জল শক্তিগী য়ুনিয়ন মিনিস্তর, শ্রী গাজেন্দ্র সিংহ শেখাৱত্না চেয়র লৌদুনা ঙসি স্তেতশিং/য়ু.তি.শিংগী থৌদাং লৌরিবা মিনিস্তরশিংগা ভর্চুএল ওইবা কনফরেন্স অমা পাংথোকখ্রে অমসুং য়ুনিয়ন সরকারগী মরুওইবা থৌরম অমা ওইরিবা জল জীবন মিসনগী মখাদা চৎথরিবা ২০২৪ ফাওবগী মনুংদা খুঙ্গংশিংদা লৈরিবা য়ুমথোং খুদিংদা ঈশিংগী তেপ শম্বা অসিগী চংশিল্লিবা থবক অসি হন্না অমুক য়েংশিনখ্রে। জল শক্তিগী মিনিস্তর ওফ স্তেত শ্রী রতন লাল কতারিয়া, হারিয়ানা অমসুং ত্রিপুরাগী চীফ মিনিস্তরশু ভর্চুএল কনফরেন্স অদুদা শরুক য়াখি। মসিগী কনফরেন্স অসি হিরম কয়াদা ৱা খন্নবা শিনখিবনি মদুদি খুঙ্গংশিং অসিদা য়ারিবমখৈ থুনা ঈশিংগী তেপ শম্নবা অসিদা হৌজিক ফাওবদা চৎথরিবা থৌরাং, থবক হৌবা অমসুং থবক চংশিনবা অসিনি।   

চিং-লেম্না ভর্চুএলি ওইনা পুনবা অসিদা, জল শক্তিগী য়ুনিয়ন মিনিস্তরনা স্তেতশিং/য়ু.তি.শিংদা মখোয়না লৌরিবা থৌদাং হায়বদি কোবিদ-১৯ লাইচৎ অসিনা লোকদাউন লৈজরবসু খুঙ্গংগী য়ুমথোং খুদিংদা তেপ কন্নেক্সন পীবা অসিদা থাগৎপা ফোংদোরক্লি। শ্রী শেখাৱত্না আশা লৈনা ফোংদোরক্লি মদুদি স্তেতশিং/য়ু.তি.শিংনা কন্না হোৎনদুনা ‘হর ঘর জল’ ওইহনগদবনি অমসুং স্তেতশিং/য়ু.তি.শিংদা জল জীবন মিসন অসি য়াম্না থুনা থৌরাং তৌদুনা ফংহন্নবা খন্নগনি।   

নেস্নেল জল জীবন মিসন্না স্তেতশিং/য়ু.তি.শিংদা চংশিল্লিবা থবকশিং অসি উৎলি অমসুং মখোয়দা হেন্না য়াংনা মতম চানা লোইশিন্নবা হায়দুনা খুঙ্গংশিং অসিদা য়ারিবমখৈ থুনা ঈশিংগী তেপ শম্নবা তকশিল্লি।  

ভি.সি.গী মতুংদা মেদিয়াদা ৱা ঙাংলদুনা য়ুনিয়ন জল শক্তি মিনিস্তরনা হায় মদুদি মিসন অসি প্রধান মন্ত্রী শ্রী নরেন্দ্র মোদীনা ‘ইজ ওফ লিবিং’ হায়বা অসিদা খুঙ্গংদা লৈরিবা প্রজাশিং অসি পুন্সি মহিং অসি খর কোম্না হিংনবা মরুওইনা নুপী অমসুং নুপী মচাশিং অসিনি হায়রিবা অসি মখোয়না থাপ্না চৎতুনা ঈশিং শোকপা অসি কোম্নবা থম্বা পান্দম্নি। মিসন অসিনা অপবা ঈশিং পীবতা নত্তনা মখোয়দা থবক পীবা অসিনি। পাইপ শেম্বা, চেক চনবা,ইলেক্ত্রিকেল, পুম্প শেন্নবা অসিনচিংবা অসি ত্রেনিং পিদুনা থবক ফংহনগদৌরি।

প্রধান মন্ত্রী শ্রী নরেন্দ্র মোদী মিয়েং মখাদা ২০২০গী ওক্তোবরগী ২দা অঙ্গনৱাদি সেন্তর অমসুং আশ্রমশালাশিং অসিদা ‘নুমিৎ ১০০’ হায়বা কেম্পেন অসিনা পাইপ ৱাতর সপ্লাই পীদুনা অঙাংশিং অসিদা অফবা ঈশিং ফংহনবা অসিনি। শ্রী শেখাৱত্না হায় মদুদি স্তেতশিংদা অমুক হন্না স্কুল হাংবা অসিদা থক্নবা ঈশিং পীবা অসি য়াম্না মরু ওই। কোবিদ-১৯ লায়চৎ অসি ঙাকথোকপদা য়াম্না মরুওইবা অমা ওইরিবা খুৎ-শা হাম্বা অসিনি হায়রিবা অসি ঈশিং মরাং কাইনা চংই মরম অদুনা স্কুলশিং, অঙ্গনৱাদি সেন্তর অমসুং আশ্রমশালাশিং অসিদা থক্নবা ঈশিং, মিদ-দে মিল থোংনবা, খুৎ হাম্নবা অমসুং তোইলেৎকীদমক ঈশিং মরাং কাইনা ফংহনগদবনি।

কনফরেন্স অসি মরুওইবা হিরম কয়া অমা খন্নবগী মফম ওইরি অমসুং স্তেতশিং/য়ু.তি.শিংনা তৌরকপা হেন্না ফবা থবকশিং অসিদগীশু তমজবা য়ারি। সরকারনা কন্না হোৎনদুনা খুঙ্গংদা লৈবা মীয়ামগী পুন্সি মহিং ফনবা হোৎনরি অমসুং জল জীবন মিসন অসিনা চোকথবা নাইদনা থবক তৌদুনা ‘হর ঘর জল’ ওইহনগনি।

স্তেতকী তাইমলাইন/এফ.ঐচ.তি.সি.গা লোয়ননা ১০০% য়ু.তি. কবরেজ

২০২০দা ১০০% এফ.ঐচ.তি.সি.: গৌৱা (ফংখিবা)

২০২১দা ১০০% এফ.ঐচ.তি.সি.: এ.অমসুং এন. ইথৎ, বিহার, পুদুচেরি, তেলঙ্গানা

২০২২দা ১০০% এফ.ঐচ.তি.সি.: হারিয়ানা, জম্মু অমসুং কাশ্মির, লাদাখ, হিমাচল প্রদেশ, গুজরাত, মেঘলয়া, সিক্কিম, উত্তরাখন্দ, উত্তর প্রেদেশ

২০২৩দা ১০০% এফ.ঐচ.তি.সি.: অরুনাচল প্রদেশ, কর্নাতকা, কেরলা, মধ্যা প্রদেশ, মনিপুর, মিজোরাম, নাগালেন্দ, তামিল নাদু, ত্রিপুরা

২০২৪দা ১০০% এফ.ঐচ.তি.সি.: আসাম, অন্ধ্র প্রদেশ, ঝরখন্দ, মহারাস্ত্রা, ওরিশা, রাজাস্থান, ৱেস্ত বেঙ্গাল

 (মফম অসিদা মরিক চুম্বা বেকগ্রাউনগীদমক চংবিয়ু)

***********