ঙাকশেল মন্ত্রালয়

দেফেন্সকী এক্সপোর্তশিং হেনগৎহনবা: ভারত-য়ু.এ.ই.না জোইন্ত প্রদক্সন অমসুং ম্যুচুৱল ত্রেদকী খুত্থাংদা মখাতানা দিফেন্সকী লমদা খুৎশম্নদুনা থবক তৌনবা য়ানখ্রে

Posted On: 28 OCT 2020 2:44PM by PIB Imphal

দিফেন্সকী এক্সপোর্তশিং হেনগৎহন্নবা ভারত অমসুং য়ু.এ.ই.গী মরক্তা ৱেবিনার অমা “ইন্দিয়ন দিফেন্স ইন্দস্ত্রী গ্লোবল আউতরীচ ফোর কোলাবোরেতিব পার্তনরশিপ: ৱাএবিনার এন্দ এক্সপো ইন্দিয়া – য়ু.এ.ই. দিফেন্স কোওপরেশন” হায়রিবা হীরম অসিদা পাংথোকখ্রে। হায়রিবা অসি সোসাইতী ওফ ইন্দিয়ন দিফেন্স, এস.দি.আই.এম.গী খুত্থাংদা দিপার্তমেন্ত ওফ দিফেন্স প্রোদক্সন, মিনিস্ত্রী ওফ দিফেন্স, এম.ও.দি.গী লুচিং মখাদা ২০২০গী ওক্তোবর ২৭, লৈবাকপোকপা নুমিত্তা শিনখি।

মাইকৈ অনিমক্তগী এম্বেসেদরশিং অমসুং সেনিয়র এম.ও.দি. ওফিসিয়েলশিংনা ৱেবিনার অসিদা শরুক য়াখি অমসুং লৈবাক অনি অসিগী মরক্তা লৈরিবা অচেৎপা মরী অদুগী মতাংদা ঙাংখি। মাইকৈ অনিমক্না জোইন্ত প্রোদক্সন অমসুং ম্যুচুৱল ত্রেদকী খুত্থাংদা মখাতানা দিফেন্সকী লমদা খুৎশম্নদুনা থবক তৌনবা য়ানখি, হায়রিবা অসি লৈবাক অনমক্কীদমক্তা ইকানদা কান্নবা ৱাফম অমা ওইগনি। শ্রী সঞ্জয় জাজু, জে.এস. (দি.আই.পি.)না হায়খি মদুদি আত্মা নির্ভর ভারত অভিয়ানগী শরুক অমা ওইনা, ঐখোয়না প্রোতেকশনিজমগী ৱাখল্লোন অসি শৌগৎপা নত্তে। “মসিগী ওন্না তৈনবদা ঐখোয়না ঐখোয়গী কমপনীশিংনা গ্লোবল সপ্লাই চেনশিংগী শরুক অমা ওইবা ঙম্নবা অমসুং ফোরন কমপনীশিংনা ভারতকী দিফেন্স মেন্যুফেকচরিং ইকোসীস্তেমদা শরুক য়ানবা ওপন্নেস অমসুং ইন্তর-লিঙ্কেজশিংগী মতাংদা অখন্নবা মীৎয়েং থম্লিবনি”

মসিগী ৱেবিনার অসি দিফেন্স এক্সপোর্তশিংদা হেনগৎহন্নবা অমসুং লাক্কদবা মথংগী চহি মঙা অসিদা $ বিলিয়ন ৫গী দেফেন্স এক্সপোর্তকী পান্দম অদুবু ফংবা ঙম্নবা নুংশি-চান্ননা লৈমিন্নরিবা মাপন লমগী লৈবাকশিংগা লোইননা শিনখিবা ৱেবিনারগী সিরিজকী শরুক অমনি।

ভারতকী কমপনীশিং খুদমম ওইনা এল. অমসুং তি. দিফেন্স, জি.আর.এস.ই., ও.এফ.বি., এম.কে.য়ু., ভারত ফোর্জ অমসুং অশোক লেলেন্দনা ৱেবিনার অসিদা মরু ওইবা প্লেতফোর্মশিং / ইক্বিপমেন্ত খুদম ওইনা আর্তিলরী সীস্তেমশিং, রেদারশিং, প্রোতেক্তেদ ভেহিকলশিং, কোস্তেল সর্ভিলেন্স সীস্তেম, আকাশ মিসাইল সীস্তেম অমসুং এম্যুনিশন্নচিংবশিংগী মতাংদা কমপনী অমসুং প্রোদক্ত প্রজেন্তেশনশিং পীখি। য়ু.এ.ই.গী মাইকৈদগী এস.ত.আর.ই.আই.তি. গ্রুপ, রোকফোর্দ সিলরী, ই.দি.জি.ই., তি.এ.দব্ল্যু.এ.জেদ.য়ু.এন. অমসুং মারাকেব তেক্নোলোজীজনা প্রজেন্তেশন পীখি।

ৱেবিনার অসিদা পার্তিসিপেন্ত ১৮০গী মথক্না শরুক য়াখি অমসুং এক্সপো অদুদা ভর্চুৱল একঝিবিশন স্তোল ১০০গী মথক্তা থমখি।

*****



(Release ID: 1668156) Visitor Counter : 175