نئی لّی ، 22 اکتوبر / سیاحت و ثقافت کے وزیر مملکت  ( آزادانہ چارج ) جنا ب پرہلاد سنگھ پٹیل نے آج " لائف اِن مِنی ایچر " پروجیکٹ  کو ورچوول طور پر  شروع کیا  ، جو  ثقافت  کی وزارت کے تحت  نئی دلّی کے نیشنل  میوزیم  اور  گوگل آرٹس اینڈ کلچر کے درمیان ایک  مشترکہ پروجیکٹ ہے  ۔

          پروجیکٹ کا آغاز کرتے ہوئے جناب پرہلاد سنگھ پٹیل نے  وزیر اعظم کے  ڈجیٹل  انڈیا اقدام  اور بھارت  کی وراثت کے تحفظ میں ٹیکنا لوجی کے رول  کی اہمیت  کو اجاگر کیا  ۔ انہوں نے ٹیکنا  لوجی کے سیکٹر میں  گوگل  کی قیادت   اور   مختلف اختراعات پر ، اُس کی توجہ کی ستائش کرتے ہوئے  کہا کہ گوگل  سماجی  تفویض اختیارات اور شمولیت  کو  بھارت میں   فروغ دینے کے لئے پوری طرح عہد بستہ ہے ۔

          وزیر موصوف نے کہا کہ  آج سے  نئی دلّی کے نیشنل میوزیم  کی  سینکڑوں منی ایچر  تصاویر   / فن پاروں  کو  گوگل آرٹ اینڈ کلچر  کے ذریعے پوری دنیا میں  آن لائن دیکھا جا سکے گا  اور یہ ایک  نیا پروجیکٹ ہے  ، جس کا عنوان ہے ، " لائف  اِن منی ایچر " ۔ اس پروجیکٹ میں مختلف   ٹیکنا لوجی کا استعمال  کیا گیا ہے  تاکہ  فن پاروں کو   ایک نئے طور پر پیش کیا جا سکے ۔

          گوگل آرٹس اینڈ کلچر ایپ پر   شائقین آن لائن   منی ایچرس کو   دیکھ سکیں گے  اور ان کی اصل قد و قامت  کی تصویر  کے علاوہ  ، ان کو بڑے سائز میں بھی دیکھ سکیں گے ۔  ان فن  پاروں کو  پانچ  آفاقی موضوعات میں پیش کیا گیا ہے ، جن میں   انسان کے  فطرت  کے ساتھ تعلق  ، محبت   ، جشن  ، عقیدت  اور اقتدار شامل ہیں ۔

          اس لانچ کی  ایک اور  خصوصیت  مشین لرننگ   پر مبنی   ایلگو ریدھم    ہے ، جسے   پینٹنگس  کو آن لائن  لانے میں  استعمال کیا گیا ہے تاکہ اس کے شائقین  مصنوعات ذہانت کے ذریعے منی ایچر  کی  بہترین  خصوصیات  کا نظارہ کر سکیں ۔  انتہائی چھوٹی  پینٹگس کو میگنی فائی منی ایچر  کے نام سے  پیش کیا گیا ہے ، جنہیں  آن لائن  دیکھنے والے  شائقین کو نیا احساس  پیدا ہوگا ۔ 

          لائف اِن منی ایچر   کو استعمال کرنے والے   نیشنل میوزیم   کے منی ایچر کلیکشن   کو   دیکھ سکیں گے ، جن میں   عالمی سطح پر معروف   رامائن  ، رائل ساگا  ، پہاڑی طرز کی پینٹنگس شامل ہیں   ، جو پہلے  کبھی نہیں دیکھی گئی ہوں گی  اور شائقین     g.co/LifeInMiniatureپر کلک کرکے ، اِن  کی غیر معمولی تفصیلات کے ساتھ دیکھا جا سکے گا ۔  یہ پروجیکٹ نیشنل میوزیم  اور گوگل آرٹ اینڈ کلچر   کے اشتراک کو  مزید  تقویت دے گا ۔ یہ ساجھیداری   2011 ء میں شروع ہوئی تھی ۔  گوگل میں مزید پڑھنے کے لئے بلاگ پوسٹ دیکھیں ۔

**********

( م ن ۔ و ا ۔ ع ا ) ( 22-10-2020 )

U. No. 6620