రెండేళ్లకు ఒకసారి నిర్వహించే ఆర్మీ కమాండర్స్ సదస్సు అక్టోబర్ 26 నుండి 29 వరకు  ఢిల్లీలో జరిగింది. ఈ కార్యక్రమంలో, భారత సైన్యం అత్యున్నత నాయకత్వం ప్రస్తుత భద్రతా పరిస్థితులు, సరిహద్దుల వెంట  పరిస్థితులు వంటి  అన్ని అంశాలపై సమగ్రంగా చర్చించింది. సైన్యానికి ఉన్న సవాళ్లపైనా సంప్రదింపులు జరిగాయి. సైన్యం పునర్నిర్మాణం, రవాణా వ్యవస్థలు, పరిపాలన, మానవ వనరుల నిర్వహణకు సంబంధించిన అంశాలపై కూడా ఈ సమావేశం దృష్టి సారించింది. ఈ సమావేశం మూడవ రోజు రక్షణ మంత్రి  రాజనాథ్ సింగ్ భారత సైన్యం  సీనియర్ నాయకత్వాన్ని ఉద్దేశించిన చేసిన ప్రసంగం ప్రత్యేకంగా నిలిచింది.

 భారత సైన్యంపై వందకోట్లకుపైగా పౌరులు ఎంతో నమ్మకం ఉంచారని,  దేశంలోని అత్యంత విశ్వసనీయ  ఉత్తేజకరమైన సంస్థలలో భారత సైన్యం ఒకటని ఆయన పునరుద్ఘాటించారు. మన సరిహద్దులను కాపాడుకోవడంలో  ఉగ్రవాదంపై పోరాడడంలో సైన్యం పోషించిన కీలకపాత్రను ఆయన పునరుద్ఘాటించారు. కోవిడ్-19 కు వ్యతిరేకంగా జరుగుతున్న పోరాటంలో భారత సాయుధ దళాలు పోషించిన పాత్రను  రక్షణ మంత్రి ప్రశంసించారు. "భారత సైన్యం  చర్యలు మన దేశ సమగ్రతను,  సార్వభౌమత్వాన్ని చాటిచెబుతాయి" అని ఆయన వ్యాఖ్యానించారు.

అత్యంత సంక్లిష్టమైన ప్రాంతాల్లోని భారత సైన్యం ఎటువంటి పరిస్థితులను అయినా తట్టుకునేందుకు సిద్ధంగా ఉందంటూ రక్షణ మంత్రి ప్రశంసించారు. ఇటువంటి ప్రాంతాలను గతంలో తాను ప్రత్యక్షంగా చూశానని చెప్పారు. మాతృభూమి రక్షణ కోసం గాల్వన్లోయ, కశ్మీర్, ఈశాన్య రాష్ట్రాల్లో ప్రాణత్యాగాలు చేసిన ధైర్యవంతులకు ఆయన నివాళులు అర్పించారు. విదేశీ సైన్యాలతో స్థిరమైన సహకార సంబంధాలను ఏర్పరచడం ద్వారా మన జాతీయ భద్రతా ప్రయోజనాలను మరింతగా పెంచడానికి రక్షణ దౌత్యం ద్వారా సైన్యం చేసిన కృషిని ఆయన అభినందించారు.

ప్రధాన విద్యా సంస్థలతో సహా పౌర పరిశ్రమల సహకారంతో సముచిత సాంకేతిక పరిజ్ఞానాన్ని అభివృద్ధి చేయడానికి సైన్యం చేస్తున్న ప్రయత్నాలను ఆయన ప్రశంసించారు. ఇండియన్ ఆర్మీలో పనిచేసేవారు సురక్షింగా సందేశాలు పంపుకునేందుకు  “సెక్యూర్ అప్లికేషన్ ఫర్ ఇంటర్నెట్ (ఎస్ఐఏ)”  యాప్ను సైన్యమే  అంతర్గతంగా అభివృద్ధి చేయడాన్ని ఆయన అభినందించారు.

ఉత్తర సరిహద్దుల్లో ప్రస్తుత పరిస్థితులపై వ్యాఖ్యానిస్తూ,  రక్షణ మంత్రి దళాలు దృఢంగా నిలబడి ఉన్నాయని, సంక్షోభం శాంతియుత పరిష్కారం కోసం కొనసాగుతున్న చర్చలు ఫలవంతమవుతాయని విశ్వాసం వ్యక్తం చేశారు.  "మన ప్రాదేశిక సమగ్రతను కాపాడటానికి సైన్యానికి అన్ని సదుపాయాలు కల్పిస్తాం. తీవ్రమైన వాతావరణంలో  శత్రు శక్తులను ధైర్యంగా ఎదుర్కొనేందుకు మన దళాలకు ఉత్తమ ఆయుధాలు, పరికరాలు  దుస్తులు లభ్యమయ్యేలా చూడటంమా బాధ్యత" అని వ్యాఖ్యానించారు.  సుదూర ప్రాంతాలను రోడ్లతో అనుసంధానించడానికి క్లిష్ట పరిస్థితుల్లో పనిచేస్తున్న బార్డర్ రోడ్స్ ఆర్గనైజేషన్  కృషిని అభినందించారు.  తద్వారా మారుమూల ప్రదేశాలలో నివసిస్తున్న మన పౌరులకు రవాణా సదుపాయం ఏర్పడిందని, వాళ్లు వేగంగా అభివృద్ధి చెందుతారని అన్నారు. పశ్చిమ సరిహద్దుల్లోని పరిస్థితిని ప్రస్తావిస్తూ, సరిహద్దు ఉగ్రవాదాన్ని ఎదుర్కోవడం,  కాల్పుల విరమణ ఉల్లంఘనలపై భారత సైన్యం ప్రతిస్పందనను రక్షణ మంత్రి అభినందించారు.  “జమ్మూ కాశ్మీర్‌లో ఉగ్రవాద భయాన్ని ఎదుర్కోవడంలో సిఎపిఎఫ్ / పోలీసు దళాలు,  సైన్యం మధ్య ఉన్న అద్భుతమైన సమన్వయాన్ని నేను అభినందిస్తున్నాను. లోయలో సమన్వయ కార్యకలాపాల కారణంగానే, జమ్మూ కాశ్మీర్ కేంద్ర భూభాగంలో అభివృద్ధికి అనుకూలమైన స్థిరమై  ప్రశాంతమైన వాతావరణానికి ఏర్పడుతోంది ” అని సింగ్ అన్నారు.

“సిడిఎస్, డిఎంఎల సృష్టి భారత చరిత్రలో ఒక ముఖ్యమైన నిర్ణయం.  ఇంటిగ్రేటెడ్ బాటిల్ గ్రూప్స్, ఇంటిగ్రేటెడ్ థియేటర్ కమాండ్స్  ఇంటిగ్రేటెడ్ ఎయిర్ డిఫెన్స్ కమాండ్స్  భారత సాయుధ దళాలు భవిష్యత్తులో పోరాడే విధానంలో కీలకం అవుతాయి. సైన్యం కార్యాచరణ సామర్థ్యాన్ని మెరుగుపరిచేందుకు నిర్ణయాత్మక సంస్కరణలను చేపట్టడానికి  ప్రధానమంత్రి  ధైర్యంగా నిర్ణయం తీసుకున్నారు" అని ఆయన వ్యాఖ్యానించారు. డిఫెన్స్ సైబర్  స్పేస్ ఏజెన్సీల స్థాపన వల్ల దళాల గతిశీల సామర్థ్యం పెరుగుతుందని మంత్రి వివరించారు.

 "పోరాట సామర్థ్యాన్ని పెంచడంపైనా,  సైనికుల సంక్షేమంపైనా ప్రభుత్వం దృష్టి సారించింది. ఆర్థిక అధికారాల ప్రతినిధి బృందం, డిఫెన్స్ ప్రొక్యూర్‌మెంట్ మాన్యువల్, ఆర్మీ హెచ్‌క్యూ పునర్నిర్మాణ ప్రతిపాదనలు ప్రస్తుతం సమీక్షలో ఉన్నాయి. త్వరలో ఖరారు చేస్తాం. ఆత్మనిర్భర్ భారత్  ప్రకటన,  కొన్ని వస్తువుల దిగుమతులను నిషేధిస్తూ చేసిన ప్రకటన రక్షణరంగంలో స్వావలంబన వైపు పెద్ద అడుగు. భారత సాయుధ దళాల  భవిష్యత్తు అవసరాలను తీర్చడానికి రక్షణరంగ పరిశ్రమలకు గొప్ప అవకాశాన్ని అందిస్తుంది" అని ఆయన వ్యాఖ్యానించారు. "సామర్ధ్యాల అభివృద్ధికి  సైన్యం  ఇతర అవసరాలను తీర్చడానికి బడ్జెట్ పరిమితులు లేవు" అని ఆయన పునరుద్ఘాటించారు. సైన్యంలోని మహిళలకు శాశ్వత కమిషన్ మంజూరు చేయడంమరొక ముఖ్యమైన నిర్ణయఅని రక్షణ మంత్రి వ్యాఖ్యానించారు, దీని వల్ల వివక్ష లేకుండా అందరు అధికారులకు వృత్తిపరమైన వృద్ధికి సమాన అవకాశాలు వస్తాయన్నారు. వారి సమర్థత మరియు జవాబుదారీతనం పెంచడానికి ఆర్డినెన్స్ ఫ్యాక్టరీ బోర్డ్ (OFB) ను కార్పొరేట్ చేయడానికి ప్రభుత్వం కట్టుబడి ఉందని రక్షణ మంత్రి వ్యాఖ్యానించారు. ప్రభుత్వ ప్రధాన పథకాల్లో ఒకటిగా పేర్కొన్న మాజీ సర్వీస్‌మెన్ కంట్రిబ్యూటరీ హెల్త్ స్కీమ్ (ఇసిహెచ్ఎస్) కు సంబంధించిన అన్ని సమస్యలను త్వరితగతిన పరిష్కరిస్తామని ఆయన హామీ ఇచ్చారు. అమరవీరుల కుటుంబాలకు ఎబిసిడబ్ల్యుఎఫ్ కింద చెల్లించే మొత్తాన్ని చేసిన రూ .2 లక్షల నుండి రూ .8 లక్షల వరకు పెంచామన్నారు. మెరుగైన సాధారణ కుటుంబ పెన్షన్ కోసం కనీస సేవా నిబంధనను తొలగించామని వివరించారు. "సంస్కరణల ద్వారా, సామర్థ్యం పెంపు ద్వారా మన సైన్యాన్ని ముందుకు నడిపించడానికి ప్రభుత్వం కట్టుబడి ఉంది”అని ఆయన అన్నారు.

******