য়াম্না কোম্না মেদিকেল এজুকেশন তম্বা ঙম্নবগী মাইকৈদা য়াম্না মরু ওইবা খোংথাং অমা ওইনা, নেস্নেল মেদিকেল কমিশন (এন.এম.সি.)না মখোয়গী অহানবা মরু ওইবা রেগুলেশন থোকখ্রে। “মিনিমম রিক্ব্যার্মেন্ত ফোর এন্যুৱেল এম.বি.বি.এস. এদমিশন্স রেগুলেশন্স (২০২০)” হায়না মিংথোনবা, ঙসি থোকখিবা নোতিফিকেশন অসিনা হান্নগী মেদিকেল কাউন্সিল ওফ ইন্দিয়া (এম.সি.আই.)গী “মিনিমম স্তেনদার্দ রিক্ব্যার্মেন্ত ফোর মেদিকেল কোলেজেস, ১৯৯৯ (ফোর ৫০/১০০/১৫০/২০০/২৫০ এন্যুৱেল এদমিশন্স)” অসিগী মহুৎ শিল্লগনি।

অনৌবা রেগুলেশন অসি ইস্তাব্লিশ তৌনবগীদমক্তা প্রপোজ তৌরক্লিবা অনৌবা মেদিকেল কোলেজশিং, অমসুং একাদেমিক ইয়র ২০২১-২২দগী মখোয়গী চহি অমগী এম.বি.বি.এস. ইন্তেক অদু হেনগৎনবা প্রপোজ তৌরক্লিবা ইস্তাব্লিশ তৌরবা মেদিকেল কোলেজশিংদা চৎনগনি। ত্রাঞ্জিতরী পেরদকী মনুংদা, ইস্তাব্লিশ তৌরবা মেদিকেল কোলেজশিং অদু হন্দক্কী নোতিফিকেশন অসিগী মমাংদা লৈরম্বা মরী লৈনবা রেগুলেশনশিং অদুগী মখাদা লৈগনি।

ইন্সতিত্যুসনশিং অসিগী থবক তৌবগী তঙাই ফদবশিং অসিবু য়েংলদুনা অনৌবা কাঙলোন খরা শেমখ্রে। মসিনা লৈরিবা রিসোর্সশিংবু মতিক চানা অমসুং নীংথিনা শিজিন্নবা য়াহল্লি অমসুং করিগুম্বা মতমদা রিসোর্সশিং অসি মশিং য়াম্না লৈতবা মতমদসু হৌজিক্কী মতমগী ওইবা মহৈ-মশিং তম্বীবগী তেক্নোলোজীগী কান্নবা লৌদুনা মগুন লৈবা এজুকেসন অমা পীবগী থৌওং পাঙথোকপদসু তেংবাংই।

মরু ওইবা অহোংবশিং:

অনৌবা চৎন-কাঙলোন অসিনা মেদিকেল কোলেজ অমসুং মসিগা মরী লৈনবা তাকপী-তম্বীনবা হোস্পিতাল (বিলদিং খুদিংমক হৌজিক লৈরিবা কাঙলোনগী মখা পোন্না লৈগদবনি) অমা লিংখৎনবা লমগী পাক-চাউবগী তঙাই ফদবা অসি লৌথোকখ্রে। ৱারোল অসিনা ইন্সতিত্যুসন অসিদা লৈরিবা মহৈরোয়শিংগী ওইবা মফমশিং অমসুং থবক শিজিন্নবা য়াবা মফমশিংগী খ্বাইদগী য়ামদ্রবদা লৈগদবা পাক-চাউবগী তঙাই ফদবশিংগী মরমদা নীংথিনা পল্লি। বিভাগ খুদিংনা লৈরিবা লাইরিক তাকপগী মফমশিংবু শিজিন্নমিন্নদুনা (হৌজিক ফাওবদা লৈরিবা চৎন-কাঙলোন অসিগী অকক্নবশিংগা চাংদম্নবদা) লাইরিক তাপগী মফম খুদিংবু ই-লর্নিং তৌবা য়াহন্নবা অমসুং অমগা অমগা দিজিতেলগী খুত্থাংদা শম্ননবা (মসি হান্নসু পাম্নরম্লবনি) ৱারোলশিংবু অনৌবা কাঙলোন অসিনা কুপনা পল্লি।

অনৌবা কাঙলোন অসিগী মখাদা, মহৈরোয়শিংবু তাকপী-তম্বীনবা খুৎলাই মতিক চানা লৈরবা ‘স্কিল্স লেবোরেতরী’ অমা লৈবা অসি হৌজিক য়াম্না তঙাই ফদবা অমা ওইরে। মসিনা মহৈ-তম্বীবগী মওং-মতৌগী মতাংদা মেদিকেলগী ওজাশিংদা ত্রেনীং পীনবা মেদিকেল এজুকেসন য়ুনিৎ অমগী মতাংদসু তাক্লি। লাইব্রেরীগীদমক্তা তঙাই ফদবা মফম অমসুং লাইরিক অমসুং চেফোঙশিংগী তঙাই ফদবা মশিং অসি শেমদোক্লে অমসুং হন্থরে। মেদিকেলগী মহৈরোইশিং অমসুং রেসিদেন্তশিংগী মরক্তা হন্দক্তা ইকুই কুইদনা উবা ফংখিবা ৱাখল ৱাবগী চাং হেনগৎলকপা অসিবু য়েংলদুনা মহৈরোইশিংবু কাউন্সেল্লিং তৌবগী সর্বিস অমসু লৈহন্নবা ৱাফম য়াওরি।

মেদিকেল ত্রেনিংগী মরু ওইরিবা অসি মপুং-ফনা মথৌ তৌবা হোস্পিতাল অমনি হায়বা খঙলদুনা অনৌবা রিগুলেসন অসিনা হৌজিক্তি অনৌবা মেদিকেল কোলেজ অমা লিংখৎনবা চে থারকপা মতমদা য়ামদ্রবদা চহি ২দি মপুং ফানা মথৌ তৌবা বেদ ৩০০ থাবা মল্তি-স্পেসিএলিতী হোস্পিতাল অমা শোইদনা ওইগদবনি হায়রি (হান্নগী রিগুলেসনশিং অসিনা মথৌ তৌনবগী অকক্নবা মতম পীরমদে)। তীচিং হোস্পিতাল অসিগী তোঙান তোঙানবা দিপার্তমেন্তশিংদা মথৌ তারিবা বেদ অসি চহিগী ওইনা লৌগদৌরিবা মহৈরোয় মশিংগা চান্ননবা রেস্নেলাইজ তৌখ্রে, তাকপী-তম্বীবগী মতম অসি ক্লিনিকেল স্পেসিএলিতীশিংদা তৌরগনি অমসুং তীচিং বেদতা ১০% রোম হন্থহল্লিবা অন্দরগ্রেজ্যুৎ মেদিকেল ত্রেনিংগী ওইনা য়ামদ্রবদা মথৌ তাবা ক্লিনিকেল মেতরিএল অসি হান্নগী রিগুলেসনশিং অদুগা চাংদম্নবা মথৌ তারি।

অনৌবা রিগুলেসন অসিদা তীচিং ফেকল্তীগী হ্যুমেন রিসোর্স অসিসু রেস্নেলাইজ তৌখ্রে। ফেকল্তীগী য়ামদ্রবদা ঙাক্না চৎনবা প্রেস্ক্রাইব তৌরিবা অসিগী মথক্তা, ত্রেনিংগী ক্বালিতী ফগৎহন্নবা “ভিজিতিং ফেকল্তী”গী প্রোবিজন শেমখ্রে।

তীচিং ফেকল্তীগী হুমেন রিসোর্স অসিসু অনৌবা রিগুলেসন অমা শেম্লি। মসিগী মথক্তা খ্বাইদগী য়ামদবা প্রেসক্রাইব তৌরবা ফেকল্তী অসি ‘ভিজিতিং ফেকল্তী’ অসিগী ত্রেনিং অসিগী মগুন হেনগৎহনগনি।

অনৌবা তীচিং দিপার্তমেন্ত অনি মেদিকেল কোলেজ হোস্পিতাল পুম্বদা অন্দর্গ্রেজুএত মেদিকেল মহৈরোয়শিংগী ত্রেনিংগীদমক শোইদনা য়াওহল্লি। মসিনা দিপার্তমেন্ত ওফ মেদিসিন (হায়রিবা অসি হান্ননা কেজ্যুএতি দিপার্তমেন্তদগী মফম শিনখ্রবা) অমসুং মসিনা এসেস অমসুং প্রোম্ত ফংহনবা, অথুবা লাকপদা চান্নবা থৌদাং লৌবা মরুওইনা ত্রাওমা; অমসুং ফিজিকেল মেদিসিনগী  দিপার্তমেন্ত অমসুং রিহেবিলিতেসন হায়রিবা অসিনা খুমাং চাউশিনবা রিহেবিলিতেসন কেয়র অসিগী অহোবা লৈরিবা অসি মেনখৎকনি।

রিগুলেসন অসিনা “দিজাইরেবল” অমসুং “এস্পিরেসনেল”গী পান্দম পীদুনা মেদিকেলগী ইন্সতিত্যুসনশিংদা মকোক থোংনবা য়ামদ্রবদা চংদ্রবা য়াদবা অসি পীরি। মসিগী মচাকশিং অসি নেস্নেল মেদিকেল কম্মিসন্না লৈবাক অসিগী মেদিকেল ইন্সতিত্যুৎশিংনা রেতিং তৌরিঙৈদা শিজিন্নগনি।

*****