এপেক্স লেভেল বাইএনুয়েল থৌরম অমা ওইরিবা আর্মী কম্মান্দরশিংগী মীফম অদু ২০২০গী ওক্তোবর তাং ২৬তগী ২৯ ফাওবা ন্যু দিল্লীদা পাংথোক্লি৷ থৌরম অসিদা হৌজিক লৈরিবা সেক্যুরিতী স্তেতস অসিগীদমক লৈরিবা চেলেঞ্জশিং,  বোর্দরশিংদা অমসুং হিন্তরলেন্দদা লৈরিবা সেক্যুরিতীগী ফিভম অসিগী মতাংদা ইন্দিয়ন আর্মীগী এপেক্স লিদরশিপ অদুনা খন্নখ্রে৷ অসিগীসু মথক্তা কনফরেন্স অসিনা ওর্গনাইজেস্নেল রিস্ত্রকচরিং, লোজিস্তিক, এদমিনিস্ত্রেসন অমসুং হ্যুমেন রিসোর্স মেনেজমেন্দদা লৈরিবা ইসুশিং অদুদা মীৎয়েং থম্লি৷ ইন্দিয়ন আর্মীগী সেনিয়র লিদরশিপ্তা ইকাই খুম্নরবা রক্সা মন্ত্রী শ্রী রাজনাথ সিংহনা পীখিবা ৱারোল অদুনা কনফরেন্স অদুগী অহুমশুবা নুমিৎকী মরু ওইবা ৱারোল ওইখি৷

ইকাই খুম্নরবা রক্সা মন্ত্রীনা ইন্দিয়ন আর্মীবু লৈবাক অসিদা লৈরিবা খ্বাইদগী থাজবা য়াবা অমসুং পুক্নিং থৌগৎনিংঙাই ওইবা ওর্গনাইজেসন অমা ওইদুনা মীওই বিলিয়ন হেন্না লৈবাক মীয়ামগী মরাইবক অমসুং থাজবা অদু ইন্দিয়ন আর্মীদা থমখ্রে৷ সিভিল এদমিনিস্ত্রেসন্দা দরকার লৈরকপা মতমদা মতেং পাংবা অসিদগী হেন্দোক্তুনা ঙমখৈ ঙাক শেনবদা অমসুং তেরোরিজম লান্থেংনবদা  আর্মী অসিনা লৌরিবা থৌদাং অদু মহাক্না অমুক্কা হন্না পনখ্রে৷ হৌজিক হৌজিক য়াম্না কন্না চৎথরিবা কোবিদ-১৯ লাইনা -লাইচৎ অসি থেংনবদা ইন্দিয়ন আর্ম ফোর্সেসনা লৌরিবা থৌদাং অদু ইকাই খুম্নরবা রক্সা মন্ত্রীনা থাগৎখ্রে৷ “ইন্দিয়ন আর্মীগী এক্সনশিং অসিনা ঐখোয়গী লৈবাক অসিগী ইন্তিগ্রিতী অমসুং সোবরিন্তী অদু তশেং তশেংনা ঙাক শেল্লি” হায়না মহাক্না ফোংদোকখ্রে৷

ফোর্ৱাদ এরিয়াশিংদা চৎলুবা মহাক্কী খোংচৎ অদুদা মহাক্না থেংনখিবা ইন্দিয়ন আর্মীগী ওপরেস্নেল প্রিপিয়র্দনেস অমসুং তৌবা ঙম্বশিং অদু থাক ৱাংনা লৈরম্বা অদুগীদমক ফোর্সশিং অদুবু মহাক্না থাগৎখ্রে৷ মমা লৈবাক অসি ঙাক শেনবদা মপুং ফানা কৎথোকপা অসিগীদমক গলৱান, কশ্মীর অমসুং অৱাং নোংপোক্তা লৈরিবা থৌনা ফবশিং অদু মহাক্না ইকাই খুম্নবা উৎখ্রে৷ ফোরেন আর্মীশিংগা সস্তেনেবল কোওপরেতিব ওইবা মরীশিং শেমদুনা দিফেন্স দিপ্রোমেসীদা ঐখোয়গী নেস্নেল সেক্যুরিতী ইন্তরেস্ত অদু মখাতানা লৈনবা আর্মী অসিনা তৌরিবা য়াম্না মরু ওইবা কন্ত্রিব্যুসনশিং অদু মহাক্না থাগৎখ্রে৷

“প্রিমিয়র এদজুকেস্নেল ইন্সতিত্যুসনশিং য়াওনা সিভিল ইন্দস্ত্রীশিংগা পুন্না থবক তৌমিন্নদুনা নিচি তেক্নোলোজীশিং শেমগৎনবা ইন্দিয়ন আর্মীনা হোৎনরিবশিং অদু মহাক্না থাগৎখ্রে৷ ইন্দিয়ন আর্মীগী মনুংদা হেন্না সেক্যোর ওইবা মেসেজ থানবা য়ানবা এপ্রিকেসন অমা ওইরিবা “সেক্যোর এপ্রিকেসন ফোর ইন্তরনেত(সাই)”, শেমগৎলিবা অদুসু মহাক্না থাগৎপা ফোংদোকখ্রে৷

অৱাং থংবা ঙমখৈদা হৌজিক লৈরিবা ফিভম অসিদা ৱা ঙাংলদুনা, ইকাই খুম্নরবা রক্সা মন্ত্রীনা  লান্মীশিংনা ঙমখৈ য়াম্না কন্না ঙাক্লিবা মতম অসিদা ক্রাইসিস্কী পিস্ফুল ওইবা রিজোলুসন অদুগীদমক হৌজিক হৌজিক ৱারি শান্নরিবা অদু মখাতানা চৎথরগনি হায়না মহাক্না থাজবা পীখ্রে৷ মহাক্কী ইকাই খুম্নবা উৎপা ওইনা, “ঐখোয়গী লৈবাক্কী ঙমখৈ অসি ঙাক শেন্নবা য়াম্না শাথিবা ৱেদরদা  থৌনা লৈনা থেংনরিবা য়াম্না থৌনা ফরবা ঐখোয়গী ফোর্সশিংদা খ্বাইদগী ফরবা খুৎলাইশিং, ইক্যুইপমেন্তশিং অমসুং ফিরোলশিং ফংহনবা অসি ঐখোয়গী তৌদ্রবা য়াদ্রবা ইথৌ অমনি” হায়না মহাক্না ফোংদোকখি৷ অরাপ্পা মনুং হঞ্জিনবা মফমশিংদা লৈরিবা ঐখোয়গী মীয়ামশিং অদুগা অচেৎপা মরী লৈননবা অমসুং হেন্না থুনা চাওখৎন্নবগীদমক লুরা-লুরবা ফিভমশিংদা ব্রোনা হোৎনরিবশিং অদু ইকাই খুম্নরবা রক্সা মন্ত্রীনা থাগৎখ্রে৷

নোংচুপ থংবা ঙমখৈদা লৈরিবা ফিভম অসি য়েংলগা বোর্দর তেরোরিজম অমসুং সিসফাইয়র থুগাইবশিংদা ইন্দিয়ন আর্মীগী রেস্পোন্স অদু মহাক্না থাগৎখ্রে৷ “জম্মু অমসুং কশ্মীরদা লৈরিবা তেরোরিজমগী অকিবা অদু থেংনবদা কেপফ/পোলিস অমসুং আর্মীগী মরক্তা লৈরিবা অফবা সীনর্জী অদু ঐনা থাগৎলি৷ ভেলী অসিদা হায়রিবা সীনর্জী অসিনা মরম ওইরগা  জম্মু অমসুং কশ্মীরগী য়ুনিয়ন তেরিতেরী অসিনা চাওখৎ থৌরাংগীদমক লেপ্পা লৈতনা তংদু লৈতাবা অমসুং শান্তী লৈবা এনভাইরোনমেন্ত অমদা লাক্লিবনি” হায়না ইকাই খুম্নরবা রক্সা মন্ত্রীনা ফোংদোকখ্রে৷

“সি.দি.এস. অমসুং দি.এম.এ. শেমলকপা অসি ভারতকী পুৱারীদা অচৌবা ৱারেপ অমা ওই অমসুং ইন্তিগ্রেতেদ বেত্তল গ্রুপশিং, ইন্তিগ্রেতেদ থ্রেতর কম্মান্দশিং অমসুং ইন্তিগ্রেতেদ এয়র দিফেন্স কম্মান্দশিং ৱাখল্লোন অসিনা ইন্দিয়ন আর্ম ফোর্সশিংনা মতুং তারকপদা শোক্নরকপা লানশিংদা গেম চেঞ্জর ওইরগনি” হায়না ইকাই খুম্নরবা রক্সা মন্ত্রী অদুনা ফোংদোকখ্রে৷ “মসি  ওপরেস্নেল কেপাবিলিতী হেন্না লৈনবা ত্রান্সফোর্মেস্নেল চেঞ্জশিং অদুগীদমক দিসিজিব রিফোর্মশিং পাংথোক্নবা ইকাই খুম্নরবা প্রধান মন্ত্রীগী ৱারেপ অদুগী ফলনি” হায়না মহাক্না মখাতানা ফোংদোকখি৷ ফোর্সশিংগী কাইনেতিক পোতেন্সিয়েল হেঙ্গৎহনগদৌরিবা দিফেন্স সাইবর অমসুং স্পেস এজেন্সীশিংগী ইস্তাব্লিসমেন্ত অদু মহাক্না পনখ্রে৷

“কোমবেৎ কেপাবিলিতী হেঙ্গৎনবা অমসুং লান্মীশিংগী য়াইফ থৌরাং লৈনবা সরকার অসিনা মীৎযেং থম্লি” হায়না ইকাই খুম্নরবা রক্সা মন্ত্রী অদুনা ফোংদোকখ্রে৷ ২০১৬-ফাইনান্সিযেল পৱার্স দিলিগেসন, দিফেন্স প্রোক্যোরমেন্ত মেনুয়েল অমসুং আর্মী হেদক্বাতর অমুক হন্না শেমগৎপগী প্রোপোজেলশিং অদু  হৌজিক হৌজিক য়েংশিল্লি অমসুং অথুবদা ৱারোইশিন তারগনি” হায়না মহাক্না ফোংদোকখি৷ “অত্মনির্ভর ভারত লাওথোরকপা অমসুং ইমপোর্তশিংগী নেগেতিব লিস্ত থোক্লকপা অসিনা দিফেন্সতা মীপান তাংদনবা আর্ম ফোর্সশিংগী তুংদা লাক্কদৌরিবা অৱাৎপশিং অদু মেনশিন্নবা ইন্দিয়ন দিফেন্স ইন্দস্ত্রীদা অচৌবা খুদোং চাবা পীবা অচৌবা খোংথাংশিং ওইরি” হায়না মহাক্না ফোংদোকখি৷

 “কেপাবিলিতী দিভেলপমেন্ত অমসুং আর্মীগী অৱাৎপশিং অদু মেনশিন্নবগীদমক বদজেৎকী অথিংবা লৈতে” হায়না মহাক্না ফোংদোকখি৷ আর্মীদা নুপীশিংদা পর্মেনেন্ত কম্মিসন পীবগী ৱারেপ অসিনা অতোপ্পা য়াম্না মরু ওইবা ৱারেপ অমা ওই অমসুং মসিনা জেন্দরগী খেন্নবা থমদনা ওফিসর পুম্নমক্তা প্রোফেস্নেল গ্রোথকীদমক চপ মান্নবা খুদোংচাবশিং পীরগনি” হায়না রক্সা মন্ত্রী অদুনা ফোংদোকখি৷

ওর্দিনান্স ফেক্তরী বোর্দ(ও.এফ.বি.)গী ইফিসিয়েন্সী অমসুং একাউন্তেবিলিতী অদু হেন্না লৈনবা মসিদা কোর্পোরেতাইস তৌনবা সরকার অসিনা হোৎনরি হায়না ইকাই খুম্নরবা রক্সা মন্ত্রীনা ফোংদোকখ্রে৷ সরকারগী ফ্লেগলিপ স্কিমশিংগী মনুংদা অমা ওইরিবা এক্স সর্ভিসমেন কন্ত্রিব্যিতরী হেল্থ স্কিম(ই.সি.ঐচ.এস.)কা মরী লৈনবা ইসু পুম্নমক য়াম্না থুনা লাওথোরক্লগনি হায়না ভেতরান কম্ম্যুনিতীদা মহাক্না থাজবা পীখ্রে৷ এ.বি.সি. দবল্যু.এফ.কী মখাদা হৌজিক পীরিবা লুপা লাখ ২ অসিদগী লাখ ৪ ফাওবা পীদুনা বেত্তল কেজুয়েল্তীশিংগী কাংবুপ খুদিংমক্কী মোনিতরী এসিস্তেন্স অদু হেঙ্গৎনবা অমসুং ওর্দিনরী ফেমিলী পেন্সন অদু হেঙ্গৎন্নবগীদমক মিনিমম সর্ভিস ক্লোস অদু লৌথোকপগী মমাংগী ৱারেপ অদুনা ঐখোয়গী ইমুংশিংগী অৱাবা খুদোংচাদবশিং অদু লৌথোক্ননবগী অচৌবা ৱারেপশিং ওইরি৷ “আর্মীনা মহাক্কী লম্বী অসিদা মাই পাক্না চংশিনবা ঙম্নবা অমসুং তৌবা ঙম্বা হেঙ্গৎনবা সরকার অসিনা হোৎনরি” হায়না মহাক্না ৱারোইশিন পীখি৷

*****