সি.এস.আই.আর.গী কন্তিত্যুএন্ত লেবোরেতরী, ইন্সতিত্যুৎ ওব হিমালয়ান বিওরিসোর্স তেক্নোলোজী (আই.ঐচ.বি.তি.), পলাম্পুরনা লেপ্পা লৈতনা হোৎনবনা, পুৱারী ওইহৌরগদবা ফার্মিংগী প্রেক্তিস অমা হিমাচল প্রদেশকী লাহোল তম্পাক্কী লৌমীশিংদা লমদম অসিগী অইংবা লৈকংলাগী মাংদুনা লৈবা অপাকপা লমশিংবু অসাফিতিদা (হীং) থাহনবা য়ানবগী লম্বী উরে। সি.এস.আই.আর.-আই.ঐচ.বি.তি.না অসাফিতিদাগী মরু পুশিল্লক্তুনা মখোয়গী এগ্রো-তেক্নোলোজী শেমগৎখ্রে।

       অসাফিতিদা হায়বসি খ্বাইদগী য়াম্না শীজিন্নবা কন্দিমেন্ত অমনি অমসুং মসি মমল ৱাংবা ভারতকী মরু মরাং মখল অমনি। ভারতনা চহী খুদিংগী অফঘানিস্তান, ইরান অমসুং উজবেকিস্তান্দগী শেমদোক্ত্রিবা অসাফিতিদা তন ১২০০ রোম পুশিল্লি অমসুং চহী অমদা য়ু.এস.দি. মিলিয়ন ১০০রোম চাদিং তৌই। ভারত্তা ফেরুলা অসাফিতিদা পাম্বী থানবগী পোৎচংশিং ৱাৎপনা হায়রিবা মহৈ মরোং অসিবু থাবদা মরুওইবা খুদোংচাদবা ওইরি। অসাফিতিদাগী অহানবা মরু অসি দা. সঞ্জয় কুমার, দিরেক্তর, সি.এস.আই.আর.-আই.ঐচ.বি.তি.না ওক্তোবর ১৫, ২০২০দা লাহোল তম্পাক্কী ক্বারিং খুঙ্গংদা লৈবা লৌমীশিংগী লৌফমদা ভারত্তা হীং থাবা হৌবগী খুদম উৎনবগীদমক থাখি।

       হীং হায়বসি ভারতকী ইন্সাংশিংগী খ্বাইদগী মরুওইবা মচল অমা ওইবনা, সি.এস.আই.আর.-আই.ঐচ.বি.তি.গী কাংবুনা চোকথবা নাইদনা লৈবাক অসিদা হায়রিবা মচল অসিবু থানবা হোৎনরক্লি। ইন্সতিত্যুৎ অসিনা সি.এস.আই.আর.-নেসনেল ব্যুরো ওব প্লান্ত জেনেতিক রিসোর্স (সি.এস.আই.আর.-এন.বি.পি.জি.আর.), নৈ দিল্লীগী থোংদা ওক্তোবর, ২০১৮দা তাংকক তরুক থোক্না ইরান্দগী মরু লৌখি। আই.সি.এ.আর.-এন.বি.পি.জি.আর.না হৌখিবা চহী কুন্থ্রারোমসিদা মসিনা অসাফিতিদা (ফেরুলা অসা-ফিতিদা) মরু লৈবাক অসিদা চাংয়েং তৌবসি অহানবনি হায়না ফোংদোকখি। সি.এস.আই.আর.-আই.ঐচ.বি.তি.না হীং পাম্বীশিং সি.ই.ঐচ.এ.বি., রিব্লিং, লাহোং অমসুং স্পিতি, ঐচ.পি.দা এন.বি.পি.জি.আর.না কুপ্না শেন্নদুনা থাখি। পাম্বী অসিনা হৌনবগীদমক অইংবা অমসুং অকংবা ফীবম পাম্মি অমসুং ওলিও-গম রেজিন মসিগী মরাদা পুথোক্নবগীদমক য়ামদ্রবদা চহী মঙামুক চঙই, মরম অসিনা ভারতকী হিমালয়ান লমদমগী অইবা লৈকংলা অসি হীং থাবদা হেন্না চুন্নবা য়াই।

শেমদোক্ত্রিবা অসাফিতিদা অসি ফেরুলা অসা-ফিতিদাগী মউন য়াওবা মরাগী শরুক্তগী অলিও-গম রেজিন ওইনা শুংই। অদুবু মালেমদা ফেরুলাগী কাংলুপ ১৩০ হেন্না ফংই, অদুবু ফেরুলা অসা-ফিতিদা খক্তমক্না অসাফিতিদা শুংনবগী খ্বাইদগী মমল চঙদবা মরুওইবা ধার ওইরি। ভারত্তা, ফেরুলা অসা-ফিতিদাদি ফংদে, অদুবু ফেরুলা জেস্কিনাদি নোংচুপ থংবা হিমালয় (চাম্বা, ঐচ.পি.)দা ফংই, অমসুং কাশ্মির অমসুং লদাখতনা ফেরুলা নার্থেক্স ফংই, হায়রিবশিং অসি অসাফিতিদা পুথোকপা য়াবদি ওইদে।

       ইন্সতিত্যুৎ অসিনা হোৎনরিবসিবু মশক খঙবা ওইনা, হিমাচল প্রদেশকী মুখ্য মন্ত্রীনা রাজ্য অসিদা হীং পুথোকপা অমসুং লোকপা অসি মহাক্কী মার্চ ৬, ২০২০ পীখিবা  বজেৎকী ৱারোলদা য়াওখি। মসিগী মতুং তারকপদা, সি.এস.আই.আর.-আই.ঐচ.বি.তি. অমসুং হিমাচল প্রদেশকী রাজ্যগী লৌউশিংউ বিভাগকা জুন ৬, ২০২০দা রাজ্য অসিদা হীং পুথোকপদা খুৎশম্ননবা য়ানচেরোলদা খুৎয়েক পীনখি। রাজ্যগী লৌউশিংউ বিভাগকী ওফিসরশিংগী কেপাসিতী বিল্দিং প্রোগ্রাম অমা জুন ২০দগীনা ২২, ২০২০দা পাঙথোকখি, মসিদা হিমাচল প্রদেশকী তোঙান-তোঙানবা জিলাশিংদগী ওফিসরশিংনা শরুক য়াখি।

       মখা তানা, সি.এস.আই.আর.-আই.ঐচ.বি.তি.না অসাফিতিদা থানবগীদমক ত্রেনিং প্রোগ্রামশিং পাঙথোকখি অমসুং লাহোল, হিমাচল প্রদেশকী মদগ্রান, বীলিং অমসুং কিলোং খুঙ্গংশিংদা রাজ্যগী লৌউশিংউ বিভাগকা পুন্দুনা মরু লল্লোন ইতীক্কী ওইনা পুথোকপা অমসুং লোকপা হৌদোক্নবা দিমোন্সত্রেসন প্লোৎ অমা পাঙথোকখি।

******