হকশেল অমসুং য়াইফ-য়ুম্বাল মন্ত্রালয়
দা.হর্শ বর্ধন্না উত্তর প্রদেশতা কোবিদ-১৯গী শেম শারিবা অমসুং কোবিদকা চুনবা চৎন-লোনচৎকী লৌখৎলিবা খোঙথাংশিং য়েংশিনখ্রে
“মথংগী থা ৩ অসি লৈবাক অসিগী কোবিদ ত্রেজেক্তরী খংদোকপদা য়াম্না মরুওইরগনি। করিগুম্বা লাক্কদৌরিবা হরাউ কুমহৈ অমসুং নিংথম থা অসিদা ঐখোয়না চেকশিন থৌরাং মতিক চানা লৌখৎলবা অমসুং কোবিদকা চুনবা চৎন-লোনচৎ ঙাক্না চৎলবদি কোরোনা লান্থেংনবদা ঐখোয়না খুমাং চাউশিনবা ফীভম অমদা লৈগনি”
Posted On:
23 OCT 2020 4:10PM by PIB Imphal
হকশেল অমসুং য়াইফ য়ুম্বাল মন্ত্রালয়গী কেন্দ্রগী মন্ত্রী দা. হর্শ বর্ধন্না ঙসি উত্তর প্রদেশকী মেদিকেল এজুকেসন মন্ত্রীশিং অমসুং অতোপ্পা মকোকথোংবা ওফিসিএলশিংগা লোয়ননা কোবিদ-১৯গী শেম শারিবা অমসুং কোবিদকা চুনবা চৎন-লোচৎকী লৌখৎলিবা খোঙথাংশিং য়েংশিন্নবা ভিদিও কনফরেন্সকী থোংদা মীফম অমা পাংথোকখ্রে।
![WhatsApp Image 2020-10-23 at 3.43.25 PM.jpeg](https://static.pib.gov.in/WriteReadData/userfiles/image/image001P3LV.jpg)
অহানবমক্তদা দা.হর্শ বর্ধন্না কোবিদ-১৯ লান্থেংনবদা কোরোনা ৱারিয়রশিংনা লৌরিবা থৌদাংশিং অদুবু থাগৎপা ফোঙদোকখি। হৌখিবা থা অহুম অসিদা লৈবাক অসিনা কোবিদ পেরামীতরশিংদা শিংথানিংঙাই ওইনা ফগৎলকপা থেংনখ্রে। “নোংমদা কেস ৯৫,০০০ রেকোর্দ তৌরম্বদগী কেসশিং অসি খংহন হন্থরক্তুনা নোংমদা কেস ৫৫,০০০ ওইখ্রে। ভারতকী ফগৎলকপগী চাং অসি ৯০% য়ৌশিল্লক্লে। কেস ফেতেলিতী রেৎসু হন্থরক্লি। সি.এফ.আর. অসি ১.৫১%দা লৈরি অমসুং মসি সি.এফ.আর.১%দগী হন্থহন্নবা পান্দমদা মাংলোমদা চংশিল্লি” হায়না মহাক্না মখা তাখি।
মহাক্না মখা তারদুনা “এক্তিব কেসকী মশিং অসি লাখ ৭তগী হন্থখ্রে অমসুং দব্লিং রেৎ অসি হৌজিক ফাওবগী ওইনা নুমিৎ ৯৭.২দা হেনগৎখ্রে। লেব অমখক লৈরম্বা খোংচৎতগী হৌরক্তুনা শাংনা লাক্তুনা হৌজিক লৈবাক অসিদা লেব ২০০০ ময়া নক্না লৈখ্রে। লৈবাক শিনবা থুংনা পাংথোকখিবা অপুনবা তেস্তকী মশিং অসি করোর ১০ হেনখ্রে। মসি ঐখোয়না অচুম্বা মাইকৈদা চৎলি হায়বগী অফবা খুদম অমনি”। ২০০০ ম্তুনা হঝবদগী হড়ৌখওবগকদ
দা. হর্শ ৱর্ধন্না ফোঙদোকখি, “ কোবিদ-১৯ লাকশিন্নবা চুনবা খোঙথাংশিং লৌখৎলি। অদুবু লৈবাক অসিগী কোবিদকী ফীভম অসি খঙদোকপদা লাক্কদৌরিবা থা অহুম অসি মরু ওইগনি। লাক্কদৌরিবা হরাও-কুম্মৈ অমসুং নীংথমথা অসিদা করিগুম্বা ঐখোয়না চেকশিল থৌরাং মরাং কায়না লৌখৎতুনা কোবিদকা চুনবা চৎন-লোনচৎ ঙাক্না চৎপা তারবদি, ঐখোয়না কোরোনা মাই পাক্না লান্থেংনবা ঙমগনি।” মহাক্না মখা তারদুনা হায়খি “মীয়াম তিনবা মফমশিংদা মাস্ক/ফেস কভর উপ্পা অমসুং খুৎশা হাম্বা অমসুং লোক-খুবা অমদি হাকথি খনবগী কাঙলোন ঙাক্না চৎপা অসিগুম্বা কোরোনাভাইরসপু ঙাকথোকপা ঙম্বদা কান্নবা ফংলবা অচম্বা চেকশিল থৌরাংশিং অসি উত্তর প্রদেশগুম্বা অচৌবা রাজ্য অমদা য়ারিবা মখৈ ঙাক্না চৎপা মরু ওই।” দা. বর্ধন্না অনৌবা কেসশিং নত্রগা শীবা হেনগৎলক্লিবা জিলাশিংগী ওফিসিএলশিংগসু ৱারী শাখি।
![WhatsApp Image 2020-10-23 at 3.43.23 PM.jpeg](https://static.pib.gov.in/WriteReadData/userfiles/image/image0027HCP.jpg)
মহাক্না হায়খি ঙসি ফাওবদা উত্তর প্রদেশকী শীখিবগী চাং অসি ১.৪৬ ওইরি মসি লৈবাক্কী লৈরিবা চাংচৎ অসিদগী তারি। রাজ্য অসিগী নাবা ফগৎলকপগী চাং (৯২.২%) অসিনা লৈবাক অসিগী নাবা ফগৎলকপগী চাংদগীসু হেল্লি। পোজিতিবিতী রেৎ অসি ৩.৪৪% ওইরি।
দা. হর্শ বর্ধন্না শীবগী চাং হন্থহন্নবা রাজ্য অসিনা তেস্ত তৌবা, সর্ভিলেন্স চত্থবা, কন্তেক্ত ত্রেসিং অমসুং ঙন্না খঙদোকপদা মীৎয়েং থম্বা মথৌ তাই হায়না ফোঙদোকখি। মহাক্না য়ু.পি.না কোরোনানা মরম ওইরগা ইম্ম্যুনাইজেসন্দা চিথহৌ্বা অঙাংশিং বেক্সিনেসন তৌনবা হোৎনরিবা অসিবু থাগৎখি।
শ্রী রাজেশ ভুশন, কেন্দ্রগী হেল্থ সেক্রেতরী, আর্তী অহুজা, এদিস্নেল সেক্রেতরী (হকশেল) অমসুং শ্রী লব অগর্ৱাল, জোইন্ত সেক্রেতরী এম.ও.ঐচ.এফ.দবল্যু.না মীফম অদুদা শরুক য়াখি। রাজ্য অসিগী অতোপ্পা মকোকথোংবা ওফিসিএলশিংনা ভর্চ্যুএল ওইনা শরুক য়াখি।
****
(Release ID: 1667112)
Visitor Counter : 200