পেত্রোলিয়ম অমসুং নেচরেল গ্যাস অমদি স্তীলগী কেন্দ্র মন্ত্রী শ্রী ধর্মেন্দ্র প্রধান্না মালেমসিগী ইন্দস্ত্রী অমসুং অখং-অহৈশিংদা ভারতকী ইনর্জী পুথোকপগী মখল খুদিংমক হেন্না হেনগৎহন্দুনা ভারতকী অপুনবগী  শেল-থুমগী ফীভম অসি মরাং কাইনা লৈহন্নবা তৌবদা শরুক য়ামিন্ননবা হায়খ্রে।  হৌখিবা নুমিদাংৱাইরমদা ইন্দিয়া ইনর্জী ফোরমগী সেরাৱীক্কী সেসন লোইশিনবগী থৌরমদা ৱা ঙাংলদুনা মহাক্না ইকাই খুম্নরবা প্রধান মন্ত্রীনা ইন্দিয়া ইনর্জী ফোরম অসি শঙ্গাবিখিবা অসি কোবিদ-১৯গী লায়চৎনা শাথিবা মওংদা শোকহল্লবা মালেমগী ইনর্জী সেক্তর অসিগী ইনর্জী সেক্যুরিতী, আর্কিতেকচর  অসি ফগৎহন্নবা অমদি ইনর্জী লেন্দস্কেপ অসি ত্রান্সফোর্ম তৌনবশিং অসিগা শাগোন্নরিবশিং অসিগী মরুওইবশিং অসিদা ভারত সরকারনা খনবিরি হায়না মহাক্না ফোংদোকখি। 

ইকাই খুম্নরবা প্রধান মন্ত্রীনা মহাক্কী ইনর্জীদা থম্লিবা মিৎয়েং -মরুওইনা শাফু পীনবা তরেৎ য়াওবা ভারতকী অনৌবা ইনর্জীগী মেপ থৌরম অসি অসি অথোইবা মওংদা পল্লদুনা অহানবা ওইনা শঙ্গাবিরিবা অসিগীদমক্তা হকচিন্না ইকাই খুম্নরি হায়না শ্রী প্রধান্না ফোংদোকখি। মন্ত্রীনা খুঙ্গংগী থাক্তা ভারতনা মালেম পুম্বগী ওইবা মওংদা ইলেক্ত্রিফিকেসন তৌবা অসি থুনা-য়াংনা হেনগৎহল্লিবা, লৈবাক অসিগী য়ুম খুদিংদা অরুবা চাক থোংবদা শিজিন্নবা ফ্যুএল য়ৌহল্লি,  এল.ই.দি. বল্ব অসি লৈবাক শিন-থুংনা ফংহল্লি, অচৌবা মওংদা ইনর্জীগী মঙম অসিগীদমক্তা মাংজিল থারি, মসিনা লৈবাক অসিদা ইনর্জীগী অৱাৎ-অপা লৈরিবা অসি হন্থহন্নবগী ঐখোয়গী ৱাশক অসি মপুং ফাহনবা ঙম্নবগী ওইবা প্রধান মন্ত্রীগী মরুওইবা পাউজেল অসিগী মতাংদা থোইদোকপা মওংদা ফোংদোক্তুনা খংহনখি।

প্রধান মন্ত্রীনা থৌরম অসিগী অহানবা নুমিত্তা থাও অমসুং গ্যাসকী কম্পনীশিংগী সি.ই.ও.শিং/অখং-অহৈশিং অমসুং মকোকশিংগা ৱারী শান্নখি অমদি ভারতকী ইনর্জী সেক্তরগী মতাংদা ৱাখল্লোনশিং পীথোক-পীশিন তৌনখি হায়না শ্রী প্রধান্না ফোংদোকখি। সরকারগী মরুওইবা থৌশীল-থৌরাং অসি অরুবা, অহোংবা অমসুং তুং-কোইনা লৈগদবা ইনর্জী অসি ভারত্তা লৈরিবা মীওই খুদিংমক্তা ফংহন্নবনি হায়বসি প্রধান মন্ত্রীনা থোইদোকপা মওংদা তৌবিখি হায়না মহাক্না ফোংদোকখি। সরকার অসিনা ভারত অসি পুক্নিং চিংশিন্নিংঙাই ওইবা লমথুংফম অমা ওইহন্নবা অনৌবা মওংদা শেমদোক্নবগী থৌশীল-থৌরাংগী পরিং অমা পায়খৎলি হায়না শ্রী মোদীনা থোইদোকপা মওংদা ফোংদোক্লি। মীপাল তাংদবা ভারত অমা ওইবা অসিনা মালেমগী ওইবা শেন্মিৎলোন অসি খংহেন হেনগৎহন্নবা অমসুওইরনি হায়নসু প্রধান মন্ত্রীনা পনখি।

ইন্দিয়ন ওইল অমসুং গ্যাসকী ইন্দস্ত্রী অসিনা হন্দক্কী চহিশিংসিদা অখন্না মওংদা হেনগৎলে হায়না শ্রী প্রধান্না হায়খি। মসিগী শিংননিংঙাই ওইরবা মতম অসিদা লৈবাক অসিগী খ্বাইদগী লাপ্পা শরুক্তা চাক থোংনবা অরুবা ফ্যুএল শুংদুনা ইনর্জী অসি শোইদবা মওংদা ফংহনখ্রে হায়বসি মসিগী থৌরম অসিদা শিংথানিংঙাই ওইবা মওংদা পুথোরকখ্রে। মহাক্না মখা তাখি “ইন্দিয়ন ওইল অমসুং গ্যাস ইন্দস্ত্রী অসিনা শুপ্নতগী মখোয়গী খংজ-হৈজবশিং অদু পুথোক্নরকপদা নত্তনা ফোরম অসিদগী অনৌ-অনৌবা ৱাখল্লোন কয়া অমসু য়ুমদা পুদুনা চৎলগনি হায়বা ঐহাক্না থাজৈ।”

প্রধান মন্ত্রীগী ৱারেপ লৌবা ঙম্বা অমদি মিৎয়েং শানবা মওংদা লিচিংখাদা কোবিদ থোক্লিবা মতমদা অমদি তুংদা ঐখোয়না ইনর্জী সেক্তরদা ভারতকী শেন্মিৎলোন অসি হেনগৎহন্নবা মরি লৈনবা থবকশিং অমদি মথৌ তাবা থবকশিং পুম্নমক পায়খৎনবা হোৎনরি হায়না মন্ত্রীনা ফোংদোকখি। মালেম অসি হান্না অমুক্তা থোকখিদ্রিবা হকশেলগী অৱাবশিং অমদি কোবিদ লায়চৎ অসিনা মালেমদা শেন্মিৎলোন ফগৎহনবদা অপনবা পীরি হায়না মহাক্না ফোংদোকখি। শ্র প্রধান্না হায়খি, “ঐখোয় অসি মালেমগী ইনর্জী সেক্তরগী সপ্লাই চেনশিং ওইনা কোবিদনা থোকহল্লক্লিবা অপনবশিংনা পীরক্লিবা শাফুশিং অসি খংদোকপা তাবনি অমদি ভারতকী ইনর্জী সেক্তর অসি হেন্না মপাঙ্গল হেনগৎহন্নবগী ওইবা থবকশিং অসি য়েংশিনগদবা মতাং অমদা লৈরি।”

শ্রী প্রধান্না থৌরম অসিদা শরুক য়ারিবা মীপুম খুদিংমক মরুওইনা সাউদী অরাবিয়াগী ইনর্জী মন্ত্রালয়গী ঐচ.আর.ঐচ. প্রিঞ্চ অব্দুলাজিজ অমসুং অমেরিকাগী ইনর্জী বিভাগকী  সেক্রতরী ঐচ.ই. দেন ব্রোৱুইলেতপু ইন্দিয়া ইনর্জী ফোরমদা মখোয়না পীরকপা শঙ্গাবগী পাউজেল অদুগীদমক্তা থাগৎপা ফোংদোকখি। মন্ত্রী অসিনা শেল-থুমগী মন্ত্রী শ্রীমতী নির্মলা সিতারমন অমসুং রেলৱে, কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়লদা থৌরম অসিদা য়াওবিবগীদমক্তা থাগৎপা ফোংদোকখি।

থাও অমসুং গ্যাসকী কম্পেনীগী গ্লোবেল সি.ই.ও. ৪০মুক্কা পব্লিক অমসুং লন্নাইগী কম্পেনীগী সি.ই.ও.শিংনা থৌরম অদুদা শরুক য়াখি অমদি লৈবাক অসিদা মখোয়গী ওইবা ৱাখল্লোনশিং, ৱাফমশিং অমদি  ইনভেস্তমেন্তশিং ফোংদোক্তুনা খংহনৎখি। ইন্দস্ত্রীগী মকোকথোংবশিং মফমদা ৱা ঙাংলদুনা প্রধান মন্ত্রীনা ভারতকী ইনর্জীগী দিমান্দগী পানবা মশিং অসি মকংগী চহি তরাসিদা শরুক অনি য়ৌরগনি, ভারতনা মসিদা হেন্না তুং-কোইনা লৈগদবা মালেম অমা অমুক শেমগৎপদা অখন্নবা থৌদাং লৈ হায়না প্রধান মন্ত্রীনা ফোংদোকখি।

২০১৭দা হৌদোকখিবা সেরাৱীক্না পাংথোকপা ইন্দিয়া ইনর্জী ফোরম অসি চহিগী ওইবা থৌরম অমা ওইখ্রে। মসিগী মরুমদা লৈরিবা মরুওইবা ৱাখল্লোন অসি ভারতকী ইনর্জী সেক্তরগী থুদোংচাবশিং অমসুং শিংনবশিং অসিদা ৱাখল পুথোক্নননবগীদমক্তা মালেম অসিগী ইনর্জীগী মকোক থোংবশিং অমদি অখং-অহৈশিং অসি অমত্তা ওইনা পুনশিন্নহলক্নবনি।  মন্ত্রীনা আই.ঐচ.এস.কী মার্কিৎকী ভাইস-চেয়র্মেন দা. দেনিএল য়ের্গিন অমসুং মহাক্কী কাংবুবু মসিগী ভর্চুএল প্লেতফোর্ম অমদা ইন্দিয়া ইনর্জী ফোরমগী মরীশুবা ইদিসন অসি অপনবা য়াওদনা মথা তানা চত্থবা অসিগীদমক্তা থাগৎপা ফোংদোকখি।

নুমিৎ ৩গী থৌরম অসিদা শ্রী প্রধান্না দা. য়ের্গন্না ইবা “দি ন্যু মেপ” অসি ফোংখি।

*****