ঙসি কমর্স অমসুং ইন্দস্ত্রিগী য়ুনিয়ন মিনিস্তর শ্রী পিয়ুস গোয়ালনা হায়খ্রে মদুদি তুংগী উবা মিৎয়েংগা লোয়ন্না অফবা ৱারেপ লৌবা অনি পুন্দুনা ভারতনা মপুংফাবা স্তার্দঅপকী ফিবম অমা শেমগৎলে। অহানবা সংহাই কোর্পোরেসন ওর্গনাইজেসন(এস সি ও) স্তার্দঅপ ফোরম হৌদোকপদা মহাক্না হায়খি নহারোলশিং ঐখোয়গী লন্নি অমসুং খুদোংথিনিংঙাই ওইরবা অমসুং তম্বা ঙমদ্রবা মতম অসিদা মখোয়না খাংবা কনবা, চুশিন্নবা ঙম্বা অমসুং থবক পাংথোকপা ঙম্বা থৌনাগা লোয়ন্না থবক পায়খৎলে।

শ্রী গোয়ালনা হায়খি ঐখোয়গী স্তার্দঅপশিংনা থেংনরিবা অৱাবা অসি তুংগী খুদোংচাবা অমা ওন্থোকপা ঙম্লে। মতম চানা অমসুং মমল হোংবা পাম্বৈ কয়া পুথোক্নবা অকনবা থৌনা অমসুং থবক হৈনিংবা উৎপগীদমক ভারতকী স্তার্দঅপশিং থাগৎলদুনা মহাক্না হায়খি কোবিদ মনুংদা ভারতমচা মিল্লিয়ন কয়াদা লাইরিক তম্নবা মচাকশিং লেম্না পীদুনা ইদতেক এপ্পশিংনা ইজুকেসনগীদমক পায়খৎলিবা থবকশিং অসিনা চাউখৎনবগীদমক ঐখোয়গী খৌরাংবা অদু উৎলে। ঐখোয়গী নহারোলশিংনা অরুবা এপ্লিকেসনশিং পুথোক্তুনা ঐখোয়না শেন-থুমগী থবকশিং হাংদোরকপা অমসুং শেন-থুমগী থবক পাকথোক-চাউথোরকপা মতমদা লাইচৎনা থোকহনবা অৱাবশিং থাজবা অমগা লোয়ন্ননা মাইপাক্না মায়োক্নবা অমসুং সেক্তর কয়া দিজিতেল ওইহনবদা মতেং পাংলে।

শ্রী গোয়ালনা হায়খি ঐখোয়গী খ্বাইদগী ফবা থবকশিং অমসুং লৌশিং শরুক য়ামিন্নদুনা, কোর্পোরেতশিং অমসুং ইনভেস্তরশিং উন্দুনা, থবক পাংথোক্নবা শেন খোমগৎনবা হোৎনদুনা, ইনকুবেতরশিং লিংখৎতুনা অমসুং অনৌবা কয়া খঙহন্দুনা কোবিদ লাইচৎ অসিদা ভারত্তা নৌরিবা ফার্মশিংনা য়াংনা অমসুং হোংদোক-হোংজিন তৌদুনা থবক পায়খৎলে। হায়রিবা অনৌবা ৱাখল্লোনশিং অসিনা স্তার্দঅপশিংনা হেন্না পাক-চাউনা থবক পাংথোকপা ঙমগনি।

শ্রী গোয়ালনা হায়খি অহানবা ওইনা নেসনেল স্তার্দঅপ এৱার্দ প্রোগ্রাম লিংখৎতুনা য়াম্না ফবা স্তার্দঅপ খর ভারতনা মশক খঙলে। অফবা ৱাখল্লোনশিংগা স্তার্দঅপশিং মশিং য়াম্না থোরক্নবা ঐখোয়না পুক্নিং থৌগৎনিংঙাই ওইবা মতেং পাংলি। ভারতকী স্তার্দঅপশিংগা থবক তৌমিন্ননবা প্রধান মন্ত্রীনা মাংজিল থাদুনা হোৎনরি। প্রধান মন্ত্রী নরেন্দ্র মোদীনা হায়খি, “অনৌবা থবক্কী শক্তি উৎতুনা স্তার্দঅপশিং অসি চাউখৎপগী ইঞ্জিনশিংনি”।

নুপী ওন্ত্রেপ্রেনিউয়রশিপ য়োকখৎনবা ৱা খন্নবা য়াওনা থৌরম কয়া য়াওহনবগীদমক এস.সি.ও থাগৎলদুনা শ্রী গোয়ালনা হায়খি ভারত্তা মশিং য়াম্লবা স্তার্দঅপশিং নুপীশিংনা লিংখৎলে। ঙসি হৌদোক্লিবা এস.সি.ও স্তার্দঅপ ফোরম অসি ঐখোয়গী মেম্বর লৈবাকশিংগী মনুংদা থবক তৌমিন্ননবা অমসুং অনৌবা ৱাখল্লোন য়োকখৎনবগী থৌনা হেন্না পাংথোক-চাউথোক্নবা মেম্বর লৈবাকশিংগী মনুংদা অচুম্বা ফিরেপ অমা লৌবগী মমি অদুনি। এস.সি.ও মেম্বর লৈবাকশিং অমত্তা ওইনা পুল্লিবা লংলাশিংগী মনুংদা ওন্ত্রেপ্রেনিউয়রশিপগী থৌনা অসি অমনি। এস.সি.ও স্তার্দঅপ ফোরম হৌদোকপা অসি ঐখোয়গী মরক্তা অনৌবা থবকশিং হেন্না য়োকখৎনবা মেম্বর লৈবাকশিংনা অচুম্বা ৱাখল্লোন লৈবগী মমিনি। মেম্বর লৈবাকশিংগী স্তার্দঅপশিংগা থবক তৌমিন্নবা অসিনা মখা তানা মসিগী ফিবম ফগৎলক্কনি অমসুং ঙসিগী মালেম অসিদা স্তার্দঅপশিংগী মিৎয়েং পাকথোক-চাউথোক্কনি, পাক-চাউবা অমসুং ইথিল পীবদা য়েংবদা ঐখোয়গী খুদোংচাদবশিং অসি মালেমগী ৱাফম ওইরক্লে।

*****