ਕੇਂਦਰੀ ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਅੱਜ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦੇ ਕਮਾਂਡ ਹਸਪਤਾਲਾਂ ਵਿੱਚੋਂ ਅੱਵਲ ਤੇ ਦੂਜੇ ਨੰਬਰ ਤੇ ਆਉਣ ਵਾਲੇ ਕਮਾਂਡ ਹਸਪਤਾਲਾਂ ਨੂੰ ਰਕਸ਼ਾ ਮੰਤਰੀ ਟਰਾਫੀ ਨਾਲ ਸਨਮਾਨਿਤ ਕੀਤਾ ।  ਕਮਾਂਡ ਹਸਪਤਾਲ (ਹਵਾਈ ਸੈਨਾ) ਬੰਗਲੁਰੂ ਅੱਵਲ ਅਤੇ ਕਮਾਂਡ ਹਸਪਤਾਲ (ਉੱਤਰੀ ਕਮਾਂਡ) ਕੋਲਕਾਤਾ ਸਾਲ 2019 ਲਈ ਵਧੀਆ ਕਮਾਂਡ ਹਸਪਤਾਲ ਐਲਾਨੇ ਗਏ ਹਨ । ਦੋਨਾਂ ਹਸਪਤਾਲਾਂ ਵੱਲੋਂ ਕੀਤੇ ਬੇਹਤਰੀਨ ਕੰਮ ਲਈ ਰਕਸ਼ਾ ਮੰਤਰੀ ਨੇ ਇਹ ਮੰਨਿਆ ਕਿ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਵੱਲੋਂ ਯਾਦਗਾਰ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ , ਜਿਸ  ਵਿੱਚ ਆਪ੍ਰੇਸ਼ਨ ਲਈ ਤਾਇਨਾਤ ਫੌਜੀ ਟੁਕੜੀਆਂ ਦੀ ਮੈਡੀਕਲ ਸਹਾਇਤਾ ਤੋਂ ਲੈ ਕੇ ਮਿੱਡ ਜ਼ੋਨਲ , ਜ਼ੋਨਲ ਅਤੇ ਟੈਰੀਟੇਰੀ ਕੇਅਰ ਹਸਪਤਾਲਾਂ ਵਿੱਚ ਅਤਿ ਆਧੁਨਿਕ ਸਿਹਤ ਸਹੂਲਤਾਂ ਦੇਣਾ ਸ਼ਾਮਲ ਹੈ ।

ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦੇ ਡਾਇਰੈਕਟਰ ਜਨਰਲ ਲੈਫਟੀਨੈਂਟ ਜਨਰਲ ਅਨੂਪ ਬੈਨਰਜੀ ਨੇ ਇਸ ਮੌਕੇ ਤੇ ਬੋਲਦਿਆਂ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਵੱਲੋਂ ਦੋਨਾਂ ਸਮਿਆਂ — ਆਪ੍ਰੇਸ਼ਨ ਅਤੇ ਅਮਨ ਅਮਾਨ ਦੌਰਾਨ ਮੈਡੀਕਲ ਸਹਿਯੋਗ ਮੁਹੱਈਆ ਕਰਨ ਦੇ ਨਾਲ ਨਾਲ ਮਨੁੱਖੀ ਪੱਧਰ ਤੇ ਸਹਿਯੋਗ ਅਤੇ ਆਪਦਾ ਰਾਹਤ ਮੁਹੱਈਆ ਕਰਨ  ਲਈ ਹਮੇਸ਼ਾ ਤਿਆਰ—ਬਰ—ਤਿਆਰ ਰਹਿਣ ਤੇ ਜ਼ੋਰ ਦਿੱਤਾ । ਉਹਨਾਂ ਨੇ ਦੁਹਰਾਇਆ ਕਿ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਸਾਰੇ ਸਮੇਂ ਪ੍ਰੋਫੈਸ਼ਨਲ ਐਕਸੇਲੈਂਸ ਲਈ ਵਚਨਬੱਧ ਹੈ ।

ਰਕਸ਼ਾ ਮੰਤਰੀ ਟਰਾਫੀ ਦੀ ਸ਼ੁਰੂਆਤ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦੇ ਕਮਾਂਡ ਹਸਪਤਾਲਾਂ ਵੱਲੋਂ ਬੇਹਤਰੀਨ ਸਿਹਤ ਸਹੂਲਤਾਂ ਦੇ ਲਈ ਮਾਨਤਾ ਵਜੋਂ 1989 ਵਿੱਚ ਸ਼ੁਰੂ ਕੀਤੀ ਗਈ ਸੀ । ਇਸ ਦਾ ਮਕਸਦ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦੇ ਕਮਾਂਡ ਹਸਪਤਾਲਾਂ ਵਿੱਚ ਸਿਹਤਮੰਦ ਮੁਕਾਬਲਾ ਕਰਵਾਉਣਾ ਵੀ ਹੈ । ਲੈਫਟੀਨੈਂਟ ਜਨਰਲ ਰੈਂਕ ਦਾ ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸਿਜ਼ ਦਾ ਅਧਿਕਾਰੀ ਹਸਪਤਾਲਾਂ ਦੇ ਦੌਰਿਆਂ ਦੌਰਾਨ ਇਸ ਟਰਾਫੀ ਲਈ ਚੋਣ ਕਮੇਟੀ ਦੀ ਅਗਵਾਈ ਕਰਦਾ ਹੈ ਅਤੇ ਇੱਕ ਵਿਆਪਕ ਚੋਣ ਪ੍ਰਕਿਰਿਆ ਜੋ ਨਿਰਪੱਖ ਕਾਰਗੁਜ਼ਾਰੀ ਦੇ ਸੰਕੇਤਾਂ ਦੇ ਮੁਲਾਂਕਣ  ਤੋਂ ਬਾਅਦ ਹਰ ਸਾਲ ਪੁਰਸਕਾਰਾਂ ਦੀ ਸਿਫ਼ਾਰਸ਼ ਕਰਦਾ ਹੈ । ਪੁਰਸਕਾਰ ਸਮਾਗਮ ਵਿੱਚ ਰੱਖਿਆ ਸਕੱਤਰ ਡਾਕਟਰ ਅਜੇ ਕੁਮਾਰ ਤੋਂ ਇਲਾਵਾ ਸੀਨੀਅਰ ਸਰਵਿਸ ਅਤੇ ਸਿਵਲੀਅਨ ਉੱਚ ਅਧਿਕਾਰੀ ਵੀ ਸ਼ਾਮਲ ਹੋਏ ।

ਏ ਬੀ ਬੀ / ਐੱਨ ਏ ਐੱਮ ਪੀ ਆਈ / ਕੇ ਏ / ਰਾਜੀਬ