দি.এস.তি.গী সেক্রেতরী প্রোফঃ আশুতোশ শর্মনা সাইন্স অমসুং তেক্নোলোজী বিভাগ (দি.এস.তি.)কী সাইন্স ফোর ইক্বিতী ইম্পাৱর্মেন্ত অমসুং দিবেলপমেন্ত এস.ই.ই.দি. দিবিজন্না শিনবা ৱেব ক্লিনিক, সাইন্স-সোসাইতী-সেতু ফোর আত্মানির্ভর ভারত (এস.৩.৪.এন.এন.বি.)কী থৌরমগী মনুংদা ঐখোয়গী খুন্নাইগী তোঙান তোঙানবা শরুক্কা চানবা লৌশিং শেমগৎপগী মতাংদা মিৎয়েং চঙদুনা ৱাফম খরা থমখি।

 “ঐখোয়না করি লৌশিং পুথোক্লিবগে, মসিগী লৌশিং অসিগা করিগা চানবগে, লৌশিং অসিবু পুথোক্কদবা অমসুং শিজিন্নগদবশিং অসিনা কদায়দগী লাক্কনি, মসিগী লৌশিং অসিবু শিজিন্নহন্নবা থবক পাঙথোকপা অমসুং মসিনা খুন্নাইবু মপাঙ্গল কনখৎহন্নবা করিগী খুত্থাংদা খুন্নাইদা য়ৌহনগদগে হায়বগী ময়েক লারবা মমি অমা লৈফম থোকই”, হায়না প্রোফঃ আশুতোশ শর্মনা শগোলশেল নুমিত্তা ৱেব ক্লিনিক সেরিজ অসিবু শঙ্গাবদা ফোঙদোকখি।

ৱাফম অসিবু য়ৌদবশিংদা “ভোকেল ফোর লোকেলগী থৌওং” অসিগী খুত্থাংদা য়ৌহন্দুনা সোসিএল ইনফ্রাস্ত্রকচর অমসুং তেক্নোলোজীনা শাফু পীরিবা ‘আত্মানির্ভর ভারত’কী য়ুম্বী অসিবু হেন্না মপাঙ্গল লৈহন্নবা ৱেব ক্লিনিক অসিগী মখাদা পাঙথোকপা খন্ন-নৈনবগী থৌওং অসি দি.এস.তি.না ইন্দিয়া সাইন্স অমসুং তেক্নোলোজী পোর্তেলগী প্রিন্সিপাল সাইন্তিফিক এদবাইজরগী লোইশঙ, দবল্যু.দবল্যু.এফ. ইন্দিয়া, এ.জি.এন.আই., এফ.আই.সি.সি.আই. অমসুং ঐচ.ই.এস.সি.ও.গা খুৎশম্নদুনা শিনখিবনি। মসিনা চাউরবা সেক্তর মরি, মিং ওইনা পল্ললবদা লৌউ-শিংউবা অমসুং মরী লৈনবা সেক্তরশিং; এম.এস.এম.ই. অমসুং শেন্মিৎলোনগী সেক্তরশিং; সোসিএল ইনফ্রাস্ত্রকচরশিং অমসুং ক্রোস-সেক্তোরেল এরিয়াশিং, কোনগনি।

প্রোফঃ আশুতোশ শর্মনা লৌশিং অসিবু পাইপ্তা চেল্লিবা ঈশিংগা চাংদম্নখি অমসুং এন.জি.ও.শিংগী থৌদাংশিং অসিনা লৌশিং অসিবু মীয়াম্না য়েন্থোক্তুনা খুন্নাইগী তোঙান তোঙানবা শরুকশিংবু মপাঙ্গল লৈহনবগী পান্দমগা লৈবা পাইপলাইন অসিগী শরুক অমনি হায়না হায়খি। লৌশিংবু অরেপ্পা লৈতনা চেলহন্নবগীমক অপিকপা কারবারগী অনৌবা খুদোংচাবশিং, সোসিএল ওন্তোপ্রিনর্শিপ শেম্বা অমসুং সেল্ফ-হেল্প গ্রুপশিংবু মপাঙ্গল কনখৎহনবতা নত্তনা ঐখোয়না মফম খুদিংবু শম্নহনবা তাই।

মহাক্না লৌশিংগী ইকোসীস্তেম অসিবু তুং কোইনা চাউখৎহন্নবা শিনবগী তঙাই ফদবগী মতাংদা মখা তানা মিৎয়েং চঙখি। “লৌশিংগী ইকোসীস্তেম অসিদা মখল অনি য়াওইঃ অনৌবা পুথোকপা নত্ত্রগা লৌশিং শেমগৎপা অমসুং অনৌবা থৌওং পাঙথোকপা নত্ত্রগা লৌশিং অসিবু অনৌবা সোসিও-ইকোনোমিক্কী খুদোংচাবরোমদা ওন্থোকপা অসিনি। তুং কোইনা চৎকদবা লৌশিংগী ইকোসীস্তেম অমা লৈহন্নবা মসিগী মচঙ অনি অসিনা পুন্না চৎমিন্নদুনা মাস্তর ত্রেনর মশিং হেন্না শমগৎপা, খুন্নাই অসিবু মরোমদোম লেপচবা ঙমহন্নবা এন.জি.ও.শিং অমসুং খুন্নাইশিংগী এস. অমসুং তি.গী কেপাসিতীশিং অসি হেন্না ফগৎহনবগী তঙাই ফদবা লৈ”, হায়না মহাক্না ফোঙদোকখি।

প্রোফঃ আশুতোশ শর্মনা আত্মানির্ভরতা  অসিবু মীয়ামগী খুদোংচাদবশিংগী অচুম্বা ৱারোইশিন পুরক্নবা লৌশিংগী পরিংগী অপুনবা পাইপলাইন্নি হায়খি। মসিদা মীয়ামগী মরক্তা ইশানা-ইশাদা থাজবা নত্ত্রগা আত্মাবিশ্বাস; লৈমায়গী থাক্তা থবক তৌরিবা এন.জি.ও.শিং অমসুং এস.ঐচ.জি.শিংনা পাঙথোকপা ঙমগদবা নাৎকী খেৎনবা লৈতনা খুন্নাইগী মীওই খুদিংদা য়ৌবা ঙমহন্নবা আত্মাসম্মান অমসুং ৱেব ক্লিনিক অসিগী মসিগী পরিংগী মনুং চনবগী খুত্থাংদা পাঙথোক্কদবা আত্মাচিন্তনগী থৌওংশিং য়াওরি।

ৱেব ক্লিনিক অসিনা খুন্নাইগী এস. অমসুং তি. লৌশিনবা ঙম্বগী মতিকশিংগী মরক্তা লৈরিবা পথাপ নাইবা অহাঙবা অদুবু মেনশিনবা, লৌশিং লৌশিনবা ঙম্বগী মতিক হেনগৎহনবা অমসুং প্রধান মন্ত্রীনা ‘ভোকেল ফোর লোকেল’ হায়না লাওরিবা খোল্লাওগী মতুং ইন্না এস. অমসুং তি.গী লৌশিংগী লুপশিং য়াওদুনা এন.জি.ও. অমসুং খুন্নাইগী এস. অমসুং তি.গী কেপাসিতী ফগৎহন্দুনা লোকেলগী থাক্তা পুন্সি মহিংগী পথাপ্পু তুং কোইনা চাউখৎহনবগী পান্দম থম্মি হায়না দি.এস.তি., এস.ই.ই.দি.গী মকোক ওইবা দাঃ দেবপ্রিয়া দত্তনা ৱেব ক্লিনিক অসিগী পান্দম্বু শুগায়না তাক্লদুনা হায়খি। বিগ্যান পরাসরগী সাইন্তিস্ত ‘এফ.’, দাঃ কিনকিনি দাসগুপ্তনা খোঙথাং অসিগী মপুং ওইবা পান্দমদি আত্মানির্ভর ভারতকী য়ুম্বী ওইরিবা ‘সোসিএল ইনফ্রাস্ত্রকচর’ অমসুং ‘তেক্নোলোজীনা শাফু পীবা পথাপ’ অসিবু মপাঙ্গল কনখৎহনবনি হায়খি।

অখঙ-অহৈ কয়ানা তোঙান তোঙানবা হীরমগী মতাংদা ৱাফম কয়া অমা নৈনখি। মখোয়শিং অদুদিঃ আই.এম.দি.গী এগ্রোমেৎ দিবিজনগী মকোক, দাঃ কে.কে. সিংহনা এন.জি.ও.শিংগা খুৎশম্নদুনা পাঙথোকপা লৌমীশিংগী ওইবা এগ্রোমেৎ সর্বিস; আই.আই.তি. খরাগপুরগী (কো-ওর্দিনেতর, রুরেল তেক্নোলোজী এক্সন গ্রুপ) প্রোফঃ পি.বি.এস. ভদোরিয়ানা আর.য়ু.তি.এ.জি.দগী লৌবা রুরেল তেক্নোলোজী অমসুং মহালানোবিস নেস্নেল ক্রোপ ফোর্কাস্ত সেন্তর (এম.এন.সি.এফ.সি.)গী দাইরেক্তর, দাঃ এস.এস. রোইনা লৌউ-শিংউদা সেতিলাইৎ রীমোৎ সেন্সিং শিজিন্নবগী মতাংশিংনি। হৌগতলক্লিবা তেক্নোলোজীগী মতাংদা পেনেল দিস্কসন অমসু পাঙথোক্তুনা ঈশিং য়োকশিনবগী আই.ও.তি., এগ্রীকলচর সপ্লাই চেনগীদমক্তা সেতিলাইৎ তেক্নোলোজী শিজিন্নবা অমসুং পীক্না লৌ উবগী ওতোমেসন্নচিংবা তোঙান তোঙানবা তেক্নোলোজী কয়া পুথোকখি।

*****