ভিদিও কনফরেন্সকী খুৎথাংদা ২৬ ওক্তোবর ২০২০গী নুমিদাংৱাইরমগী পুং ৬ (ভারতকী মতম)দা নীতি আয়োগ অমসুং পেত্রোলিয়ম অমসুং নেচরেল গ্যাস মিনিস্ত্রীনা শীনবা চহিগী থৌরম অমদা মালেমদা মাংজিল থারিবা থাউ অমসুং গ্যাস কম্পনীশিংগী সি.ই.ও.শিংগা প্রধান মন্ত্রী নরেন্দ্র মোদীগা ৱারী শানগনি।

শুংদোক্ত্রিবা থাউ খ্বাইদগী য়াম্না শীজিন্নবা ৩শুবা লৈবাক অমসুং মপান্দগী এল.এন.জি খ্বাইদগী য়াম্না লৈবা ৪শুবা ওইনা মালেমগী থাউ অমসুং গ্যাসকী লমদা ভারতনা মরুওইবা থৌদাং অমা লৌরি। মালেমগী থাউ অমসুং গ্যাসকী কৈথেলদা ইচম চম্বা কঞ্জুমর অমা ওইরম্বদগী মপাঙ্গল কনবা অমসুং ৱা তাগদবা মরী লৈনবা অমা ওইরক্নবা ভারতকী দরকার ওইবা অদু খঙহন্নবা, ভারতকী প্রধান মন্ত্রীগা লোয়ন্না ২০১৬দা নীতি আয়োগনা অহানবা ওইনা মালেমগী থাউ অমসুং গ্যাসকী সি.ই.ও.শিংগী মীফম অমা পাংথোকখি।

থৌরম অসি মপুং ফারক্তুনা মালেমগী থাউ অমসুং গ্যাসকী লমদা মরুওইবা থৌদাং লৌরিবা মরী লৈনবশিং অমসুং মালেমগী সি.ই.ও. ৪৫-৫০ রোমগা চহি খুদিংগী প্রধান মন্ত্রীগা লোয়ন্না মায়োক্নরিবা অৱাবশিং অমসুং খুদোংচাবশিংগী মতাংদা খন্ননবা মীফম পাংথোক্তুনা লাক্লি। মালেমগী সি.ই.ও.শিংগা উনবগী ফল অসি খন্নরিবা ৱাফমগী মরুওইবা, পাউতাকশিং মগুনশিং অমসুং মখোয়না পায়খৎলিবা থবকশিংদা থৱায় য়াওবা অদুদা উবা ফংগনি।

হন্দক্কী ৫শুবা থৌরম অসি নীতি আয়োগ অমসুং পেত্রোলিয়ম অমসুং নেচরেল গ্যাস মিনিস্ত্রীনা শীনবনি। চহি অসিগী থৌরমদা থাউ অমসুং গ্যাস কম্পনীশিংগী সি.ই.ও. ৪৫ রোম শরুক য়াগনি।

মীফম অসিগী পান্দমদি ভারতকী থাউ অমসুং গ্যাসগী থবকশিংদা শেন থাদবা হেনগৎহন্নবা খ্বাইদগী ফবা থবকশিং খঙনবা, অহোংবা পুরক্নবা খন্ননবা অমসুং লাল্লোংশিং খঙহন্নবা মালেমগী মফম অমা শেমগৎপনি। চহিগী মীফম অসি অখঙ-অহৈশিং মরৈ য়েৎন্নবা খক নত্তনা থবক ওইনা পাংথোক্নবা মালেমগী খ্বাইগী মরুওইবা মীফম অমা তপ্না তপ্না ওইরক্লে। দরকার ওইবশিং ফংহন্নবা ঙম্নবা ২০৩০ ফাওবদা থাউ অমসুং গ্যাসকী লমদা য়ু.এস দোল্লর ৩০০ হেন্না থাদনবা পান্দম থম্লিবা মালেমদা ইনর্জী খ্বাইদগী য়াম্না শীজিন্নবা অহুমশুবা লৈবাক ওইরিবা ভারতকীথাক থৌরম অসিনা হেনগৎহল্লে।

পেত্রোলিয়ম অমসুং নেচরেল গ্যাস অমসুং স্তিলগী মিনিস্তর ধরমেন্দ্র প্রধান্না হৌদোকপগী ৱারোল পীগনি। হৌদোকপগী ৱারোল মতুংদা থাউ অমসুং গ্যাসকী মতাংদা চাউরাকপা শক্তম অমা উৎকনি অমসুং ভারতকী থাউ অমসুং গ্যাসকী লমদা লৈরিবা খুদোংচাবশিং শন্দোক্না তাক্কনি।   

মসিগী মতুংদা মালেমগী সি.ই.ও.শিং অমসুং অখঙ-অহৈশিং ৱারী শানগনি। মালেমগী থাউ অমসুং গ্যাসকী মরুওইবা মরী লৈনবশিং হায়বদি অবু ধাবী নেস্নেল ওইল কম্পনীগী সি.ই.ও. অমসুং য়ু.এ.ই.গী ইন্দস্ত্রী অমসুং এদভান্স তেক্নোলোজীগী মিনিস্তর দোক্তর সুলতান অহমদ অল জবর, ক্বাতরগী ইনর্জী এফেয়র্সকী রাজ্য মন্ত্রী সাদ সেরিদা অল-কাবী, ক্বাতর পেত্রোলিয়মগী দিপুতী চিয়রমেন, প্রসিদেন্ত অমসুং সি.ই.ও. মোহমদ সানুসী বারকিন্দো, সেক্রেতরী জেনেরল, ওপেক, ওস্ত্রেলিয়ানা থাউ অমসুং গ্যাসকী লমদা মখোয়গী ওইবা ৱাফমশিং ফোঙদোক্কনি।

রোজনেফ, রুসিয়াগী চিয়রমেন অমসুং সি.ই.ও. দোক্তর ইগোর সেচিন, বি.পি. লিমিতেদকী সি.ই.ও. বেরনার্দ লুনী, তুতেল এস.এ., ফ্রান্সকী চিয়রমেন অমসুং সি.ই.ও. পাত্রিক পৌয়ানে, বেদান্তা রিছোর্স লিমিতেৎকী চিয়রমেন অনিল অগরৱাল, রিলাইন্স ইন্দিয়া লিমিতেৎকী চিয়রমেন অমসুং মেনেজিং দিরেক্তর মুকেস অম্বানী, ইন্তর্নেস্নেল ইনর্জী এজেন্সী, ফ্রান্সকী এগজিক্যুতিব দিরেক্তর দোক্তর ফাতী বিরোল, ইন্তর্নেস্নেল ইনর্জী ফোরম, সাউদী অরাবিয়াগী সেক্রেতরী জেনেরেল জোসেপ মেক মোনিগল অমসুং জি.ই.সি.এফ.কী সেক্রেতরী জেনেরেল য়ুরী সেন্তয়ুরিন্না মখোয়গী ওইবা ৱাফমশিং প্রধান মন্ত্রীদা ফোঙদোক্কনি। মরুওইবা থাউ অমসুং গ্যাস কম্পনীশিং হায়বদি য়োন্দেল বেসেল, তেল্লুরিয়ান, ক্লুমবার্গ, বেকর হুজেস, জেরা ইমর্সন, এক্স-কোএল, ভারতকী থাউ অমসুং গ্যাস কম্পনীশিংগী সি.ই.ও.শিং অমসুং অখঙ-অহৈশিংসু মখোয়গী ওইবা ৱাফমশিং ফোঙদোক্কনি। 

মসিগী মমাংদা প্রধান মন্ত্রীনা সেরাৱিক্না শীনবা মরিশুবা ইন্দিয়া ইনর্জী ফোরম হৌদোক্কনি। ফোরম অসি মালেমগী ওইনা মরুওইবা পাউ পীবা, নৈনবা অমসুং পাম্বৈশিং পুথোকপদা মাংজিল থারিবা আই.ঐচ.এস. মার্কিৎনা য়ুম্বু ওইগনি। থৌরম অসিদা লমদম অসিগী ইনর্জী কম্পনীশিং, ইনর্জীগা মরী লৈনবা ইন্দস্ত্রীশিং, ইন্সতিতুসনশিং অমসুং সরকারশিংদগী য়াওনা ভারত অমসুং মালেমগী লৈবাক ৩০ হেনবগী মীহুৎ লিশিং অমা হেন্না অমসুং মালেমগী ৱাঙাংলোয়শিং শরুক য়াগনি।

হৌদোকপগী ৱাঙাংলোয়শিংদি :

• সাউদী অরাবিয়াগী ইনর্জী মিনিস্তর অবদুলাজিজ বিন সলমান অল সাউদ

• য়ুনাইতেদ স্তেৎস ওফ অমেরিকাগী ইনর্জী সেক্রেতরী দান ব্রোয়িলেত

• আই.ঐচ.এস. মার্কিৎকী ভাইস চিয়রমেন অমসুং সেরাৱিক্কী চিয়রমেন দোক্তর দেনিএল য়েরগিন

ইন্দিয়া ইনর্জী ফোরমদা নৈনগদবা মরুওইবা হিরমশিংদি : ভারতকী তুংদা ইনর্জী দরকার ওইরকপদা লাইচৎকী চৈথেং; ভারতকী শেন-থুম চাউখৎনবা লেপ্তনা ফংহনবা; ভারতকীদমক ইনর্জগী অওনবা অমসুং ক্লাইমেৎ এজেন্দাগী করি পাংথোক্কনি; ভারতকী ইনর্জী শীজিন্নবদা নেচরেল গ্যাস: করি লম্বীদা চৎকনি; রিফাইনিং অমসুং পেত্রোকেমিকেলস: লাল্লোংশিং; অনৌবা থবকশিংগী খোঙজেল: বাইওফুএল, হায়দ্রোজেন, সি.সি.এস., ইলেকত্রিক গারীশিং অমসুং দিজিতেলগী অওনবশিং অমসুং কৈথেল অমসুং চৎন-কাংলোনগী অহোংবা: মাংদা করি লৈরিবা? অসিনচিংবনি।

***