হেল্থ অমসুং ফেমিলী ৱেলফিয়রগী য়ুনিয়ন মিনিস্তর দাঃ হর্শ বর্ধন্না খৌরাংনা ঙাইরিবা সোসিএল মীদিয়া ইন্তরেক্তরশিংদা ৬শুবা সন্দে সম্বাদতা পাউখুম কয়া অমা পীখ্রে। নবরাত্রীগী য়াইফ পাউজেল পীরদুনা মহাক্না মহাক্কী তুংইনবাশিংদা প্রধান মন্ত্রীনা লাওরিবা জন অন্দোলন অসিবু ইকাই খুম্নগদবনি অমসুং কোবিদ অসিবু ধর্ম্ম ওইবা মওংদা মসিনা মীহুৎ ওইনা অতোপ্পদা উৎকদবনি হায়খি। মহাক্না অমুক হন্না হায়খি মদুদি মীপুম খুদিংনা ময়ুমদা মখোয়গী নুংশিজরবশিংগা মশাগী চৎনবী মওংদা পাংথোক্কদবনি। “মসিগী কুমহৈগী মতম অসিদা দান তৌবা অসিনা কুমহৈ পাংথোকপদগী হেন্না লুম্না লৌগদবনি। ঐহাক্কী ইশাগী হরাওবা পাকথোকপা অসিসু থম্মোয় শেংনা ঐখোয়গীদমক কোবিদ-১৯বু লান্থেংনরিবা মখোয়গীদমক খন্দুনা পাংথোকপা লেপকদবনি” হায়না য়ুনিয়ন মিনিস্তরনা হায়খি।

দাঃ হর্শ বর্ধন্না হন্দক্তা কেরলাদা কোবিদ-১৯ কেসনা শোকহনখিবা অদুদা মহাক্কী ওইবা মিয়েং পীখি। মহাক্না মদু পল্লদুনা হায়খি মদুদি জানুৱারী ৩০দগী মে ৩ ফাওবদা কেরলাদা কোবিদ-১৯গী কেস ৪৯৯ অমসুং শিখিবনা ২ খক্তা ওইখি, অদুবু মহাক্না য়াম্না নুঙাইতনা হায়খি মদুদি ওনম ফেস্তিবেল অসিদা চেকশিনবা ৱাৎপদগী অমদি স্তেত অসিদা লৈরম্বা অথিংবা কয়া কোমথোরকপা অসিনা দিস্ত্রীক্ত কয়াদা কোবিদ-১৯ শন্দোক্নবগী মচাক ওইখি; “ওনম ফেস্তিবেল অসিনা কেরলা স্তেত অসি মপুং ফানা অহোংবা পুরকখি, নুমিৎ খুদিংগী লাকপা কেস অসি শরুক অনি থোক্না হেনগৎখি”। মিনিস্তরনা হায় মদুদি স্তেত সরকার খুদিংনা পারা অমা তম্বা য়ারে মদুদি ফেস্তিবেল মনুংদা থওইদবা অমসুং চেকশিন্দবনা অসি তৌরোইদবনি।

চাইনানা ৱাকৎলকপগী মতুং ইন্না নোবেল কোরোনাভাইরস অসি মমাং চহিদা লৈবাক ময়াম অমা মতম অমতদা চপ মান্ননা থোক্লকখিবনি, দাঃ হর্শ বর্ধন্না হায়খি মদুদি “হায়রিবা অসিগী প্রমান পীনবা হায়বদি নোবেল কোরোনাভাইরস অসি মফম কয়াদা মতম অমতদা পোক্লপনি হায়বগী চপ চাবা লৈতে”. মহাকনা হায়খি মদুদি চাইনা অসিনা ইহান হানবা রিপোর্ত লৈ হায়বা অসি খংনদুনা লৈরবনি। 

ৱাহং অমগী পাউখুমদা মার্কেত অসিদা ইশিং-ইচাওগুম মেদ ইন চাইনাগী ওক্সিমিতর অসিদা দাঃ হর্শ  বর্ধন্না হায়খি মদুদি “পোৎ লৈবা মীওইনা পোৎ লৈবা মতমদা এফ.দি.এ.না য়ারবা পোত্থোক লোয়ননা আই.এস.ও./আই.ই.সি. য়াওরবা ওক্সিমিতর মার্কেত্তগী ওইগেরা অমসুং ওনলাইনদগী ওইগেরা হায়বা অসি য়েংগদবনি”।   

দাঃ হর্শ বর্ধন্না হায়খি মদুদি হৌজিক্কি ওইনা ইন্দিয়াদা ক্লিনিকেল ত্রাইয়েলগী মখাদা ইন্ত্রানাসেল কোবিদ-১৯ ভেক্সিন লৈত্রি।

অরোইবা থৌদোক্কী ৱাহং অমগী পাওখুম পীরদুনা মহাক্না স্তেতশিংদা কোবিদ-১৯গী ফেজ-২গী গ্রান্তগী মতাংদা হায়খি। মিনিস্তরনা হায়খি মদুদি হেলথ অমসুং ফেমিলি ৱেলফিয়রগী মিনিস্ত্রীনা কোবিদ পেক্কেজগী ফেজ-২ অসি স্তেত অমসুং য়ুনিয়ন তেরিতোরি ৩৩দা হান্ননা থাদোকখ্রে। অনিশুবা পেক্কেজ অসিদা পুন্না লুপা করোর ১৩৫২নি। হৌজিক থাদোরক্লিবা ফেজ-২গী গ্রান্ত অসি ২০২০গী অগস্ত, সেপ্তেম্বর অমসুং ওক্তোবর থাগী মনুং ওইগনি।

দাঃ হর্শ  বর্ধন্না ফোংদোকখি মদুদি মিনিস্ত্রী অসিনা লাইচৎ অসিগী মনুংদা ওনলাইন ইজুকেসন্দা য়াম্না মনিংদা লৈত্রি। ইন্দিয়াদা লৈরিবা মেদিকেল কোলেজশিং অমসুং ইন্সতিত্যুসনশিংনা এম.বি.বি.এস. ছাত্রশিংগীদমক নেস্নেল মোদিকেল কম্মিসন্না অয়াবা পীরবা ওনলাইন ক্লাস পাংথোক্লি। হেলথ অমসুং ফেমিলি ৱেলফিয়রগী মিনিস্ত্রীনা কোবিদ-১৯গী ফিবম অসি য়েংলগা মেদিকেল পোস্ত-গ্রেজুএত ছাত্রশিংগী প্রোফেসনেল ত্রেনিংগীদমক স্তেন্দার্দ ওপরেতিং প্রোসেদ্যুর পীরি।

মহাক্না অয়ুক্কী চা থকপগী নুঙাইবা অদু অমুক হল্লকপগী হরাওবা ফোংদোক্লদুনা থাজবা থমথি মদুদি নোবেল কোরোনাভাইরস অসি পাউচেশিংদা শন্দোকপগী চপ চাবা প্রমান লৈতে হায়বা অসিনি।

ইন্দিয়া পুম্বদা কোবিদ-১৯না শিবগী মশিং খেন্নরকপা অসিগী পাওখুম পীরদুনা, দাঃ হর্শ  বর্ধন্না ফোংদোকখি মদুদি হেলথ অমসুং ফেমিলি ৱেলফিয়রগী মিনিস্ত্রীনা স্তেত অমসুং য়ু.তি.শিংদা কোবিদ-১৯না শিখিবশিংগী অচুম্বা সর্তিফিকেত পীনবা খোঙথাং লৌখৎলি অমসুং মখোয়দা মওং চানা রিপোর্ত পীদুনা ইন্দিয়া কোবিদ-১৯না শিখিবা মশিং চপ চাবা খংহনগদবনি। 

মিনিস্তরনা থাজবা পীখি মদুদি মেদিকেল ওক্সিজেনগী অৱাৎপা অমত্তা লৈতে; হৌজিক ইন্দিয়াগী ওক্সিজেন পুথোকপগী চাং অসি নোংমদা চাওরাক্না মেত্রীক তোন ৬৪০০নি; সরকার অসিনা লাইচৎ অসিনা মরম ওইদুনা হেন্না চংলক্কদবা মতমদা পীননবা শেম-শাদুনা লৈরি; হেলথ মিনিস্ত্রীনা ওক্সিজেন অসিগী ফিবম য়েংশিনদুনা লৈরি। স্তেত অমসুং য়ু.তি.শিংদা মেদিকেল ওক্সিজেন সিলিন্দর ১,০২,৪০০ য়েন্থোকখ্রে; নেস্নেল ফার্মাস্যুতিকেল প্রাইসিং ওথোরিতিনা লিকুইত মেদিকেল ওক্সিজেনগী মমল লেপখ্রে; ‘রেস্নেল য়ুজ ওফ ওক্সিজেন ফোর মেনেজমেন্ত ওফ কোবিদ-১৯’গী ; চৎন কাংলোন পীখ্রে।    

দাঃ হর্শ বর্ধন্না হায়খি মদুদি কোবিদ-১৯গী ইন্ত্রানাসাল ভেক্সিন অসি ইন্দিয়াগী ওইনা ত্রাইএল ওইনা লৈত্রবসু, সেরম ইন্দিয়া অমসুং ভারত বাইওতেক্তনা লাক্লিবা থা খর অসিদা ভেক্সিন অসি পুথোক্লবা য়ানা লৈরি। মহাক্না শেংদোকখি মদুদি ফেজ-৩গী ক্লিনিকেল ত্রাইয়েল অসি লিশিং কয়ানা শরুক য়াগনি, করিগুবদা ৩০,০০০দগীনা ৪০,০০০ ফাওবা শরুক য়াগনি।  

এদভর্স দ্রগ রিএক্সন (এ.দি.আর.)গী অখন্নবা দ্রাইব অমা পল্লদুনা রিপোর্ত পীবা অমসুং মোনিতরিং তৌবদা দাঃ হর্শ  বর্ধন্না ময়েক শেংনা হায়খি মদুদি মসি হান্ননা লৈরম্বা দ্রগ অসিগী  খেন্নবা রিএক্সন অদু নত্তে মসি কোবিদ-১৯গী থৌরম শেম্নবা প্রোএক্তিবকি শরুক অমনি।

সাইন্স অমসুং তেক্নোলোজি অমসুং আর্থ সাইন্সগী য়ুনিয়ন মিনিস্তরনা শন্দোক্না তাক্লি মদুদি মুম্বাই অমসুং চেনাইদা শেমগৎলিবা ইন্তিগ্রেতেৎ ফ্লদ ৱার্নিং সিস্তেমস অসি সিতি-স্পেসিফিক প্রেদিকসন সিস্তেমনি মসিনা কোলকাতা ফাওবা শাংদোক্কনি। আসাম অমসুং বিহারগুম্বা স্তেতশিংগীদমক মখোয়গী তুরেলদা বেজ তৌবা ঈশিং-ইচাও ওইবনা সেন্ত্রেল ৱাতর কম্মিসন্না ঈশিং-ইচাওগী ৱার্নিং অসি আই.এম.দি.গী নোংগী ফোর্কাস্তনা পীগনি। 

২০১৯দা দেহাদুন্দা শঙ্গাখিবা সি.এস.আই.আর.-আই.আই.পি. অমসুং জি.এ.আই.এল.না শেমগৎপা দেমোন্সত্রেসন প্লান্ত অমদা অপদেৎ তৌদুনা  মিনিস্তরনা মীয়ামশিংদা ঙম্বা মখৈ শিজিন্নগনি, মসিনা চাওরাক্না বি.এস.-৬ লিতর ৮০০ দিজল নোংমদা হায়রিবা অসি প্লাস্তিক কে.জি. ১০০০দগী।

মিনিস্তরনা হায় মদুদি চহি ৬ অসিদা, সাইন্স অমসুং তেক্নোলোজি দিপার্তমেন্ত মসিগী মখল কয়াগী স্কীম অসিনা মরুওইনা নুপী সাইন্তিস্ততা পান্দম পীরি, হায়রিবা অসিনা নুপা-নুপীগী রেসিও অসি ফগৎহনগনি। সাইন্স স্কুলদা নুপী মশিং হেনগৎপদা নত্তনা সরকারগী লেবোরেতোরিশিদসু মশিং হেনগৎলক্লি।

ফিবম অসি ফগৎনবা, দি.এস.তি.না এস. অমসুং তি.দা হেন্না য়াওনবা অনৌবা স্কীম কয়া অমা পীরি।

‘সন্দে সামবাদ’ কী ৬শুবা ইপিসোদ অসি য়েংনবা মখাদা পীরিবা লিঙ্ক অসিদা নম্বিয়ু:

ত্বীত্তর: https://twitter.com/drharshvardhan/status/1317730112872226817?s=20

ফেসবুক: https://www.facebook.com/watch/?v=1114364852316144

য়ুত্যুব: https://www.youtube.com/watch?v=OYQw5Q8ISPk

দি.ঐচ.ভি. এপ: http://app.drharshvardhan.com/download

****