মনিপুরগী চীফ মিনিস্তর শ্রী এন. বিরেন সিংহনা জল জীবন মিসনগী মখাদা খুঙ্গঙ অনিগী ৱাতর সপ্লাই প্রোজেক্ত অনি শঙ্গাখ্রে‍। ভারত ম্যান্মার ঙমখৈদা লৈবা খুঙ্গঙ অনি অসি মনুং হঞ্জিনবা মফম্নি অমদি মতম অমদা লালহৌবনা খুৎলিংদুনা লৈরমবা মফমসি হৌজিক্তি জল জীবন মিসনগী মখাতা চাং নাইনা ৱাতর সপ্লাই ফংলে‍। মনিপুরগী এস্পিরেসনেল দিস্ত্রিক্ক অমা ওইরিবা চান্দেলগী খেংজোই সব-দিভিজনগী খাংবরোল খুল অসি দিস্ত্রিক্ত হেদক্বার্তরদগী কি:মি: ৬৯ চৎলগা লৈবনি‍। খুঙ্গঙ অসি ভারত ম্যান্মার ঙমখৈদগী কি:মি: ৩০রোম লাপ্না লৈ‍। খুল অসিদা য়ুমথোঙ ৮২ লৈ‍। ৱাতর সপ্লাই সিস্তেম অসি ইং ২০৪১ ফাওবদা মীশিং ১০০০ রোম লৈবগী চাংদা পারগা শেমখিবনি‍। চাউরাক্না লুপা লাখ ৬০ চঙনা শাখিবা মালেমগী চিংশিনবগী মঙমদা য়ুম্ফম ওইরগা শেমবা ৱাতর সপ্লাই সিস্তেম অসিনা য়ুমথোঙ ৮২দা হৌজিক মীশিং ৪৫০রোম লৈরিবা অসিদা তোতি ঈশিং পীরি‍। মফমদুদা চহী চুপ্পা ঈশিং ফংবা ‘খাংবরোললোক’ কৌবা ঈশিংগী হৌরকফম অমা ত্রীতমেন্ত সাইত্তগী কি:মি: ৬ লাপ্না লৈ‍। ঈশিং হৌরকফম অদু ত্রীতমেন্ত সাইত্তগী ৱাংখৎপা মফমদা লৈবনা মরম ওইরগা মালেমগী চিংশিনবগী মঙমদা য়ুম্ফম ওইবা ৱাতর সপ্লাই স্কিম অসি পায়খৎপনি‍। অতোপ্পা খুঙ্গঙ অমসিনা চান্দেল দিস্ত্রিক্তকী খেংজোই সব-দিভিজনগী খেংজোই খুল অসি দিস্ত্রিক্ত হেদক্বার্তরদগী কি:মি: ৬০ লাপ্না লৈ‍। খুল অসি ভারত-ম্যান্মার ঙমখৈদগী কি:মি: ২০ লাপ্না লৈ‍। মফমসিদা নৌনা শঙ্গারিবা ৱাতর সপ্লাই সিস্তেম অসিনা ইমুং ৭৩দা তোতি ঈশিং শমদুনা মথৌ তাবা ঈশিং পীরি‍। হৌজিক স্কিম অসি চলাইবা অমদি শেম শাবগী থৌদাং জল জীবন মিসনগী মখাদা য়াওবগুম্না চাং নাইনা অমদি মতম শাংনা খুঙ্গঙগী মফমশিংদা অফবা ঈশিং পীননবগীদমক্তা ভিলেজ ৱাতর এন্দ সেনিতেসন কম্মিতীনা লৌরি‍।

চঙথোক চঙশিনগী খুদোংচাবা হায়বসি চীঙগী মফমশিং অসি নোংজুথা মতমদা য়ৌশিনবা ঙমদবনা মফমসিদা ৱাতর সপ্লাই স্কিম পায়খৎপা অসি অচৌবা শিংনবা অমা ওইরি‍। পোৎলমশিং পুথোক পুশিন তৌবা অকক্নবা মতম খরদতা য়াই‍। অদুগা মচাক মথুম পু্নমক ইম্ফাল নৎত্রগা পল্লেলদগী পুশিনবনি‍। মফম অসিদা নেতৱর্ক কভরেজ নীংথিনা লৈতবনা মথংগী অচৌবা শিংনবা অসি ঈ-পাউ ফাওদোক ফাওজিন তৌবনি, মরম অসিনা মী মতিক চানা লৈতবগী খুদোংচাদবা ফীভমদা অখন্নবা মেন পৱার শীজিন্নবনা থবক অয়ামবদা খুদোংচাদবা মায়োক্নৈ‍। কোবিদ-১৯ লাইচৎ লৈজরবসু, পব্লিক হেল্থ ইঞ্জিনিয়রিং দিপার্তমেন্তকী ওফিসিএলশিংনা অরাপ্পা খুঙ্গঙশিংসিদা লৈরিবা য়ুমথোঙ খুদিংদা তোতি ঈশিং য়ৌহন্নবা কন্না হোৎনখি‍।

মনিপুরদা জে.জে.এম. পায়খৎপগী মরক্কী থাক্কী য়েংশিনবগী থবক অমা হন্দক্তা পায়খৎখি, মদুদা মনিপুর স্তেত ওফিসিএলশিংনা নেসনেল জল জীবন মিসন কাঙবুদা লৈরিবা খোঙজেলগী ফীভম লানখৎখি‍। স্তেত/য়ু.তি.শিংদা মিসন অসি পায়খৎপগী লৈরিবা খোঙজেল য়েংশিন্নবগীদমক, ভিদিও কন্ফরেন্সিংগী খুত্থাঙদা চহি ময়ায় চল্লকপগী হন্না য়েংশিনবগী থবক অমা চঙশৎল্লি, মদুদা স্তেত অমসুং য়ু.তি. খুদিংমক্না খুঙ্গঙগী য়ুমশিংদা তোতি ঈশিং পীবা অমদি মীপুম খুদিংমক কোনশিন্নবা ইন্সতিত্যুসনেল মেকানিজমগী লৈরিবা ফীভমশিং তম্লকখি‍। মনিপুরদা য়ুমথোঙ লাখ ৪.৫রোম লৈ, অদুবু য়ুমথোঙ ৩০,৩৭৯ খক্তমক তোতি ঈশিং শম্লি‍। ইং ২০২০-২১ মনুংদা স্তেত অসিনা এফ.ঐচ.তি.সি. লাখ ২ পীননবা পান্দম থম্লি‍। চৎলিবা চহিসিদা, স্তেত অসিনা দিস্ত্রিক্ত ১ অমদি ব্লোক ১৫ অমদি খুঙ্গঙ ১,২৭৫ চাদা ১০০ কোনশিন্নবা থৌরাং তৌরি‍। স্তেত অসিনা জল জীবন মিসনগী মখাদা ২০২৩ ফাওবগী মনুংদা লৈরিবা য়ুমথোঙগী চাদা ১০০দা য়ুমগী তোতি ঈশিং শম্নবা থৌরাং য়াৎলি‍।

ইং ২০২০-২১দা মনিপুর স্তেত্তা লুপা করোর ১৩১.৮০ কাইথোকখি, মসিগী মনুংদা লুপা করোর ৩২.৯৫ স্তেত অসিদা থাদোকখ্রে‍। স্তেত অসিনা পায়খৎলিবা থবক অমদি শেল থুমগী পর্ফোর্মেন্সতা য়ুম্ফম ওইরগা অহেনবা শেনফম ফংবা য়াগনি‍। মনিপুরদা পি.আর.আই.শিংগী ১৫ শুবা ফাইনান্স কম্মিসন গ্রান্তকী মখাদা লুপা করোর ১৭৭ কাইথোকখ্রবা অমদি শেনফমদুগী চাদা ৫০ ৱাতর সপ্লাই অমদি সেনিতেসনগীদমক শীজিন্নগদবা ওইবনা, স্তেত অসিনা হায়রিবা ফন্দ অসি খুঙ্গঙগী ৱাতর সপ্লাই, অমোৎপা ঈশিং শেংদোক্নবা অমদি খ্বাইদগী মরুওইনা ৱাতর সপ্লাই স্কিমশিং মতম শাংনা চলাইনবা অমদি শেম শাবদা শীজিন্ননবা থৌরাং য়াৎলি‍।

*****