চিকিৎসা উপকৰণ জগতত ক্ৰমবৰ্দ্ধমান চিকিৎসাৰ প্ৰয়োজনীয়তাৰ প্ৰতি লক্ষ্য ৰাখি বিজ্ঞানৰ এটা অগ্ৰণী ক্ষেত্ৰ হৈ পৰিছে। বৰ্তমানৰ প্ৰয়োজনীয়তাৰ প্ৰতি লক্ষ্য ৰাখি এই ক্ষেত্ৰখনৰ প্ৰযুক্তিগত বিকাশৰ বাবে প্ৰশিক্ষিত মানুহৰ চাহিদা বৃদ্ধি পাইছে। এনেকুৱা প্ৰশিক্ষিত বৃত্তিধাৰী লোক সৃষ্টি কৰিবৰ বাবে ৰাষ্ট্ৰীয় ঔষধি শিক্ষা আৰু গৱেষণা প্ৰতিষ্ঠান (নাইপাৰ) গুৱাহাটী, হায়দৰাবাদ আৰু মোহালিয়ে চিকিৎসাৰ উপকৰণৰ ওপৰত এটা নতুন এম.টেক পাঠ্যক্ৰম আৰম্ভ কৰিছে।

পাঠ্যক্ৰমত চিকিৎসাৰ উপকৰণ বিকশিত কৰিবৰ বাবে আৱশ্যকীয় জীৱ বিজ্ঞান, ৰসায়ন বিজ্ঞান, গণিত, চিকিৎসা বিজ্ঞান  আৰু ইঞ্জিনিয়াৰিঙৰ সৈতে সম্পৰ্কযুক্ত বিষয় অন্তৰ্ভুক্ত কৰা হৈছে। বিভিন্ন চিকিৎসা উপকৰণৰ প্ৰট'টাইপ বিকশিত কৰিবৰ বাবে পাঠ্যক্ৰমত এবছৰৰ পৰিকল্পনাও অন্তৰ্ভুক্ত কৰা হৈছে। পাঠ্যক্ৰমত প্ৰৱেশ কৰিবলৈ ইচ্ছুক প্ৰাৰ্থীৰ বাবে ন্যুনতম অৰ্হতা হিচাপে বি ফাৰ্মা/ফাৰ্মা ডি/এম এছ চি/বি টেক/বিই/এমবিবিএছ/বিডিএছ বা বি ভি এছ চি ডিগ্ৰী অনিবাৰ্য। নাইপাৰ হায়দৰাবাদ, গুৱাহাটী আৰু মোহালিত এই পাঠ্যক্ৰমৰ বাবে প্ৰত্যেক বেচ্চত প্ৰতিবছৰে ১০জন ছাত্ৰ প্ৰবেশ কৰিব পাৰে।

এই পাঠ্যক্ৰমৰ জৰিয়তে ছাত্ৰ-ছাত্ৰীক স্বাস্থ্য সেৱা, ফাৰ্মাচিউটিকেলছ, জৈৱ প্ৰযুক্তি আৰু চিকিৎসা উপকৰণ উদ্যোগত গৱেষণা আৰু বিকাশ কাৰ্যত কেৰিয়াৰ গঢ়াৰ লগতে চিকিৎসা উপকৰণৰ ক্ষেত্ৰত ষ্টাৰ্টআপ কোম্পানী আৰম্ভ কৰাৰ বিকল্পও হ'ব।

মহত্বপূৰ্ণ তিথিঃ-

অনলাইন পঞ্জীকৰণ আৰম্ভ হোৱাৰ তাৰিখ-২২অক্টোবৰ, ২০২০

অনলাইন পঞ্জীকৰণৰ অন্তিম তাৰিখ-১৫ নবেম্বৰ,২০২০

অনলাইন নাইপাৰ সংযুক্ত প্ৰবেশ পৰীক্ষাৰ তাৰিখ-৪ ডিচেম্বৰ,২০২০

বিস্তৃত তথ্যৰ বাবে অনুগ্ৰহ কৰি আমাৰ ৱেবছাইটঃ www.niperhyd.ac.in চাওক।

*******

NB/RCJ/RKM