সেন্ত্রেল ভিজিলেন্স কম্মিসন্না ভিজিলেন্স এৱার্নেস চয়োল ওক্তোবর ২৭দগী নবেম্বর ২, ২০২০ ফাওবা পাঙথোক্কদৌরি‍। মসি সর্দার বল্লবভাই পতেলগী মপোক নুমিৎ (ওক্তোবর ৩১) তারিবা চয়োলসিদা চহি খুদিংগী পাঙথোকপনি‍। হায়রিবা মীয়ামদা পাক শন্না খঙহনবগী চয়োলগী কেম্পেন অসিনা মীয়াম্না শরুক য়াশিন্দুনা মীয়ামগী পুন্সিদা লিংজেল মান্নবা অমদি অপুনবগী ফিরেপ লেপমিন্নবগী ঐখোয়গী খোঙফম অদুবু অমুক হন্না চেৎশিনহল্লি‍।

ইং ২০২০দা ভিজিলেন্স এৱ্যারনেস চয়োল অসি “सतर्क भारत, समृद्ध भारत – সতর্ক ভারত, সমৃদ্ধ ভারত (চেকশিনবা ভারত, নুংঙাই য়াইফবা ভারত)” হায়বা হীরমসিদা ওক্তোবর ২৭দগী নবেম্বর ২, ২০২০ ফাওবা পাঙথোক্কদৌরি‍। হীরম অসি হৌদোক্নরকপা হীরমশিং ৱেবসাইত্তা থাগৎলগা অমদি চহিসিগী হৌদোরক্লিবা হীরম অসিদা চীফ ভিজিলেন্স ওফিসরশিংগী ৱাখল্লোন লৌরগা লেপখিবনি‍‍।

সেন্ত্রেল ব্যুরো ওফ ইনভেস্তিগেসন্না ভিজিলেন্স অমসুং এন্তি করপসন হায়বসিদা নেসনেল কনফরেন্স (ওক্তোবর ২৭ – ২৯, ২০২০) অমা শীনগদৌরি অমদি ভিজিলেন্স এৱ্যারনেস চয়োলগী লাইব ৱেবকাস্ত তৌগদবা অমদি থৌরমদুদা প্রধান মন্ত্রী শ্রী নরেন্দ্র মোদীনা ২৭.১০.২০২০গী নুংথিল পুং ৫ তাবা মতমদা ৱা ঙাঙগনি অমদি লূপ/ কেন্দ্র লৈঙাক্কী লোয়শঙ পুম্নমক্না লাইব ৱেবকাস্ত অসি য়েংবা য়াগনি‍।

লূপ খুদিংমক্না মাস্ক উপ্পা, ‘মিতর অনিগী অরাপ্পা’ অমদি খুৎ-শা হামবা হায়রিবা চৎনরিবা কোবিদ-১৯ ঙাকথোক্নবগী চৎন-পথাপশিং অসি থৌরম পাঙথোকফম পুম্নমক্তা চেকশিন্না ইন্ননবা পাউতাক পীরি‍। মসিগী মথক্তা লূপ খুদিমক্না শেলথুম মন্ত্রালয়না দিপার্তমেন্ত ওফ এক্সপেন্দিচরগী খুত্থাঙদা ৪.৯.২০২০দা থোকখিবা ও.এম. নম্বর ৭(২)ই.কোওর্দ/২০২০ শেন্মিৎলোনগী থৌরাংশিং চপ চানা ইন্দুনা চৎননবা পাউতাকসু পীখি‍।

লৈবাক্কী চাউখৎ লমজেলদা শেঞ্জা থুমজা অসি অচৌবা খুরৌ থাংবা অমনি হায়না কম্মিসন্না থাজৈ‍। খুন্নাইগী শরুক খুদিংমক্না ঐখোয়গী লৈবাক্কী পুন্সিগী মশক খুদিংমক্তা অমত্তা ওইবা ফীভম ঙাক্ননবা মীৎশিং নাশিংনা লৈবা মথৌ তাই‍। কম্মিসন্না পামবদি লূপ খুদিংমক্না চহি অসিগী ভিজিলেন্স এৱ্যারনেস চয়োলগী শরুক অমা ওইনা কেম্পেন মওংদা পায়খৎকদবা নুংগী ওইবা (হাউসকীপিং) থৌওংশিংদা মীৎয়েঙ থমবদুনি‍। মসিদা মনুংগী ওইবা থৌওং ফগৎহনবা, থবকশিং অকক্নবা মতমগী মনুংদা লোইশিনবা অমদি লেভরেজিং তেক্নোলোজী মরুদগী ফগৎহনবা হায়বা ৱাফমশিং য়াওরি‍। নেকথোকপা শিন্মীশিংদা শেল পীথোকপা, য়ুম পীবা, লমগী রেকোর্দ য়াওনা লনথুমশিং অপদেত তৌবা অমদি দিজিতাইজ তৌবা, চৎনরিবা চৎন-পথাপশিং ইন্দুনা অমনবা ফর্নিচরশিং হুন্দোকখিবা অমদি অরিবা রেকোর্দশিং লৌথোকখিবা হায়রিবশিং অসি য়াওনা থৌওং পুম্নমক্তা মনুং মপান ফাওনা উবা ফীভম লৈহন্নবা ৱাফম কম্মিসন্না থমখি‍।

লূপশৎংদা মখোয়গী লূপ মনুংদা মশক খঙদোক্তুনা মরুদগী ফীভম ফগৎহন্নবা পাউতাক পীখ্রে‍। মখোয়না ৱাফমশিংদু লূপতুগী ৱেবসাইত্তা মীয়ামগী মফমদা থম্নবগীদমক থাগৎলক্কদবনি‍। মরুদগী ফগৎহন্নবা অমদি অফবা লৈঙাক পুরক্নবা থৌরাংশিং অদু হেন্না পাক শন্না খঙহন্নবগীদমক ৱাফমশিংদু সি.ভি.সি.দা থারক্কদবনি‍।

বেঙ্কশিংগী প্রোবেসনরী ওফিসরশিং অমদি সাইন্তিস্তকুম্বা অতৈ কেদর খরগী ফাউন্দেসন ত্রেনিংগী ত্রেনিং করিকুলমদা প্রিভেন্তিব ভিজিলেন্স মোদ্যুল হাপচিল্লে‍। ভারত লৈঙাক্কী তোঙান তোঙানবা মন্ত্রালয়শিংগী মখাদা লৈরিবা ওর্গনাইজ গ্রুপ এ সর্ভিসেসকী ময়ায় থাক্কী ওফিসরশিংগী মিদ-করিয়র ত্রেনিং প্রোগ্রামদসু প্রিভেন্তিব ভিজিলেন্সগী মোদ্যুল অমা হাপচিল্লে‍। লৈঙাক্কী থৌমীশিংগী লিচৎ শাজত্তা অফবা মওং অমদি মনুং মপান ফাওনা উবা ফীভম পুরক্নবা অমদি মওং মতৌদা অহোংবা পুরক্নবগীদমক ইন্সতিত্যুৎ ওফ এক্সেলেন্স, খুঙ্গঙনচিংবদা চৎপগী ৱাফমসু হাপচিল্লে‍।

শিন্মী পুম্নমক কম্মিসন্না চাইথোকখিবা ইন্তিগ্রিতী ৱাশক অদু লৌননবা ৱাফম থম্লি‍। লূপশিং অসিগা থবক তৌমিন্নবা ভেন্দর, সপ্লাইয়র, কন্ত্রেক্তরনচিংবা মীপুম খুদিংমকসু ৱাশক অসি শক্ননবা ৱাফম থম্লি‍।

কম্মিসন্না কেন্দ্র লৈঙাক্কী মন্ত্রালয়/ লূপ পুম্নমক্তা মখোয়গী লূপ মনুংদা মীয়ামদা য়ৌশিনবগী থৌওংশিংদা হীরমসিগা মরী লৈনবা থৌওংশিং পাঙথোক্নবা ৱাফমসু থম্লি‍:

ক.      শিন্মী/কস্তমরদা য়ুম্ফম ওইবা ঈ-পাউশিং মীয়ামদা খঙহন্নবা অমদি পেন্দবা ৱাফমশিং ৱাকৎনবা মফম ফংহন্নবগীদমক লূপকী ৱেবসাইতশিং শীজিন্নগদবনি‍।

খ.      লূপশিংনা শেঞ্জা থুমজাগী মায়োক্তা পীবা পাউজেল শন্দোক্নবা অমদি নুংঙাই য়াইফবা ভারত চঙদ্রবা য়াদ্রবা ৱাফম অমা ওইনা মীৎ-না শিংবা ভারতকী মথৌ তাবা খঙহন্নবা তোঙান তোঙানবা মীয়ামদা য়ৌশিনবগী থৌওংশিং পাঙথোক্কদবনি‍।

গ.      সোসিএল মিদিয়া ফম্পাকশিং, বল্ক এস.এম.এস./ই-মেল, ৱাতসএপ, ইলেক্ত্রোনিক অমদি প্রিন্ত মিদিয়ানচিংবশিং মীয়ামদা পাক শন্না খঙহন্নবগীদমক ইচঙ থৌনা শীজিন্নগদবনি‍।

<><><><><>