نئی دہلی 03 نومبر :

شمال مشرقی خطے کی ترقی کے مرکزی وزیر مملکت (آزادانہ چارج)، وزیر اعظم دفتر، عملہ، عوامی شکایات اور پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے آج یہاں '' کووڈ۔19 کے بعد پونجی بازاروں کے ذریعہ معیشت کی بحالی'' کے موضوع پر منعقدہ ایک ویبنار کا افتتاح کیا۔ ویبنار کا انعقاد انسٹی ٹیوٹ آف کمپنی سکریٹریز آف انڈیا (آئی سی ایس آئی۔ این آئی آر سی)، نئی دہلی نے کیا تھا۔

اس موقع پر مرکزی وزیر ڈاکٹر جتیندر سنگھ نے خطاب کرتے ہوئے کہا کہ وزیر اعظم جناب نریندر مودی کی اہل قیادت میں ہندوستان کووڈ 19 کے بعد کی عالمی معیشت میں عالمی رہنما کے طور پر ابھرے گا۔ انہوں نے کہا کہ جلد ہی لاک ڈاؤن کو نافذ کرنے میں ہندوستانی حکومت کی جانب سے اٹھائے گئے اہم اقدامات کی وجہ سے بہت سی جانوں اور ہندوستانی معیشت کو مزید نقصان پہنچنے سے بچانے میں مدد ملی ہے۔ لاک ڈاؤن دور نے ہمیں زندگی کے بہت سے سبق سکھائے ہیں اور یہ مصیبت ہمارے لئے ایک خوبی کے طور پر سامنے آئی ہے۔

ہندوستانی معیشت میں شمال مشرقی خطے کے کردار کے بارے میں بات کرتے ہوئے ڈاکٹر جتیندر سنگھ نے کہا کہ یہ خطہ کووڈ۔ 19 کے بعد یورپی سیاحتی مقامات کے متبادل کے طور پر ابھرے گا کیوں کہ شمال مشرقی خطے میں بروقت لاک ڈاون کی وجہ سے یہاں کووڈ۔ 19 کے چند ہی معاملات پائے گئے ہیں۔

انہوں نے یہ بھی کہا کہ شمال مشرقی خطہ کووڈ۔ 19 کے بعد ہندوستان کے پسندیدہ کاروباری مقامات میں سے ایک ہوگا اور بانس اقتصادی سرگرمیوں کا کلیدی ستون بننے جارہا ہے۔ ڈاکٹر جتیندر سنگھ نے بانس کو وبائی مرض کے تاریک بادلوں میں امید کی کرن قرار دیتے ہوئے کہا کہ اس سے شمال مشرق اور پورے ملک کی معیشت کو کووڈ -19 کے دور کے بعد میں شکل دینے میں مدد ملے گی۔ وزیر موصوف نے کہا کہ شمال مشرقی خطہ کووڈ۔ 19 کے بعد ہندستانی معیشت کی بحالی میں بہت اہم کردار ادا کرنے جا رہا ہے اور اس کی ترقی معیشت میں "نئے انجن" کے طور پر کام کرے گی۔

ڈاکٹر جتیندر سنگھ نے ملک کی معاشی نمو کی تعمیر اور اسے برقرار رکھنے میں کمپنی سکریٹریوں کے رول کی تعریف کرتے ہوئے کہا کہ اس طرح کے ویبنار انسٹی ٹیوٹ آف کمپنی سکریٹریز آف انڈیا (آئی سی ایس آئی) کے طلبا کو بااختیار بنائیں گے اور کاروباری پالیسیوں میں کارآمد ان پٹس دے کر ہندستان کی ترقی میں حصہ لینے میں ان کے حوصلے کو بڑھائیں گے۔ وزیر نے امید ظاہر کی کہ شرکا کی قیمتی شراکت داری اسٹیک ہولڈرز کو ہندوستانی معیشت کو تبدیل کرنے میں مدد فراہم کرے گی۔

سی ایس آشیش گرگ ، صدر آئی سی ایس آئی ، شری سریش پانڈے ، چیئرمین آئی سی ایس آئی اور دیگر ممتاز مقررین نے ویبنار سے خطاب کیا۔

                                ********

م ن۔ ن ا۔ م ف

U:6923