লেবর অমসুং ইম্প্লোইমেন্ত মন্ত্রালয়

চহি ৩৫গী মতুংদা, ভারতনা ইন্তরনেসনেল লেবর ওর্গনাইজেসনগী গভর্নিং বোদিগী চিয়রমেন ওইরে

Posted On: 23 OCT 2020 3:54PM by PIB Imphal

ভারত অমসুং আই.এল.ওগী চহি ১০০গী অফবা মরীদা অনৌবা পন্দুপ অমা হাংদোক্তুনা চহি ৩৫গী মতুংদা, ভারতনা ইন্তরনেসনেল লেবর ওর্গনাইজেসনগী গভর্নিং বোদিগী চিয়রমেন ওইরে। ওক্তোবর ২০২০দগী জুন ২০২১ ফাওবগী ওইনা সেক্রেতরি(লেবর অমসুং ইমপ্লোইমেন্ত) শ্রী অপুরবা চন্দ্র ইন্তরনেসনেল লেবর ওর্গনাইজেসন(আই এল ও)গী গভর্নিং বোদিগী চিয়রপর্সন ওইনা খল্লে। আই.এল.ওগী গভর্নিং বোদিগী চিয়রপর্সন অসি মালেমগী মমিং লৈরবা ফম অমনি।

গভর্নিং বোদি(জি বি) অসি থৌশিলশিং, থবকশিং, পান্দমশিং, বজেৎকী মতাংদা ৱারেপ লৌবা অমসুং দাইরেক্তর জেনেরেল খনবা আই.এল.ওগী খ্বাইদগী চাউবা ইজুকিউতিপ বোদিনি। হৌজিক আই.এল.ওগী মেম্বর ১৮৭ লৈরি। ২০২০গী নবেম্বরদা পাংথোক্কদৌরিবা গভর্নিং বোদিগী মীফমদা শ্রী অপুরবা চন্দ্রনা লুচিংগনি। জেনেভাদা মহাক্না মেম্বর লৈবাকশিংগী সেনিয়র ওফিসিএলশিং অমসুং মীয়ামগী লুপশিংগা উনবগী খুদোংচাবা লৌগনি। লেবর মার্কেত্তা লৈরিবা অহকপা নিয়মশিং লৌথোক্নবা সরকারনা পায়খৎলিবা থবকশিং শরুক য়ারিবশিংদা খঙহন্নবা মীফম অদুনা মফম অমা পীগনি, মসিগী মথক্তা ওর্গনাইজ নৎত্রগা অনওর্গনাইজ সেক্তরদা থবক শুরিবা শিন্মীশিংগী য়াইফনবা পায়খৎলিবা থবকশিংগী মতাংদা খন্নগনি।

শ্রী অপুরবা চন্দ্র ১৯৮৮ বেতচকী মহারাস্ত্রা কেদরগী ইন্দিয়ান এদমিনিস্ত্রেতিপ সর্বিস(আই এ এস)গী ওফিসারনি। মহাক ভারত সরকারগী পেত্রোলিয়ম অমসুং নেচরেল গ্যাস মিনিস্ত্রিদা চহি ৭ হেন্না থবক তৌরক্লে। শ্রী চন্দ্র ২০১৩ অমসুং ২০১৭গী মনুংদা চহি ৪ হেন্না মহারাস্ত্রা সরকারদা প্রিন্সিপাল সেক্রেতরি(ইন্দস্ত্রিজ) ওইনা থবক তৌখ্রে। ইক্কুইজিনসগী থবকশিং য়াংশিনহন্দুনা ভারতকী আর্মদ ফোর্সশিং মপাঙ্গল কনখৎহন্নবা পান্দমদা ২০১৭গী দিসেম্বর ১দগী শ্রী অপুরবা চন্দ্র দিফেন্স মিনিস্ত্রিদা দিরেক্তর জেনেরেল(এক্কুইজিসন)গী ফম পুখি। অনৌবা দিফেন্স এক্কুইজিসনগী থৌরাং শেম্নবগী কম্মিতি মহাক্না লুচিংখি। মহাক্না লেবর অমসুং ইমপ্লোইমেন্ত মিনিস্ত্রিদা সেক্রেতরি ওইনা চঙবা নুমিৎ ২০২০গী ওক্তোবর ১দগী দিফেন্স এক্কুইজিসন প্রোসিদুর ২০২০ চৎনবা হৌখি।

*****



(Release ID: 1667107) Visitor Counter : 37