ওলেম্পিক্স ২০২৪গী ত্রেনিংগীদমক লৈবাক শীনবা থুংনা সাইগী নেসনেল সেন্তর ওফ এক্সলেন্স(এন সি ও ই)দা শান্ন-খোৎনবগী থবকশিং মখা চৎথনবা, মখোয়গা মরী লৈনবা ঔরাঙ্গবাদ, ভোপাল, বেঙ্গলোর, দিল্লি, লখনৌ, রোহতাক অমসুং সেনোপত্তা লৈবা সাই এন.সি.ও.ইশিংদা মাংজৌন্না শান্নরোয়শিংগী চাদা ৯৬ থুংলখ্রে। মমাংদা ত্রেনিং কেম্পশিং মখা চৎথবা হৌরকপদা, তোকিও ওলেম্পিক্কী খল্লবা শান্নরোয়শিং মখোয়গী এন.সি.ও.ইশিং অমসুং এস.তি.সিশিংদা থুংখ্রে। কেম্পশিংদা শরুক য়াগদবা শান্নরোয়শিং তঙাইফদনা ক্বারেনতাইন তৌগনি অমসুং আর.তি-পি.সি.আর তেস্ত পাংথোক্কনি। শান্নরোয় খর খুদক্তা লাকপা ঙমদ্রে অমসুং দিৱালি মতুংদা শরুক য়াগনি। শান্নরোয়শিং এন.সি.ও.ই বাইও-ববল মনুংদা হেক চঙখিবগা অশোই-অঙাম থোক্তনবা কেম্পশিংগী মপান্দা থোকপা য়ারোই। মরম অদুনা, শান্নরোয়শিং ২০২০গী নবেম্বর ১ নৎত্রগা দিৱালি মতুংদা লাক্নবা অপাম্বা খন্নবা খুদোংচাবা পীরে।

শান্নবগী থবকশিং অমুক হন্না হৌরকপা অসিগী মতাংদা, য়ুথ এফেয়ার্স অমসুং স্পোর্তসকী য়ুনিয়ন মিনিস্তর শ্রী কিরেন রিজিজুনা হায়খি, “তোকিও চৎগদবা ঐখোয়গী শান্নরোয়শিং ত্রেনিং পাংথোকপা হৌখ্রে অমসুং মসিগী তাঙ্কক অসিদসু শান্নরোয় কয়া কেম্পতা শরুক য়াবদা ঐ হরাওই। শান্ন-খোৎনবগী থবকশিং অমুক হন্না হৌনবা সাইনা শেম্লিবা এস.ও.পি অসিদা শান্নরোয়শিংনা থাজবা থম্লে হায়না মসিনা উৎলে অমসুং মরম অদুনা ত্রেনিং কেম্পশিংদা হরাও-তয়াম্না শরুক য়ারে। ঐখোয়গী শান্নরোয়শিং অশোই-অঙাম থোকহন্দবা অসি মরুওইবনি অমসুং অশোই-অঙাম থোক্লোইদবা মফম অমদা মখোয়না ত্রেনিং পাংথোকপা য়ানবা থবক খুদিংমক পায়খৎকনি”।

শান্নরোয়শিং মপানগী মীওইশিংগা শম্নদনবা সেন্তরশিং মচু কয়া খাইদোক্তুনা অমসুং মফম কয়া খাইদোক্তুনা অকনবা চেকশিন-থৌরাংশিং পাক-শান্না পায়খৎলে লোয়ন্না শান্নরোয়শিং অশোই-অঙাম থোক্তনা লৈনবা অমসুং ত্রেনিং পাংথোক্নবা হেল্থ মিনিস্ত্রিগী চৎন-কাংলোনশিং অমসুং রাজ্যগী হকশেলগী চৎন-পথাপশিংগী মতুংইন্না থবক পায়খৎলে।

মসিগী মথক্তা, সাই সেন্তরশিংদা লাক্ত্রিঙৈ মমাং অমসুং মতুংদা ইনগদবা স্তেন্দার্দ ওপরেতিং প্রোসিদিউয়র(এস ও পি)গী মতাংদা সাই ওথোরিতিনা শান্নরোয়শিং অমসুং মখোয়গী মমা-মপাশিংদা খঙহল্লে। মখোয় মশাগী অমসুং মখোয়গী মচাশিংগীদমক পায়খৎলিবা থবকশিং অসিদা শান্নরোয়শিং অমসুং মমা-মপাশিং অপেনবা পোক্লে।

শান্নরোয়শিং মখোয়গী এন.সি.ও.ইশিং অমসুং সাই ত্রেনিং সেন্তরশিংদা চৎনবা সাইনা থবক পায়খৎলে। কিলোমিতর ৫০০ হেন্না লাপ্পা মফমশিংদগী লাকপা শান্নরোয়শিংগী এয়র তিক্কেৎ পীরে অমসুং কিলোমিতর ৫০০গী মখা লৈবা মফমশিংগী শান্নরোয়শিংদা থার্দ এ.সি ত্রেন তিক্কেৎ পীরে।

******