য়ুমলৈ-কৈরৈ মন্ত্রালয়
কেন্দ্রগী হোম সেক্রেতরীনা দিল্লীগী এন.সি.তি.গী কোবিদ-১৯গী ফিবম য়েংশিনখ্রে
Posted On:
02 NOV 2020 4:20PM by PIB Imphal
কেন্দ্রগী হোম সেক্রেতরী শ্রী অজয় ভাল্লানা চাং নাইনা পাঙথোক্লকপা থৌওংগী শরুক অমা ওইনা দিল্লীগী কোবিদ-১৯গী ফিবম ঙসি য়েংশিনখ্রে। মীফম অদুদা দা. ভি.কে. পোল, মেম্বর নি.তি. আয়োগ, সেক্রেতরী হকশেল অমসুং য়াইফ-য়ুম্বাল মন্ত্রালয়, দিরেক্তর জেনরেল, আই.সি.এম.আর., চীফ সেক্রেতরী অমসুং দিল্লীগী এন.সি.তি.গী সরকারগী মকোক থোংবা ওফিসরশিং (জি.এন.সি.তি.দি.) অমসুং দিল্লী পুলিসকী কম্মিসনরসু শরুক য়াখি।
জি.এন.সি.তি.দি.না কেসকী অহুমশুবা তাংকক্কী হেনগৎলকপা থেংনরিবা দিল্লীগী হৌজিক ওইরিবা কোবিদ-১৯গী ফিবমগী মতাংদা প্রজেন্তেসন অমা পীখি। অনৌবা কোবিদ কেস অমসুং অপুনবা এক্তিব কেস মশিং হেনগৎলকপগা লোইননা, একমিনিস্ত্রেসন অসিনা তেস্তিং, কন্তেক্ত ত্রেসিং, অমসুং ত্রিৎমেন্ততা মীৎয়েং চঙনবা হোৎনরি। হন্দক এক্তিব কেস মশিংদা খঙহেন হেনগৎলক্লিবা অসি কোবিদকা চুনবা তঙাইফদবা লমচৎশিং নাথৈদুনা মী য়াম্না চত্থোক চৎশিন তৌনরিবা কুম্হৈগী মতম ওইবসিননি। হোস্পিতালগী ফমুংগী ফিবমদি অখন্নবা ফমুং ১৫,৭৮৯গী মনুংদা চাদা ৫৭ হাংবগা লোইননা নুংনাংনিংঙাই ওইদে। জি.এন.সি.তি.দি.গী ওফিসিএল অমসুং কম্মিসনর ওব পুলিস, দিল্লীনা পনখি মদুদি ঙাক শেনবা অমসুং মীয়াম ৱাখল তাহন্নবা হোৎনবদা হন্থবা অমত্তা লৈত্রি।
কুম্হৈগী কুমগী ফিবম য়েংদুনা অমসুং পোলুসন হেনগৎলকপগা লোইননা অইং অশা হন্থরকপা য়েংদুনা দিল্লীদা কোবিদ-১৯ শন্দোকপা লাকশিন্নবগী লাল্লোংশিং এম.ও.ঐচ.এফ.দব্ল্যু.গী মীহুৎশিং অমসুং মীফম অদুদা শরুক য়াখিবা হকশেলগী অখঙ অহৈশিংগা মতম লৌদুনা খন্ন-নৈনখি। মরুওইবা মফমশিংদা হায়বদি সেন্সিতিব অমসুং ক্রিতিকেল ওইবা জোনশিং হায়বদি রেস্তোরন্ত, কৈথেল, শম ককফম/সেলোন অসিনচিংবা মফমশিংদা তার্গেতেদ আর.তি.-পি.সি.আর. তেস্তিং পাঙথোকপা; ফমুং, আই.সি.য়ু. অমসুং ভেন্তিলেতর য়াওনা মেদিকেল রিসোর্স ফংবগী চাং হেনগৎহনববু প্রি এম্পতিব ওইবা খোঙথাং ওইনা লৌখৎপা; ক্বারেন্তিন্দ কন্তেক্তশিংগা শন্দোকপগী চেন থদৎনবগীদমক কন্তেক্ত ত্রেসিং অমসুং মোনিতরিং তৌবগুম্বদা মীৎয়েং চঙনবা ৱারেপ লৌখি। অখন্নবা মফমশিং লৌখত্তুনা ইনফোর্স্মেন্ত হেনগৎপগা লোইননা তার্গেতেদ আই.ই.সি. (ইনফোর্মেসন, এজুকেসন অমসুং কম্ম্যুনিকেসন) কেম্পেনগী থোঙদা অহেনবা মীয়াম ৱাখল তাহন্নবা হোৎনবা; হোম আইসোলেসন্দা লৈরিবা কেস খুদিংমক মখোয়গী মেদিকেল কন্দিসশিং ফিবম লুশিল্লক্ত্রিঙৈদা য়েংশিনবা অমসুং মতম চানা হোস্পিতালদা পুবা। মসিমসু খন্নখি মদুদি, মেত্রোদা চৎপা খুদিংমক চেকশিন্না কাংলোন অমত্তা কায়হন্দনা, হীরম অসিগী মতাংদা থোকখিবা স্তেন্দার্দ ওপরেতিং প্রোসিজ্যুর (এস.ও.পি.) ঙাক্না চৎপা।
মীফম অদুবু লোইশিল্লদুনা, হোম সেক্রেতরীনা জি.এন.সি.তি.দি.গী ওফিসিএলশিংনা হোৎনরিবশিংবু থাগৎপা ফোংদোক্লদুনা পুক্নিং চিংশিনখি মদুদি, দিল্লীদা কোবিদ-১৯ শন্দোকপা লাকশিন্নবগী থৌরাংশিং অসি অকনবা মওংদা চৎনহনগদবনি। মহাক্না দিল্লীদা লৈরিবা মীয়ামদা কোবিদতগী শাফবা লোনচৎশিং আর.দব্ল্যু.এ.শিং, মোহালা অমসুং মার্কেৎ কম্মিতীশিং, পব্লিক ইনাউন্সমেন্ত সিস্তেম, পুলিসকী গারীশিংদা পাউজেল পুদুনা চৎপা, অসিনচিংবগী থোঙদা খঙহনগদবনি হায়খি। মহাক্না হায়খি মদুদি দিল্লীগী ফিবম অসি লাক্কদবা চয়োল খরসিদা অমুক্কা হন্না নেসনেল কেপিতেল রিজন (এন.সি.আর.)গী অতোপ্পা জিল্লাশিংগা লোইননা য়েংশিনখিগনি।
*****
(Release ID: 1669550)
Visitor Counter : 166