35 ਸਾਲ ਬਾਅਦ ਭਾਰਤ ਨੇ ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਦੀ ਗਵਰਨਿੰਗ ਬਾਡੀ ਦੀ ਪ੍ਰਧਾਨਗੀ ਸੰਭਾਲ ਲਈ ਹੈ । ਇਸ ਨਾਲ ਭਾਰਤ ਅਤੇ ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਵਿਚਾਲੇ 100 ਸਾਲ ਉਤਪਾਦਕ ਸੰਬੰਧਾਂ ਵਿੱਚ ਇੱਕ ਨਵਾਂ ਚੈਪਟਰ ਸ਼ੁਰੂ ਹੋਇਆ ਹੈ । ਸ਼੍ਰੀ ਅਪੁਰਵਾ ਚੰਦਰਾ , ਸਕੱਤਰ (ਕਿਰਤ ਤੇ ਰੋਜ਼ਗਾਰ) ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਦੇ ਅਕਤੂਬਰ 2020 ਤੋਂ 2021 ਤੱਕ ਚੇਅਰਪਰਸਨ ਚੁਣੇ ਗਏ ਹਨ । ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਦੀ ਗਵਰਨਿੰਗ ਬਾਡੀ ਦੇ ਚੇਅਰਪਰਸਨ ਦਾ ਅਹੁਦਾ ਅੰਤਰਰਾਸ਼ਟਰੀ ਵੱਕਾਰ ਵਾਲਾ ਹੁੰਦਾ ਹੈ ।

ਗਵਰਨਿੰਗ ਬਾਡੀ ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਦੀ ਇੱਕ ਮੁੱਖ ਕਾਰਜਕਾਰੀ ਸੰਸਥਾ ਹੈ , ਜੋ ਨੀਤੀਆਂ , ਪ੍ਰੋਗਰਾਮਾਂ , ਏਜੰਡਾ , ਬਜਟ ਦਾ ਫੈਸਲਾ ਕਰਨ ਤੋਂ ਇਲਾਵਾ ਡਾਇਰੈਕਟਰ ਜਨਰਲ ਚੁਣਦੀ ਹੈ । ਮੌਜੂਦਾ ਅੰਤਰਰਾਸ਼ਟਰੀ ਕਿਰਤ ਸੰਸਥਾ ਦੇ 187 ਮੈਂਬਰ ਹਨ । ਸ਼੍ਰੀ ਅਪੁਰਵਾ ਚੰਦਰਾ ਸੰਸਥਾ ਦੀ ਗਵਰਨਿੰਗ ਬਾਡੀ ਦੀ ਨਵੰਬਰ 2020 ਵਿੱਚ ਹੋਣ ਵਾਲੀ ਆਉਂਦੀ ਮੀਟਿੰਗ ਦੀ ਪ੍ਰਧਾਨਗੀ ਕਰਨਗੇ । ਜਨੇਵਾ ਵਿੱਚ ਉਹਨਾਂ ਨੂੰ ਮੈਂਬਰ ਦੇਸ਼ਾਂ ਦੇ ਸਮਾਜਿਕ ਭਾਈਵਾਲਾਂ ਅਤੇ ਸੀਨੀਅਰ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨ ਦਾ ਮੌਕਾ ਮਿਲੇਗਾ । ਇਹ ਸੰਸਥਾ ਸਰਕਾਰ ਵੱਲੋਂ ਬਦਲਾਅ ਲਈ ਕੀਤੀਆਂ ਪਹਿਲਾਂ ਜੋ ਕਿਰਤ ਬਜ਼ਾਰ ਵਿੱਚ ਸਖ਼ਤਾਈਆਂ ਨੂੰ ਖ਼ਤਮ ਕਰਨ ਦੇ ਨਾਲ ਨਾਲ ਸਾਰੇ ਕਾਮਿਆਂ ਨੂੰ ਸਰਵਵਿਆਪਕਤਾ ਸਹਿਤ ਸਮਾਜਿਕ ਸੁਰੱਖਿਆ ਬਾਰੇ ਆਪਣੇ ਇਰਾਦਿਆਂ ਨੂੰ ਸਪਸ਼ਟ ਕਰਨ ਬਾਰੇ ਜਾਣਕਾਰੀ ਦੇਣ ਲਈ ਇੱਕ ਪਲੇਟਫਾਰਮ ਮੁਹੱਈਆ ਕਰਦੀ ਹੈ । ਇਹ ਸੰਸਥਾ ਸਾਰੇ ਕਾਮਿਆਂ ਲਈ ਕੰਮ ਕਰਦੀ ਹੈ ਭਾਵੇਂ ਉਹ ਸੰਗਠਿਤ ਤੇ ਭਾਵੇਂ ਅਸੰਗਠਿਤ ਖੇਤਰ ਵਿੱਚ ਹੋਣ ।
ਸ਼੍ਰੀ ਅਪੁਰਵਾ ਚੰਦਰਾ ਮਹਾਰਾਸ਼ਟਰ ਕੈਡਰ ਦੇ 1988 ਬੈਚ ਦੇ ਆਈ ਏ ਐੱਸ ਅਧਿਕਾਰੀ ਹਨ । ਸ਼੍ਰੀ ਚੰਦਰਾ ਨੇ ਭਾਰਤ ਸਰਕਾਰ ਦੇ ਪੈਟ੍ਰੋਲੀਅਮ ਤੇ ਕੁਦਰਤੀ ਗੈਸ ਮੰਤਰਾਲੇ ਵਿੱਚ 7 ਸਾਲਾਂ ਤੋਂ ਜਿ਼ਆਦਾ ਸਮਾਂ ਬਿਤਾਇਆ ਹੈ । ਸ਼੍ਰੀ ਚੰਦਰਾ ਨੇ ਮਹਾਰਾਸ਼ਟਰ ਸਰਕਾਰ ਵਿੱਚ 2013 ਤੋਂ ਲੈ ਕੇ 2017 ਤੱਕ 4 ਵਰਿ੍ਆਂ ਲਈ ਪ੍ਰਿੰਸੀਪਲ ਸਕੱਤਰ (ਉਦਯੋਗ) ਦੇ ਅਹੁਦੇ ਤੇ ਕੰਮ ਕੀਤਾ ਹੈ । ਸ਼੍ਰੀ ਅਪੁਰਵਾ ਚੰਦਰਾ ਨੇ ਰੱਖਿਆ ਮੰਤਰਾਲੇ ਵਿੱਚ 01—12—2017 ਵਿੱਚ ਡਾਇਰੈਕਟਰ ਜਨਰਲ (ਇਕੂਜੀਸ਼ਨ) ਦਾ ਅਹੁਦਾ ਸੰਭਾਲਿਆ ਸੀ ਤੇ ਉਹਨਾਂ ਦੇ ਇਸ ਅਹੁਦਾ ਤੇ ਇਕੂਜੀਸ਼ਨ ਕ੍ਰਿਆ ਨੂੰ ਤੇਜ਼ ਕਰਕੇ ਭਾਰਤੀ ਹਥਿਆਰਬੰਦ ਫ਼ੌਜਾਂ ਨੂੰ ਮਜ਼ਬੂਤ ਕੀਤਾ ਸੀ । ਉਹਨਾਂ ਨੇ ਨਵੀਂ ਡਿਫੈਂਸ ਇਕੂਜੀਸ਼ਨ ਪ੍ਰੋਸੀਜ਼ਰ ਦਾ ਮਸੌਦਾ ਤਿਆਰ ਕਰਨ ਵਾਲੀ ਕਮੇਟੀ ਦੀ ਪ੍ਰਧਾਨਗੀ ਕੀਤੀ ਸੀ । ਡਿਫੈਂਸ ਇਕੂਜੀਸ਼ਨ ਪ੍ਰੋਸੀਜ਼ਰ 2020 01 ਅਕਤੂਬਰ 2020 ਤੋਂ ਲਾਗੂ ਹੋ ਗਏ ਹਨ , ਜਿਸ ਦਿਨ ਤੋਂ ਉਹਨਾਂ ਨੇ ਕਿਰਤ ਅਤੇ ਰੋਜ਼ਗਾਰ ਮੰਤਰਾਲੇ ਵਿੱਚ ਸਕੱਤਰ ਦਾ ਅਹੁਦਾ ਸੰਭਾਲਿਆ ਸੀ ।
 

ਐੱਨ ਵੀ / ਆਰ ਸੀ ਜੇ / ਆਰ ਐੱਨ ਐੱਮ / ਆਈ ਏ