স্পোর্তস ওথোরিতী ওফ ইন্দিয়ানা তেবল তেনিসকী নেস্নেল কোচিং কেম্প পাঙথোক্নবা অয়াবা পীখ্রে, হায়রিবা অসি ওক্তোবর ২৮দগী হৌদুনা দিসেম্বর ৮ ফাওবা পাঙথোক্কনি। শান্নরোয় ১১ (নুপা ৫, নুপী ৬) অমসুং সপ্পোর্ত স্তাফ মরি য়াওবা কেম্প অসি তেবল তেনিস ফেদরেসন ওফ ইন্দিয়ানা দিল্লী পব্লিক স্কুল, সোনীপত্তা পাঙথোক্কনি। কেম্প অসিগীদমক পুন্না চংগদবা চাউরাক্না লুপা লাখ ১৮(এয়র ত্রেবেল অমসুং মেদিকেলগী চাদিং য়াওরগা)গা লোয়ননা অয়াবা পীখি।

কেম্পতা য়াওরিবা মীওইশিংনা দি.পি.এস. সোনীপতকী রেসিদেন্সিএল ফেসিলিতীশিংদা লৈগনি। স্পোর্তকী ওইবা থবক থৌরমশিং অমুক হন্না হৌনবা স্পোর্তস ওথোরিতী ওফ ইন্দিয়ানা শেম্বা স্তেন্দর্দ প্রোতোকলশিং অদু কেম্প অসিনা ঙাক্না চৎকনি। চহি অসিগী মার্চতা কোরোনাভাইরসনা মরম ওইদুনা লৈবাক শিনবা থুংনা থমখিবা লোকদাউনগী মতুংদা পাঙথোকপা তেবল তেনিসকী অহানবা নেস্নেল কেম্প ওইরগনি।

কম্মনৱেল্থ গেম্সকী মরিরক সনাগী তকমান ফংলকখ্রবা অচন্তা সরত কমলনা নুপাগী ত্রেনিং গ্রুপকী শরুক অমা ওইগনি, মহাক্কা লোয়ননা মনুশ শহা, মানব থক্কর, সুধন্সু গ্রোবর অমসুং জুবিন কুমার য়াওগনি। নুপীগী ত্রেনিং গ্রুপতা অনুশা কুতুম্বলে, দিয়া চিতলে, সুথির্থা মুখ্রজী, অর্চানা কমাথ, তাকেমে সরকার অমসুং কৌশানি নাথ য়াওগনি।

অর্চানা কমাথ, তার্গেৎ ওলেম্পিক পোদিয়ম স্কিম দিবেলপমেন্ত গ্রুপকী শরুক অমা ওইরিবা অমসুং য়ং ওলেম্পিক্স ২০১৮গী সেমিফাইনেলিস্ত অমসু ওইরিবা অসিনা কেম্পকী এনভাইরনমেন্তদা অমুক হল্লক্তুনা মহাক্কী তিমমেৎশিং মতম কুইরবগী তুংদা উবা ফংবা অসিদা হরাওবা পোক্লি, “ঐহাক বেঙ্গলুরুদা য়ুমদা ত্রেনিং তৌরি অদুবু মতম কুইরবগী তুংদা ভারতকী  ইরৈবাকচাশিং উবা ফংদুনা মখোয়গা ত্রেন তৌমিনগদবা কেম্পকী এনভাইরনমেন্ত অমদা হল্লকপা ফংবা অসি নুংঙাইবা পোকই।” কমাথনা হায়খি মহাক্কী মরু ওইবা পান্দমদি ওলেম্পিক্কীদমক ক্বালিফাই ওইদুনা মদুদা শানবা অসিনিম থা কয়া অসি মহাক্না হৌজিক ওইরিবা অসিদা মীৎয়েং চংদুনা হোৎনরি অমসুং তুংদা মেৎচ অমা শানবা ফংনবা খল্লি।

ভারতনা তেবল তেনিস্ত মাই পাক্না শান্নখি অমদি হন্দক্তা ২০১৮গী কম্মনৱেল্থ গেম্সতা তকমান ৮ ফংখি লোয়ননা চহি অসিমক্কী এসিয়ন গেম্সতা অহানবা ওইনা তকমানশিং ফংলকখি।

*******