ভাৰতীয় ৰেলৱেৰ বাবে অক্টোবৰ, ২০২০ মাহত আয় আৰু ল’ডিঙৰ ক্ষেত্ৰত মালৰ ভাড়াৰ পৰিসংখ্যাৰ উৰ্ধ্বমুখী গতি অব্যাহত আছে।

যুদ্ধকালীন গতিৰে, অক্টোবৰ, ২০২০ মাহৰ বাবে ভাৰতীয় ৰেলৱেৰ মালৰ ল’ডিং যোৱা বৰ্ষৰ একে সময়ৰ ল’ডিং আৰু আয়ৰ তুলনাত বৃদ্ধি পাইছে।

অক্টোবৰ, ২০২০ মাহত, ভাৰতীয় ৰেলৱেৰ ল’ডিং ১০৮.১৬ নিযুত টন যি যোৱা বৰ্ষৰ একে সময়ৰ ল’ডিঙতকৈ ১৫% অধিক (৯৩.৭৫ নিযুত টন)। এই সময়ছোৱাত মালৰ ল’ডিঙৰপৰা ভাৰতীয় ৰেলৱেৰ আয় হয় ১০৪০৫.১২ কোটি টকা। যাৰ পৰিমাণ যোৱা বৰ্ষৰ একে সময়ৰ আয়তকৈ ৮৬৮.৯০ কোটি (৯%) টকা অধিক। যোৱা বৰ্ষৰ এই সময়খিনিত আয় হৈছিল ৯৫৩৬.২২ কোটি টকা।

অক্টোবৰ, ২০২০ মাহত ভাৰতীয় ৰেলৱেৰ ল’ডিং হয় ১০৮.১৬ নিযুত টন। ইয়াৰে ৪৬.৯৭ নিযুত টন কয়লা, ১৪.৬৮ নিযুত টন লো, ৫.০৩ নিযুত টন খাদ্যশস্য, ৫.৯৩ নিযুত টন সাৰ আৰু ৬.৬২ নিযুত টন চিমেন্ট (ধাতুমলক বাদ দি)।

এইখিনিতে এটা কথা উল্লেখ কৰিব লাগিব যে ৰেলৱে মালৰ সৰবৰাহক অতিশয় আকৰ্ষণীয় কৰি তুলিবলৈ ভাৰতীয় ৰেলৱেয়ে ৰেহাইৰ সুবিধা প্ৰদান কৰিছে।

অনাগত সময়ছোৱাত মালৰ সৰবৰাহক আনুষ্ঠানিক ৰূপ প্ৰদান কৰা হ’ব আৰু অতি কম সময়ৰ ভিতৰতে ইয়াক অধিক সংঘবদ্ধ কৰি তোলা যাব।

তদুপৰি, নতুন ব্যৱসায়ক আকৰ্ষিত কৰিবলৈ আৰু বৰ্তমানে থকা ক্লাইন্টক ইনচেনটিভ প্ৰদানৰ অৰ্থে শীৰ্ষ লো ও তীখা, চিমেন্ট, শক্তি, কয়লা, অট’ম’বাইল আৰু ল’জিষ্টিক সেৱা প্ৰদানকাৰীসকলেৰে ৰেল মন্ত্ৰালয়ৰ বৈঠক অনুষ্ঠিত হৈছে।

ইয়াৰোপৰি, পঞ্জাৱত মাল সেৱা অৱৰোধ সত্বেও মাণ্ডলিক ও সংমণ্ডল পৰ্যায়ত বিজনেছ ডেভলপমেন্ট ইউনিটসমূহৰদ্বাৰা ফ্ৰেইট স্পীড দুগুণ বৃদ্ধিয়ে বহনক্ষম বিকাশত বৰঙণি যোগান ধৰিছে।

ক’ভিড ১৯ মহামাৰীক ভাৰতীয় ৰেলৱেয়ে সৰ্বতোপ্ৰকাৰ কাৰ্যক্ষমতা আৰু প্ৰদৰ্শনৰ অৰ্থে এটা সুযোগ হিচাপে ব্যৱহাৰ কৰে।

*****

DJN/SB