নেস্নেল ফর্তিলাইজর্স লিমিতেদ (এন.এফ.এল.)না লৌমীশিংদা দি.এ.পি., এম.ও.পি., এন.পি.কে. অমসুং সলফর বেজ ফর্তিলাইজরশিং অসিগুম্বা নন-য়ুরিয়া ফর্তিলাইজরশিংসু শীজিন্ননবা থৌগৎলি। হোৎনবা অসিগা লোয়ননা কম্পনী অসিনা চৎলিবা শেনবা চহি অসিগী অহানবা থা তরেৎকী মনুংদা নন-য়ুরিয়া ফর্তিলাইজরশিং য়োনবা হেনগৎলকপগী রেজিস্তর তৌখি।

করেস্পোন্দিং পেরদ লাস্ত ইয়র (সি.পি.এল.ৱাই.)গা য়েংনবদা কম্পনীগী সলফর বেজ ফর্তিলাইজর্স – বেন্তোনাইৎ সলফর য়োনবদা ২৩৭% হেনগৎপগী রেজিস্তর তৌখি অমসুং সিঙ্গল সুপর ফোস্ফেৎ (এস.এস.পি.) য়োনবদা ১৩৩% হেনগৎপগী রেজিস্তর তৌখি। অমরোমদা এন.এফ.এল. পনিপৎ প্লান্ততা পুথোকপা বেন্তোনাইৎ সলফরনা সি.পি.এল.ৱাই.দা এম.তি. ৩,৪৭৮ ওইখিবা অদুগা য়েংনবদা এপ্রিল-ওক্তোবর ২০২০গী মনুংদা এম.তি. ১১,৭৩০ য়োনখি, মমাংগী চহিগী মতম অসি মক্তদা এস.এস.পি. য়োনবদা এম.তি. ৬,৩২৩ ওইখিবা অদুগা চাংদম্নবদা এম.তি. ১৪,৭২৬ য়ৌখ্রে।

কম্পনী অসিগী সি অমসুং এম.দি. শ্রী ভি.এন. দাতনা হায়খি, "লৈবাক্তা চপ চাবা লৈহৌ লৈহন্ননবা মখল পুম্নমক্কী হারশিং শীজিন্ননবা থৌগৎপা মরু ওই”। পাম্বী চাউখৎহন্নবা অমসুং পোত্থোক হেনগৎহন্নবা সলফর অসি তঙাই ফদে। খ্বাইদগী মরু ওইবা ন্যুত্রেন্তগী মরি শুবদা লৈবা ওইবগা লোয়ননা সলফর অসি নাইত্রোজেন মপুং ফানা শীজিন্নবদসু মথৌ তাই।

বাইও-ফর্তিলাইজরশিংগী মখল কয়াগী মথক্তা এন.এফ.এল.না য়ুরিয়া, দি.এ.পি., এম.ও.পি., এন.পি.কে.শিং. এ.পি.এস., কম্পোস্ত, এস.এস.পি. অমসুং বেন্তোনাইৎ সলফর য়োন্দুনা লৌমীশিংদা মখল খুদিংমক্কী হার্শিং মফম অমদা ফংহল্লগনি।

নাইত্রোজেন (এন), ফোস্ফোরস (পি) অমসুং পোতাশ (কে)গী মতুংদা সলফর(এস) অসিনা পাম্বীনা মথৌ তাবা খ্বাইদগী মরু ওইবা মরিশুবা ন্যুত্রেন্ত ওইরি অমসিং ভারতকী লৈহাও অসিদা সলফর ৱাৎপা য়াম্না থেংনৈ। মসি থাও শুংবদা শীজিন্নবা মরুশিং, হৱাইশিং, মনা-মশিং. চু. ফৌ, হোর্তিকলচরী মহৈ-মরোং অসিনচিংবদা মথৌ তাই।

সলফর অসি বেন্তোনাইৎ সলফর অমসুং এস.এস.পি.গী খুত্থাংদা লৈবাক্তা ফংহল্লি। অমরোমদা বেন্তোনাইৎ সলফরদা সলফর ৯০%, এস.এস.পি.দা ১১%, পি২ও৫তা ১৬% অমসুং কেলসিয়ম্দা ২১% য়াওরি।

*****