রোদ ত্রান্সপোর্ত, আইৱেজ অমসুং এম.এস.এম.ই.শিংগী কেন্দ্রগী মন্ত্রী, শ্রী নিতি গদকরিনা ঙসি অসামদা জিগিঘোপাদা লৈবাক অসিগী অহানবা মল্তি-মোদল লোজিস্তিক্স পার্ককীদমক্তা উরেপ-উয়ুং তমখ্রে। লুপা করোর ৬৯৩.৯৭গী পার্ক অসিনা মীয়ামদা নোংথক্কী লম্বি, মখাগী লম্বি, রেল অমসুং ঈশিংগী লম্বিদা শম্নদুনা খদোংচাবা পীরগনি। মসি ভারত সরকারগী য়াম্না চাউরবা ভারতমালা পরিয়িজনাগী মখাদা শেমগৎ-শাগৎলগনি। মুখ্য মন্ত্রী, শ্রী সর্বানন্দা সোনোৱালনা ভর্চুৱল ফঙ্কশন অসিদা সভাপতি ওইখি, হায়রিবা অসিদা কেন্দ্রগী রাজ্য মন্ত্রী, দা. জিতেন্দ্র সিং, জেনরেল (রিতায়র তৌখ্রবা) দা. ভি.কে. সিং অমসুং শ্রী রামেশ্বর তেলি; অসাম রাজ্যদগী মন্ত্রীশিং, পার্লিয়ামেন্তকী মেম্বরশিং, এম.এল.এ.শিং অমসুং সেন্তর অমসুং রাজ্যদগী সেনিয়র ওফিসরশিংনা থৌরম অসিদা শরুক য়াখি।

অসামদা ঙসি লৈবাক অসিগী অহানবা মল্তি-মোদল লোজিস্তিক পার্ক্কীদমক্তা উরেপ-উয়ুং তম্নবগীদমক্তা ভি.আই.পি.শিংনা দাইসতা ফম্লি।

___________________________________________________________________________

য়ুত্যুব লিঙ্ক: https://youtu.be/SyEWc6TKOu0

ভীদিও ক্লিপ এক্সেস তৌবীয়ু: https://twitter.com/nitin_gadkari/status/1318438677882699778?s=20

জোগিঘোপাদা লম অমসুং লোজিস্তিক্স শেয়রিং তৌনবগীদমক্তা থৌরম অদুদা এন.ঐচ.আই.দি.সি.এল. অমসুং অশোকা পেপর মিলস, অসাম সরকারগী মরক্তা এম.ও.য়ু. অমা খুৎয়েক পীনখি।

এন.ঐচ.আই.দি.সি.এল. অমসুং অশোকা পেপর মিলস, অসাম সরকারগী মরক্তা এম.ও.য়ু. অমা খুৎয়েক পীনবা

_________________________________________________________________________________________

থৌরম অদুদা ৱা ঙাংলদুনা, শ্রী নিতিন গদকরিনা হায়খি মদুদি মন্ত্রালয় অসিনা লৈবাক  অসিদা মল্তি-মোদল লোজিস্তিক্স পার্ক (এম.এম.এল.পি.) ৩৫ শেমগৎপগী মীৎয়েং থম্লি, মসিগী মতাংদা দি.পি.আর. শেম্বগী অমসুং ফীজিবিলিতী রিপোর্তকী মতাংদা ধবকশিং পাইখৎপা হৌরে। মহাক্না হায়খি, মসিগী এম.এম.এল.পি.শিং অসিগীদমক্তা এস.পি.ভি.শিং শেম্লগনি, অমসুং মখোয় খউদিংমক্কী তোঙান-তোঙান্না প্রোফেশনেল ওইবা মওংদা মতিক চারবা সি.ই.ও.শিং হাপ্লগনি। অআনবা ওইনা অসিগুম্বা এম.এম.এল.পি. অসি অসামগী জোগিঘোপাদা এন.ঐচ.আই.দি.সি.এল.না শেমখ্রে, হায়রিবা অসি মখাগী লম্বি, রেল, নোংথক্কী লম্বি অমসুং ঈশিংগী লম্বিগা শম্নহল্লগনি। মসি ব্রহমাপুত্রা মপানদা লম একর ৩১৭দা শমগৎলি। শ্রী গদকরিনা হায়খি, কন্সত্রক্সন অসিগী অহানবা তাঙ্কক অদু ২০২৩ ফাওবদা লোইশিল্লগনি। মহাক্না লুপা করোর ২৮০গী থবক্কীদমক্তা হান্নদগী পীখ্রে, মসিদা রোদ কন্সত্রক্সনগীদমক্তা লুপা করোর ১৭১, স্ত্রকচর শেমগৎনবগীদমক্তা লুপা করোর ৮৭, অমসুং রেল লাইশিংগীদমক্তা লুপা করোর ২৩ য়াওরি। থবক অসি মথং থাদগী হাঔরগনি হায়না মহাক্না হায়খি।  মসিগী প্রোজেক্ত অসিনা রাজ্য অসিদা নহা লাখ ২০ ময়া নক্না দাইরেক্ত নত্রগা ইনদাইরেক্ত ওইনা থবক পীরগনি হায়না মন্ত্রীনা আশা তৌরি হায়না ফোংদোকখি।

মন্ত্রীনা মখা তারকখি মদুদি জোগিঘোপা অমসুং গুৱাহাতিগী মরক্তা লৈরিবা কি.মি. ১৫৪গী অরাপ্পা অসি মসিগী মশাং অসিদা লেন ৪গী লম্বি অমা শেমদুনা য়ৌশিল্লগনি, কি.মি. ৩গী রেল লাইন অমনা জোগিঘোপা স্তেশনদগী এম.এম.এল.পি. শম্নহল্লগনি, অতোপ্পা কি.মি.৩গী রেল লিঙ্ক অমনা আই.দবল্যু.তি.দা শম্নরগনি, অমসুং য়াম্না কোম্না বোবা য়ানবগীদমক্তা নৌনা শেমখিবা রুপসি এয়রপোর্ত চৎবা লম্বি অদু লেন ৪গী ওন্থোক্লগনি। মহাক্না হায়খি, এম.এম.এল.পি. অসিদা ফেসিলিতী পুম্নমক খুদম ওইনা ৱেয়র হাউস, রেলৱে সাইদিং, কোলদ স্তোরেজ, কস্তম ক্লিয়রেন্স হাউস, য়ার্দ ফেসিলিতী, ৱার্কশোপশিং, পেত্রোল পম্পশিং, ত্রক পার্কিং, এদমিনিস্ত্রেতিব বিলদিং, বোর্দিং লোদজিং, ইতিং জোইন্তশিং, ৱাতর ত্রীমেন্ত প্লান্তশিং অসিনচিংবা লৈগনি।

শ্রী গদকরিনা খঙহল্লকখি মদুদি অহানবা রিপোর্ত অমসুং মাস্তর প্লান অসি নাগপুরগী ৱার্ধা দ্রাই পোর্ত এরিয়াদা জে.এন.পি.তি.গা লোইননা একর ৩৪৬কী এম.এম.এল.পি.গীদমক্তা শেম্বা লোইখ্রে। বেঙ্গলোর এম.এম.এল.পি., পঞ্জাব, সুরত, মুম্বাই, ইন্দোর, পতনা, হাইদ্রবাদ, ৱিজয়াৱাদা, অমসুং কোইম্বাতোরদা সঙ্গরুর ৱেয়রহাউস কমপ্লেক্সকীদমক্তা ফীজিবিলিতী রিপোর্ত শেমখ্রে। চেন্নাই পোর্ত ময়াদা এম.এম.এল.পি.গীদমক্তা দি.পি.আর. শেমখ্রে, অমসুং পুনে অমসুং লুধিয়ানাদা এম.এম.এল.পি.গীদমক্তা স্তদী তৌবা হৌখ্রে। অতোপ্পা এম.এম.এল.পি. ২২ অমা এহমদাবাদ, রাজকোত, কন্দলা, ৱদোদরা, লুধিয়ানা, অমৃতসার, জুলুন্দুর, ভতিন্দা, হিসার, অম্বালা, কোতা, জয়পুর, জগতসিংপুর, সুন্দরনাগর, দিল্লী, কোলকাতা, নাশিক, পানাজি, ভোপাল, রায়পুর, অমসুং জম্মুদা প্রোপোস তৌখি।

রোদ ত্রান্সপোর্ত, হাইৱেজ অমসুং এম.এস.এম.শিংগী কেন্দ্রগী মন্ত্রী, শ্রী নিতিন গদকরিনা অসামদা ঙসি লৈবাক অসিগী অহানবা মল্তি-মোদল লোজিস্তিক পার্ক্কীদমক্তা উরেপ-উয়ুং তম্বগী থৌরমদা ৱা ঙাংবা।

মন্ত্রী অসিনা মখাতানা খঙহল্লকখি মদুদি মহাক্কী মন্ত্রালয় অসিনা অসামদা লুপা করোর ৮০,০০০গী নেস্নেল হাইৱেগী থবকশিংগীদমক্তা থৌরাং লৈরি। মহাক্না হায়খি, হন্দক্কী ফাইনান্সিয়েল য়িবর অসিগী মনুংদা লুপা করোর ৩,৫৪৫কী কি.মি. ৫৭৫গী এন.ঐচ.কী থবকশিং লোইশিল্লগনি। চাউরাক্না লুপা করোর ১৫,০০০গী এন.ঐচ. থবকশিং, মথংগী চহি ফাওবদা পীরগনি, অদুগা রাজ্য অসিগীদমক্তা লুপা করোর ২১,০০০গী থবকশিংগীদমক্তা দি.পি.আর.শিং লোইশিল্লগনি। মহাক্না হায়খি, সি.আর.আই.এফ.স্কীমগী মখাদা লুপা করোর ৬১‌০ চংবা কি.মি. ২০৩ শাংবা এন.ঐচ. অমা ২০২০-২১গীদমক্তা অয়াবা পীখ্রে। মন্ত্রীনা রাজ্য অসিগীদমক্তা তোঙান-তোঙানবা এম.পি.শিং অমসুং এম.এল.এ.শিংদগী রোদ প্রোপোজলশিং কয়া অমা অয়াবা পীনবসু লাউথোকখ্রে। 

শ্রী গদকরিনা অসামদা নেস্নেল হাইৱেজদা েক্সিদেন্ত ব্লেক স্পোত পুন্না ১২সু খঙদোক্লে আয়না মহাক্না খঙহল্লকখি, মসিগী মনুংদা অহুম অমদি মতম খরগী ওইনা ফগৎহনখ্রে। মহাক্না হায়খি, ব্লেক স্পোতশিং অসি চহি ২০২৩ ফাওবদা লৈহল্লরোই।

নোর্থ ইস্তর্ন রিজনগী দিবেলপমেন্তকীদমক্তা, কেন্দ্রগী রাজ্য মন্ত্রী (আই.সি.) অমসুং প্রধান মন্ত্রীগী ওফিস; পার্সোনেল, পব্লিক গ্রীভেন্সেস অমসুং পেন্সন; দিপার্তমেন্ত ওফ এতোমিক ইনর্জী অমসুং দিপার্তমেন্ত ওফ স্পেসকী রাজ্য মন্ত্রী, দা. জিতেন্দ্র সিংনা এন.ই.দা চাউখৎ-থৌরাংগী ওইবা প্রোজেক্তশিংদা অয়াবা পীনবা শ্রী নিতিন গদকরিনা হোৎনখিবশিং অদু পনখি। মহাক্না হায়খি, হায়রিবশিং অসি শ্রী নিতিন গদকরিনা চাউরবা থৌদাং লৌদুনা হোৎনখিবদাগী ঙসি ঐখোয়না লমদম অসিদা লম্বিগী পাক-চাউরবা নেতৱার্কশিং লৈরিবনি। মহাক্না ইনলেন্দ ৱাতরৱেজকী মতাংদা ঐখোয়দা খঙহল্লকখি, হৌজিক্তি ৱাতরৱেজ ১০গী মথক্তা শেমগৎখ্রে, মসিনা লোজিস্তিক্সকী চংবা শেল অদু শরুক মরিগী মনুংদা অমা হন্থহল্লগনি। শ্রী গদকরিনা অখন্নবা রোদ দিবেলপমেন্ত স্কীমশিংগী খুত্থাংদা ফিভম শোক্লবা অমসুং ময়াম্না চৎনদ্রবা লম্বিশিংদা ময়োক্নরিবা অৱাবশিংদুসু য়েংশিনখি হায়না দা.জিতেন্দ্র সিংনা হায়খি। মহাক্না হায়খি মসিগুম্বা শেল য়াম্না চংদবা ত্রান্সপোর্তকী পাম্বৈ অসিনা ত্রেদ, বিজনেস অমসুং ত্রান্সপোর্তেশনগীদমক্তা অহোংবা পাম্বৈ অমা ওইগনি অমসুং মসিনা মরু ওইনা নোংপোক থংবদা লৈবা ঐয়োয়গী য়ুমলোন্নবশিংগা  ঙমখৈ লান্না লাল্লোন-ইতিক তৌবদা য়াম্না চাউনা ইনোৎ হাপকনি। মহাক্না হায়খি, এম.এম.এল.পি. অসি য়াম্না নৌবা শিংথানীংঙাই ওইবা অফবা ৱাখল্লোন অমনি, অমসুং অতোপ্পা রাজ্যশিং য়াম্না থুনা মতৌ তম্লগনি। মন্ত্রীনা হায়খি, তোপ-তোপ্পা অমসুং অনৌবা মখলগী য়াম্না চাউবা প্রোজেক্তশিংনা মরম  ওইরগা, এন.ই. অসি লৈবাক অসিদা চাউখৎ-থৌরাংগী মোদেল অমা ওইনা থোরক্লি, অসিগা চপ মান্ননা লমদম অসিদা লম্বিশিংসু ফগৎলকখ্রে।

কেন্দ্রগী এম.ও.এস., দা. জিতেন্দ্র সিংনা অসামদা ঙসি লৈবাক অসিগী অহানবা মল্তি-মোদল লোজিস্তিক পার্ক্কীদমক্তা উরেপ-উয়ুং তম্বগী থৌরমদা ৱা ঙাংবা।

মুখ্য মন্ত্রী, সর্বানন্দা সোনোৱাল, আর.তি.ঐচ.কী খেন্দ্রগী রাজ্য মন্ত্রী, জেনরেল (রিতেয়র তৌরবা) দা. ভি.কে. সিং, ফুদ প্রোসেসিং ইন্দস্ত্রীজকী এম.ও.এস., শ্রী রামেশ্বর তেলি, রাজ্য অসিদগী মন্ত্রী, দা. হিমন্তা বিস্বা সর্মা, শ্রী চন্দ্র মোহন পোতৱারী, অমসুং শ্রী ভুশন চৌধুরীসু থৌরম অদুদা ৱা ঙাংখি।

অসামগী মুখ্য মন্ত্রী, শ্রী সর্বানন্দা সোনোৱালনা অসামদা ঙসি লৈবাক অসিগী অহানবা মল্তি-মোদল লোজিস্তিক পার্ক্কীদমক্তা উরেপ-উয়ুং তম্বগী থৌরমদা ৱা ঙাংবা।