নেস্নেল দিফেন্স কোলেজনা (এন.দি.সি.)না দাইমন্দ জুব্লি পাংথোকপগী শরুক অমা ওইনা নুমিৎ নিনিগী ওইবা ৱেবিনার অমা ‘ইন্দিয়াস নেস্নেল সেক্যুরিতি – এ দিকেদ এহেদ’ হায়বা থীম অসিদা ২০২০গী নবেম্বরগী ৫ অমসুং ৬তা শিনগদৌরি। হায়রিবা অসি দিফেন্স সেক্ত্রেতরি দাঃ অজয় কুমার অমসুং এন.দি.সি.গী কমান্দেম্ত এয়র মার্সেল দি. চৌধুরিনা ঙসি নই দিল্লীদা প্রেস কনফরেন্স অমদা লাওথোকখিবনি।    

দাঃ অজয় কুমারনা হায় মদুদি এন.দি.সি. অসি ইন্দিয়া অমসুং অতৈ মপাল লৈবাকশিংগী খনগৎলবা আর্ম ফোর্সেস অমসুং সিবিল সর্বিসেসগী কত্থোকলবা ইন্তেলেকচুএল দিবলপমেন্ত অমসুং লালোং ওইবা ত্রেনিং অসিদা মালেমগী ওইনা মমিং লৈরবা ইন্সতিত্যুসন অমনি। অহানবা এন.দি.সি. কোর্স অসি ১৯৬০দা শরুকয়াবা ২১না হৌদোকখি। দাইমন্দ জুব্লি চহি অসিদা শরুকয়াবা ১০০; মসিদা ইন্দিয়াদগী ৭৫ অমসুং মরুপ-মপাং ওইবা লৈবাকশিং অসিদগী ২৫ অমনি। মসি অৱাংবা থাক্কি ইকাই খুম্নিংঙাই ওইবা আর্ম ফোর্সেস অমসুং সিবিল সর্বিস অনিমক্কি থৌরম্নি। হৌজিক্কি ওইনা, সি.দি.এস., গবর্নর অনি, হৌজিক ওইরিবা নেস্নেল সেক্যুরিতি এদভাইজর, ইলেকসন কম্মিসনর অনি, চীফ সর্বিস ৩০ অমসুং ফোরেন্দ সর্বিস ওফিসর ৭৪, এম্বাসাদুর ২০গী মথক, দিফেন্স সেক্রেতরি ৪, ফোরেন্দ সেক্রেতরি ৫ অসিনা এন.দি.সি. অসিগী এলুম্মাইনি।

মপাল লম খরগী এলুম্নাই খরদি মখোয়গী লৈবাকশিংদা মশক নাইবা ফম অমমম ফংখ্রে। আর্ম ফোর্সেসগী স্তাফ ৭৪দি চিফনি। মখোয়শিং অদুদি

১. হিস মেজেস্তি জিগমে খেসার নামজেল ৱাংচুক, ভুতানগী নিংথৌ

২. ল্যুতনেল জেনেরেল হুসেইন মুহামদ ইরশদ, হান্নগী প্রসিদেন্ত, বঙ্গলাদেশ

৩. ল্যুতনেল জেনেরেল ফ্রেদেরিক ৱিলিয়ম ক্বাসি অকুফো, হান্নগী স্তেতকী মকোক, ঘানা

অনিশুবা নুমিৎ অসিগী থীম অসি ‘ইন্দিয়াস নেস্নেল সেক্যুরিতি – এ দিকেদ এহেদ’ অসিনি। হায়রিবা অসি হয়েং ইকাই খুম্নরবা রক্ষা মন্ত্রী শ্রী রাজনাথ সিংহনা কি নোৎ পীদুনা হৌদোক্কনি। মরুওইবা ৱাঙাংলোই অদুদি:

• মিস্তর পিতর ভরঘেসি, ক্বিন্সলেন্দ য়ুনিভর্সিতিগী চানচেল্লর
• মিস্তর সি. রাজামোহোন, খা এসিয়ন য়ুনিভর্সিতিগী দাইরেক্তর
• দিফেন্স স্তাফকী চীফ
• ফোরেন্দ সেক্ত্রেতরি
• আর্ম ফোর্সেসকী চীফ
• মিস্তর রুদ্রা চৌধুরি, কার্নজি ইন্দিয়াগী দাইরেক্তর
• দাঃ শামিকা রাবি, ব্রুকিং ইন্দিয়া

দিফেন্স সেক্ত্রেতরি দাঃ অজয় কুমারনা হায় মদুদি এন.দি.সি. অসি মালেমদা মসিগী মখলদা অমত্তা ঙাইরবা থৌরম্নি। লৈবাক অতৈদগী অপাম্বা থম্লক্লিবা অহেন্বা ফম অসি পীনবা, দিফেন্স মিনিস্ত্রীনা এন.দি.সি.গী মফম অসি ২০২১দা ১০০দগী ১১০দা অমসুং ২০২২দা ১২০ অসিদা হেনগৎনবা লেপ্লে। মহাক্না হায় মদুদি “ঐখোয়না মপাল লমগী লাক্লিবা অপাম্বা অসি পীবা ঙম্নবা হোৎনগনি। ঐখোয়না নেপাল, ম্যানমার, বঙ্গলাদেশ অসিদা পীদুনা উজবেকিস্তান, তাজিকিস্তান, ফিলিপিন্স, ইন্দোনেসিয়া অমসুং মালদিবস অসিগী মথক্তা পীগনি”। 

দাইমন্দ জুব্লি চহি অসিগী নিংশিং থৌরম পাংথোক্নবা, ইন্দিয়াগী ঐচ.ই. প্রেসিদেন্তনা এন.দি.সি.দা নেস্নেল সেক্যুরিতি অমসুং স্ত্রাতেজি অসিদা চেয়র ওফ এক্সেলেন্সগী অয়াবা পীখ্রে। মসি এন.দি.সি. ২০২১দগী হৌগনি।

                                                                        *********