రసాయనాలు, ఎరువుల మంత్రిత్వ శాఖ
గువాహటి, హైదరాబాద్ ఎస్.ఎ.ఎస్ నగర్ (మొహాలి) ఎన్ఐపీఈఆర్ లు మెడికల్ డివైజ్లో కొత్తగా ఎం.టెక్ కోర్సును ప్రవేశపెట్టాయి. దీనికి ఆన్లైన్ రిజిస్ట్రేషన్లు ఈ నెల 27 నుంచి ప్రారంభమవుతాయి.
నాడు పోస్టు చేయడమైనది:
23 OCT 2020 6:31PM by PIB Hyderabad
వైద్య పరికరాలు ప్రపంచవ్యాప్తంగా పెరుగుతున్న వైద్య అవసరాలను తీర్చగల వర్ధమాన విజ్ఞానశాస్త్రాలు. కొత్త సాంకేతిక పరిజ్ఞానాలను అభివృద్ధి చేయడానికి, పరికరాలను మరింత మెరుగుపర్చడానికి ఈ రంగంలోని సుశిక్షితులకు డిమాండ్ పెరుగుతున్నది. ఈ రంగంలో నిపుణులను ఉత్పత్తి చేయడానికి గువాహటి, హైదరాబాద్ ఎస్.ఎ.ఎస్ నగర్ (మొహాలి) ఎన్ఐపీఆర్లు వైద్యపరికరాల్లో కొత్త ఎం.టెక్ కోర్సును ప్రవేశపెట్టాయి. మెడికల్ పరికరాల అభివృద్ధికి అవసరమైన జీవశాస్త్రం, కెమిస్ట్రీ, గణితం, క్లినికల్ సైన్స్ ఇంజనీరింగ్కు సంబంధించిన అంశాలతో ఈ కోర్సును తీర్చిదిద్దారు. ఇందులో వివిధ వైద్య పరికరాల నమూనాలను అభివృద్ధి చేయడానికి ఒక సంవత్సరం ప్రాజెక్ట్ వర్క్ కూడా ఉంటుంది. బీఫార్మా, ఫార్మ్ డి, ఎమ్మెస్సీ, బీటెక్, బీఈ, ఎంబీబీఎస్, బీడీఎస్, బీవీఎస్సీ కోర్సులు చదివిన వారు ఈ ప్రోగ్రామ్లో ప్రవేశం పొందడానికి అర్హులు. ప్రతి బ్యాచ్లో ప్రతి ఏడాదికి పది మందికి మాత్రమే అడ్మిషన్లు ఇస్తారు. ఈ కార్యక్రమం ద్వారా హెల్త్కేర్, ఫార్మాస్యూటికల్స్, బయోటెక్నాలజీ, మెడికల్ డివైస్ ఇండస్ట్రీలో పరిశోధన సిబ్బందిగా ఉద్యోగ అవకాశాలు పొందవచ్చు. వైద్యపరికరాల రంగం కోసం స్టార్టప్లను ఏర్పాటు చేయవచ్చు.
ముఖ్యమైన తేదీలు: -
ఆన్లైన్ రిజిస్ట్రేషన్లు ప్రారంభించిన తేదీ - 22 అక్టోబర్, 2020
ఆన్లైన్లో నమోదుకు చివరి తేదీ - 15 నవంబర్, 2020
ఆన్లైన్ ఎన్ఐపీఈఆర్ ఉమ్మడి ప్రవేశ పరీక్ష - 4 డిసెంబర్, 2020
పూర్తి వివరాల కోసం, దయచేసి మా వెబ్సైట్ను సందర్శించండి: -
Website: http://www.niperhyd.ac.in
***
(రిలీజ్ ఐడి: 1667247)
సందర్శకుల సూచీ సంఖ్య : : 176