త్రిపురలో రేపు 9 జాతీయ రహదారుల నిర్మాణ ప్రాజెక్టులకు; కేంద్ర రహదారి రవాణా, హైవేల శాఖ మంత్రి శ్రీ నితిన్‌ గడ్కరీ శంకుస్థాపన చేయనున్నారు. వీటి మొత్తం పొడవు దాదాపు 262 కి.మీ. రూ.2752 కోట్ల విలువతో నిర్మాణం చేపట్టనున్నారు. ముఖ్యమంత్రి శ్రీ బిప్లబ్‌ కుమార్‌ దేవ్‌ ఈ కార్యక్రమానికి అధ్యక్షత వహిస్తారు. కేంద్ర సహాయ మంత్రులు శ్రీ జితేంద్ర సింగ్‌, వి.కె.సింగ్, రాష్ట్ర మంత్రులు, ఎంపీలు, ఎమ్మెల్యేలు, కేంద్ర, రాష్ట్ర ప్రభుత్వాల సీనియర్‌ అధికారులు ఈ కార్యక్రమంలో పాల్గొంటారు.

ఈ ప్రాజెక్టులు పూర్తయితే; వేగవంతమైన, ఇబ్బందులు లేని అంతర్రాష్ట్ర, బంగ్లాదేశ్‌తో అంతర్జాతీయ అనుసంధానానికి వీలవుతుంది. రాష్ట్రంలో పర్యాటక వృద్ధికి ప్రధాన కారకమవుతుంది. రాష్ట్రంలోని వివిధ పర్యాటక, చారిత్రక,
మతపరమైన ప్రాంతాలను సందర్శించడానికి ఉత్తమ, వేగవంతమైన, సురక్షిత ప్రయాణాలను ఈ ప్రాజెక్టులు అందిస్తాయి. ఆ ప్రాంత ప్రజలకు ఉద్యోగాలు, స్వయం ఉపాధిని కల్పిస్తాయి. దీంతోపాటు, ప్రయాణ సమయం, ఇంధనాన్ని ఆదా చేస్తాయి. వాహనాల నిర్వహణ ఖర్చులు కూడా తగ్గుతాయి. రాష్ట్రంలోని సామాజిక-ఆర్థిక పరిస్థితుల్లో పురోగతి కనిపిస్తుంది. మార్కెట్లకు వెళ్లే సదుపాయం, వ్యవసాయ ఉత్పత్తుల రవాణా మెరుగవుతుంది. తద్వారా ఆయా వస్తువులు, సేవల ధరలు తగ్గుతాయి. ఆరోగ్యపరంగానూ వేగవంతమైన సేవలను అందుకోవచ్చు. రాష్ట్రంలో పర్యాటక, ఆర్థిక, అంతర్జాతీయ అనుసంధానంలో వృద్ధి కనిపిస్తుంది. మొత్తంగా ఈ కొత్త ప్రాజెక్టులు త్రిపుర జీడీపీకి కారకాలవుతాయి.

            కొత్త ప్రాజెక్టులు:

***