অকোইবগী ফিভম অমসুং ঊমংগী মন্ত্রালয়
অইং-অশাগী খল হোংলকপগী মতাংদা প্রাইবেত সেক্তরগী দিক্লারেসন অসি পুৱারি ওইরবা খোঙথাং অমনি: শ্রী প্রকাস জাবরেকার
অইং-অশাগী খল হোংলকপগী হিরমদা ইন্দিয়া সি.ই.ও ফোরম্না সরকার অমসুং প্রাইবেত সেক্তরগী মরক্তা মতম কুইরবা অমসুং তুংকোইনা চৎনগদবা মরুপ-মপাংগী মরী শেমগৎলে
Posted On:
05 NOV 2020 4:22PM by PIB Imphal
ইনভাইরোনমেন্ত, ফোরেস্ত অমসুং ক্লাইমেত চেঞ্জগী মিনিস্তর শ্রী প্রকাস জাবরেকারনা হায়খ্রে পেরিস এগ্রিমেন্তদা লৈবাক অসিনা শকখিবা ৱাশকশিং ঙাক্নবা ভারতনা মাঙলোমদা চঙশিল্লি অমসুং লৈবাক অসিগী নেসনেল্লি দিতরমাইন্দ কন্ত্রিবুসনস(এন দি সি)গী মাইকৈদা লৈবাক অসিনা থবক পায়খৎলি। দিগ্রি ২গী য়ানখিবা ৱাফমশিং ঙাকপা লৈবাক খরগী মনুংদা ভারত য়াওরে, সরকার খক্তগী থাক্তা নত্তনা লনাইগী থাক্তা ফাওবদা ঐখোয়গী কৎথোকপা উৎলে অমসুং ৱাশক ঙাক্লে।
ভর্চুএল ওইনা পাংথোকপা অইং-অশাগী খল হোংলকপগী মতাংদা ইন্দিয়া সি.ই.ও ফোরমদা মরুওইবা ইন্দস্ত্রি ২৪গী লুচিংবশিং অমসুং ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা খুৎয়েক পীনখিবা অইং-অশাগী খল হোংলকপগী দিক্লারেসন অমা ফোঙবা থৌরমদা শ্রী জাবরেকারনা হায়খি লনাই কম্পেনিশিংনা মশানা য়ানা দিক্লারেসন অসিদা শরুক য়াবা অসি পুৱারি ওইবা খোঙথাং অমনি।
Tweet
ফোরমদা ৱা ঙাংবদা শ্রী জাবরেকারনা হায়খি মালেম অসিনা ৱাহৈ কয়া হায়রি অমসুং পাউতাক কয়া শন্দোক্লি অদুবু থবক ওইনা পাংথোকপা অসিনা হেন্না অরুবা অমনি। ভারতনা পায়খৎলিবা থবক অসি য়ুনাইতেৎ নেসন্স ইকোসিস্তেম অমসুং য়ু.এন.এফ.সি.সি.ইনা খঙজিনগনি অমসুং মখোয় মশাগী কার্বোন থাদোক্তনবা থৌরাংশিং লাউথোক্কনি অমসুং থবক ওইনা পাংথোক্কনি হায়না ঐনা খল্লি।
মহাক্না হায়খি কার্বোন থাদোক্তনবা মখোয়না করি থবকশিং পায়খৎলবগে হায়বা অমসুং পোল্লুসন থোকহনবা থবকশিংগী মতাংদা ঐখোয়না থবক লৌখৎনবা সরকারদা খঙহন্নবা কোর্পোরেতশিংনা সরকারদা পাউ পীগদবনি। চাউখৎলবা লৈবাকশিংদগী শেন-থুম অমসুং তেক্নোলোজিগী মতেং লৌনবা অমসুং ভারতনা মাংজিল থাবা ঙম্নবা ঐখোয় অমতা ওইনা থবক তৌমিন্নগদবনি।
থৌরম অদুদা মরুওইবা তোঙান-তোঙানবা ইন্দস্ত্রিশিং হায়বদি তাতা, রিলাইন্স, অদানি গ্রুপ, মহিন্দ্রা, সন ফার্মা, দোক্তর রেদ্দি অসিনচিংবগী সি.ই.ওশিং অমসুং লুচিংবশিংনা ২০২০গী মতুংদা মখা তানা কার্বোন থাদোকপা হন্থহন্নবা মখোয়গী পান্দমশিং অমসুং নুংশিৎ শেংদোক্নবা পায়খৎলিবা থবকশিং থমখি। পেরিস এগ্রিমেন্তগী মখাদা লৈবাক অসিনা অইং-অশাগী খল হোংলকপগী মতাংদা তঙাইফনা পাংথোক্কদবা থবকশিং পাংথোক্নবা অমসুং লৈবাক অসিগী য়াইফনবা থবক পাংথোক্নবা সরকারনা পায়খৎলিবা থবকশিংদা মখোয়না থাজবা থম্লি অমসুং শৌগৎকনি হায়বা ৱাফম কোর্পোরেত সেক্তরনা থমখি।
কার্বোন চাং য়ামদনা থাদোকপা শেন-থুম তানবগী থবকশিং পায়খৎপা অমসুং ভারতকী এন.দি.সিগী পান্দমশিং ফংনবা অইং-অশাগী খল হোংলকপগী মতাংদা মশানা য়ানা থবকশিং পাংথোকপদা প্রাইবেত সেক্তরনা মরুওইবা থৌদাং অমা লৌরি।কিয়োতো প্রোতোগোলগী লু-নানবা চাউখৎ-থৌরাংগী থবকশিংদা ভারতনা শরুক য়াবগী কান্নবা প্রাইবেত সেক্তরসু ফংলে অমসুং পেরিস এগ্রিমেন্তগী আর্তিকল ৬ থবক ওইনা পাংথোকপা অসিনা অইং-অশাগী খল হোংলকপা কন্নবা অমসুং তুংকোইনা চাউখৎনবা পান্দমশিং ফংনবা মখা তানা খুদোংচাবশিং পীরে।
অইং-অশাগী খল হোংলকপগী মতাংদা য়ুনাইতেদ নেসন্স ফ্রেমৱার্ক কনভেন্সনগী মখাদা পেরিস এগ্রিমেন্তদা ভারত খুৎয়েক পীখিবা লৈবাক অমা ওইরে। লৈবাক অসিগী নেসনেল্লি দিতরমাইন্দ কন্ত্রিবুসন(এন দি সি)গী শরুক অমা ওইনা, ২০০৫গী থাক অসিদগী ২০৩০ ফাওবদা জি.দি.পিগী চাদা ৩৩দগী ৩৫ ফাওবগী মৈখু থাদোকপা হন্থহন্নবা, ২০৩০ ফাওবগী মনুংদা অপুনবা পুথোকপা ঙম্বা ইলেকত্রিক পৱারগী চাদা ৪০ রোম ফোসিল ফুয়েল নত্তবা ইনর্জি ফংফমদগী পুথোক্নবা অমসুং ২০৩০ ফাওবগী মনুংদা অহেনবা উমং শেমগৎতুনা কার্বোন দাইওক্সাইদ তন বিল্লিয়ন ২.৫দগী ৩ ফাওবা থাদোকপা হন্থহন্নবা ভারতনা পান্দম অহুম থম্লি।
মপুংফাবা থৌরম য়েংনবা মফম অসিদা নম্বীয়ু
Video
(Release ID: 1670397)
Visitor Counter : 222