ওক্তোবর ২০২০গী ওইনা শেল তানবদা অমসুং মাল হাপ্পগী ওইনা ইন্দিয়ন রেলৱেগী ফ্রৈৎকী খোঙজেল লেপ্পা লৈতনা ৱাংখৎলি।

মিসন মোদ ওইনা, ইন্দিয়ন রেলৱেগী ওক্তোবর ২০২০গী ফ্রৈৎ লোদিং অসি মমাং চহী মতম অসিমক্কী মাল হাপ্পা অমসুং শেল তানবগী চাংদগী হেনখ্রে।

ওক্তোবর ২০২০দা, ইন্দিয়ন রেলৱেগী মাল হাপ্পগী চাং অসি তন মিলিয়ন ১০৮.১৬নি, হায়রিবসি মমাং চহীগী মতম অসিমক্কী মাল হাপ্পগী চাং (তন মিলিয়ন ৯৩.৭৫)কা চাংদম্নবদা চাদা ১৫ হেল্লি। হায়রিবা মতম অসিদা ইন্দিয়ন রেলৱেনা ফ্রৈৎ লোদিংদগী লুপা করোর ১০৪০৫.১২ তানখি হায়রিবসি মমাং চহীগী মতম অসিমক্তদা (লুপা করোর ৯৫৩৬.২২) তানখিবদগী লুপা করোর ৮৬৮.৯০ (চাদা ৯) হেল্লি।

ওক্তোবর ২০২২০দা ইন্দিয়ন রেলৱেগী মাল হাপ্পগী চাং অসি তন মিলিয়ন ১০৮.১৬নি হায়রিবসিদা কোইলাগীনা তন মিলিয়ন ৪৬.৯৭নি, আইরন ওরগীনা তন মিলিয়ন ১৪.৬৮নি, চীঞ্জাক্কীনা তন মিলিয়ন ৫.০৩নি, ফর্তিলাইজরগীনা তন মিলিয়ন ৫.৯৩নি অমসুং সিমেন্তকীনা (ক্লিঙ্কর থাদনা) তন মিলিয়ন ৬.৬২নি।

মসিমসু পনবা য়াই মদুদি, কন্সেসন/দিস্কাউন্ত কয়া অমসু ইন্দিয়ন রেলৱেনা রেলৱে ফ্রৈৎপু হেন্না পুক্নিং চিংশিনবা হেন্নবগীদমক পীখি।

মসিমসু খঙজিনবা য়াই মদুদি, ফ্রৈৎ পুথোক পুশিন তৌবগী চাউখৎলকপা অসি ইন্সতিত্যুসনেলাইজ তৌরগনি অমসুং লাক্কদবা জিরো বেজ তাইম তেবলদা হাপচিল্লগনি।

মসিগা লোইননা, অনৌবা লল্লোন ইতীক কয়াগী পুক্নিং চিংশিন্নবগীদমক অমসুং হান্নগী ক্লাইন্তশিংদা ইন্সেন্তিভাইজ তৌনবগীদমক, রেলৱে মন্ত্রালয়না আইরন অমসুং স্তীল, সিমেন্ত, পাৱর, কোইলা, ওতোমোবিল অমসুং লোজিস্তিক্স সর্বিস প্রোভাইদরশিংগী মকোক থোংবা লুচিংবশিংগা ফ্রৈৎকী করবার হেনগৎনবগীদমক মীফম অমা কৌখ্রে।

মসিগা লোইননা, জোনেল অমসুং দিবিজনেলগী থাক্তা লৈবা বিজিনেস দিবেলপমেন্ত অমসুং ফ্রৈৎকী খোঙজেল শরুক অনিগী ময়াদা হেনগৎলকপনা পঞ্জাবতা ফ্রৈৎ সর্বিসকী অথিংবা লৈজরবসু খোঙজেল য়াঙখৎলক্লি।

কোবিদ-১৯বু ইন্দিয়ন রেলৱেনা মপুং ওইনা কান্নবা ফংনবা অমসুং পার্ফোর্মেন্স হেনগৎনবগী খুদোংচাবা ওইনা শীজিন্নখি। 

******