PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 04 NOV 2020 5:56PM by PIB Imphal

Coat of arms of India PNG images free download      

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • ভারতকী এক্তিব কেসলোদ ৫,৩৩,৭৮৭ শুখ্রে
  • পুন্না নাবা ফগৎখ্রবা কেসশিং লাখ ৭৬.৫কী মথক্তা লৈখ্রে
  • অমদা লৈবাক অসিগী নাবা ফগৎপগী চাং অসি ৯২% (৯২.০৯%) হেনখ্রে
  • হৌখিবা পুং ২৪দা অনাবা মীওই ৫৩,৩৫৭ নাবা ফগৎতুনা দিসচার্জ তৌখ্রে অমরোমদা অনৌবা কনফর্ম কেসশিং ৪৬,২৫৩ শুখ্রে
  • হৌখিবা পুং ২৪দা তেস্ত তৌবগী অপুনবা মশিং করোর ১১.৩ গী ময়া শুখ্রে তেস্ত ১২,০৯,৬০৯ তৌখ্রে
  • কোবিদ-১৯ শ্রী শক্তি চেলেঞ্জ নুপী তরুক্না শেম্বা স্তার্তঅপশিংনা ঙমখ্রে

#Unite2FightCorona

#IndiaFightsCorona

Image

 

ভারতনা লেপ্তনা এক্তিব কেসশিং নেম্বগী লম্বীদা চংশিল্লি, নুমিৎ তরুকনি শুবা ওইনা এক্তিব কেসলোদ লাখ ৬কী মখাদা লৈরে, নাবা ফগৎলকপগী চাং ৯২% হেনখ্রে

নুমিৎ খুদিংগী কোবিদনা নাবা মীওইশিংগী মশিং ৱাংনা নাবা ফগৎলকপা অমসুং শীবগী চাং চাউনা হন্থরকপগা লোয়ননা ভারতকী এক্তিব কেসশিং মখা তানা তপ্না-তপ্না হন্থরকপগী রেজিস্তর তৌরি। ঙসি থংনা-থংননা নুমিৎ তরুক্নি শুবা ওইনা এক্তিব কেসলোদ অসি লাখ ৬কী মখাদা লৈখ্রে। ঙসি ভারতকী এক্তিব কেসলোদ ৫,৩৩,৭৮৭ শুখ্রে। হৌজিক্কী ওইনা এক্তিব কেসশিংনা লৈবাক অসিগী অপুনবা পোজিতিব কেসশিংগী ৬.৪২% খক্তা ওইরি। রাজ্য অমসুং য়ু.তি. ১৬কী মিলিয়ন অমদা থেংনবা কেসশিং অসিনা লৈবাক অসিগী চাংচৎতগী তাখি। পুন্না নাবা ফগৎখ্রবা কেসশিং লাখ ৭৬.৫কী (৭৬,৫৬,৪৭৮) মথক্তা লৈদুনা এক্তিব কেসশিংগা য়েংনবদা খেৎনবা হেনগৎহল্লি। অতোপ্পা মাই পাকপা অমদা লৈবাক অসিগী নাবা ফগৎপগী চাং অসি ৯২% (৯২.০৯%) হেনখ্রে। হৌখিবা পুং ২৪দা অনাবা মীওই ৫৩,৩৫৭ নাবা ফগৎতুনা দিসচার্জ তৌখ্রে অমরোমদা অনৌবা কনফর্ম কেসশিং ৪৬,২৫৩ শুখ্রে। রাজ্য/য়ু.তি. ১৭কী নাবা ফগৎলকপগী চাং অসিনা লৈবাক অসিগী চাংচৎতগী হেনখি। লৈবাক অসিগী তেস্ত তৌবগী চাং অসি লেপ্তনা হেনগৎলক্লি। ঙসি তেস্ত তৌবগী অপুনবা মশিং করোর ১১.৩ (১১,২৯,৯৮,৯৫৯)গী ময়া শুখ্রে। হৌখিবা পুং ২৪দা তেস্ত ১২,০৯,৬০৯ তৌখ্রে। রাজ্য/য়ু.তি. ২৫গী তেস্ত পর মিলিয়ন অসি লৈবাক অসিগী চাংচৎতগী হেনখি। নৌনা নাবা ফগৎখিবা কেসকী ৮০%দি রাজ্য /য়ু.তি. ১০দগী ওইখি। নোংমদা ৮,০০০গী মথক্তা ফগৎলকপগা লোয়ননা কেরেলানা মাংজিল থারি মতুংদা ৭,০০০কী মথক্তা নাবা ফগৎুনা কর্নাতকানা মতুং ইনখি। অনৌবা কনফর্ম কেসকী ৭৬%দি রাজ্য অমসুং য়ু.তি. ১০দগী ওইখি। কেস ৬,০০০-৬,০০০কী মথক্তা থেংন্দুনা কেরেলা অমসুং দিল্লীনা অনৌবা কেস খ্বাইদগী য়াম্না থেংনখি। অনৌবা কেস ৪,০০০কী মথক্তা থেংন্দুনা মহারাস্ত্রনা মতুং ইনখি। হৌখিবা পুং ২৪দা কেস ৫১৪ শীখিবগী রিপোর্ত তৌরকখি। মসিগী মনুংদা ৮০%গী ময়াদি রাজ্য/য়ু.তি. তরাদগী ওইখি। মহারাস্ত্রনা নোংমদা খ্বাইদগী য়াম্না শীখিবগী রিপোর্ত তৌরকখি (শীখিবা ১২০)। ভারতকী কেস ফেতেলিতী রেৎ অসি ১.৪৯% ওইরি। রাজ্য অমসুং য়ু.তি. ২১দা মিলিয়ন অমদা শীখিবশিং অসিনা লৈবাক অসিগী চাংচৎতগী তাখি।

অকুপ্পা ৱারোলগীদমক:

কেবিনেতনা হকশেল অমসুং হিদাক-লাংথক্কী লমদা তেংবাং পীনবগী মতাংদা ভারত অমসুং ইজরেলগী মরক্তা মেমোরেন্দম ওফ অন্দস্তেন্দিংদা অয়াবা পীখ্রে

প্রধান মন্ত্রী, শ্রী নরেন্দ্র মোদীনা সভাপতী ওইবা য়ুনিয়ন কেবিনেতনা হকশেল অমসুং হিদাক-লাংথক্কী লমদা তেংবাং পীনবগী মতাংদা ভারত অমসুং ইজরেলগী মরক্তা মেমোরেন্দম ওফ অন্দর্স্তেন্দিংগী খুৎয়েক পীনবদা অয়াবা পীখ্রে। এম.ও.য়ু. অদুগী মনুংদা  মেদিকেল দোক্তরশিং অমসুং হেল্থ প্রোফেস্নেলশিংগী এক্সচেঞ্জে অমসুং ত্রেনীং তৌবা; হ্যুমেন রিসোর্সশিং দিবেলপ তৌবা অমসুং হেল্থ কেয়র ফেসিলিতীশিং লিংখৎপদা তেংবা পীনবা; ফার্মাসুতিকেল, মেদিকেল দিভাইসশিং অমসুং কোসমেতিকশিংগী রেগুলেশনগী মতাংদা ই-পাউ এক্সচেঞ্জ তৌনবা; মহৌশাগী অইং-অশাগী খুদোংথিবগী মায়োক্তা প্রজাশিংগী হকশেলগীদমক্তা খুদোংথিনীংঙাই ওইবশিং অদু য়েংশিন্নবগীদমক্তা অমসুং মিতিগেশন অমসুং এদাপ্তেশন্দা তার্গেত তৌবা পব্লিক হেল্থ এক্সনশিংগী মতাংদা এক্সপর্তিস তাথোক-তাশিন তৌনবা; ‘গ্রীন হেল্থকেয়র’ (ক্লাইমেৎ রেজিলিয়েন্ত হোসপিতাল্স)কী দিবেলপমেন্তকীদমক্তা তেংবাং পীবগা লোইননা ক্লাইমেৎ রেজিলিয়েন্ত ইনফ্রাস্ত্রকচর ফেসিলিতেৎ তৌনবগীদমক্তা এক্সপর্তিস তাথোক-তাশিন তৌনবা; মরু ওইবা হিরম কয়া অমদা ম্যুচুৱেল রিসর্চ য়োকখৎপা; অমসুং মাইকৈ অনিমক্না য়ানদুনা ৱারেপ লৌখিবা, তেংবাং পিনবগী মতাংদা ওইবা অতোপ্পা হিরম অমা হেক্তা তেংবাং পীনগদবা হিরমশিং অদু য়াওরি।

অকুপ্পা ৱারোলগীদমক:

মন্ত্রীমন্দলনা ভারত অমসুং য়ুনাইতেদ কিংদম অনিগী মরক্তা মেদিকেল প্রদক্ত রেগুলেসনগী লমদা তেংবাং পীনবগী মতাংদা তৌনবা য়ানা ৱারোলদা অয়াবা পীখ্রে

প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা পাংথোকখিবা কেন্দ্রগী মন্ত্রীমন্দলনা ভারতকী সেন্ত্রেল দ্রগ্স স্তেন্দর্দ ওর্গনাইজেসন (সি.দি.এস.সি.ও.), অমসুং য়ুনাইতেদ কিংদম মেদিসিন্স অমসুং হেল্থকেয়র প্রদক্ত রেগুলেতরী এজেন্সী (য়ু.কে. এম.ঐচ.আর.এ.) অনিগী মরক্তা মেদিকেল প্রদক্ত রেগুলেসনগী মতাংদা তৌনবা য়ানা ৱারোল (এম.ও.য়ু.)দা খুৎয়েক পীননবা অয়াবা পীখ্রে। এম.ও.য়ু. অসিনা দ্রগ্স স্তেন্দর্দ ওর্গনাইজেসন (সি.দি.এস.সি.ও.), অমসুং য়ুনাইতেদ কিংদম মেদিসিন্স অমসুং হেল্থকেয়র প্রদক্ত রেগুলেতরী এজেন্সী (য়ু.কে. এম.ঐচ.আর.এ.) অনিগী মরক্তা মখোয়গী মালেমগী ওইবা থৌদাং অদুগী মতুং ইন্না মেদিকেল প্রদক্ত রেগুলেসনগী মতাংদা মহৈ য়ান্না তেংবাং পীনবা অমদি ই-পাউ পীথোক-পীশিন তৌননবগীদমক ফ্রেমৱর্ক অমা শেমগৎপদা মতেং ওইনরগনি।

অকুপ্পা ৱারোলগীদমক:

পি.এম.না নবেম্বর ৫দা ভর্চ্যুএল গ্লোবেল ইনবেস্তর রাউন্দতেবলদা ময়াই তাংবল লৌগনি

প্রধান মন্ত্রী শ্রী নরেন্দ্র মোদীনা নবেম্বর ৫, ২০২০দা ভর্চ্যুএল গ্লোবেল ইনবেস্তর রাউন্দতেবল (ভি.জি.আই.আর.)দা ময়াই তাংবল লৌগনি। ভি.জি.আই.আর. অসি ভারত সরকারগী ফাইনান্স মন্ত্রালয় অমসুং নেস্নেল ইনবেস্তমেন্ত অমসুং ইনফ্রাস্ত্রকচর ফন্দনা শিনবনি। মসি মাংজিল থারিবা গ্লোবেল ইন্সতিত্যুস্নেল ইনবেস্তরশিং, ভারতকী বিজিনেসকী লুচিংবশিং অমসুং ভারত সরকার অমসুং ফাইনান্সিএল মার্কেৎ রিগুলেতরশিংদগী মকোক থোংবা মরু ওইবা ৱারেপ লৌগদবশিংগী মরক্তা পাঙথোকপা অখন্নবা দাইলোগ অমনি। থৌরম অসিদা কেন্দ্রগী ফাইনান্স মন্ত্রী, ফাইনান্সকী কেন্দ্রগী রাজ্য মন্ত্রী, আর.বি.আই. গবর্নর অমসুং অতোপ্পা দিগনিতরীশিংসু য়াওগনি। রাউন্দতেবল অসিদা ত্রিলিয়ন য়ু.এস. দোলর ৬কী মেনেজমেন্তগী মখাদা অপুনবা এসেৎশিংগা লোয়ননা মালেমগী খ্বাইদগী চাউবা পেন্সন অমসুং সোবরেন ৱেল্থ ফন্দ কুন্না শরুক য়াগনি। গ্লোবেল ইন্সতিত্যুতস্নেল ইনবেস্তরশিং অসিদা য়ু.এস., য়ুরোপ, কনাদা, কোরিয়া, জপান, মিদল ইস্ত, অস্ত্রেলিয়া অমসুং সিঙ্গাপুর য়াওনা মরু ওইবা রিজনশিংগী মহুৎ শিল্লি। থৌরম অসিদা ফন্দশিং অসিগী মরু ওইবা ৱারেপ লৌগদবশিং হায়বদি সি.ই.ও.শিং অমসুং সি.আই.ও.শিংনা শরুক য়াগনি। ইনবেস্তর খরদি ভারত সরকারগা অহানবা ওইনা ৱারী শাগনি। গ্লোবেল ইনবেস্তরশিংগী মথক্তা, রাউন্দতেবল অসিদা তোঙান তোঙানবা মকোক থোংবা ভারতকী বিজিনেসকী লুচিংবশিংনা শরুক য়াগনি।

অকুপ্পা ৱারোলগীদমক:

য়ু.এন.ৱুমেনগা খুৎশম্নরগা মাইগোভনা শিল্লিবা কোবিদ-১৯ শ্রী শক্তি চেলেঞ্জ নুপী তরুক্না শেম্বা স্তার্তঅপশিংনা ঙমখ্রে

য়ু.এন.ৱুমেনগা খুৎশম্নরগা মাইগোভনা শিল্লিবা কোবিদ-১৯ শ্রী শক্তি চেলেঞ্জ নুপী তরুক্না শেম্বা স্তার্তঅপশিংনা ঙমখ্রে৷ কোবিদ-১৯ অসি থেংনবদা মতেং পাংবা য়াবা নত্রগা নুপী কয়ামরোমদা শোকহল্লিবা প্রোব্লেমশিং অসি ফহন্নবা ইন্নোভেতিব সোলুসনশিংগা লোইননা স্তার্তঅপশিংদা নুপী য়াওশিন্নবা অমসুং থৌনা হাপ্নবগী পান্দমদা মাইগোভনা য়ু.এন. ৱুমেনগা খুৎশম্নরগা ২০২০গী এপ্রীল থাদা কোবিদ-১৯ শ্রী শক্তি চেলেঞ্জ লোঞ্চ তৌখ্রে৷ মসি নুপী কয়ামরোম্না থেংনরিবা ইসুশিং অসিগী সোলুসনশিং ফংলবা স্তার্তঅপশিং অমসুং নুপীশিংনা হৌদোকপা স্তার্তঅপশিংদগী এপ্লিকেসনশিং কৌদুনা মাইগোভকী ইন্নোভেত ওইবা প্লেতফোর্মদা পাংথোকপা অখন্নবা চেলেঞ্জ অমনি৷ চেলেঞ্জ অসি স্তেজ অনিদা চৎনখ্রে: আইদিয়েসন স্তেজ অমসুং প্রুফ ওফ কন্সেপ্ত(পি.ও.সি.)স্তেজ৷ চেলেঞ্জ অসিদা লৈবাক অসিগী মফম পুম্নমক্তগী এন্ত্রীস ১২৬৫না শরুক য়াদুনা য়াম্না পুক্নিং থৌগৎনিংঙাই ওইরবা রেস্পোন্স ফংবা ঙমখি৷

অকুপ্পা ৱারোলগীদমক:

দা. হর্শ বর্ধন্না ৪শুবা বত্তালিয়ন সেন্তর চেন্নাইদা ফমুং ১০ থাবা মেক শিফ হোস্পিতাল অমসুং আইসোলেসন সেন্তর শঙ্গাখ্রে

সাইন্স অমসুং তেক্নোলোজী, আর্থ সাইন্সেস অমসুং হকশেল অমদি য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না চেন্নাইগী ৪শুবা বত্তালিয়ন সেন্তরদা সি.এস.আই.আর.না লিংখৎখিবা ফমুং ১০ থাবা মেক শিফ হোস্পিতাল অমসুং আইসোলেসন সেন্তর অমা ঙসি ভিদিও কনফরেন্সকী থোংদা শঙ্গাখ্রে। থৌরম অসিদা ৱা ঙাংলদুনা দা. হর্শ বর্ধন্না কোবিদ-১৯গুম্বা অনৌবা খুদোংচাদবশিং অসি মায়োক্ননবা অনৌবা পাম্বৈশিং থিদোকপগীদমক্তা সি.এস.আই.আর.-এস.ই.আর.সি. (স্ত্রকচরেল ইঞ্জিনিয়রিং রিসর্চ সেন্তর) অমসুং মখোয়গী সাইন্তিস্তশিংগা লোয়ননা নেস্নেল দিজাস্তর রেস্পোন্স ফোর্স (এন.দি.আর.এফ.)বু থাগৎপা ফোঙদোকখি। মহাক্না ফেসিলিতী অসিগা মান্নবা মেকশিফ হোস্পিতাল অমা চহি অসিগী অগস্ত থাদা উত্তর প্রদেশকী ঘজিয়াবাদকী এন.দি.আর.এফ. কেম্পসতা শাখিবা অদু নীংশিংখি। মহাক্না ফোঙদোকখি, “চেন্নাইগী এন.দি.আর.এফ.কী ৪শুবা বত্তালিয়ন সেন্তরগী অনৌবা ফেসিলিতী অসি চেকশিন থৌরাং অমসুং নুংঙাইনা হিংনবা এনভাইরনমেন্ত অমগা লোয়ননা অনাবা মীওইদা প্রাইমরী হেল্থ ফেসিলিতী ফংহন্নবা মেকশিফ হোস্পিতাল অমা ওইনা দিজাইন তৌখি অমসুং চহি ২০ ফাওবা চৎকনি”। মহাক্না মখা তারদুনা হায়খি, “মসি মতমগা চুনবা, কুইনা চৎকদবা, থুনা ইন্সতোল তৌবা য়াবা, শাফবা অমসুং লমমিৎ-তুমিৎকা লোয়ননা নোংজু-নুংশা খাক্তনা মতম চংদনা দিপ্লোই তৌবা য়াবা তেক্নোলোজী অসি খুদোংথিবা থোকপা মতমদা অমসুং কুইনা লাইচৎ থোরকপা নত্ত্রগা ইমর্জেন্সীগী ফীভমশিংদা শীজিন্নবা য়ারগনি”। “সি.এস.আই.আর.-এস.ই.আর.সি. লেবোরেতরীনা শিদোক-শিজিন য়াবা অমদি স্তীলগী ফ্রেমগী স্ত্রকচর ওইবা অমা পুথোকখি, মসি মীওই অমা খক্তনা ফ্রেম খরা মহাক্কী লেংবান্দা পুবা ঙমগনি অমসুং মতম চংদনা মফম অমা হেক্তদা পনখৎপা য়াগনি”, হায়না মন্ত্রীনা ফোঙদোকখি।

অকুপ্পা ৱারোলগীদমক:

 

পি.আই.বি. ফিল্দ ওফিসশিংদগী ফংবা পাউ

•           মহারস্ত্রা: মহারাস্ত্রনা কোবিদ-১৯গী কেসলোদতা ভারতকী ওইনা খ্বাইদগী হেন্না মশিং য়াম্না শরুক য়াখিবগা লোইননা অনৌবা কেসশিংগী মশিং হৌখিবা নুমিৎ ১৫নিদা চাউরাক্না তঙ্খাইগী ময়াদা হন্থখ্রে অমসুং শিখিবশিংগী মশিংদসু হনথরকখ্রে। এক্সপার্তশিংনা নিংথম চংলকপা, দিৱালি লাকপা অমসুং এস্তাব্লিশমেন্তশিং অমুক হন্না হাংদোরকপনা মরম ওইরগা মীশিংনা অমগা-অমগা থেংনবনা মরম ওইরগা জনুৱারিদা কোবিদ-১৯গী কেসশিংগী মশিং হেনগৎলক্কনি হায়ানা খঙহল্লকখ্রে অমসুং মরম অদুনা হরাোনিংঙাই মরম ওইদে। মহারাস্ত্রদা হৌজিক লৈরিবা কেসশিংগী মশিং অদু লাখ ১.১৬ ওইখি।

•           গুজরাত: হৌখিবা পুং ২৪গী মনুংদা অনৌবা কেস ৯৫৪ থেংনখি। রাজ্য অসিগী ফগৎলকপগী চাং অসি চাদা ৯০.৭৮ য়ৌখ্রে। গুজরাত্তা হৌজক ফাওবদা পুন্না কেস ১,৭৫,৬৩৩ পুন্না কেস ১,৭৫,৬৩৩ থেংনখি। এক্তিব কেসশিংগী মশিং অদু ১২,৪৫১ ঔইখি। মরক অসিদা গুজরাত সরকারনা কোবিদ-১৯ কেসশিংদা রাজ্য অসিদা লৈখিবা কোবিদ-১৯ কেসশিংগী মশিংদা হন্থরকপনা, মেদিকেল ওক্সিজেনগী দিমান্দ অমসুং পুন্সি কনগদবা দ্রগশিং অদু রাজ্য অসিদা য়াম্না হন্থখ্রে।

•           রাজস্থান: রাজস্থান্দা, রাজ্য অসিদা লৈরিবা এক্তিব কেসশিংগী মশিং অসি থংননা নুমিৎ হুম্নি শুবা ওইনা হেনগৎলকখি। ওক্তোবর ১৩ অমসুং ওক্তোবর ৩১ ফাওবদা ২১,৯২৪দগী ১৫,১০২দা হন্থরকখ্রবা মতুংদা, এক্তিব কেসশিংগী অদু লৈবাকপোকপা নুমিত্তা অমুক হন্না হেনগৎলকখি অমসুং ১৬,৩৮৫ য়ৌখি। রাজ্য অসিনা হৌখিবা পুং ২৪ অসিদা অনৌবা কেস ১,৭২৫ থেংনখি অমসুং ১০ শিখিবা লৈখি।

•           ছত্তিসগর: ছত্তিসগরগী কোবিদ-১৯ কেসকী মশিং অসি ভাইরল ইনফেক্সনগীদমক্তা মীওই ১,৭২৪ পোজিতিব ওইবা থেংনরবা মতুংদা লৈবাকপোকপা নুমিত্তা মশিং লাখ ১.৯২দা হেনগৎখি। রায়পুর জিলাদা অনৌবা কেস ১৪৩ থেংনখিবগা  লোইননা অপুনবা কেসসিংগী মশিং অদু ৬১১ শিখিবগা য়াওনা ৪১,৭২৬ য়ৌখ্রে। আতোপ্পা জিলাশিংগী মনুংদা কোর্বা জিলাদা অনৌবা কেস ২১৯ থেংনখি, রাইগরদা ১৯০, জানিগির-চম্পাদা ১৮২, দুরগতা ১৪০ অমসুং বালোদতা ১০১ লৈখি হায়না ওফিসিয়েলশিংনা হায়খি।

•           অসাম: অসামদাঙরাং কোবিদ-১৯গীদমক্তা মীওই ৩৭৯ অমুক পোজিতিব ওইবা থেংনখি অমসুং পেসেন্ত ৪৭৩ দিসচার্জ তৌখ্রে। অপুনবা কেসশিংগী মশিং ২০৭৩৬১ ওইখি, ১৯৮০৯৩ ফগৎখি, ৮৩৮৫ এক্তিব ওইরি অমসুং ৯৩৪ শিখ্রে।

•           মঘালয়া: মেঘালয়াদা কোবিদ-১৯গীদমক্তা মীওই ৬৩ অমুক পোজিতিব ওইখ্রে। এক্তিব কেসশিংগী অপুনবা ঞশিং ৯৭১ অমসুং ফগৎখিবশিংগী অপুনবা মশিং ৮৬৮০ ঔইখি।

•           মিজোরাম: মিজোরামদা ঙরাং কোবিদ-১৯গীদমক্তা মীওই ১০১ অমুক পোজিতিব ওইবা থেংনখি। অপুনবা কেস মশিং ২৮৯৩ অমসুং এক্তিব কেসশিংগী মশিং ৫১৬ ওইখি।

•           নাগালেন্দ।: নগালেন্দদা ঙরাং কোবিদ-১৯গী অনৌবা কেস ৫৫ থেংনখি, দিমাপুরদগী ৩৯, কোহিমাদগী ১৩, মোনদগী ২ অমসুং পেরেনদগী ১ ওইখি।

•           সিক্কিম: কোবিদ-১৯গীদমক্তা মীওই ৬২ অমুক পোজিতিব ওইবা থেংনখি, এক্তিব কেস ২৫৪, দিসচার্জ তৌখিবশিংগী অপুনবা মশিং ৩৬৫৭ অমসুং অপুনবা কেসশিংগী মশিং ৪০৬৭।

•           কেরলা: সাবরিমালাগী চিংথক্তা লৈবা লাইশংদা, লাক্লিবা মন্দলালা-মাকরাভিলাক্কু পিলগ্রিমেজ সীজনগীদমক্তা ভর্চুৱল ক্যুগীদমক্তা ওনলাইন বুকিংশিং অদু নুমিৎ নিনি খক্তদা লোনখ্রে। লাইশং অসি অসি পিলগ্রিমেজসিংগীদমক্তা নবেম্বর ১৫ হাংলগনি। রাজ্য সরকারনা মরক অসিদা হায়রকখিমদুদি মখোয়না নোংমদা পিলগ্রিম ১,০০০ খক্তমক অবাবা পীবগী ৱারেপ অদু অমুক হন্না খন্নরগনি হায়না হায়খ্রে।  কেরলানা ঙরাং কোবিদ-১৯ কেস ৬,৮৬২ থেংনখিবগা লোইনা কোবিদ কেসশিংদা খরা মখৈদি হন্রকপা থেংনখি। ২৬ শীখিবগী কনফর্ম তৌখিবগা লোইননা কোবিদনা মরম ওইরগা শিখিবশিংগী মশিং অসি ১৫৫৯ য়ৌখ্রে।

•           তামিল নাদু: তামিল নাদুদগী হন্দক্কী চহি অসিদা ইন্তর-স্তেত বস অমত্তা চেনখিদে; দীপাৱলিগী মনুংদা চৎথোক-চৎশিন তৌবশিংদা মতেং পাংনবা নবেম্বর ১১ অমসুং ১৩গী মরক্তা চেন্নাইদগী রাজ্য অসিগী শরুক কয়াদা য়াম্লবা বস ৯,৫১০ চেলহল্লগনি, হকশেলগী মন্ত্রী, সি. ৱজয়াবাস্করনা কুম্হৈ অমসুং নিংথমগী পন্থা অসিগি মমাংদা কোবিদকী চৎনা-কাংলোনসিং ঙাক্না চৎনবা মীয়ামদা হায়জখ্রে।

•           কর্নাতকা: হকসেল অমসুং য়াইফ য়ুম্বাল অমসুং মেদিকেল এজুকেশন মন্ত্রী, দা. কে. সুধাকরনা য়ুমশকৈশা নুমিত্তা খ্বাইদগী অহানবা সেরো সর্ভে রিপোর্ত থাদোকখ্রে। রিপোর্ত অসিদা ফংবা ঙমখি মদুদি মমাংদা ইনফেক্তেদ ওইরবা মীওইশিং অদুগী ১৬.৪%দা এস.এ.আর.এস. সি.ও.ভি.২গী মায়োক্তা আই.জি.জি.এন্তিবোদীশিং লৈবা থেংনখি; সর্ভে অসিগীদমক্তা সেমপল ১৬,৫৮৪ খোমগৎখি।

•           অন্ধ্র প্রদেশ: নবেম্বর ২ স্কুলশিং অমুক হন্ন আহাংদোক্লবা মতুংদা, রাজ্য অসিগী মফম কয়াদা কোরোনা কেসসিং অসি থোরকপা থেংনখি। প্রকশম জিলাগী জিলা পরিশদ স্কুল মরিদা ওজাশিং অমসুং মহেরোইশিং ভাইরস অসিনা ইনফেক্তেদ ওইবা থেংনখি। মহৈরোইশিং অমসুং পেরেন্তশিংনা অমুক্তদা অনৌবা কেসশিং থেংনরকপা অসিদা অৱাবা পোকখি।

•           তেলঙ্গনা: হৌখিবা পুং ২৪দা অনৌবা কেস ১৬৩৭ লৈখি, ১২৭৩ ফগৎখি, অমসুং ৬ শিখিবা থেংনখি; কেস ১৬৩৭গী মনুংদা  জি.ঐচ.এম.সি.দগী কেস ২৯২ থেংনখি। অউনবা কেসশিং: ১,৪৪,১৪৩; এক্তিব কেসশিং: ১৮,১০০; শিখিবশিং: ১৩৫৭; দসিচার্জ তৌখিবশিং: চাদা ৯২.০৩গী চাংদা ফগৎলকপগা লোইননা ২,২৪,৬৮৬ ফগৎলকখি।

ফেক্ত চেক

Image

*****

 



(Release ID: 1670258) Visitor Counter : 8