দিবেলপমেন্ত ওফ নোর্থ ইস্তর্ন রিজন (দোনর)গী কেন্দ্রগী রাজ্য মন্ত্রী (আই/সি), এম.ও.এস. পি.এম.ও, পর্সনেল, পব্লিক গ্রীবান্সেস এন্দ পেন্সন্স, এতোমিক ইনর্জী অমসুং স্পেস, দা. জিতেন্দ্র সিংহনা ঙসি “ইকনোমিক রিবাইবেল থ্রু কেপিতেল মার্কেৎস পোস্ত কোবিদ-১৯”দা পাঙথোকপা ৱেবিনার অমা হৌদোকখ্রে। ৱেবিনার অসি নই দিল্লীগী ইন্সিতিত্যুত ওফ কম্পনী সেক্রেতরীস ওফ ইন্দিয়া (আই.সি.এস.আই.-এন.আই.আর.সি.)না শিনখি।

থৌরম অসিদা ৱা ঙাংলদুনা কেন্দ্রগী মন্ত্রী দা. জিতেন্দ্র সিংহনা হায়খি থৌনা লৈবা লুচিংবা প্রধান মন্ত্রী, শ্রী নরেন্দ্র মোদীগী লুচিং মখাদা ভারতনা কোবিদ-১৯ মতুংগী ওইরক্কদবা মালেমগী শেন্মীৎলোন্দা মালেমগী লুচিংবা ওইরগনি। মহাক্না হায়খি ভারত সরকারনা ঙন্না লোকদাউন থমদুনা মাংজৌননা খোঙথাংশিং লৌখৎপা অসিনা পুন্সি কয়া কনবা ঙমখি অমসুং ভারতকী শেন্মীৎলোন্দা শোকহনবা হন্থহনখি। লোকদাউনগী মতম অসিনা ঐখোয়দা পুন্সিগী পরা কয়া তম্বীখি অমসুং মসিগী অৱাবা অসিনা ঐখোয়দা অফবা অমা ওইনা থোকখি।

ভারতকী শেন্মীৎলোন্দা অৱাং নোংপোক লমদমনা লৌরিবা থৌদাংগী মতাংদা ৱা ঙাংলদুনা দা. জিতেন্দ্র সিংহনা হায়খি মদুদি অৱাং-নোংপোক লমদমদা মতম চানা লোকদাউন তৌখিবনা মরম ওইরগা লমদম অসিদা কোবিদ-১৯গী কেসশিং খরা খক্তা থেংনখিবনা কোবিদ-১৯গী মতুংদা য়ুরোপিয়ন লমকোয়বশিংগী অতোপ্পা লমথুংফমশিং লমদম অসিনা ওইরগনি।

কোবিদ-১৯গী মতুংদা অৱাং-নোংপোক থংবা লমদম অসি ভারতকী পাম্নরবা ললোন-ইতিক তৌফম অমা ওইরগনি অমসুং বেম্বু (ৱা)না শেন্মীৎলোনগী থবকশিংগী মরু ওইবা য়ুম্বী ওইরগনি হায়নসু মহাক্না ফোঙদোকখি। লাইচৎ অসিগী অৱাবা মতম অসিদা বেম্বু (ৱা)না থৌজাল অমা ওইরি হায়না ফোঙদোক্লদুনা দা. জিতেন্দ্র সিংহনা হায়খি মসিনা অৱাং নোংপোক অমসুং লৈবাক পুম্বগী কোবিদ মতুংগী মতমদা শেন্মীৎলোন্দা ফগৎহনবদা মতেং পাংলগনি। মন্ত্রীনা হায়খি অৱাং নোংপোক লমদম অসিনা কোবিদ-১৯ মতুংদা ভারতকী শেন্মীৎলোন অসি অমুক হন্না ফগৎহনবদা য়াম্না মরু ওইনা থৌদাং অমা লৌরগনি অমসুং মসিগী চাউখৎ থৌরাংনা শেন্মীৎলোন্দগী “নৌবা ইঞ্জিন” অমা ওইনা মথো তৌরগনি।

লৈবাক অসিগী ইকনোমিক গ্রোথ শেমগৎপদা অমসুং য়েংশিনবদা কম্পনী সেক্রেতরীশিংনা লৌরিবা থৌদাংবু থাগৎলদুনা দা. জিতেন্দ্র সিংহনা হায়খি অসিগুম্বা ৱেবিনার অসিনা ইন্সিতিত্যুত ওফ কম্পনী সেক্রেতরীদ ওফ ইন্দিয়া (আই.সি.এস.আই.)গী মহৈরোয়শিং থৌনা হাপলগনি অমসুং মখোয়দা মমল য়াম্লবা ইনপুৎশিং অদু বিজিনেস পোলিসীশিংদা শীজিন্নদুনা ভারতকী চাউখৎ থৌরাংদা শরুক য়াহন্দুনা মখোয়গী পুক্নিং থৌগৎকনি। শরুক য়ারিবশিংনা পাংলকপা মমল য়াম্লবা মতেং অসিনা ভারতকী শেন্মীৎলোন্দা অওনবা পুরক্নবা স্তেকহোল্দরশিংদা মতেং পাংলগনি।

আই.সি.এস.আই.গী প্রসিদেন্ত সি.এস. অশিশ গার্গ, আই.সি.এস.আই.গী চিয়রমেন শ্রী সুরেশ পান্দে অমসুং অতোপ্পা মমিং লৈরবা ৱাঙাংলোয়শিংনা ৱেবিনার অসিদা ৱা ঙাংখি।

******