্যুফেকচরিং পোতেন্সিয়েল অদু ফগৎহনবদা অমসুং ইজ ওফ দুইং বিজিনেস ফগৎহনবদা পান্দম থম্লিবা সরকার অসোগী তোঙান তোঙানবা থৌরাং অদু লাউথোকখি।

মহাক্না হায়খি, “ঐখোয়না ঐখোয়গী মেন্যুফেকচরিং পোতেন্সিয়েল অদু ফগৎহন্নবা থৌরাং মখল কয়া লৌখৎখ্রে, ঐখোয়না জি.এস.তি.গী মওংদা ৱান নেসন ৱান তেক্স সিস্তেম চৎনহনখি, মসি কোর্পোরেত তেক্সকী চাং খ্বাইদগী নেম্বশিংগী মরক্তা অমা ওইরি অমসুং অনৌবা মেন্যুফেকচররশিংগীদমক্তা অহেনবা ইন্সেন্তিব হাপচিনখ্রে, আই.তি. এসেস্মেন্ত অমসুং আপীলগীদমক্তা ফেস-লেস রেজিম, ৱার্করশিংগী য়াইফ-থৌরাং পুরক্নবা অনৌবা লেবর লোশিং অমসুং এম্প্লোয়রশিংগীদমক্তা ইজ ওফ দুইং বিজনেস। অখন্নবা সেক্তরশিংদা প্রোদক্সনগা লিঙ্ক তৌবা ইন্সেন্তিব স্কীমশিং অমসুং ইনভেস্তরশিং লমজিং-লমতাকপীনবা ইন্সতিত্যুসনগী ওইবা এরেঞ্জমেন্তশিং হেন্না মপাঙ্গল কনখৎহনবা ।”

প্রধান মন্ত্রীনা ফোঙদোকখি মদুদি ভারতনা নেস্নেল ইনফ্রাস্ত্রকচর পাইপলাইনগী মখাদা ত্রিলিয়ন দোলর ১.৫ ইনবেস্ত তৌনবগী অচৌবা থৌরাং অমা লৈ। লৈবাক অসিদা শেন্মীৎলোন চাউখৎনবা অমসুং লায়রবশিং শৌগৎপীনবা পান্দমদা পাইপলাইন অসিগী মখাদা ভারত্তা থৌরাং তৌখিবা তোঙান তোঙানবা সোসিএল অমসুং ইকনোমিক ইনফ্রাস্ত্রকচর প্রোজেক্তশিং মহাক্না লাউথোকখি। মহাক্না হায়খি ভারতনা লৈবাক শিনবা থুংনা হাইৱেশিং, রেলৱেশিং, মেত্রোশিং, ৱাতর-ৱেশিং, এয়রপোর্তশিংগী অচৌবা ইনফ্রাস্ত্রকচর অমা শেমগৎনবা খোং থাংজিনখ্রে। মহাক্না হায়খি নিয়ো-মিদল ক্লাসকীদমক্তা শেল চংদনা য়ুম মিলিয়ন কয়া শাগৎনবা থৌরাং তৌরি। মহাক্না অচৌবা সহরশিংদা খক্তা নত্তনা অপীকপা সহরশিং অমসুং তাউনশিংদসু ইনবেস্তমেন্তশিং তৌনবা অপাম্বা ফোঙদোকখি অমসুং মহাক্না হায়অসিগুম্বা সহরশিংদা চাউখৎ থৌরাং পুরক্নবা মিসন-মোদ স্কীমশিং ইমপ্লিমেন্ত তৌরি।   

প্রধান মন্ত্রীনা ফাইনান্সিএল সেক্তর চাউখৎহন্নবা অপুনবদা কান্নবা ফংহনগদবা লালোংগী মতাংদা ফোঙদোকখি। কমপ্রিহেন্সিব বেঙ্কিং সেক্তর রিফোর্মশিং, ফাইনান্সিএল মার্কেতশিংগী মপাঙ্গল কনখৎহনবা, ইন্তরনেস্নেল ফাইনান্সিএল সার্বিস সেন্তরগীদমক্তা য়ুনিফাই তৌরবা ওথোরিত, খ্বাইদগী লিবরেল ওইবা এফ.দি.আই. রেজিমগী মনুংদা অমা, ফোরেন কেপিতেলগীদমক্তা খ্বাইদগী ফবা তেক্স রেজিম অমা, ইনফ্রাস্ত্রকচর ইনবেস্তমেন্ত ত্রস্ত অমসুং রিয়ল ইস্তেত ইনবেস্তমেন্ত ত্রস্তগুম্বা ইনবেস্তমেন্ত ভেহিকলশিংগীদমক্তা চুনবা পোলিসী রেজিম, ইন্সোলভেন্সী অমসুং বেঙ্ক্রপসী কোদ ইম্প্লিমেন্ত তৌবা, দাইরেক্ত বেনিফিৎ ত্রান্সফর অমসুং রু-পেকার্দশিং অমসুং ভিম-য়ু.পি.আই.গুম্বা ফিন-তেক্তা য়ুমফম ওইবা পেমেন্ত সীস্তেমশিং অসিগী খুত্থাংদা ফাইনান্সিএল এম্পাৱরমেন্ত তৌবা অসিগুম্বা ফাইনান্সিএল সেক্তর চাউখৎহন্নবা লৌখৎপা অচৌবা থৌরাং খরা অদু মহাক্না ফোঙদোকখি।

প্রধান মন্ত্রীনা হায়খি অনৌবা ৱাখল্লোন পুথোকপা অমসুং দিজিতেলগী মতাংদা অনৌবা খোংথাংশিং পাইখৎপা হায়বসি হান্নদগী সরকারগী পোলিসীশিং অমসুং রিফোর্মশিংগী ওইনা য়াম্না মরু ওইদুনা লাকখি। মহাক্না হায়খি ভারতনা মালেম অসিদা স্তার্ত-অপশিং অমসুং য়ুনিকোর্নশিংগী মশিং খ্বাইদগী য়াম্না লৈবশিংগী মরক্তা অমা ওইরি অমসুং হৌজিকসু য়াম্না খোঙজেক য়াংনা খুমাং চাউশিল্লি। মহাক্না সরকার অসিনা লনাইগী এন্তর্প্রাইজশিং চাউখৎহন্নবা পাইখৎখিবা থৌরাংশিং অদু লাউথোকখি।  মহাক্না হায় ঙসি ভারতকী সেক্তর খুদিংমক্না মেন্যুফেকচরিং, ইনফ্রাস্ত্রকচর, তেক্নোলোজী, এগ্রিকলচর, ফাইনান্স অমসুং হেল্থ অমসুং এজুকেশনগুম্বা সোসিয়েল সেক্তরশিংদা ফাওবা চাউখৎলক্লি।

প্রধান ন্ত্রীনা হায়খি লৌউ-শিংউদা নৌবা রিফোর্মশিং পুরকখিবা অসিনা ভারতকী লৌমীশিংগা পুনশিন্নবা অনৌবা খুদোংচাবা কয়া অমা পীরি। মহাক্না হায়খি তেক্নোলোজী অমসুং মতমগা চুনরবা প্রোসেসিং তৌবগী পাম্বৈশিং অসিগী মতেংগা লোয়ননা ভারত অসি অথুবা মতমদা লৌউ-শিংউগী এক্সপোর্ত হব অমা ওইরক্লনি। নেস্নেল এজুকেশন পোলিসী অসিনা মফম অসিদা ফোরেন য়ুনিবর্সিতীশিংগী কেম্পস লিংখৎনবা খুদোংচাবা পীরিবা অদু পাউদমখি। মালেমগী ইনবেস্তর কম্ম্যুনিতী অসিনা ভারতকী তুংলমচৎতা ওইরক্কদবা অদুদা থাজবা উৎলকপসিদা মহাক্ন হরাওবা ফোঙদোকখি। মহাক্না মখা তারদুনা হায়খি হৌখিবা থা ৫ অসিদা মমাংগী চহিগা চাংদম্নবদা এফ.দি.আই. ইনফ্লোশিং অসি চাদা ১৩ হেনগৎলকখ্রে।

কনাগুম্বা অমনা থাজনীংঙাই ওইবগা লোয়ননা রিতর্নশিং পাম্লবা, দেমোক্রেসীগা লোয়ননা দিমান্দ পাম্লবা, সস্তেনেবিলিতীগা লোয়ননা স্তেবিলিতী পাম্লবা অমসুং গ্রীন এপ্রোচকা লোয়ননা চাউখৎপা পাম্লবদি ভারত অসি মদু ওইথোক্কদবা মফম্নি প্রধান মন্ত্রীনা হায়না ফোঙদোকখি। মহাক্না হায়খি ভারতকী চাউখৎ থৌরাং অসিনা মালেমগী ইকোনোমিক রিসর্জেন্স পুরকপা ঙম্বগী পোতেন্সিয়েল লৈ। মহাক্না মখা তারদুনা হায়খি ভারতকী মাই পাকপা অমা হেক্তনা মালেমগী চাউখৎ-থৌরাং অমসুং য়াইফ-থৌরাংদা য়াম্না চাউনা অহোংবা পুরক্কনি। মহাক্না হায়খি অরিংবা অমসুং ভাইব্রেন্ত ওইবা ভারতনা মালেমগী লৈরিবা শেন্মীৎলোবগী মওং-মতৌ অসিদা তাংদাংবা অমা পুরকপদা শরুক য়াগনি। ভারতপু মালেমগী গ্রোথ রিসর্জেন্সকী ইঞ্জিন অমা ওইহন্নবা সরকার অসিবা অঙম্বা মখৈ তৌগনি হায়না মহাক্না ইনবেস্তরশিংদা থাজবা পীখি।

থৌরম অসিগী মতুংদা সি.পি.পি. ইনবেস্তমেন্তসকী প্রসিদেন্ত অমসুং সি.ই.ও. ওইরিবা মিস্তর মার্ক মচিন্না হায়খি, “ভি.জি.আই.আর. ২০২০ রাউন্দতেবল অসি য়াম্না কান্নবা অমা ওইখি অমসুং কান্নরবা ফোরম অমনি মসিনা সরকারনা ভারতকী শেন্মীৎলোন ফগৎহন্নবা অমসুং ভারত্তা ইন্তরনেস্নেল ইন্সতিত্যুস্নেল ইনবেস্তমেন্ত খুমাং চাউশিনবা হেনগৎহন্নবা থম্লিবা ৱাখল্লোন অদু ঐখোয়দা খঙহক্লি। ঐখোয়গী লোং-হোরিজন ইনবেস্তমেন্তগী লালোং, গ্রোথ মার্কেৎশিংদা মীৎয়েং থম্বদা ভারত অসি মরু ওই, অমসুং ইনফ্রাস্ত্রকচর, ইন্দস্ত্রিএল অমসুং কঞ্জুমর সেক্তরশিংদা হৌজিক লৈরিবা ইনবেস্তমেন্তশিং অসি হেন্না ফগৎহন্নবা ঐখোয়গী অপাম্বা লৈ।”

ভারতকী মরমদা ৱা ঙাংলদুনা কেস দি দিপোৎ এৎ প্লেসমেন্ত দু কুবেক (সি.দি.পি.ক্যু.)গী প্রসিদেন্ত অমসুং সি.ই.ও. মিস্তর চার্লস এমোন্দনা হায়খি, “সি.দি.পি.ক্যু.গী ওইনদি ভারত অসি য়াম্না মরু ওইবা মার্কেৎ অমনি – ঐখোয়না রিন্যুএবলশিং, লোজিস্তিকশিং, ফাইনান্সিএল সর্বিসশিং অমসুং তেক্নোলোজী-ইনেবল সর্বিসশিংদা অসিগুম্বা সেক্তরশিং অসিদা বিলিয়ন কয়া ইনবেস্ত তৌখ্রে – অমসুং লাক্কদৌরিবা চহিশিংদা হেন্না হেনগৎহন্নবা ঐখোয়না পান্দম থম্লি। ভারতকী মপাঙ্গল লৈবা শেন্মীৎলোন অমা ওইহনবদা মতেং পাংগদবা খুদোংচাবশিং খন্ননবা মালেমগী ইনবেস্তরশিং অমসুং বিজিনেসকী লুচিংবশিংগী ওইবা রাউন্দতেবল অসি পাঙথোকপগীদমক ঐহাক্না প্রধান মন্ত্রী অমসুং মহাক্কী সরকারবু থম্মোয় শেংনা থাগৎপা ফোঙদোকচরি।”

য়ু.এস.এ.গী তীচর রিতায়রমেন্ত সিস্তেম ওফ তেকসেসকী চীফ ইনবেস্তমেন্ত ওফিসর মিসতর জেস ওবীনা মহাক্না ভারতকী মরমদা ফাওবা অমসুং রাউন্দতেবল অসিদা শরুক য়ারকপগী মতাংদা মহাক্কী ৱাখল্লোন ফোঙদোকখি, “২০২০ ভের্চ্যুএল গ্লোবেল ইনবেস্তর রাউন্দতেবলদা শরুক য়াবা ফংজবা অসিদা ঐহাক্না নুংঙাইবা পোকই। খুমাং চাউশিল্লিবা শেন্মীৎলোন অমসুং মার্কেৎশিংদগী কান্নবা ফংগদবা এসেৎশিংদা পেন্সন ফন্দ ইনবেস্তরশিংনা মখোয়গী পোর্তফোলিয়োগী অচৌবা শরুকশিং থাদরি। ভারতনা লৌখৎলিবা স্ত্রকচরেলগী রিফোর্মশিং অসিনা তুংলমচৎতা অচৌবা কান্নবা পীগদবা অসিগুম্বা মপাঙ্গল কনবা য়ুম্বী অমা শেমগৎপা ঙম্লগনি।ৎব”

***



(Release ID: 1670671) Visitor Counter : 169