রোদ ত্রান্সপোর্ত, হায়ৱেজ অমসুং এম.এস.এম.ই.কী কেন্দ্র মন্ত্রী শ্রী নিতিন গারকরিনা হয়েং ত্রিপুরাদা লুপা করোর ২৭৫২ হেনবগী ওইগদবা পুন্না কি:মি: ২৬২ শাংবা নেসনেল হায়ৱে প্রোজেক্ত মাপনগী উরেপ উয়ুং তমগদৌরি‍। কেন্দ্রগী এম.ও.এস. দোক্তর জিতেন্দ্র সিংহ অমদি জেনেরেল (রিতাইয়র্দ) দোক্তর ভি.কে. সিংহ, স্তেত অদুগী মন্ত্রীশিং, মেম্বর ওফ পার্লিয়ামেন্ত, এম.এল.এ.শিং অমদি কেন্দ্র অমসুং স্তেতকী মকোক থোংবা ওফিসিএলশিংনা শরুক য়াগদবা থৌরম অদুদা চীফ মিনিস্তর শ্রী বিপ্লব কুমার দেবনা থৌরম মপু ওইনা শরুক য়াগনি‍।

প্রোজেক্তশিং অদুনা লোইশিল্লকপদা হেন্না য়াঙবা অমদি অয়েৎ অপন লৈতবা স্তেত মশেলগী অমদি বঙ্গলাদেশতা মালেমগী ওইবা লম্বী থোংগী শম্নবা ফীভম পীগনি, অমদি স্তেত অদুগী লমকোয় সেক্তর মপাঙ্গল কনখৎহনবদা খোঙজেল য়াঙখৎহনগনি‍। অনৌবা প্রোজেক্তশিং অসিনা হেন্না ফবা লম্বী থোং, স্তেত শিনবা থুংনা লৈরিবা তোঙান তোঙানবা লমকোয় মফমশিং, পুৱারীগী মফমশিং অমদি লাইনীংগা মরী লৈনবা মফমশিংদা অয়াঙবা অমদি শাফবা চত্থোক চৎশিন থৌওং পীরগনি‍। মখোয়শিংসিনা লমদম অদুগী অনস্কিল্দ, সেমি-স্কিল্দ অমসুং স্কিল্দ মেনপৱারদা চাউরবা থবক পীবা অমদি মশানা মশাবু থবক পীজবগী খুদোংচাবা পীরবসু য়াই‍। প্রোজেক্তশিং অসিনা চত্থোক চৎশিনগী মতম অমদি ভারী শেমদোক শেমজিনগী শেনফম অমদি থাউ চাবা হন্থহনগনি‍। প্রোজেক্ত অসি পায়খৎপনা লমদমদুগী মীয়ামগী খুন্না-শেন্মিৎলোনগী ফীভম ফগৎহনগনি‍। মসিনা লৌউ-শিংউগী পোত্থোকশিং পুথোক পুশিন তৌবদা নুংঙাইবা অমদি হেন্না চাউবা কৈথেলদা য়ৌশিনবা ঙমহন্দুনা পোত্থোক অমসুং সর্ভিসকী মমল হন্থহনগনি‍। মসিনা হকশেল অমসুং অথু অকায়গী সর্ভিসশিংসু লায়না অমদি থুনা ফংবা ঙমহনগনি‍। শম্না হায়রবদা হায়রিবা প্রোজেক্তশিং অসি লোইশিল্লকপদা লমদমসিগী লমকোয়, শেন্মিৎলোন অমদি মালেমগা শম্নবগী ফীভম চাওখৎহনবদা অচৌবা খোঙফম অমা ওইরগনি‍। অকোনবদা, মসিনা ত্রিপুরা স্তেতকী জি.দি.পি. হেনগৎহনবদা ইনোৎ হাপ্লগনি‍।

        প্রোজেক্তশিং অসিদা য়াওরিবশিংদি:

***