সিবিল এবিয়েসন মন্ত্রালয়
উরান স্কিম তুংকোইনা হিংনবা থবক পায়খৎলে: প্রদিপ সিংহ খারোলা
থবক তৌদ্রবা অমসুং নিংথিনা থবক তৌদ্রবা এয়রপোর্ত ৫০ উরানগী মখাদা হাপচিল্লে
আর.সি.এস-উরানগী ৪সুবা মপোক কুমওন
উরান নুমিৎ পাংথোকখ্রে
Posted On:
21 OCT 2020 4:35PM by PIB Imphal
সিবিল এভিএসন মিনিস্ত্রিগী সেক্রেতরি, প্রদিপ সিংহ খারোলানা হায়খি উরান স্কিম মশা মরোমদোম হিংজবা ঙম্নবা অমসুং মসিগী থবক ফগৎহন্নবা মরী লৈনবশিংনা থবক পায়খৎকদবনি। ঙসি উরান নুমিৎ থৌরমগী শরুক অমা ওইনা পাংথোকপা ভিদিও কনফরেন্স অমদা মহাক্না হায়খি মনুং-হুঞ্জিনবা মফমশিংদা মীচম মীয়াম নোংথক্তা চৎথোক-চৎশিন তৌবগী মরুওইবা অদু য়েংলগা উরান স্কিম হৌদোকখিবনি। চোকথবা নাইদবা থবকশিং পাংথোক্তুনা স্কিম অসি মাইপাকহনবগীদমক শ্রী খারোলানা মরী লৈনবশিং অমসুং উরানগী কাংবু থাগৎখি । মীওই কয়া উরান স্কিমগী কান্নবা ফংহন্নবা থবক কয়া পায়খৎনবা মহাক্না এয়রলাইনশিংদা তকশিনখি। ভিদিও কনফরেন্স অদুদা এ.এ.আই, দি.জি.সি.এ, সিবিল এভিএসন মিনিস্ত্রি অমসুং এয়রলাইনশিংগী সেনিয়র ওফিসিএলশিং শরুক য়াখি।
শ্রী খারোলানা হায়খি স্কিম অসিগী খ্বাইদগী মরুওইবা শক্তমশিংদি স্কিম অসি মাইপাক্নবা তোঙান-তোঙানবা এজেন্সিশিং মতেং পাংনবা অমসুং মখোয়গী থবকশিং পুনশিনবা অসিনি। উরান্না ভর্চুয়স সর্কল অমা শেমদুনা লৈবাক অসিগী নেতৱার্কতা উরানগী লম্বীশিং হাপচিল্লে অমসুং লৈবাক অসিগী লম্বীশিং অসিনা মখা তানা লৈবাক শীনবা থুংনা মীয়ামদা অনৌবা খুদোংচাবশিং পীদুনা লৈবাক অসিগী মফম কয়াগী লম্বীশিং শীজিন্নবা হেনগৎহল্লে। এ.এ.আইগী চিয়রমেন, শ্রী অর্বিন্দ সিংহনা হায়খি লৈবাক শীনবা থুংনা উরান স্কিমনা দরকার ওইবা মচাক-মথুমশিং এ.এ.আইনা শেমগৎকনি।
সিবিল এভিএসন মিনিস্ত্রিগী জোইন্ত সেক্রেতরি, শ্রীমতি উশা পাধিনা উরান স্কিম মাইপাকহনবগীদমক মরী লৈনবশিং থাগৎখি। মহাক্না হায়খি উরান্না পায়খৎলিবা থবকশিং ভারত সরকারনা মশক খঙলে অমসুং ২০২০গী ওক্তোবর ২১(উরান স্কিমগী অহানবা চে-চাং ফোঙখিবা নুমিৎ)অসি উরান নুমিৎ হায়না খঙনরে।
আর.সি.এস-উরান, “উরে দেস কা আম নগরিক” অসি লৈবাক মনুংগী লম্বীশিংদা মমল হোংনা, শেন-থুম মাংহন্দনা অমসুং শেন্দোং লৈনা মথক্তা চৎথোক-চৎশিন ফংহন্নবা পান্দমদা ভারত সরকারনা পায়খৎপা মরুওইবা থবক অমনি। রাজ্যশিংগী মরক্তা শম্নবদগী স্কিম অসিনা মীচম অমনা অহোংবা মমলদা পাইনবগী অখন্নবা খুদোংচাবা অমা পীরে। লৈবাক অসিগী নোংথক্কী চৎথোক-চৎশিনগী থবকশিংদা অনৌবা এয়রপোর্তশিং শেমগৎপা অমসুং লম্বীশিং হাপচিনবদা উরান্না মরুওইবা থৌদাং অমা লৌরি। ভারত শীনবা থুংনা মথৌ ফজনা পাংথোক্ত্রবা এয়রপোর্ত ৫০(হেলিপোর্ত ৫ য়াওনা) অমসুং লম্বী ২৮৫ উরানগী মখাদা হাপচিল্লে। থবক পাংথোকপা এজেন্সি ওইনা এ.এ.আইনা স্কিম অসিগী মখাদা ২০২৪ ফাওবদা য়ামদ্রবদা এয়রপোর্ত/ৱাতরগ্রোম/হেলিপোর্ত ১০০ শেমগৎনবা থৌরাং অমা লৈরে।
*****
(Release ID: 1666673)
Visitor Counter : 190