• গৃহ মন্ত্রালয় (এম.ঐচ.এ)না ৩০.০৯.২০২০দা থোকখিবা অমুক হন্না হাংনবগী গাইদলাইনশিং অদু ৩০.১১.২০২০ ফাওবা চৎননবা ঙসি ওর্দর অমা থোকখ্রে।
• কন্তেনমেন্ত জোনশিংগী ৱাংমদা থবক থৌরমশিং অমুক হন্না হাংবা
  • এম.ঐচ.এ.না মার্চ ২৪, ২০২০দা লোকদাউনগী খোঙথাংশিংগী অহানবা ওর্দর থোকখিবা হৌবদগী, অয়াম্বা থবক থৌরম পুম্নমক কন্তেনমেন্ত জোনশিংগী ৱাংমদা তপ্না-তপ্না হাংদোরকখি। অয়াম্বা থবক থৌরমশিংগী অয়াবা পীরবসু মীয়াম তিনবা থবক থৌরম খরদি অথিংবা খরগা লোয়ননা হকশেল অমসুং চেকশিল থৌরাংগী মতাংদা পীবা এস.ও.পি.শিং ঙাক্না চৎপগী মতুং ইন্না অয়াবা পীখি। থবক থৌরমশিং অসিদা য়াওরিবা অদুদি- মেত্রো রেল; শোপ্পিং মোলশিং; হোতেল, রেস্তোরেন্তশিং অমসুং হোস্পিতেলিতী সর্ভিসশিং; ধর্মগী লাই খুরুমফমশিং; য়োগ অমসুং ত্রেনিং ইন্সতিত্যুতশিং; জিম্নাসিয়মশিং; সিনেমাশিং; এন্তর্তেনমেন্ত পার্কশিং অসিনচিংবা।
  • কোবিদকী লাইনা অসি শন্দোকপগী চাং য়াম্না ৱাংবা থবক থৌরম খরগী ওইনদি ওইরক্লিবা ফীভম অদুগী এসেসমেন্তদা য়ুম্ফম ওইরগা অমদি এস.ও.পি.শিং ঙাক্না চৎপগী মতুং ইন্না রাজ্য/য়ু.তি. সরকারনা অমুক হন্না হাংবগী ৱারেপ লৌজনবা অয়াবা পীখ্রে। থবক থৌরমশিং অসিদা য়াওরিবা অদুদি –স্কুলশিং অমসুং কোচিং ইন্সতিত্যুতশিং; রিসর্চ স্কোলরশিংগী রাজ্য অমসুং লনাই য়ুনিবর্সিতীশিং ; মীওই ১০০গী মথক্তা তিনবগী অয়াবা পীবা অসিনচিংবা।
  • এম.ঐ.এ.না ৩০.০৯.২০২০দা থোকখিবা অকোনবা গাইদলাইনশিংগী মতুংদা মখাদা পীরিবা থবক থৌরমশিং অসি অথিংবা খরগা লোয়ননা অয়াবা পীখ্রে:

1. এম.ঐ.এ.না অয়াবা পীবগী মতুং ইন্না পেসেঞ্জরশিংনা ইন্তরনেস্নেল এয়র ত্রেবেল তৌবা।
2. শান্নরোয়শিং ত্রেনিং তৌবগী স্বিমিং পুলশিং শীজিন্নবা
3. বিজিনেস তু বিজিনেস (বি২বি)গী হিরমশিংগী একজিবিসন হোলশিং হাংবা
4. সীতিং কেপাসিগী ৫০% ফাওবগা লোয়ননা সিনেমাশিং/থীএতরশিং/মল্তিপ্লেক্সশিং হাংবা
5. কা মনুংগী ওইবা মফমশিংদা হোলগী কেপাসিতীগী য়াম্লবদা ৫০%গা লোয়ননা খুন্নাইগী/ একাদেমিক/ শান্ন-খোৎনবা/ এন্তর্তেনমেন্ত/ নাৎকী/ ধর্মগী/রাজনিতীগী ওইবা থৌরমশিং অমসুং মীওই ২০০গী অথিংবগা লোয়ননা অয়াবা পীবা।

মখা তানা মথক্তা পল্লিবা থবক থৌরমশিং অসিগী মতাংদা ৱারেপশিং অদু ওইরিবা ফীভম অদুগী এসেসমেন্তদা য়ুম্ফম ওইরগা লৌগনি।

• কোবিদকা চুনবা চৎন-লোনচৎশিং
  • তাঙ্কক নাইনা অমুক হন্না হাংদোক্নবগী অমসুং থবক থৌরমশিং মখা চত্থনবগী ৱাখল্লোন অসি মাংলোমদা চংশিন্নবনি। অদুম ওইনমক মসিনা লায়চৎ অসি লোইরে হায়বদি নত্তে। প্রজা খুদিংমক্না নুমিৎ খুদিংগী পাঙথোক্লিবা থবক থৌরমশিংদা কোবিদ-১৯গা চুনবা চৎন-লোনচৎশিং ঙাক্তুনা চেকশিন্নবা চৎপা মথো তাই।  প্রধান মন্ত্রী শ্রী নরেন্দ্র মোদীনা ওক্তোবর ৮, ২০২০দা কোবিদ-১৯গা চুন্নবা চৎন-লোনচৎকী মখাদা পীরিবা লাইৱা অহুমশিং অসি ঙাক্না চৎনবা ‘জন অন্দোলন’ হৌদোকখি:

1. নিয়ম চুম্না মাস্ক উপ্পা;
2. খুৎশা তোইনা হাম্বা; অমসুং
3. ফিৎ ৬কী অরাপ্পা থম্বা।
   • থবক থৌরমশিং অমুক হৌবদা মাই পাক্নবা অমসুং লায়চৎ অসি লাকশিনবদা ফংলিবা কান্নবশিং অসি মাংহন্দনবা প্রজাশিংগী মরক্তা চৎনরোল অমসুং থৌদাং লৌনবগী ৱাখল্লোন পোকহনবা অথুবদা মথৌ তাই।
   • এম.ঐচ.এ.না রাজ্যশিং/য়ু.তি.শিংগী চীফ সেক্রেতরীশিং/এদমিনিস্ত্রেতরশিংদা গ্রাস রুৎ লেবেলদা পাকশন্না কোবিস-১৯গা চুনবা চৎন-লোনচৎ ঙাক্না চৎনবা অমসুং মাস্ক উপ্পা, হেন্দ হাইজিন তৌনবা অমসুং সোসিএল দিস্তেন্সিং ঙাক্না চৎনবগী খোঙথাংশিং লৌখৎনবা হান্ননা য়াথং পীখ্রে।

কোবিদ-১৯ মেনেজমেন্তকী নেস্নেল দিরেক্তিবশিং

• কোবিদ-১৯গী চুনবা চৎন-লোনচৎশিং ঙাক্না চৎনবা কোবিদ-১৯ মেনেজমেন্তকী নেস্নেল দিরেক্তিবশিং অসি লৈবাক শিনবা থুংনা মখা তানা ঙাক্না চৎখিগনি।

নবেম্বর ৩০, ২০২০ ফাওদা কন্তেনমেন্ত জোনশিংদা লোকদাউন অকনবা মওংদা ইমপ্লিমেন্ত তৌবা

• নবেম্বর ৩০, ২০২০ ফাওদা কন্তেনমেন্ত জোনশিংদা লোকদাউন অকনবা মওংদা ইমপ্লিমেন্ত তৌখিগনি।
• শন্দোকপগী চেন অদু মপুং ফানা থুগাইনবা পান্দমগা লোয়ননা এম.ও.ঐচ.এফ.দবল্যু.গী গাইদলাইনশিং চৎনরগা মাইক্রো লেবেলদা কন্তেনমেন্ত জোনশিং অসি দিস্ত্রিক্ত ওথোরিতীশিংনা খাইদোক্কনি। কন্তেনমেন্ত জোনশিং অসিদা অকন্নবা লাকশিন্নবা খোঙথাংশিং লৌখৎকনি অমসুং তঙাই ফদবা থবক থৌরমশিং খক্তমক অয়াবা পীগনি। 

• কন্তেনমেন্ত জোনশিংগী মনুংদা অকনবা পেরিমিতর কন্ত্রোল ঙাক্না চৎকনি অমসুং তঙাই ফদবা থবক থৌরমশিং খক্তমক অয়াবা পীগনি।
• কন্তেমেন্ত জোনশিং অসি রাজ্যশিং/য়ু.তি.শিংনা মরী লৈনবা দিস্ত্রিক্ত কলেক্তরশিংগী ৱেবসাইৎশিংদা খংহনগনি অমসুং ই-পাউ অসি এম.ও.ঐচ.এফ.দবল্যু.দা শিয়র তৌগনি। 

কন্তেনমেন্ত জোনশিংগী মপান্দা রাজ্যশিংনা লোকেল লোকদাউন অমত্তা থম্বা য়ারোই

• রাজ্য/য়ু.তি. সরকারশিংনা কেন্দ্র সরকারগা মাংজৌননা তান্নরমদনা কন্তেনমেন্ত জোনশিংগী ৱাংমদা লোকেল লোকদাউন অমহেক্তা (রাজ্য/জিলা/সব-দিবিজন/শহর/খুঙ্গংগী থাক্তা) থম্বা য়ারোই।

ইন্তর স্তেৎ অমসুং ইন্ত্রা স্তেৎ চৎথোক চৎশিন্দা অথিংবা থম্লোই

• ইন্তর স্তেৎ অমসুং ইন্ত্রা স্তেৎতা মী চত্থোক চৎশিন অমসুং পোৎ-চৈ পুথোক পুশিন্দা অথিংবা থম্লোই। মসিগী চত্থোক চৎশিনশিং অসিগী তোঙান্না পর্মিসন/অয়াবা/ই-পর্মিৎ লৌবগী মথৌ তাদে। 

নারকপা য়াবা মীওইশিং ঙাক-শেনবা

• নারকপা য়াবা মীওইশিং হায়বদি চহি ৬৫গী মথক্কী মীওইশিং, কো-মোর্বিদিতী ওইবা মীওইশিং, মীরোনবীশিং অমসুং চহি ১০গী মখাগী অঙাংশিং তঙাই ফদবা পোৎলমশিং লৈবা অমসুং হকশেলগী ওইবা হীরমদা নত্তনা য়ুমদা লৈনবা খংহল্লি। 

অরোগ্য সেতু শীজিন্নবা

• অরোগ্য সেতু মোবাইল এপ্লিকেসন অসি মখা তানা শীজিন্ননবা পুক্নিং থৌগৎকদবনি।

*****